Jn 15:2 - Meta’

² Məd wɨə sopə rɨtəb jìm te nɨ yeʼ ənɨ ə num, nɨ yeʼ te nɨ chəi tɨə kɔ rɨtam. Məd wɨə bə̀ kwə̀ŋgɨ̀ rɨtəb jìm te nɨə kɔ rɨtam ɨmbə̀ʼ tɨ kɔ nɔʼrɨ.

Ikan feg

² Wì ya sɔ̀pɔ̀ tìtab te ne igun inum, ne chəyi te ko titam. Àsi tìtab te ne ko titam, wì ya sèpè ni ghì gha te taŋ ko.

Jn 15:2 Marejeleo ya Msalaba

Matìyò 13:12

Əton nɨ mɨə ghàm əmbɨ mɨ̀mə̌d ənɨ ɨnû mɨgɨ yɨ ɨmbə̀ʼ ɨghəm nɨ wə̀d we nɨ berɨ ɨghɨ, mbɨ bɨrɨ naʼ mbɨ cherə ɨ bɔ, wɨ̀ sɨ berɨ mbɨ nɔʼ. Àyɨə we nɨ chəi wɨ̀ berɨ əghɨ, ka àbei ɨkə we nɨ wɨ̀ berɨ mbɨ bɨrɨ nɨŋ rɨ bɔ.

Matìyò 13:33

Yeso nyaʼa ghà ənû ə mɨgɨ ə cherə əmbɨ mɨ̀mə̌d ni, “Ənû ɨfɔ̀n rɨkaŋ yɨ ɨghabɨ ɨfuʼ we nɨə ghɨ̀ ni ŋgə̀ŋ kɔʼ, nɨ əyi nyaʼa nɨŋ tɔpɨ mbɨ əburɨ ə ŋgə̀ŋ ɨŋga ɨkaŋ kyeŋ tad pè ənɨ ŋgə̀ŋ ze nyaʼa kɔʼɔ.”

Matìyò 15:13

Wɨ̀ nyaʼa wììrɨ̀ ni, “Mbɨ bɨrɨ chɔʼrɨ ɨghɨjìm mbe nɨ chəi mɨ Mbǎʼ rɨkaŋ konɨ.

Matìyò 21:19

Wɨ̀ nyaʼa zə əzed ə fîg ɨban ɨnə̂njɨ̀, əne wɨ̀ nyaʼa wo nèŋ àyɨə chəi wɨ̀ nyaʼa zə fɨtam ɨkaŋ. Wɨ̀ nyaʼa zə àmei rɨfuʼ wən. Əne wɨ̀ nyaʼa ghà əmbɨ əzed ze ni, “Chəi à bɨrɨ wɨrɨ nɔ kɔ fɨtam.” Àmei əwu əwən, əzed ze ə nyaʼa zom i.

Matìyò 25:29

ɨmbə̀ʼ ɨghəm nɨ wə̀d jìm we nɨ berɨ ɨghɨ, mbɨ bɨrɨ naʼ mbɨ cherə ɨ bɔ, wɨ̀ sɨ berɨ mbɨ nɔʼ chè. Àyɨə we nɨ chəi wɨ̀ berɨ ɨghɨ, ka àbei ɨkə we nɨ wɨ̀ berɨ, mbɨ bɨrɨ nɨŋ rɨ bɔ.

Matìyò 3:10

Ka àbei rɨ̀nîn, Ŋwìə̀ fə boŋ jam ɨban ɨghaŋ ɨzed. Əne wɨ̀ bɨrɨ wad ɨzed jìm mbe nɨ chəi mbɨ kɔ rɨtam chɔ̀m màʼ ɨŋga ɨwid.

Matìyò 3:12

Əsɔ twi rɨ̀kwè fə sɨ i ɨkye əbɔ məd nɨ kyeŋ ɨjɔd rəbɔʼ kywɨ̀. Wɨ̀ mɨ kyèŋ, wɨ̀ bɨrɨ fetɨ ti kywɨ̀ chà ɨŋga ŋgə̌n, sɨ tɔ̀n ɨjɔd ɨŋga ɨwid rɨ nìmə.”

Matìyò 7:19

Mbɨ bɨrɨ wad əzed ze nɨ chəi zɨə kɔ rɨtam chɔ̀m màʼ ɨŋga ɨwid.

Mk 4:20

Bə̂d mɔʼɔ yɨ ɨghabɨ ɨghɨ ŋgwèd mbe nɨ mbɨ nyaʼa ŋwi ɨgun ə si chɔ̀m. Mbɨ zu ɨŋgam we, benɨ əne kɔ rɨtam. Mbɨ mɔʼɔ kɔ rɨtam ɨwum ɨtad, mbɨ mɔʼɔ ɨwum rɨ̀fuə, mbɨ mɔʼɔ ɨkɨ fibɨ̀.”

Lk 8:13

Ɨghɨ mbe nɨ nyaʼa feŋ ɨgun ɨwɔ̌ yɨə bə̂d mbe nɨ ənɨ mbɨ fə zu ɨŋgam we, mbɨ nɨŋ ənɨ ɨghaʼi. Àyɨə chəi wɨ nyɨ ɨŋga fîŋ tɨ mɨ̀mə̌d. Ɨ mbɨə ben ɨŋgam we ənɨ ɨkə nyùmə̀, àyɨə ənumbɨ ə mɨ yeʼe, mbɨ chɨ̀ tə fîŋ tɨ ənɨ ənû ze nɨ mbɨ benɨ.

Jn 15:1

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Mɔ̌ yɨ əzed ə vaìn rəsìʼ. Mɨ Mbǎʼ yɨə wə̀d we nɨə nəŋgɨə mbeŋ vaìn.

Jn 15:16

Kaʼi mbə̀nə nyaʼa chɔʼ əmɨ. À yɨə mɔ̌ nyaʼa chɔʼ əwən tom ni mbə̀ wo kɔ rɨtam, nɨ yeʼ rɨtam te nɨ bɨrɨ ten i koŋ. Mbə mɨ ghɨ̀ əne, Mbǎʼ bɨrɨ naʼ əghɨ ə mɔʼɔ ze nɨ mbə̀ biirɨ ɨ bɔ ənɨ mɨ ɨkum.

Jn 15:3

Ɨŋgam we nɨ mə fə gha ɨ nən fə ghɨ̀ mbə zeŋ.

Jn 15:6

Wə̀d mɔʼɔ we nɨ chəi wɨ̀ chub ənɨ ənû ə mɔʼ mbɨ num, mbɨ sob əməd waʼ ɨchî nɨ mbɨə waʼ fɨtəb zobɨ. Bə̂d bɨrɨ fetɨ rɨtəb zobɨ te màʼ ɨŋga ɨwid tɔ̀n.

Jn 15:8

Ənû ze nɨ bɨrɨ nàʼ ɨwumnɨ əmbɨ mɨ Mbǎʼ yɨ ni mbə̀ kɔ rɨtam nɔnɔʼ. Əze ə bɨrɨ chwi ni mbə̀ yɨ mbɨ mə̀mə̀ə̀nɨ̀-ɨnû.

Jn 17:12

Ənɨ mə nyaʼa mbɨ mɨ̀mə̌d, mə wɨə nyaʼə nəŋgɨ mɨ̀mə̌d ni tɨ əghɨ ə mɔʼɔ ə ghɨ i mɨ̀mə̌d. Mə wɨə nyaʼə ghɨ̀ əne ənɨ ɨka we nɨ nyaʼa yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Mə wɨə nyaʼə nəŋgɨ mɨ̀mə̌d, əne chəi wɨ mɔʼɔ rəbɔʼ mɨ̀mə̌d nyaʼa nimɨ kɨrɨ ənɨ we nɨ nyaʼa berɨ nim. Wɨ̀ nyaʼa nim ɨmbə̀ʼ ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ.

Rm 11:17

Mbɨ nyaʼa sopɨ rɨtəb mɔʼɔ rɨ ənɨ əzed olìf chɔ̀m, əne nɨŋ ɨghə rɨ ənɨ əzed ə olìf bǔʼ wò ban ənɨ əzed ə olìf chɔ̀m ze, ɨmbə̀ʼ wɨ sɔ mɨnib rɨ ənɨ əghaŋ əzed ə olìf chɔ̀m. Mbə̀n bə̂d nɨ kaʼi mɨ̀Jû yɨ ɨghabɨ ɨghə rɨ ənɨ əzed ə olìf bǔʼ nɨ mbɨ nɨŋ ban ənɨ əzed ə olìf chɔ̀m.

Rm 11:22

Mbə̀ zə ɨchî nɨ Ŋwìə̀ ə ghɨ̀ ɨ̀chɔ̀m bə̀ tɔə. Ɨ wɨə tɔ əmbɨ ə bə̂d mbe nɨə gù ənû, àyɨə ɨ wɨə ghɨ̀ ɨ̀chɔ̀m ənɨ ə nən, əne mbə̀ chub àmei ɨŋga ɨ̀chɔ̀m məd. Mbə mɨ ton ghɨ ə əne, wɨ̀ bɨrɨ bɨ sob əwən waʼ.

Rm 8:28

Tɨ̀ kyerɨ ni ənɨ ɨnû jìm, Ŋwìə̀ wɨə fàʼə̀ ni bə̂d mbe nɨ ghaʼ əməd zə ɨ̀chɔ̀m, əne yɨə bə̂d mbe nɨ wɨ̀ nyaʼa tɔŋ ni mbɨ yeʼ mbɨ bə̂d ɨchî nɨ wɨ̀ nyaʼa fə nuŋɨ.

1 Kɔrèn 13:1

Mə mɨ yeʼə ghàm ənɨ mɨŋgam bə̂d mɨ̀sɔŋɨchù kɨ̀ ənɨ ɨŋgam mbɨ̀aŋgɨrə̀, àyɨə chəi mə̀ ghaʼ bə̂d, mə yɨ ɨghabɨ mɨ̀kakaŋ nɨə ja ɨsɨ, kɨ̀ ɨghabɨ ə ŋgòŋ nɨ mbɨə buʼə.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 12:15

Mbə̀ zə ni tɨ wə̀d mɔʼɔ sam i ɨ̀chɔ̀m we nɨ Ŋwiə̀ ə ghɨ̀ə̀, bə̀ zə ni tɨ wə̀d mɔʼɔ yeʼi ɨghabɨ ɨghaŋ nɨə nywɨ̀ə̀ nɨə kwiə ghɨ̀ə̀ ni bə̂d mɨ̀nɔnɔʼ zə ŋgəʼ mbɨ ɨniʼ we nɨə jwɨ̀ rəŋgu.

1 Jɔn 2:19

Bə̂d pə̀n mbɔ̂ yɨ rəkaʼ na, àyɨə chə nyaʼa i mɨ̀mə̌d ɨŋga a ɨfɔtɨ. À kɨ nɨ mbɨ nyaʼa rɨŋga a ɨfɔtɨ, njɨ mbɨ nyaʼa chubɨ mbɨ na. Àyɨə mbɨ nyaʼa jwɨ̀ ɨmbə̀ʼ zɨə zeŋ ni chə nyaʼa i mɨ̀mə̌d ɨŋga a ɨfɔtɨ.

Ɨnû 3:19

Mə wɨə ghàm əbɔʼ bə̂d mbe nɨ mə ghaʼi. Mə wɨə bə̀ chəə mbe nɨ mə ghaʼi. Əne, zə ni à zɨ ətu nɨ nòm, bə̀ zə ni à bèŋ e fîŋ.