Ɨ̀fàʼì 3:26 - Meta’

²⁶ Ŋwìə̀ nyaʼa chɔʼ i wə̀d ə̀fàʼì, bè chà əməd ɨ nən ni wɨ̀ zɨ əbɔrəbɔd ɨgwɨ nən ɨchî nɨ wɨə ghɨ ni wə̀d mɔʼ mɔʼ rəbɔʼ nən waʼ ɨnû ɨzɨg.”

Ikan feg

²⁶ Ŋwiye ya chɔʼ ìwi wə̀d àfàʼì bì chà aməd inən gha wì ziye àbɔrɔ̀bɔd igun inən icheg ne we ghìyə̀ mbə̰ bə̀ŋə̀ ìtən fìŋ chìyè ane inug tibɔ̀ŋ.”

Ɨ̀fàʼì 3:26 Marejeleo ya Msalaba

Matìyò 1:21

Wɨ̀ bɨrɨ gywɨ wan mbaŋə̀, à chu əməd ni Yeso, ɨmbə̀ʼ ɨghəm nɨ à yɨə məd bɨrɨ chɨ mbi bə̂d tɨ əton ɨka we nɨ ɨnû rɨbɔ̀ŋ berɨ ɨgwɨ mɨ̀mə̌d.”

Matìyò 15:24

Wɨ̀ nyaʼa wììrɨ̀ ni, “Ŋwìə̀ nyaʼa tom əmɨ àmei əmbɨ njɨ̀g te nɨ nyaʼa nim rɨŋga ɨnəbɨ Izre.”

Lk 24:47

fɔrɨ ni, bə̂d wo yènə̀ ghà ɨŋgam Ŋwiə̀ ənɨ ɨkum məd, kɔ rɨ ə Jèrusalèm wò pè ɨŋga ɨbeŋ jìm, ɨmbə̀ʼ bə̂d beŋ tə fîŋ, Ŋwiə̀ waʼ ɨnû rɨbɔ̀ŋ mɨ̀mə̌d.

Jn 4:22

Chəi mbə̀n bə̂d rɨ ə Sàmàriyà jeŋgɨ kyerɨ wə̀d we nɨ mbə̀ə wumnɨə. Àyɨə mbǎ, mɨ̀Jû, tɨ ə kyerɨ wə̀d we nɨ tɨ ə wumnɨə, ɨmbə̀ʼ ɨghəm nɨ ənû nɨ jwɨ rəŋgəʼ yɨ rɨ əmbɨ mɨ̀Jû.

Ɨ̀fàʼì 1:8

Àyɨə mbə bɨrɨ berɨ ɨka ənɨ Əzwî ə Zeŋɨ ə fə nyɨ ɨgwɨ nən. Əne mbə bɨrɨ sɨ yeʼ bə̂d nɨə ghà ɨnû ɨmbə̀ʼ əmɨ ɨŋga Jèrusalèm, ɨŋga ɨsɨ jìm mbe rɨ ə Jùdeyà, bə̀ fɔrɨ ɨŋga ɨsɨ jìm mbe rɨ ə Sàmàriyà, əne əne wò pè ɨnwǐ ɨsɨg.”

Ɨ̀fàʼì 13:26

“Mbɨ bɔŋgɔb, nɨ yeʼ bɔn tɨ ənɨ əghaŋ ə Abràham, mbɨ mbə̀n mbe nɨ kaʼi mɨ̀Jû nɨə wumnɨ ə Ŋwiə̀, ɨkə̂n we ni Ŋwìə̀ fə chɨ̀ əwa rəŋgəʼ fə yeʼe ɨ na.

Ɨ̀fàʼì 2:24

Àyɨə Ŋwìə̀ nyaʼa zwemnɨ əməd ɨchî nɨ wɨ̀ nyaʼa ghɨ ni tɨ ɨvɨ berɨ i ɨka ɨgwɨ məd, ɨmbə̀ʼ ɨghəm nɨ chəi ɨvɨ nyaʼa berɨ ɨka nɨ yim əməd.

Ɨ̀fàʼì 2:32

Ŋwìə̀ nyaʼa zwemnɨ ə Yeso wɔ̂. Mba mɨjìm yɨ mɨ̀zərɨmbin ənɨ ənû rəŋgu.

Ɨ̀fàʼì 26:20

Mə nyaʼa bè kɔ gha ɨŋgam Ŋwiə̀ ə Dàmaskɔ̀s, beenɨ ə Jèrusalèm, beenɨ ɨŋga ɨsɨ jìm mbe rɨ ə Jùdeyà bə̀ fɔrɨ əkaʼ bə̂d nɨ kaʼi mɨ̀Jû. Mə wɨə nyaʼə ghàə̀ ni mbɨ beŋ tə fîŋ beenɨ əbɔʼ ə Ŋwiə̀, Mə wɨə nyaʼə bə̀ ghàə̀ ni mbɨ ghɨ ɨnû mbe nɨ chwi ni mbɨ fə bèŋ tə fîŋ.

Ɨ̀fàʼì 3:13

Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.

Ɨ̀fàʼì 3:15

Mbə nyaʼa zwiirɨ wə̀d we nɨə nàʼ ɨ̀tènɨ̀, àyɨə Ŋwiə̀ nyaʼa zwemnɨ əməd. Tɨ̀ yɨ mɨ̀zərɨmbin ənɨ ənû zɔ̂.

Ɨ̀fàʼì 3:20

Mbə mɨ ghɨ̀ əne, Ə̀nùŋɨ̀sɨg bɨrɨ zùtɨ̀ tə fîŋ. Wɨ̀ bɨrɨ bɨ chà ə Yeso nɨ yeʼ Wə̀d we nɨ wɨ̀ chɔʼɔ bə̀ zɔʼ, əsɨ nən.

Ɨ̀fàʼì 3:22

Mose nyaʼa ghà ni, 'Ə̀nùŋɨ̀sɨg Ŋwìə̀ bɨrɨ ghɨ ni wə̀d ɨ̀kə̀n jwɨ rəkaʼ mbə bə̂d ɨchî nɨ wɨ̀ nyaʼa ghɨ̌ mə jwɨ̀. Mbə berɨ ghɨ ɨnû jìm mbe nɨ wɨ̀ gha ɨ nən.

Ɨ̀fàʼì 3:25

Mbə yɨə bɔn bə̂d ɨ̀kə̀n mbe. Mbə yɨə bə̀ ə bɔn tɨ ənɨ fɨso fe nɨ Ŋwìə̀ nyaʼa sanɨ mbɨ mbə mɨ̀mbǎʼ rəŋwe, ɨchî nɨ wɨ̀ nyaʼa gha əmbɨ Abràham ni, 'Mə bɨrɨ zɨ əbɔrəbɔd ɨgwɨ mɨnəbɨ jìm mbe nɨ yeʼ ɨgwɨ ə si ənjìm ə bɔn tɨ ənɨ e əghaŋ.'

Rm 1:16

Chəi mɨ ətu ə nìd ɨmbə̀ʼ ɨkə̂n chɔ̀m, ɨmbə̀ʼ ɨghəm nɨ ɨkə̂n chɔ̀m yɨ ɨka Ŋwiə̀ nɨə chɨ̀ə̀ wə̀d jìm we nɨ benɨ rəŋgəʼ. Wɨ̀ bɨrɨ be chɨ mɨ̀Jû, beenɨ chɨ̀ bə̂d mbe nɨ kaʼi mɨ̀Jû.

Rm 15:29

Mə kyerɨ ni ənɨ mə yeʼe əsɨ nən, əbɔrəbɔd ze nɨ Kristo ə nàʼ əbu əbu ə bɨrɨ swi ɨgwɨ nən.

Rm 15:8

Mə ghà ɨ nən ni Kristo nyaʼa beŋ ənɨ ə wə̀d ə̀fàʼì əmbɨ mɨ̀Jû, ɨmbə̀ʼ chwi ni Ŋwìə̀ wɨə ghɨ̀ ɨnû mbe nɨ wɨ̀ ghǎ, fɔrɨ ni wɨ̀ bɨrɨ ghɨ ɨnû mbe nɨ wɨ̀ nyaʼa kaʼi əmbɨ mɨ̀mbǎʼ ɨnəbɨ mɨ̀mə̌d.

Efesùs 1:3

Tɨ̀ yiirɨ ə Ŋwiə̀ we nɨ yeʼ Mbǎʼ a Ə̀nùŋɨ̀sɨg Yeso Kristo. Wɨ̀ fə zɨ̀ əbɔrəbɔd ɨgwɨ na ɨchî nɨ tɨ̀ yeʼ ənɨ ɨfɔtɨ mbɨ Kristo. Əne yɨ əbɔrəbɔd əjìm ze nɨ Əzwî ə zɨə ɨgwɨ na rɨŋga ɨsɨ mbe nɨ yeʼ ɨkaŋ.

1 Pità 1:3

Tɨ̀ yiirɨ ə Ŋwiə̀ we nɨ yeʼ Mbǎʼ a Ə̀nùŋɨ̀sɨg Yeso Kristo! Məd wɨə dììrɨ̀ əwa kwàʼ ɨchî chɔ̀m. Wɨ̀ fə ghɨ̀ tɨ̀ jɨg ɨ̀tènɨ̀ fi ɨchî nɨ wɨ̀ zwemnɨ ə Yeso Kristo. Əzɔ̂ ə fə ghɨ̀ ni tɨ̀ nuŋ rɨkɔndɨ wom ɨnû mbe nɨ Ŋwìə̀ kaʼ ɨ na.

1 Pità 3:9

Tɨ mbə̀ wi ə ɨbə ɨgwɨ ɨbə. Tɨ mbə wi ə mɨzɔ̂m ɨgwɨ mɨzɔ̀m. Bə̂d mɨ ghɨ̀ ənû ənɨ ə nən, mbə̀ wi yeʼ ənɨ əbɔrəbɔd. Ŋwiə̀ nyaʼa tɔŋ əwən ni mbə ghɨ əne ɨmbə̀ʼ wɨ̀ zɨ əbɔrəbɔd ɨgwɨ nən.

Jûd 1:24

Tɨ̀ yiirɨ ə Ŋwìə̀ we nɨ tɨ̀ wɨ̀ nùŋ əwən ni tɨ mbə̀ gu ə. Ɨ we tɨ̀ wɨ̀ ghɨ̀ ni mbə̀ zeŋ màànɨ̀ ɨfě məd bə̀ ghɨ̀ ni mbə̀ sɨə ghaʼrɨə.