Jn 11:19 - Meta’

¹⁹ Mɨ̀Jû nɔnɔʼ nyaʼa nɔ̀ʼ rɨ ə Jèrusalèm wò əsɨ Màta mbɨ Mèri ɨ nəərɨ mɨ̀mə̌d ɨmbə̀ʼ ɨchî nɨ nobɨ mɨ̀mə̌d nyaʼa kwɨ.

Ikan feg

¹⁹ Mə̀Ju nɔʼ nɔʼ ya nɔ̀ʼ a Jèrusalèm ghò ni ghàm abə Màta tì Mèri bə̀ nə̀ri ìtɔb fìŋ icheg ne ìzɔb nɔbi ku.

Jn 11:19 Marejeleo ya Msalaba

Lk 10:39

Màta we nyaʼa berɨ wi aŋgɔb mɔʼɔ nɨ ɨkum məd nyaʼə Mèri. Mèri we nyaʼa chub ɨban ɨwu Ə̀nùŋɨ̀sɨg zwetɨ ənû mbe nɨ wɨ̀ nyaʼə chwiə,

Lk 10:42

Əghɨ nɨ mbɨə kə̀bə̀ mei ze ə mɔʼ. Mèri fə chɨ̀ əba ə chɔ̀m ni chəi mbɨ bɨrɨ nɨŋ rɨ bɔ.”

Jn 1:19

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa chà bə̂d mbàn Ŋwìə̀ mbɨ ə bə̂d mɔʼɔ rɨŋga ɨnəbɨ Levì nɨ nyaʼa rɨ ə Jèrusalèm ni mbɨ biirɨ əmbɨ Jɔ̌n ni, “Àwɔ̀ kɨə we ə?”

Jn 11:1

Mbaŋə̀ mɔʼɔ nɨ ɨkum məd nyaʼə Lazarɔ̀s nyaʼə wɔ̀nə̀. Wɨ̀ nyaʼə chub ə Betanì mbɨ ti njàbɨ nɨ tɨkum tɨ mɨ̀mə̌d nyaʼə Mèri mbɨ Màta.

Jn 11:31

Ənɨ mɨ̀Jû mbe nɨ nyaʼa ɨŋga nəb mbɨ Mèri, nəərɨ əməd, nyaʼa zə ɨchî nɨ wɨ̀ nyaʼa gad əwu əwən nɔ̀ʼ rətiə jwɨ̀ ɨsɨg, mbɨ nyaʼa beenɨ əbɔʼ məd. Mbɨ nyaʼa kɔndɨ ni ɨ wɨə wò di ətu ɨsì.

Jn 11:33

Ənɨ Yeso nyaʼa zə ɨchî nɨ wɨ̀ nyaʼə dìə̀, bə̀ zə ɨchî nɨ mɨ̀Jû mbe nɨ nyaʼa mbɨ məd nyaʼa bə̀ dìə̀, ənû ze ə nyaʼa betɨ əməd bə̀ tɔb əməd kwàʼ rɨŋgəʼ.

Jn 11:36

Mɨ̀Jû mbe nyaʼa zə əne ghà ni, “Mbə̀ zə ɨchî nɨ wɨ̀ nyaʼa kaŋ ghaʼ əməd!”

Jn 11:45

Mɨ̀Jû nɔnɔʼ rəbɔʼ mbe nɨ nyaʼa wo chwi ɨfě əmbɨ Mèri nyaʼa zə ənû ze nɨ Yeso nyaʼa ghɨ̌, əne mbɨ nyaʼa ben əməd.

Jn 11:8

Mə̀mə̀ə̀nɨ̀-ɨnû mbe nyaʼa gha ɨ bɔ ni, “Əchwiə̀-ɨnû, chəi əgha ə kɨrɨ sa nɨ mɨ̀Jû nyaʼə kə̀b tumbɨ əwe ənɨ əti, əne à wɨə kɨrɨ kəb wo əŋgu ə?”

Rm 12:15

Mbə̀ ghaʼrɨ mbɨ ə bə̂d mbe nɨə ghaʼə, bə̀ zə̀ʼ mbɨ mbe nɨə zə̀ʼə̀.

2 Kɔrèn 1:4

Məd wɨə nəərɨ əwa ənɨ mɨ̀nyùmə̀ jìm mbe nɨ tɨ̀ yeʼ əŋgəʼ, ɨmbə̀ʼ mbǎ mbe tɨ̀ rɨ bə̀ nəərɨ bə̂d mbe nɨ yeʼ ɨŋga tɨkwɨrɨ ŋgəʼ jìm. Tɨ̀ nəərɨ mɨ̀mə̌d ɨchî nɨ Ŋwìə̀ ə bə̀ nəərɨ əwa.

1 Tèsàlonikà 4:18

Əne mbə nəərɨ wə̀d mɔʼ mɔʼ mbɨ ɨŋgam wɔ̂.

1 Tèsàlonikà 5:11

Əne mbə̀ timbɨ mbə bɔŋgɔb, ghɨ̀ ni ɨbenɨ wə̀d mɔʼ mɔʼ təm kàànɨ. Mbə̀ ghɨ əne àmei ɨchî nɨ mbə̀ə ghɨ̀ rɨ̀nîn.