Ɨ̀fàʼì 3:13 - Meta’

¹³ Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.

Ikan feg

¹³ Wə̀d ne ghi wə̀d gho̰ nɔ̀ʼ se yḛ̀ ya Ŋwiye we ne Abràham tì Jàkɔb tì Azìg fɔrɔ ìmba mə̀mbaʼ aneg yaya ghùmnə. À ya məd nàʼi ighumni abə wə̀d àfàʼì məd Yeso Kristo. Mbə̰ ya ton awən məd kwàʼ imbìghè abə Payilèd. Mbə̰ ya kə̀b àzən gha mbe zweti aməd ne Payilèd ya kə̀bi ni sàŋì aməd.

Ɨ̀fàʼì 3:13 Marejeleo ya Msalaba

Matìyò 11:27

“Mɨ Mbǎʼ fə nàʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chə bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ Wan fɔrɨ wə̀d mɔʼɔ we nɨ Wan də̀b nɨ chwi əməd ɨ bɔ.

Matìyò 20:19

Mbɨ bɨrɨ ghɨ əne, nàʼ əməd əmbɨ ə bə̂d mbe nɨ kaʼi mɨ̀Jû ni mbɨ baʼrɨ əməd, te əməd ənɨ ə ŋgwad, bə̀ kòmbɨ̀ əməd əzed ə baʼnɨ. Àyɨə ɨni nɨə pè ɨtad, Ŋwìə̀ zwemnɨ əməd.”

Matìyò 22:32

'Mɔ̌ yɨə Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b.' Kaʼ məd yɨ i Ŋwìə̀ ɨvɨ bə̂d. Məd yɨə Ŋwìə̀ bə̂d mbe nɨ yeʼ ɨkǎ.”

Matìyò 27:2

Mbɨ nyaʼa taŋ əne, kod əməd, nɨŋ wò nàʼ əmbɨ Pailèt nɨ nyaʼə gɔmnà.

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

Mk 15:11

Àyɨə bə̂d kyeŋ mbe rɨ ə mbàn Ŋwìə̀ nyaʼa no ɨnɔ̂n bə̂d we ni mbɨ ghǎ ɨ bɔ ni wɨ̀ chɨ yeʼ ə Barabas nàʼ ɨ nən.

Lk 22:57

Àyɨə Pità nyaʼa ton i ghà ni, “Əyi wɔ̂, chəi mə̀ kyerɨ əməd.”

Lk 23:4

Pailèt nyaʼa bèŋ ghà əmbɨ ə bə̂d kyeŋ mbe rɨ ə mbàn Ŋwìə̀ fɔrɨ əmbɨ mɨnɔ̂n bə̂d mbe ni, “Chəi mə zə ənû rɨbɔ̀ŋ ə mɔʼɔ ze nɨ mbaŋə̀ zɔ̂ ghɨ̌.”

Lk 6:37

“Tɨ mbə̀ saʼ ə bə̂d cherə, ɨmbə̀ʼ tɨ Ŋwìə̀ bɨ saʼ i əwən. Tɨ mbə̀ chə̀kɨ̀ ə rɨkum bə̂d, ɨmbə̀ʼ tɨ Ŋwìə̀ bɨ chəkɨ i tən. Mbə̀ waʼ ɨnû rɨbɔ̀ŋ bə̂d, ɨmbə̀ʼ Ŋwìə̀ bə waʼ mbən.

Jn 12:16

Chəi ɨtu mə̀mə̀ə̀nɨ̀-ɨnû ɨməd nyaʼa kɨrɨ zeŋ ɨmbə̀ʼ ənû zɔ̂ ənɨ ə nyùmə̀ we. Àyɨə ənɨ Ŋwìə̀ nyaʼa zwemnɨ əməd naʼ ɨwumnɨ ɨ bɔ, mə̀mə̀ə̀nɨ̀-ɨnû mbe nyaʼa sɨ kɔndɨ ni mbɨ nyaʼa ŋwàʼnɨ̀ ənû zɔ̂ ɨmbə̀ʼ əməd ɨŋga Ə̀ŋwàʼnɨ̀ ə Ŋwiə̀. Mbɨ nyaʼa bə̀ kɔndɨ ni mbɨ fə ghɨ ənû rəŋgu ənɨ məd.

Jn 18:40

Mbɨ nyaʼa kyeŋ rɨkǎ ghà ni, “Chə̂, kaʼi mbaŋə̀ zɔ̂! Tɨ̀ kə̀b yeʼ ə Barabas.” Barabas yɨə nyaʼə ɨjɨ bagɨ.

Jn 19:11

Yeso nyaʼa wììrɨ̀ ɨ bɔ ni, “À berɨ ɨka ɨgwɨ num àmei ɨmbə̀ʼ ɨghəm nɨ à yɨə Ŋwìə̀ naʼ ɨka we ɨ ne. Əne wə̀d we nɨ naʼ əmɨ ɨ ne fə ghɨ̀ ənû rɨbɔ̀ŋ ze nɨ bə̌ chè.”

Jn 19:12

Ənɨ Pailèt nyaʼa zu ənû zɔ̂, wɨ̀ nyaʼa kə̀b ni njɨ tə chɨ̀ əməd sàŋɨ̀, àyɨə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa kyeŋ rɨ̀kǎ ghà ni, “À mɨ tɔ chɨ̀ mbaŋə̀ zɔ̂ sàŋɨ̀, kaʼ àwɔ̀ yɨ e sə̀ʼ Kaisà! Wə̀d we nɨə nɨŋ i ɨnyod ni tə yɨ ɨfɔ̂n yɨə wə̀d pə̀n Kaisà.”

Jn 19:15

Mbɨ nyaʼa kyeŋ rɨ̀kǎ ghà ni, “Zwiirɨ əməd! Zwiirɨ əməd! Kombɨ əməd əzed ə baʼnɨ!” Wɨ̀ nyaʼa biirɨ əmbɨ mɨ̀mə̌d ni, “Mbə wa kə̀b ni mə̀ kombɨ ə ɨfɔ̀n əzed ə baʼnɨ ə?” Bə̂d kyeŋ mbe rɨ ə mbàn Ŋwìə̀ nyaʼa wììrɨ̀ ni, “Chəi tɨ̀ berɨ ɨfɔ̂n cherə chè rɨ ənɨ Kaisà.”

Jn 7:39

Yeso nyaʼa ghà ənû zɔ̂ bə̀ ghà ɨmbə̀ʼ Əzwî ə Ŋwiə̀ ze nɨ nyaʼa berɨ nyɨ ɨgun ə bə̂d mbe nɨ nyaʼa ben əməd. Ɨ pe ənɨ ə nyùmə̀ we, chəi Ŋwìə̀ nyaʼa kɨrɨ cha e Əzwî ɨgwɨ ə bə̂d, ɨmbə̀ʼ ɨghəm nɨ chəi wɨ̀ nyaʼa kɨrɨ naʼ ɨwumnɨ we nɨ yeʼ wɨ Yeso ɨ bɔ.

Ɨ̀fàʼì 22:14

Wɨ̀ nyaʼa ghà ni, 'Ŋwìə̀ mba mɨ̀mbǎʼ rəŋwe fə chɔʼ əwe ni à kyerɨ ɨnû mbe nɨ wɨ̀ kə̀bɨ, ni à zə Wə̀d məd we nɨə ghɨ̀ ɨnû nɨ kùʼnɨ̀ mbɨ ni à zu ɨŋgam rɨ ɨchû məd,

Ɨ̀fàʼì 24:14

Àyɨə mə ben ɨ ne ni mə wɨə wumnɨ ə Ŋwìə̀ mba mɨ̀mbǎʼ rəŋwe ɨchî nɨ mɨə beenɨ əbɔʼ Ɨnə̂njɨ̀ we nɨ Kristo nyaʼa chwiə, nɨ mɨ̀mə̌d ə tɔŋə ni à yɨ ɨfɔtɨ mɨghab. Mə bə̀ ben ɨnû jìm mbe nɨ Mose nyaʼa ŋwàʼnɨ̀ ɨŋga ə̀ŋwàʼnɨ̀ ə rɨkə bə̀ ben mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀.

Ɨ̀fàʼì 3:12

Ənɨ Pità nyaʼa zə əne, wɨ̀ nyaʼa ghà əmbɨ ə bə̂d mbe ni, “Mɨ̀Izre, mbə̀ kɨə yiirɨ ənû zɔ̂ ɨmbə̀ʼ ə ye ə? Mbə̀ kɨə toŋ ɨghə ɨgwɨ na ɨghabɨ ni à yɨ ənɨ a ɨka kɨ̀ ənɨ ɨchî nɨ tɨə wumnɨ ə Ŋwiə̀ ə ghɨ ni mbaŋə̀ zɔ̂ yen ə?

Ɨ̀fàʼì 3:26

Ŋwìə̀ nyaʼa chɔʼ i wə̀d ə̀fàʼì, bè chà əməd ɨ nən ni wɨ̀ zɨ əbɔrəbɔd ɨgwɨ nən ɨchî nɨ wɨə ghɨ ni wə̀d mɔʼ mɔʼ rəbɔʼ nən waʼ ɨnû ɨzɨg.”

Ɨ̀fàʼì 4:27

À yɨ rəsìʼ ni Herɔ̀d mbɨ Pailèt nyaʼa fɔtɨ mbɨ ə bə̂d mbe nɨ kaʼi mɨ̀Jû bə̀ fɔtɨ mbɨ mɨ̀Izre ɨŋga əsɨ zɔ̂, əne taŋ mɨnaŋ ɨgwɨ ə Yeso, e wə̀d ə̀fàʼì we nɨ zeŋɨ, nɨ à nyaʼa zɔʼɔ,

Ɨ̀fàʼì 4:30

Tɨ̀ mɨə ghɨ̀ əne, à sem e əbɔ ghɨ ni tɨ̀ vɨ bə̂d əwɔn bə̀ ghɨ̀ ɨnweenɨ-ɨnû fɔrɨ ɨnû yiirɨ ənɨ ɨkum Yeso, e wə̀d ə̀fàʼì nɨ zeŋɨ.”

Ɨ̀fàʼì 7:32

'Mɔ̌ yɨə Ŋwìə̀ mbe mɨ̀mbǎʼ rəŋwe, Ŋwìə̀ Abràham, wɨ Aizìk mbɨ wɨ̀ Jakɔ̂b.' Mose nyaʼa bindɨ, əne chəi wɨ̀ nyaʼa wɨrɨ yim fîŋ nèŋ ɨnemɨ ɨwid we.

Rm 9:5

Mbɨ yɨə bɔn tɨ ənɨ əghaŋ mɨ̀mbǎʼ ɨnəbɨ mɨ̀Izre. Wə̀d we nɨ Ŋwìə̀ zɔʼɔ ə jwɨ̀ rɨŋga ɨnəbɨ we. Məd yɨə Ŋwìə̀ we nɨə tùmbɨ̀ ɨghɨjìm. Tɨ̀ yiirɨ ə Ŋwiə̀ koŋ. À yɨ əne.

Mə̀Hibrù 2:9

Àyɨə tɨ̀ wɨə zə ə Yeso nɨ Ŋwìə̀ nyaʼa ghɨ ni wɨ̀ tɔ swiʼ əton mbɨ̀aŋgɨrə̀ ənɨ ɨkə nyumə̀. Wɨ̀ fə ghɨ̀ ni wɨ̀ berɨ ɨzeŋɨ zeŋɨ bə̀ berɨ ɨwumnɨ. Wɨ̀ nyaʼa zə ŋgəʼ kwɨ, ɨmbə̀ʼ ənjìm ɨ̀chɔ̀m Ŋwìə̀, ɨ we tɨ̀ wɨ̀ kwɨ ɨgwɨ ətu ə bə̂d mɨ̀jìm.

Ɨnû 1:18

Mɔ̌ yɨə we nɨ yeʼ ɨkǎ. Mə nyaʼa kwɨ, àyɨə zə, mə wɨ ɨkǎ koŋ. Mə berɨ ɨka ɨgwɨ ɨvɨ bə̀ fɔrɨ ɨgwɨ əbeŋ ɨvɨ bə̂d.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.