Ɨ̀fàʼì 6:5 - Meta’

⁵ Ənû ze nɨ mbɨ nyaʼa ghǎ ə nyaʼa bɔ̀ŋ əmbɨ ɨnɔ̂n bə̂d we ɨjìm. Əne mbɨ nyaʼa chɔʼ ə Stɨfɨ̀n nɨ ɨbenɨ məd nyaʼa kaanɨ, Əzwî ə Zeŋɨ ə bə̀ swi ɨŋga məd. Mbɨ nyaʼa bə̀ chɔʼ ə Filip mbɨ Prokorùs mbɨ Nìkano mbɨ Timòn mbɨ Pàmenàs mbɨ Nikolaùs nɨ nyaʼə rɨ ə Antiɔ̀k, nɨ nyaʼa fə beŋ i fîŋ ben ənû ə Ŋwiə̀ mɨ̀Jû.

Ikan feg

⁵ Anug azo̰ ne mbi ya gha ya bɔ̀ŋ abə inɔ̰ bəd we ijìm. Ane, mbi ya chɔʼ Stifə̀n ne ibḛfiŋ məd ya taŋ kà. Azwighi Ŋwiye ya bə̀ sweg inga məd. Mbi ya bə̀ chɔʼ Filip tì Prokorùs tì Nìkanò tì Timòn tì Pàmenà fɔrɔ Nikolàs we a Antìyɔ̀g ne ya bḛ anug Ŋwiye mə̀Ju.

Ɨ̀fàʼì 6:5 Marejeleo ya Msalaba

Matìyò 23:15

“Ŋgəʼ kyeŋ bɨrɨ nyɨ ɨgwɨ nən mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə baanɨ rɨ̀bàà bə̀ yèn ɨbeŋ jìm ɨmbə̀ʼ beŋ wə̀d mɔʼ ni wɨ̀ ben ənû ə Ŋwiə̀. Ənɨ wɨ̀ benɨ, mbə ghɨ̀ wɨ̀ kùʼ nɨ nyɨ ɨŋga əsɨ ɨchə chè əwən ɨghəm be.

Ɨ̀fàʼì 11:19

Mə̀saʼ əbeŋ nyaʼa zwiirɨ ə Stɨfɨ̀n, əne kɔ nwendɨ tɨkyerɨ-ɨwu bə̂d mbe nɨ nyaʼa ben ə Kristo. Bə̂d mbe nɨ nyaʼa ben ə Kristo nyaʼa jàŋ wò ə Fonesià, wò ə Saiprùs bə̀ wò ə Antiɔ̀k. Ənɨ mbɨ nyaʼə wòə̀, ɨ mbɨə nyaʼə yènə̀ ghà ɨŋgam Ŋwiə̀ àmei əmbɨ mɨ̀Jû.

Ɨ̀fàʼì 11:20

Àyɨə bə̂d cherə nɨ nyaʼa rɨ ə Saiprùs bə̀ fɔrɨ rɨ ə Sìrin, nyaʼa wò ə Antiɔ̀k kɔ ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso əmbɨ ə bə̂d mbe nɨ kaʼi mɨ̀Jû.

Ɨ̀fàʼì 11:22

Ɨfetɨ bə̂d Kristo we rɨ ə Jèrusalèm nyaʼa zu ənû ze, əne mbɨ nyaʼa tom ə Banabàs ə Antiɔ̀k.

Ɨ̀fàʼì 11:24

Banabàs yɨə nyaʼə wə̀d chɔ̀m. Əzwî ə Zeŋɨ ə nyaʼa swi ɨŋga məd. Wɨ̀ nyaʼa bə̀ berɨ ɨbenɨ nɨ kaanɨ. Ɨchî nɨ wɨ̀ nyaʼə ghà ɨŋgam Ŋwiə̀ nyaʼa ghɨ̀ ni bə̂d mɨ̀nɔnɔʼ beŋ tə fîŋ ben Ə̀nùŋɨ̀sɨg.

Ɨ̀fàʼì 11:26

Ənɨ wɨ̀ nyaʼa zə əməd, wɨ̀ nyaʼa nɨŋ əməd mbɨ wò ə Antiɔ̀k. Ɨ mbɨə nyaʼə bòmnɨ̀ə̀ mbɨ ə bə̂d mbe nɨ nyaʼa ben ə Kristo. Ɨ mbɨə nyaʼə bòmnɨ̀ əne ənɨ əghəm əwu ə fibɨ̀. Mbɨ nyaʼə bòmnɨ̀ə̀ chwi ɨnû ɨmbə̀ʼ ə Yeso əmbɨ ə bə̂d mɨ̀nɔnɔʼ. À yɨ ə Antiɔ̀k nɨ mbɨ nyaʼa be kɔ tɔŋ bə̂d mbe nɨ nyaʼa ben ə Kristo ənɨ ə Bə̂d Kristo.

Ɨ̀fàʼì 11:27

À nyaʼa ənɨ ə nyùmə̀ we, bə̂d ɨ̀kə̀n Ŋwiə̀ mɔʼɔ nyaʼa nɔ̀ʼ rɨ ə Jèrusalèm swiʼi wò ə Antiɔ̀k.

Ɨ̀fàʼì 13:1

Bə̂d ɨ̀kə̀n Ŋwiə̀ mbɨ məchwiə̀-ɨnû nyaʼa ɨŋga ɨfetɨ bə̂d Kristo we rɨ ə Antiɔ̀k. Mbɨ yɨə nyaʼə Banabàs, mbɨ Simiòn nɨ mbɨ nyaʼə bə̀ tɔŋ ənɨ Naijà, mbɨ Lusiùs nɨ nyaʼa rɨ ə Sìrin, mbɨ Maniàn nɨ nyaʼa kwi mbɨ Herɔ̀d nɨ nyaʼə gɔmnà, mbɨ Sɔ̂l.

Ɨ̀fàʼì 15:22

Bə̂d tom Kristo mbɨ ə bə̂d mbe nɨ nyaʼə chà ɨfetɨ we rɨ ə Jèrusalèm mbɨ ə bə̂d Kristo mɨjìm nyaʼa chɔʼɔ mbaŋə̀ rɨ̀be rəkaʼ mɨ̀mə̌d, əne tom ni mbɨ wo ə Antiɔ̀k mbɨ Pɔ̂l fɔrɨ ə Banabàs. Mbɨ nyaʼa tom ə Judàs we nɨ mbɨ nyaʼə bə̀ tɔŋ ənɨ Bàsabàs mbɨ Sailàs. Mbɨ yɨə nyaʼə bə̂d kyeŋ əkaʼ bə̂d Kristo mbe ə Jèrusalèm.

Ɨ̀fàʼì 2:4

Əzwî ə Zeŋɨ ə nyaʼa swi ɨŋga mɨ̀mə̌d mɨjìm, əne mbɨ nyaʼa kɔ gham mɨŋgam ɨbeŋ cherə, ɨchî nɨ Əzwî ze ə nyaʼa naʼ ɨka əmbɨ mɨ̀mə̌d.

Ɨ̀fàʼì 21:8

À nyaʼa əni ze nɨ beenɨ, tɨ̀ nyaʼa nɔ̀ʼ rəŋgu wò ə Kàisàriyà. Tɨ̀ nyaʼa pè chubɨ mbɨ Filip we nɨ nyaʼə ghà Ɨkə̂n chɔ̀m. Məd yɨə nyaʼə rəbɔʼ mbaŋə̀ te sambe nɨ Əzwî ə Zeŋɨ ə nyaʼa chɔʼ ni mbɨ ghapɨ ɨghɨjɨg.

Ɨ̀fàʼì 22:20

Ənɨ mbɨ nyaʼə zwiirɨ ə Stɨfɨ̀n we nɨ nyaʼə ghà ɨnû ɨmbə̀ʼ əwe, mə nyaʼa təm ɨban ben ni mbɨ zwiirɨ əməd. Mə wɨə nyaʼə nəŋgɨə ngywɨ̌ rɨ bə̂d mbe nɨ nyaʼa zwiirɨ əməd.'

Ɨ̀fàʼì 6:10

Əzwî ə Zeŋɨ ə nyaʼa nàʼ ɨwe əmbɨ Stɨfɨ̀n ni wɨ̀ mɨ ghàm, chəi ənɨ tɨ bə̂d wììrɨ̀.

Ɨ̀fàʼì 6:3

Əne kyɨə bɔŋgɔb, mbə̀ chɔʼ mbaŋə̀ sambe rəkaʼ nən nɨ bə̂d ə ghà ɨnû chɔ̀m ɨmbə̀ʼ mɨ̀mə̌d, nɨ Əzwî ə Zeŋɨ ə swi ɨŋga mɨ̀mə̌d, mbɨ bə̀ berɨ ɨwe, ɨmbə̀ʼ tɨ̀ naʼ ənû nɨ ghapɨ rɨjɨg əmbɨ mɨ̀mə̌d.

Ɨ̀fàʼì 6:8

Ŋwiə̀ nyaʼa ghɨ̀ ɨ̀chɔ̀m ənɨ ə Stɨfɨ̀n bə̀ naʼ ɨka ɨ bɔ. Əne wɨ̀ nyaʼa kɔ ghɨ̀ ɨnû yiirɨ bə̀ kɔ ghɨ̀ ɨnweenɨ-ɨnû ka ka əkaʼ ə bə̂d.

Ɨ̀fàʼì 7:1

Ətu ɨgwɨ ə bə̂d mbàn Ŋwìə̀ nyaʼa biirɨ əmbɨ Stɨfɨ̀n ni, “Ɨnû mbɔ̂ nɨ mbɨ gha wa kɨ ɨnû rəsìʼ ə?”

Ɨnû 2:15

À yɨə bə̀ əndəŋ əndəŋ ni bə̂d mɔʼɔ mbɨ əkaʼ nən nɨə beenɨ əbɔʼ ɨnû mbe nɨ Nikolaùs nyaʼə chwiə.

Ɨnû 2:6

Àyɨə ənû ə chɔ̀m ze nɨ à ghɨ̌ yɨ ni: à bàn ɨnû mbe nɨ bə̂d mbe nɨə beenɨ əbɔʼ Nikolaùs ə ghɨ̀ə̀, àmei ɨchî nɨ mə̀ bə bàn.