Jn 10:6 - Meta’

⁶ Yeso nyaʼa ghà ənû ə mɨgɨ zɔ̂ əmbɨ mɨ̀mə̌d, àyɨə chəi ɨtu mɨ̀mə̌d nyaʼa zeŋ ɨmbə̀ʼ ənû ze nɨ wɨ̀ nyaʼə ghàə̀.

Ikan feg

⁶ Yeso ya ghàm ìngam məgri gho̰ inɔb, si ya gha, chəyi ìmbɔb itog ya zḛ ane anug ne wì yaya ghà inɔb.

Jn 10:6 Marejeleo ya Msalaba

Matìyò 13:34

Yeso nyaʼa ghà ɨnû mbɔ̂ jìm əmbɨ mɨnɔ̂n bə̂d mbe ənɨ ɨnû mɨgɨ. Chəi ənû ə mɔʼɔ nɨ wɨ̀ nyaʼa ghǎ nɨ chəi wɨ̀ nyaʼa zɨ ənû ə mɨgɨ əbɔʼ.

Matìyò 13:51

Yeso nyaʼa biirɨ ni, “Mbə fə zu ɨnû mbɔ̂ jìm mbə ɨtu zeŋ ə?” Mbɨ nyaʼa wììrɨ̀ ni, “Ee.”

Mk 4:34

Chəi wɨ̀ nyaʼa gha ənû ə mɔʼɔ əmbɨ ə bə̂d nɨ chəi wɨ̀ zɨ ənû ə mɨgɨ əbɔʼ. Àyɨə ənɨ wɨ̀ nyaʼa chub i tə̀zìʼ wi mbɨ mbi mə̀mə̀ə̀nɨ̀-ɨnû, wɨ̀ nyaʼa tòʼrɨ̀ ɨnû jìm əmbɨ mɨ̀mə̌d.

Jn 16:25

Yeso nyaʼa wo ɨmbì gha əmbɨ mɨ̀mə̌d ni, “Mə fə ghà ɨnû mbɔ̂ ɨ nən ənɨ ɨŋgam maʼi. Mbə̀ kyerɨ ni nyùmə̀ wɨə yeʼe nɨ chəi mə̀ bɨrɨ wɨrɨ ghàm ɨ nən ənɨ ɨŋgam maʼi. Mə bɨrɨ gham ɨ nən əsaŋ əsaŋ ɨmbə̀ʼ ə Mbǎʼ.

Jn 16:29

Mə̀mə̀ə̀nɨ̀-ɨnû ɨməd nyaʼa ghà ɨ bɔ ni, “Tɨ̀nîn à wɨə sɨə ghàm əsaŋ əsaŋ, kaʼi ənɨ ɨŋgam maʼi!

Jn 6:52

Ənɨ mɨ̀Jû mbe nyaʼa zu ənû zɔ̂, mbɨ nyaʼa kɔ taŋ mbənə mbənə ghàə̀ ni, “Mbaŋə̀ zɔ̂ kɨə wo che rɨ ye nàʼ i nyamnyod ɨ na ni tɨ̀ kud ə?”

Jn 6:60

Ənɨ mə̀mə̀ə̀nɨ̀-ɨnû Yeso nɔnɔʼ nyaʼa zu ənû zɔ̂, mbɨ nyaʼa ghà ni, “Ɨŋgam wɔ̂ ə kaŋ kà. À kɨə we nɨ tɨ̀ wɨ̀ ben ə?”

Jn 7:36

Wɨ̀ kɨə ghàə̀ ni ye ənɨ wɨ̀ gha ni, 'Mbə bɨrɨ kəb əmɨ, àyɨə chəi mbə bɨrɨ zə əmɨ ə?' fɔrɨ ni, 'Chəi ənɨ tɨ̀ mbə yeʼe əsɨ ze nɨ mə̀ yeʼ əŋgu ə'?”

Jn 8:27

Chəi ɨtu mɨ̀mə̌d nyaʼa zeŋɨ ni ɨ wɨə nyaʼə ghà ɨ nən ɨmbə̀ʼ i Mbǎʼ.

Jn 8:43

Chəi mbə ɨtu kɨrɨ zeŋ ɨmbə̀ʼ ɨnû mbe nɨ mɨə ghà ɨmbə̀ʼ ə yè ə? À yɨ ɨmbə̀ʼ ɨghəm nɨ chəi ɨnû mbe kɨrɨ nyɨ ɨŋga mbə ɨtu.

1 Kɔrèn 2:14

Ka wə̀d we nɨ chəi Əzwî ə Ŋwiə̀ ɨŋga məd we tɨ wɨ̀ ben ɨnû rəsìʼ mbe nɨ Əzwî ə Ŋwìə̀ ə nàʼə̀, ɨmbə̀ʼ ɨghəm nɨ mbɨ yɨ ənû əneŋ ɨ bɔ. Chəi ənɨ tɨ̀ wɨ̀ kyerɨ ɨnû mbe ɨmbə̀ʼ ɨghəm nɨ àmei Əzwî ə Ŋwiə̀ ze tɨ̀ zɨə ghɨ̀ ni wɨ̀ kyerɨ.

2 Pità 2:22

Ənû ze nɨ nyaʼa ghɨ̀ ənɨ mɨ̀mə̌d ə chwiə ni ɨŋgam maʼi mbɔ̂ be fə jwɨ̀ ənɨ rəsìʼ. Mɨŋgam rəŋgu yɨ ni, “Bu mɨ zèŋ, zɨ̀ wɨrɨ bèŋ wò jɨg mbi mɨzeŋ,” mbɨ ni, “Mbɨ mɨ fə sò ə kuŋə, wɨ̀ bɨrɨ wɨrɨ bə̀ndɨ̀ wò biŋgɨ ɨŋga rɨchaʼ.”

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.