Jn 14:12 - Meta’

¹² Mə ghà rəsìʼ ɨ nən ni wə̀d we nɨ ben ɨnû mbe nɨ mɨə ghàə̀ bɨrɨ bɨ ghɨ ɨnû mbe nɨ mɨə ghɨ̀ə̀. Məd bɨrɨ ghɨ ɨnû nɨ che mbɔ̂, ɨmbə̀ʼ ɨghəm nɨ mə wɨə wò əsɨ Mbǎʼ.

Ikan feg

¹² Mə gha tesiʼ inən gha, “Wə̀d ne nɔŋi ibḛfiŋ igun inum, tengàŋ biri fàʼ inug mbe ne mə fàʼà. Tengàŋ biri fàʼ iyeti inug ne chè mbo̰ imbə̀ʼ icheg ne mə̀ ya anìŋ ghò abə ìmə Mbaʼ.

Jn 14:12 Marejeleo ya Msalaba

Matìyò 21:21

Yeso nyaʼa wììrɨ̀ əmbɨ mɨ̀mə̌d ni, “Mə ghà rəsìʼ ɨ nən ni, mbə mɨ berɨ ɨbenɨ nɨ chəi mbə̀ə bìrə̀, njɨ chəi mbə bɨrɨ ghɨ àmei ənû zɔ̂ nɨ mə̀ ghɨ ənɨ əzed ə fîg. Mbə mbe tɨ̀ mbə bə̀ ghà əmbɨ ɨwum wɔ̂ ni, 'Mən e wò feŋ ɨŋga rɨ̀bàà', wɨ bə̀ ghɨ̀ əne.

Mk 11:13

Wɨ̀ nyaʼa təm zə əzed ə fîg əsa əgha nɨ nyaʼa mbɨ rɨfuʼ ɨkaŋ. Wɨ̀ nyaʼa zə əne tindɨ wò ɨban ɨ zə ni tə wa bɨrɨ zə əghɨ ə mɔʼɔ ɨkaŋ ə. Ənɨ wɨ̀ nyaʼa pe əton əzed ze, wɨ̀ nyaʼa zə àmei rɨfuʼ, ɨmbə̀ʼ ɨghəm nɨ ka nyùmə̀ we yɨə nyaʼa i nyùmə̀ nɨ mɨ̀fîg ə kɔə.

Mk 16:17

Bə̂d mbe nɨ benɨ bɨrɨ ghɨ ɨnweenɨ-ɨnû mbɔ̂: mbɨ bɨrɨ chɨ ɨzwî rɨbɔ̀ŋ rɨŋga bə̂d ənɨ mɨ ɨkum; mbɨ bɨrɨ gham mɨŋgam rɨsɔ̀ʼɔ̀;

Jn 14:28

Mbə fə zu ənɨ mə ghà ɨ nən ni, 'Mə wɨə wòə̀, àyɨə mə bɨrɨ wɨrɨ yeʼe əsɨ nən.' À kɨ ənɨ mbə nyaʼa kaŋ ghaʼ əmɨ, njɨ mbə bɨrɨ ghaʼ ni mə wɨə wò əsɨ Mbǎʼ, ɨmbə̀ʼ ɨghəm nɨ Mbǎʼ ə chè əmɨ.

Jn 16:7

Mə ghà rəsìʼ ɨ nən ni zɨə kàŋ bɔ̀ŋ ni mə̀ wo ə, ɨmbə̀ʼ ɨghəm nɨ mə mɨ rɨka wo əmɨ, njɨ chəi Ə̀wèèrɨ̀-bə̂d we bɨrɨ yeʼe ɨ nən. Mə mɨ wò, mə bɨrɨ cha əməd ɨ nən.

Jn 4:37

Ɨŋgam wɔ̂ yɨ wɨ rəsìʼ ni, 'Wə̀d fibɨ̀ bɨrɨ kon, wɨ cherə kwə̀ŋ.'

Jn 5:20

Wɨ̀ bɨrɨ ghɨ̀ ɨmbə̀ʼ ɨghəm nɨ Mbǎʼ ə ghaʼ i Wan, əne ɨ wɨə chwi ɨnû jìm mbe nɨ wɨə ghɨ̀ ɨ bɔ. Wɨ̀ bɨrɨ chwi ɨnû kyeŋ ɨ bɔ nɨ che mbɔ̂, əne mbə bɨrɨ yiirɨ.

Jn 7:33

Yeso nyaʼa ghà əmbɨ mɨ̀mə̌d ni, “Mə bɨrɨ kɨrɨ chubɨ mbɨ nən ɨkə nyùmə̀. Ənɨ ə nyùmə̀ we fə che, mə bɨrɨ bəndɨ wò əsɨ məd we nɨ nyaʼa tom əmɨ.

Jn 7:39

Yeso nyaʼa ghà ənû zɔ̂ bə̀ ghà ɨmbə̀ʼ Əzwî ə Ŋwiə̀ ze nɨ nyaʼa berɨ nyɨ ɨgun ə bə̂d mbe nɨ nyaʼa ben əməd. Ɨ pe ənɨ ə nyùmə̀ we, chəi Ŋwìə̀ nyaʼa kɨrɨ cha e Əzwî ɨgwɨ ə bə̂d, ɨmbə̀ʼ ɨghəm nɨ chəi wɨ̀ nyaʼa kɨrɨ naʼ ɨwumnɨ we nɨ yeʼ wɨ Yeso ɨ bɔ.

Ɨ̀fàʼì 10:46

ɨmbə̀ʼ ɨghəm nɨ mbɨ nyaʼa zu ənɨ mbɨ nyaʼə ghàm mɨŋgam ɨbeŋ cherə, bə̀ fɔrɨ ənɨ mbɨ nyaʼə yiirɨə ə Ŋwiə̀. Pità nyaʼa ghà ni,

Ɨ̀fàʼì 16:18

Ɨ wɨə nyaʼə ghɨ̀ ənû zɔ̂ ɨni nɔnɔʼ. Əne Pɔ̂l nyaʼa sə ɨtəm, bèŋ ghà əmbɨ əzwî rɨbɔ̀ŋ ze ni, “Mə ghà ɨ ne ənɨ ɨkum Yeso Kristo ni à jwɨ rɨŋga wan əyi wɔ̂.” Əzwî rɨbɔ̀ŋ ze ə nyaʼa jwɨ̀ àmei əwu əwən.

Ɨ̀fàʼì 19:12

Əne bə̂d mbɨə nyaʼə nɨŋ ɨghɨ ngywɨ̌ mbe nɨ mbɨə fuə mɨnimə bə̀ nɨŋə ɨkubɨ ngywɨ̌ te nɨ bə̂d ə tìŋə̀ fàʼə̀ mbɨ rɨwən, nɨ nyaʼa kweʼ betɨ ɨnyod Pɔ̂l, wò əsɨ bə̂d əwɔn mbɨ rɨwən. Ɨwɔn mɨ̀mə̌d nyaʼa bɔtɨ. Ɨzwî rɨbɔ̀ŋ nyaʼa bə̀ jwɨ̀ rɨŋga bə̂d mbe nɨ ɨzwî rɨbɔ̀ŋ nyaʼa ɨŋga mɨ̀mə̌d.

Ɨ̀fàʼì 2:33

Ŋwìə̀ fə nɔ̀ əməd ɨkaŋ, wɨ̀ chub əbɔ ə jɨgɨ əməd. Wɨ̀ fə bə̀ nɨŋ Əzwî ə Zeŋɨ ze nɨ Mbǎʼ məd nyaʼa kaʼi ni tə bɨrɨ naʼ ɨ nən. Əghɨ zɔ̂ nɨ mbə̀ə zəə bə̀ zuə yɨ Əzwî ə Zeŋɨ ze nɨ wɨ̀ cha ɨgwɨ na.

Ɨ̀fàʼì 2:41

Bə̂d mbe nɨ nyaʼa zu ɨŋgam məd benɨ, nyaʼa nɨŋ mɨnib. Bə̂d mbe nɨ nyaʼa yì əbɔʼ bə̂d Kristo əni ze yɨə nyaʼa ɨghabɨ ə chuʼ rɨtad.

Ɨ̀fàʼì 4:16

ni, “Tɨ̀ kɨə wò ghɨ ye mbɨ ə mbaŋə̀ tɔ̂ ə? Wə̀d jìm ə Jèrusalèm fə kyerɨ ni mbɨ fə ghɨ̀ ənû ə yiirɨ ə kyeŋ, nɨ chəi ənɨ tɨ̀ rɨ̀ ton.

Ɨ̀fàʼì 4:33

Bə̂d tom Kristo mbe mbɨə nyaʼə ghà ɨmbə̀ʼ ɨchî nɨ Ə̀nùŋɨ̀sɨg Yeso nyaʼa zwemə. Ɨ mbɨə nyaʼə ghà əne ənɨ ɨnə̂njɨ̀ nɨ kaanɨ. Ɨ̀chɔ̀m Ŋwiə̀ wɨə nyaʼa ɨgwɨ mɨ̀mə̌d mɨjìm.

Ɨ̀fàʼì 4:4

Àyɨə bə̂d mɨ̀nɔnɔʼ rəbɔʼ mbe nɨ nyaʼa zu ɨŋgam Ŋwiə̀ we, nyaʼa ben ə Kristo. Ɨnun mbaŋə̀ nyaʼa pè ɨghabɨ ə chuʼ rɨtân.

Ɨ̀fàʼì 5:15

Ɨnû yiirɨ mbe nɨ bə̂d tom Kristo nyaʼə ghɨ̀ə̀, nyaʼa ghɨ̀ ni bə̂d beʼ mbə bə̂d əwɔn wò nùŋ ɨgun mɨkon fɔrɨ ɨgun mɨmatə̀ ɨban ɨnə̂njɨ̀, ɨmbə̀ʼ ənɨ Pità ə chèə̀, əzîŋ əməd ə ze tɨ̀ zɨə chè ɨgwɨ mbɨ mɔʼɔ, vɨ̀ mɨ̀mə̌d.

Ɨ̀fàʼì 6:7

Ɨŋgam Ŋwiə̀ wɨə nyaʼə jàŋə̀ wò ɨmbì. Ɨnun bə̂d mbe nɨ nyaʼa ben ə Kristo ə Jèrusalèm wɨə nyaʼə bə̀ nɔʼrɨə wò ɨmbì ənɨ ə bid. Bə̂d mbàn Ŋwìə̀ nɔnɔʼ nyaʼa bə̀ ben ə Kristo.

Ɨ̀fàʼì 8:7

Ɨzwî rɨbɔ̀ŋ nyaʼa jwɨ̀ rɨŋga bə̂d mɨ̀nɔnɔʼ. Mbɨ nyaʼə jwɨ̀ə̀ kyeŋə rɨ̀kǎ. Ɨbuʼrɨ bə̂d nɔnɔʼ mbɨ ə bə̂d nɨ nyaʼa tèʼ ɨwu nyaʼa bɔtɨ.

Ɨ̀fàʼì 9:34

Pità nyaʼa ghà ɨ bɔ ni, “Eniàs, Yeso Kristo fə vɨ əwe. Nɔʼ rətiə tekɨ e baʼ.” Eniàs nyaʼa nɔ̀ʼ àmei əwu əwən.

Ɨ̀fàʼì 9:40

Pità nyaʼa chà mɨ̀mə̌d mɨjìm ɨsɨg, chìndɨ̀ ɨtu ɨnywɨ ə si, kɔ̀ŋgɨ̀ ə Ŋwiə̀, bèŋ nèŋ əvɨ ze ghà ni, “Tabità, nɔʼ rətiə!” Wɨ̀ nyaʼa fìʼ e əghə. Ənɨ wɨ̀ nyaʼa zə ə Pità, wɨ̀ nyaʼa nɔ̀ʼ chubɨ.

Rm 15:19

ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.