Ɨ̀fàʼì 3:16 - Meta’

¹⁶ À yɨ ɨbenɨ ənɨ Yeso ghɨ ni mbaŋə̀ zɔ̂ nɨ mbə̀ə zəə bə̀ kàŋ kyerɨ təm kàànɨ̀. À yɨ ɨbenɨ we nɨ tɨ̀ berɨ ənjìm ə Yeso we ghɨ̀ ni mbaŋə̀ zɔ̂ bɔtɨ i ɨfě nən mbə̀n mɨjìm.

Ikan feg

¹⁶ À ya ika we ne yaʼi inga ikum Yeso tì ibḛfiŋ ne tì beri igun ikum we ghù wə̀d gho̰ ne mbə̀ taŋ kyèri, icheg ne mbə̰ mbe bàrà anìŋ.

Ɨ̀fàʼì 3:16 Marejeleo ya Msalaba

Matìyò 14:29

Yeso nyaʼa ghà ni, “Yeʼe!” Əne Pità nyaʼa jwɨ̀ rɨŋga əbaŋ ɨgyɨ̀, yèn ɨgwɨ ə sà ze wò əsɨ Yeso.

Matìyò 9:22

Ənɨ wɨ̀ nyaʼa betɨ, Yeso nyaʼa bèŋ zə əməd, ghà ɨ bɔ ni, “Yim fîŋ, kyɨ ɨŋgɔbə! E ɨbenɨ fə ghɨ̀ ni à bɔtɨ e.” Àmei əwu əwən əyi we nyaʼa bɔtɨ i.

Jn 14:12

Mə ghà rəsìʼ ɨ nən ni wə̀d we nɨ ben ɨnû mbe nɨ mɨə ghàə̀ bɨrɨ bɨ ghɨ ɨnû mbe nɨ mɨə ghɨ̀ə̀. Məd bɨrɨ ghɨ ɨnû nɨ che mbɔ̂, ɨmbə̀ʼ ɨghəm nɨ mə wɨə wò əsɨ Mbǎʼ.

Jn 7:23

Mbə mɨ yeʼə nèə̀ mbə bɔn mbaŋə̀ əni əkwɨ, ɨmbə̀ʼ tɨ mbə̀ gu ə tɨkə rɨ Mose, njɨ mbə̀ kɨə sə ɨtəm mbɨ num ɨmbə̀ʼ ɨchî nɨ mə̀ ghɨ mbaŋə̀ mɔʼɔ bɔtɨ ɨchî chɔ̀m əni əkwɨ ɨmbə̀ʼ ə yè ə?

Ɨ̀fàʼì 14:9

Mbaŋə̀ ze nyaʼa chub ɨ zwetɨ ənû ze nɨ Pɔ̂l nyaʼə ghàə̀. Pɔ̂l nyaʼa toŋ əghə ɨgwɨ məd, əne zə ni wɨ̀ nyaʼa berɨ ɨbenɨ nɨ tɨ mbɨ ghɨ̀ wɨ̀ bɔtɨ.

Ɨ̀fàʼì 16:18

Ɨ wɨə nyaʼə ghɨ̀ ənû zɔ̂ ɨni nɔnɔʼ. Əne Pɔ̂l nyaʼa sə ɨtəm, bèŋ ghà əmbɨ əzwî rɨbɔ̀ŋ ze ni, “Mə ghà ɨ ne ənɨ ɨkum Yeso Kristo ni à jwɨ rɨŋga wan əyi wɔ̂.” Əzwî rɨbɔ̀ŋ ze ə nyaʼa jwɨ̀ àmei əwu əwən.

Ɨ̀fàʼì 3:6

Àyɨə Pità nyaʼa ghà ni, “Chəi mə̀ berɨ ə sɨrɨvà kɨ̀ ə gôl, àyɨə əghɨ ze nɨ mə̀ berɨ mə bɨrɨ naʼ ɨ ne: Ənɨ ɨkum Yeso Kristo we rɨ ə Nazàret, nɔʼɔ yènɨ̀.”

Ɨ̀fàʼì 3:8

Wɨ̀ nyaʼa nɔ̀ʼ tom, təm rətiə kɔ yènə̀ wo nyɨ ɨŋga mbàn Ŋwìə̀ mbɨ mɨ̀mə̌d. Ɨ wɨə nyaʼə yènə̀ tòmbə̀ bə̀ yiirɨ ə Ŋwiə̀.

Ɨ̀fàʼì 4:10

njɨ mbə̀n mɨjìm mbɨ mɨ̀Izre mɨ̀jìm kyerɨ ni mbaŋə̀ zɔ̂ ə təm ɨfě nən, bɔtɨ i kwàʼ ɨchî chɔ̀m ənjìm ɨka we nɨ yeʼ ənɨ ɨkum Yeso Kristo we rɨ ə Nazàret nɨ mbə̀ nyaʼa kòmbɨ̀ əzed ə baʼnɨ, àyɨə Ŋwìə̀ nyaʼa zwemnɨ əməd.

Ɨ̀fàʼì 4:30

Tɨ̀ mɨə ghɨ̀ əne, à sem e əbɔ ghɨ ni tɨ̀ vɨ bə̂d əwɔn bə̀ ghɨ̀ ɨnweenɨ-ɨnû fɔrɨ ɨnû yiirɨ ənɨ ɨkum Yeso, e wə̀d ə̀fàʼì nɨ zeŋɨ.”

Ɨ̀fàʼì 4:7

Ənɨ mbɨ nyaʼa nɨŋ ə Pità mbɨ Jɔ̌n mbɨ wò təm ɨfě mɨ̀mə̌d, mbɨ nyaʼa biirɨ əmbɨ mɨ̀mə̌d ni, “À kɨ ənɨ ɨka wi, kɨ̀ à kɨ ənɨ ɨkum we nɨ mbə̀ ghɨ ənû zɔ̂ ə?”

Rm 3:22

Ŋwiə̀ fə ghɨ̀ ni bə̂d mɨ̀jìm mbe nɨ benɨ təm kùʼnɨ̀ ɨfě məd ənjìm ɨchî nɨ mbɨ ben ə Yeso Kristo. Chəi ɨkwepɨ əkaʼ bə̂d,

1 Kɔrèn 13:2

Mə mɨ berɨ ɨneʼe nɨ gha ɨkə̂n Ŋwiə̀, bə̀ kyerɨ ɨnû jìm mbe nɨ yeʼ ənə̀mə bə̀ berɨ ɨwe jìm, mə mɨ berɨ ɨbenɨ nɨ tɨ̀ mə ghàm tɨwum mə̀nə̀, àyɨə chəi mə ghaʼ bə̂d, mə yɨ əghɨ əko.