Jn 1:19 - Meta’

¹⁹ Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa chà bə̂d mbàn Ŋwìə̀ mbɨ ə bə̂d mɔʼɔ rɨŋga ɨnəbɨ Levì nɨ nyaʼa rɨ ə Jèrusalèm ni mbɨ biirɨ əmbɨ Jɔ̌n ni, “Àwɔ̀ kɨə we ə?”

Ikan feg

¹⁹ Aneg mɔ̀ʼɔ, itog bəd mə̀Ju ne ya nɔ̀ʼi a Jèrusalèm ya chà bəd mbàn Ŋwiye tì bəd mɔ̀ʼɔ inga inəbi Levì gha mbe gho bìri abə Jɔn gha, “Àghò kə we?”

Jn 1:19 Marejeleo ya Msalaba

Jn 1:7

Jɔ̌n nyaʼa yeʼe ɨghabɨ zərɨmbin ɨ gha ɨnû ɨmbə̀ʼ ɨzeŋɨ zeŋɨ we. Ɨ wɨə nyaʼə ghà əne ɨmbə̀ʼ bə̂d mɨjìm mbe tɨ̀ mbɨ zu benɨ.

Jn 10:24

Mɨ̀Jû nyaʼa wò fetɨ kad əməd biirɨ ɨ bɔ ni, “À kɨə wo nuŋ əwa ənɨ ə̀bìrɨ̀ ənɨ əgha nɨ sa rɨ ye ə? Àwɔ̀ mɨ yeʼ Wə̀d we nɨ Ŋwìə̀ zɔʼɔ, kaŋ ghà ɨ na əsaŋ əsaŋ.”

Jn 10:31

Mɨ̀Jû nyaʼa wɨrɨ gwe əti ɨmbə̀ʼ tumbɨ əməd.

Jn 11:19

Mɨ̀Jû nɔnɔʼ nyaʼa nɔ̀ʼ rɨ ə Jèrusalèm wò əsɨ Màta mbɨ Mèri ɨ nəərɨ mɨ̀mə̌d ɨmbə̀ʼ ɨchî nɨ nobɨ mɨ̀mə̌d nyaʼa kwɨ.

Jn 2:18

Ənɨ wɨ̀ nyaʼa ghɨ̀ əne, bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa biirɨ ɨ bɔ ni, “Ənû ə yiirɨ ze nɨ tɨ̀ à ghɨ̀ ɨ chwi ɨ na ni à berɨ ɨka nɨ ghɨ ənû zɔ̂ kɨ əzi ə?”

Jn 2:20

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa biirɨ ɨ bɔ ni, “Mbɨ nyaʼa nɨŋ ɨghəm ɨwu ɨwum kwè chɔ̀b rɨ̀fuə bɔŋ maanɨ mbàn Ŋwìə̀ zɔ̂, əne à bɨrɨ nɨŋ ɨni tad kod ə?”

Jn 5:10

Əne bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa biirɨ əmbɨ ə mbaŋə̀ ze nɨ Yeso nyaʼa vɨ əməd ni, “Tə̀chɔ̀ŋ yɨ əni əkwɨ, əne chəi ta rɨkə chwi ni à beʼ e matə̀ ɨgwɨ əni zɔ̂.”

Jn 5:15

Mbaŋə̀ ze nyaʼa nɔ̀ʼ wò i, pè ghà əmbɨ ə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû ni à yɨə Yeso kə̀ʼ vɨ əwi.

Jn 5:16

Mbɨ nyaʼa zu əne kɔ nwendɨ tɨkyerɨ-ɨwu Yeso, ɨmbə̀ʼ ɨghəm nɨ wɨ̀ nyaʼa vɨ wə̀d əni əkwɨ.

Jn 5:18

Ɨŋgam wɔ̂ nɨ Yeso nyaʼa ghamɨ nyaʼa ghɨ̀ ni bə̂d mbe nɨ nyaʼə tekɨ ɨnû ɨŋga əbeŋ mɨ̀Jû kɔ kə̀b ɨnə̂njɨ̀ nɨ zwiirɨ əməd. Chəi mbɨ nyaʼa kəb zwiirɨ əməd àmei ɨmbə̀ʼ ɨchî nɨ wɨ̀ nyaʼa gu ɨkə əni əkwɨ, mbɨ nyaʼa bə̀ kə̀b zwiirɨ əməd ɨmbə̀ʼ ɨghəm nɨ ɨ wɨə nyaʼə gha ni Ŋwìə̀ yɨ i Mbǎʼ, əne wɨ̀ nyaʼa kə̀b chwi ni tə wɨ əndəŋ əndəŋ mbɨ ə Ŋwiə̀.

Jn 6:41

Ənɨ Yeso nyaʼa gha əne, mɨ̀Jû mbe nyaʼa kɔ dumbɨ ɨmbə̀ʼ əməd, ɨmbə̀ʼ ɨghəm nɨ wɨ̀ nyaʼa gha ni, “Mɔ̌ yɨə ŋgə̀ŋ ze nɨ nyaʼa swiʼi rɨkaŋ.”

Jn 6:52

Ənɨ mɨ̀Jû mbe nyaʼa zu ənû zɔ̂, mbɨ nyaʼa kɔ taŋ mbənə mbənə ghàə̀ ni, “Mbaŋə̀ zɔ̂ kɨə wo che rɨ ye nàʼ i nyamnyod ɨ na ni tɨ̀ kud ə?”

Jn 7:1

Ənɨ ənû ze ə nyaʼa fə che i, Yeso nyaʼa ghanə yèn ɨŋga ɨsɨ mbe rɨ ə Galiliî. Chəi wɨ̀ nyaʼa ghaʼ nɨ yèn ɨŋga ɨsɨ mbe rɨ ə Jùdeyà ɨmbə̀ʼ ɨghəm nɨ bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼə kə̀b zwiirɨ əməd.

Jn 7:11

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼə ghanə kə̀b əməd ənɨ əchwɨ̂ ze, əne ɨ mbɨə nyaʼə biirɨə əmbɨ ə bə̂d ni, “Mbə̀ wa zə ə Yeso əgha ə?”

Jn 7:15

Ənû ze ə nyaʼa chè bə̂d mbe nɨ nyaʼə tekɨ ɨnû ɨŋga əbeŋ mɨ̀Jû, əne mbɨ nyaʼa biirɨ ni, “Mbaŋə̀ zɔ̂ ə chè rɨ ye kyerɨ ɨnû əni, nɨ chəi wɨ̀ kweʼ kwembɨ ə̀ŋwàʼnɨ̀ ə?”

Jn 8:22

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà ni, “Wɨ̀ wa bɨrɨ zwiirɨ i ɨnyod ɨchî nɨ wɨ̀ gha ni, 'Chəi ənɨ tɨ̀ mbə yeʼe əsɨ ze nɨ mɨə wò əŋgu ə'?”

Jn 8:48

Bə̂d mbe nyaʼa biirɨ əmbɨ Yeso ni, “Tɨ̀ rɨ wa kùʼ a nɨ gha ni àwɔ̀ yɨ rɨ ə Sàmàriyà fɔrɨ ni əzwî rɨbɔ̀ŋ ə zɨ ɨŋga nè ə?”

Jn 8:52

Bə̂d mbe nyaʼa ghà ɨ bɔ ni, “Tɨ̀ fə kàŋ kyerɨ tɨ̀nîn ni əzwî rɨbɔ̀ŋ ə zɨ ɨŋga ne. Abràham nyaʼa kwɨ, bə̂d ɨ̀kə̀n Ŋwiə̀ nyaʼa bə̀ kwɨ, àyɨə à wɨə ghàə̀ ni, ka wə̀d we nɨə ghɨ̀ ɨnû mbe nɨ àwɔ̀ ə ghàə̀ bɨrɨ nɔ kwɨ i.

Jn 8:57

Bə̂d mbe nyaʼa ghà ɨ bɔ ni, “Chəi à kɨrɨ pe ɨghəm ɨwu ɨwum tân, əne à fə zə ə Abràham ə?”

Ɨ̀fàʼì 13:25

Ənɨ Jɔ̌n nyaʼə sɨə wò maanɨ ə̀fàʼì ze nɨ Ŋwìə̀ nyaʼa cha əməd ni wɨ̀ yeʼe fàʼ, wɨ̀ nyaʼa ghà ni, 'Mbə kɔn əzən ni mɔ̌ yɨə we ə? Ka mɔ̌ yɨ əmɨ wə̀d we nɨ mbə̀ə wòmə̀. Chə̂, àyɨə mbə̀ zə ni wə̀d mɔʼɔ wɨə yeʼe ənɨ mɨ njìm, nɨ chəi mə̀ kuʼ nɨ chɨ ɨtabɨ tɨ ənɨ ɨwu ɨməd.'

Ɨ̀fàʼì 19:4

Pɔ̂l nyaʼa ghà ni, “Jɔ̌n wɨə nyaʼə nàʼ mɨnib ghàə̀ ni bə̂d beŋ tə fîŋ nɨŋ mɨnib. Ɨ wɨə nyaʼa bə̀ ghà əmbɨ ə bə̂d ni mbɨ ben wə̀d we nɨ bɨrɨ yeʼe ənɨ i njìm, əne yɨ wɨ̀ nyaʼə ghà ə Yeso.”

1 Jɔn 1:5

Ɨkə̂n we nɨ tɨ̀ nyaʼa zu rɨ əmbɨ ə Wan Ŋwìə̀, nɨ tɨə bə̀ ghà ɨ nən yɨ ni, Ŋwiə̀ yɨ ɨzeŋɨ zeŋɨ, fɔrɨ ni chəi ɨsɨ firɨ berɨ ənû ə mɔʼɔ nɨ ghɨ̀ mbɨ məd.