Jn 13:5 - Meta’

⁵ Wɨ̀ nyaʼa ghɨ̀ əne, zɨ̀ mɨnib ɨŋga əkaŋ ə kyeŋ kɔ so ɨwu mə̀mə̀ə̀nɨ̀-ɨnû mbe bə̀ fu ənɨ ə tawòrə̀ we nɨ wɨ̀ nyaʼa kod ənɨ i ɨkyerɨ.

Ikan feg

⁵ Wì ya ghì ane, si niŋ mənib inga akaŋ ne mbe so nyɔd, se sò ighog ìmbi mə̀mə̀nənùg. Wì yaya sò fùghə ane tawè we ne wì ya kɔri ane ìkyèri.

Jn 13:5 Marejeleo ya Msalaba

Lk 7:38

Wɨ̀ nyaʼa pè təm ənjìm ə Yeso ɨban ɨwu ɨməd, kɔ chweŋ mɨsɨ zù ɨwu məd əŋgu bə̀ fu ənɨ ti nyôŋ rɨ ətu. Wɨ̀ nyaʼa sɔɔrɨ ɨwu mbe bə̀ zɔʼ ənɨ mɨwud mbe.

Lk 7:44

Ənɨ wɨ̀ nyaʼa ghà əne, wɨ̀ nyaʼa beŋ nèŋ əyi we, ghà əmbɨ Saimòn ni, “À zə əyi wɔ̂ ə? Mə nyɨ ɨŋga e nəb chəi à naʼ mɨnib ni mə̀ so mbɨ ɨwu əŋgu, àyɨə əyi wɔ̂ fə zù mbɨ ɨwu ənɨ mbi mɨsɨ bə̀ fu ənɨ ti nyôŋ rɨ ətu.

Jn 13:10

Yeso nyaʼa wììrɨ̀ ɨ bɔ ni, “Chəi wə̀d we nɨ fə so i ɨnyod jìm berɨ wɨrɨ so ɨnyod kɨrɨ ənɨ wɨ̀ sɨ so àmei mbi ɨwu, ɨmbə̀ʼ ɨghəm nɨ ɨnyod məd jìm fə zeŋ i. Mbə zeŋ, àyɨə kaʼi mbə̀n mɨjìm zeŋɨ.”

Jn 13:6

Wɨ̀ nyaʼa sò əne wò pè ənɨ Saimon Pità, àyɨə Pità nyaʼa biirɨ ɨ bɔ ni, “Ə̀nùŋɨ̀sɨg, à kɨə kàŋ kəb so mbɨ ɨwu ə?”

Jn 13:8

Pità nyaʼa ghà ɨ bɔ ni, “Chəi à bɨrɨ nɔ so mbɨ ɨwu!” Yeso nyaʼa wììrɨ̀ ɨ bɔ ni, “À mɨ yeʼ nɨ chəi mə̀ so mbe ɨwu, njɨ kyerɨ ni chəi à berɨ ənû ə mɔʼɔ nɨ ghɨ mbɨ num.”

Jn 19:34

Àyɨə sɔgyɨ̀ fibɨ̀ nyaʼa zum ɨban ɨbeŋ məd ənɨ i ɨwɔŋ. Àmei əwu əwən, ənəm mbɨ mɨnib nyaʼa jwɨ̀ rəŋgu.

Ɨ̀fàʼì 22:16

Əne tɨ̀nîn à kɨə wòm ə ye ə? Nɔʼ rətiə, nɨŋ mɨnib, kɔ̀ŋgɨ̀ Ə̀nùŋɨ̀sɨg ɨmbə̀ʼ wɨ̀ so mbe ɨnû rɨbɔ̀ŋ.'

1 Kɔrèn 6:11

Bə̂d mɔʼɔ rəbɔʼ nən mbɨə nyaʼə ghɨ̀ ɨnû mbɔ̂. Àyɨə Ə̀nùŋɨ̀sɨg Yeso Kristo mbɨ Əzwî à Ŋwiə̀ fə sò əwən bə̀ zeŋnɨ əwən, ghɨ̀ mbə təm kùʼnɨ̀.

Efesùs 5:26

ɨmbə̀ʼ ɨfetɨ we chub ɨzeŋɨ zeŋɨ ɨchî nɨ wɨ̀ nyaʼa so ənɨ mɨnib bə̀ sò ənɨ ɨŋgam Ŋwiə̀.

1 Timotì 5:10

Bə̂d berɨ kyerɨ əməd ɨmbə̀ʼ ɨnû chɔ̀m mbe nɨ wɨə ghɨ̀ə̀, ɨghabɨ ɨchî nɨ wɨə nìə̀ bɔn ɨchî chɔ̀m, ɨchî nɨ wɨə nɨŋə bə̂d əkwɨ ni, ɨchî nɨ wɨə sò ɨwu bə̂d Ŋwiə̀ ɨchî nɨ wɨə weerɨ bə̂d mbe nɨ yeʼ ə ŋgəʼ mbɨ ɨchî nɨ wɨə nàʼ i ɨnyod nɨ ghɨ ɨnû chɔ̀m ənɨ tɨkwɨrɨ ɨnə̂njɨ̀ jìm.

Mə̀Hibrù 10:22

Əne tɨ̀ tindɨ ɨban ə Ŋwiə̀ mbɨ ə fîŋ jìm bə̀ nùŋ ta rɨkɔndɨ jìm àmei ɨgwɨ məd. Tɨ̀ ghɨ̀ əne mbɨ ə fîŋ nɨ mbɨ fə zeŋnɨ tɨ ənɨ tɨkɔndɨ rɨbɔ̀ŋ. Tɨ̀ bə̀ ghɨ̀ əne ənɨ ə nyamnyod nɨ mbɨ so ənɨ mɨnib nɨ zeŋɨ.

1 Jɔn 1:7

Tɨ̀ mɨ yeʼ ɨŋga ɨzeŋɨ zeŋɨ, ɨchî nɨ məd ziə bə yeʼ ɨŋga ɨzeŋɨ zeŋɨ, njɨ tɨ̀ wɨ ənɨ ɨfɔtɨ mbǎ mbǎ, əne ənəm ə Yeso, Wan məd, ə zɨə sò mba ɨnû rɨbɔ̀ŋ jìm.

1 Jɔn 5:6

Ənɨ Yeso Kristo nyaʼa yeʼe, wɨ̀ nyaʼa chwiə ni tə yɨə Wan Ŋwìə̀ ɨchî nɨ wɨ̀ nyaʼa nɨŋ mɨnib mbɨ ɨchî nɨ wɨ̀ nyaʼa chəmnɨ e ənəm əzed ə baʼnɨ. Chəi wɨ̀ nyaʼa nɨŋ àmei mɨnib, wɨ̀ nyaʼa nɨŋ mɨnib bə̀ chəmnɨ e ənəm. Əzwî ziə ə zɨə ghàə̀ ni ənû zɔ̂ yɨ ənû rəsìʼ, ɨmbə̀ʼ ɨghəm nɨ à yɨə Ŋwìə̀ ə nàʼ Əzwî rəsìʼ.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Ɨnû 7:14

Mə nyaʼa wììrɨ̀ ɨ bɔ ni, “Chəi mə̀ kyerɨ, kyɨə masà. Àwɔ̀ ə kyerɨ.” Wɨ̀ nyaʼa ghà ɨ num ni, “Mbɔ̂ yɨə bə̂d mbe nɨ fə chè ɨŋga ŋgəʼ ze nɨ chè əbɔ, àyɨə chəi mbɨ kwɨ. Mbɨ fə sò tə ngywɨ̌ ɨŋga ənəm ə Wan njɨ̀g tɨ sɨə fuə.