Jn 12:5 - Meta’

⁵ “Əton nɨ chəi mbɨ kəʼ fèn mɨwud mbɔ̂ ənɨ mɨ̀fraŋ chuʼ əkɨ ətad nàʼ ɨkab we əmbɨ ə bə̂d ɨkwaŋ kɨ ɨmbə̀ʼ ə ye ə?”

Ikan feg

⁵ “Aton ne chəyi mbi kə fḛ məwud mbe ane chuʼ ka aki atad, nàʼ ikab angu abə bəd ne chəyi àzɔb àkə gha?” Ikab we ya yaʼ icheg ikab àfàʼì wə̀d ane fituʼ fìbì.

Jn 12:5 Marejeleo ya Msalaba

Matìyò 18:28

“Àyɨə ənɨ wə̀d ə̀fàʼì we nyaʼa jwɨ̌, wɨ̀ nyaʼa kɔɔrɨ wə̀d ə̀fàʼì cherə nɨ nyaʼa yim əməd chuʼ ɨkɨ fibɨ̀. Əne wɨ̀ nyaʼa chè əməd ənɨ ədɔʼ yimɨ, ghà ni, 'Wi mɨ ɨkab we nɨ à yimɨ.'

Matìyò 20:2

Ənɨ wɨ̀ nyaʼa fə tekɨ mbɨ bə̂d ə̀fàʼì mbe ni tə bɨrɨ chwɨ mɨ̀mə̌d ɨkab ə̀fàʼì əni ə fibɨ̀, wɨ̀ nyaʼa chà mɨ̀mə̌d ɨŋga mbeŋ ze.

Lk 12:33

Mbə̀ fendɨ mbə ɨghɨ, nàʼ ɨkab we əmbɨ ə bə̂d ɨkwaŋ. Mbə berɨ tɨtagɨ nɨ ka tɨ bɨrɨ nun i. Mbə̀ bə̀ nùŋ ə mbɔ̂n ɨkaŋ əsɨ ze nɨ chəi zɨ̀ bɨrɨ mì, nɨ chəi ənɨ tɨ̀ ɨjɨ tindɨ ɨban bə̀ fɔrɨ ənɨ chəi ənɨ tɨ̀ ɨsəʼɨ chə̀kɨ̀.

Lk 18:22

Ənɨ Yeso nyaʼa zu ənû zɔ̂, wɨ̀ nyaʼa ghà ɨ bɔ ni, “À kɨrɨ kwaŋ əghɨ ə mɔʼɔ. Ndə̀ wo fèndɨ̀ ɨghɨjìm mbe nɨ à berɨ, ghàpɨ̀ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

Lk 6:41

“Əton nɨ àwɔ̀ ə zə əchəb əghɨ ze nɨ yeʼ ɨŋga ɨghə we aŋgɔb, àyɨə chəi àwɔ̀ zə əkwirɨ ɨwəŋ ze nɨ yeʼ ɨŋga e ɨghə kɨ ɨmbə̀ʼ ə ye ə?

Jn 12:4

Ənɨ wɨ̀ nyaʼə zɔʼ əne, Judàs Iskàriɔ̀t nɨ nyaʼə wɨ mɔʼɔ rəbɔʼ mə̀mə̀ə̀nɨ̀-ɨnû Yeso, nɨ à yɨə məd nyaʼa wo fen ə Yeso, nyaʼa ghà ni,

Jn 12:6

Wɨ̀ nyaʼa ghà ənû zɔ̂ kaʼi ɨmbə̀ʼ ɨghəm nɨ wɨ̀ nyaʼa zɨ ətu nɨ nəŋgɨ bə̂d ɨkwaŋ. Wɨ̀ nyaʼa ghà ɨmbə̀ʼ ɨghəm nɨ məd yɨə nyaʼə ɨjɨ, fɔrɨ ni ɨchî nɨ ə̀bàm ɨkab ə nyaʼa ɨ bɔ, wɨ̀ nyaʼə mɨ̀ə̀ chɨ̀ ɨkab rəbɔʼ we nɨ mbɨ nyaʼa zɨ ɨŋga ə̀bàm ze ghɨ̀ mbi ɨnû əŋgu.

Jn 13:29

Mbɨ mɔʼɔ nyaʼa kɔndɨ ni ɨchî nɨ à yɨə Judàs nyaʼə yim ə̀bàm ɨkab, Yeso wɨə nyaʼə ghà ɨ bɔ yeʼ ni wɨ̀ zon ɨghɨ mbe nɨ mbɨ bɨrɨ jɨg əchwɨ̂ ze əŋgu, kɨ ni wɨ̀ naʼ əghɨ ə mɔʼɔ əmbɨ ə bə̂d ɨkwaŋ.

Jn 6:7

Filip nyaʼa wììrɨ̀ ɨ bɔ ni, “Ka mɨ̀fraŋ chuʼ əkɨ əbe bɨrɨ kuʼ i nɨ zon ŋgə̀ŋ nɨ tɨ̀ wə̀d mɔʼ mɔʼ rəbɔʼ bə̂d mbɔ̂ jɨg ka àbei ɨkə rɨpiî.”