Jn 1:12 - Meta’

¹² Àyɨə mbɨ mɔʼɔ nyaʼa nɨŋ əməd bə̀ ben ɨnû mbe nɨ wɨ̀ nyaʼə ghàə̀, əne wɨ̀ nyaʼa nàʼ ɨka əmbɨ mɨ̀mə̌d mɨjìm ni mbɨ yeʼ bɔn Ŋwiə̀.

Ikan feg

¹² Àsi bəd məjìm mbe ne ya niŋi aməd bə̀ nɔ̀ŋì ìwɔb ibḛfiŋ igun məd, wì ya nàʼ ati inɔb gha mbe si yaʼ bɔn Ŋwiye.

Jn 1:12 Marejeleo ya Msalaba

Matìyò 10:40

“Wə̀d mɔʼɔ we nɨ nɨŋ əwən, fə bə̀ nɨŋ əmɨ. Wə̀d mɔʼɔ we nɨ nɨŋ əmɨ, fə bə̀ nɨŋ wə̀d we nɨ nyaʼa tom əmɨ.

Matìyò 12:21

Ɨbeŋ jìm bɨrɨ nuŋ tə rɨkɔndɨ ɨgwɨ məd.”

Matìyò 18:5

Wə̀d mɔʼɔ we nɨ nɨŋ wan kwa mɔʼɔ ɨghabɨ wɔ̂ ənɨ mɨ ɨkum, fə bə̀ nɨŋ əmɨ.

Jn 1:11

Wɨ̀ nyaʼa wò ɨŋga e əbeŋ, àyɨə chəi bə̂d məd nyaʼa nɨŋ əməd.

Jn 1:7

Jɔ̌n nyaʼa yeʼe ɨghabɨ zərɨmbin ɨ gha ɨnû ɨmbə̀ʼ ɨzeŋɨ zeŋɨ we. Ɨ wɨə nyaʼə ghà əne ɨmbə̀ʼ bə̂d mɨjìm mbe tɨ̀ mbɨ zu benɨ.

Jn 11:52

Chəi wɨ̀ bɨrɨ kwɨ àmei ɨgwɨ ətu mɨ̀mə̌d, wɨ̀ berɨ bɨ kwɨ ɨmbə̀ʼ fɔtɨ bɔn Ŋwiə̀ mɨ̀jìm mbe nɨ jaŋ ɨŋga ɨsɨg.

Jn 2:23

Ənɨ Yeso nyaʼa ə Jèrusalèm ənɨ nyùmə̀ we mbɨ nyaʼə jɨg Əchwɨ̂ ə Che-ɨgun, bə̂d mɨ̀nɔnɔʼ nyaʼa ben əməd ɨmbə̀ʼ ɨghəm nɨ mbɨ nyaʼa zə ɨnû yiirɨ mbe nɨ wɨ̀ nyaʼə ghɨ̀ə̀.

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Jn 3:18

Chəi Ŋwìə̀ ə zɨ̀ ɨsaʼi ɨgwɨ ə bə̂d mbe nɨ ben əməd. Wɨ̀ fə zɨ̀ yeʼ ɨgwɨ mbe nɨ chəi mbɨ ben əməd, ɨmbə̀ʼ ɨghəm nɨ chəi mbɨ ben Wan Ŋwìə̀ we mɔʼ.

Ɨ̀fàʼì 3:16

À yɨ ɨbenɨ ənɨ Yeso ghɨ ni mbaŋə̀ zɔ̂ nɨ mbə̀ə zəə bə̀ kàŋ kyerɨ təm kàànɨ̀. À yɨ ɨbenɨ we nɨ tɨ̀ berɨ ənjìm ə Yeso we ghɨ̀ ni mbaŋə̀ zɔ̂ bɔtɨ i ɨfě nən mbə̀n mɨjìm.

Rm 8:14

Bə̂d mɨjìm mbe nɨ Əzwî ə Ŋwiə̀ ə tùmbɨ̀ə̀ yɨə bɔn Ŋwiə̀.

Rm 8:16

Əzwî ziə fə fɔtɨ mbɨ mba ɨzwî ghà ni tɨ̀ yɨə bɔn Ŋwiə̀.

Rm 8:19

Ɨghɨjìm mbe nɨ Ŋwìə̀ tekɨ mbɨə kàŋə̀ wòmə̀ ni wɨ̀ chwi bɔn mbe nɨ yeʼ mbɨ məd,

Gàlesìyà 3:26

Mbə̀n mɨjìm yɨə bɔn Ŋwiə̀ ənjìm ɨchî nɨ mbə̀ nuŋ fîŋ ɨgun ə Kristo Yeso.

Gàlesìyà 4:6

Ɨchî nɨ mbə̀ yeʼ bɔn, Ŋwìə̀ fə chà Əzwî ə Wan məd ɨŋga ta fîŋ. Əzwî ze ə zɨə kyeŋə ghàə̀ ni, “Mbǎʼ, mɨ Mbǎʼ!”

Kòlosè 2:6

Ɨchî nɨ mbə̀ fə ben ni Kristo Yeso yɨ Ə̀nùŋɨ̀sɨg, əne mbə̀ wo ɨmbì chub ənɨ ənû ə mɔʼ mbɨ məd.

2 Pità 1:4

Wɨ̀ nyaʼa chè ənjìm ɨka we naʼ mɨneʼe mbe nɨ wɨ̀ nyaʼa kaʼ ni tə bɨrɨ naʼ ɨ na, nɨ chəi ənɨ tɨ̀ wə̀d taŋ ɨnun. Wɨ̀ nyaʼa ghɨ̀ əne ɨmbə̀ʼ ənjìm mɨneʼe mbɔ̂, mbə mbe tɨ̀ mbə nòd ɨnû rɨbɔ̀ŋ mbe nɨ bə̂d rɨŋga ɨsɨg ə feenɨə, sɨ bèŋ yeʼ ɨghabɨ ə Ŋwiə̀.

1 Jɔn 3:1

Mbə̀ zə ɨchî nɨ Mbǎʼ ghaʼ əwa chè əbɔ. Əze ə fə ghɨ̀ wɨ̀ tɔŋ əwa ni tɨ̀ yɨ mbi bɔn. Tɨ̀ yɨə kàŋ mbɨwən. Əton nɨ chəi ɨsɨg kyerɨ əwa yɨ ni chəi wɨ̀ nyaʼa be kyerɨ əməd.

1 Jɔn 3:10

Ɨchî nɨ tɨ̀ rɨ̀ kyerɨ bə̂d mbe nɨ yeʼ bɔn Ŋwiə̀ mbɨ mbe nɨ yeʼ bɔn Debɨ̀rə̀ yɨ ni: Kaʼ wə̀d we nɨ chəi wɨə ghɨ̀ ɨnû nɨ kuʼnɨ, kɨ̀ we nɨ chəi wɨ̀ ghaʼ wi aŋgɔb yɨ i wə̀d Ŋwìə̀.

1 Jɔn 3:2

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ yɨə bɔn Ŋwiə̀ tɨ̀nîn. Chəi zɨə kɨrɨ zeŋ ni tɨ̀ kɨə wò yeʼ rɨ ye ənɨ ə Kristo wɨrɨ yeʼe. Ənû nɨ tɨ̀ kyerɨ yɨ ni tɨ̀ bɨrɨ yeʼ ɨghabɨ əməd, ɨmbə̀ʼ ɨghəm nɨ tɨ̀ bɨrɨ zə əməd ɨchî nɨ wɨ̀ yeʼ ə.

1 Jɔn 3:23

Ɨkə we nɨ Ŋwìə̀ naʼ ɨ na yɨ ni tɨ ben Wan məd Yeso Kristo bə̀ ghaʼ mba bɔŋgɔb. Tɨ̀ ghɨ əne àmei ɨchî nɨ Kristo nyaʼa fə gha ɨ na.