Ɨ̀fàʼì 26:10 - Meta’

¹⁰ Mə wɨə nyaʼə ghɨ̀ əne ə Jèrusalèm. Bə̂d kyeŋ mbe rɨ ə mbàn Ŋwìə̀ nyaʼa nàʼ ɨka ɨ num ni mə wupɨ bə̂d Kristo nɔnɔʼ ə nəb ndəŋ. Ənɨ mbɨ nyaʼa sob ni mbɨ zwiirɨ mɨ̀mə̌d, mə nyaʼa bə̀ benɨ.

Ikan feg

¹⁰ Mə yaya ghìyə̀ ane inga Jèrusalèm. Itog bəd mbàn Ŋwiye ya nàʼ ika inum gha mə wupə bəd Kristo nɔʼ nɔʼ inga nəb ndəŋ . Anyumə̀ ne mbi ya niŋi isɔbi anug gha mbe zweti awɔb, mə̀ ya bə̀ bḛ.

Ɨ̀fàʼì 26:10 Marejeleo ya Msalaba

Ɨ̀fàʼì 7:58

nɨŋ əməd wò màʼ ənjìm əsɨ ze, tumbɨ ənɨ əti. Bə̂d mbe nɨ nyaʼə tumbɨ əməd nyaʼa nùŋ tə ngywɨ̌ ɨban ɨwu əjɔŋ ə mɔʼɔ nɨ ɨkum məd nyaʼə Sɔ̂l.

Ɨ̀fàʼì 8:1

Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.

Ɨ̀fàʼì 8:3

Sɔ̂l nyaʼa kə̀b ni njɨ tə nimnɨ bə̂d Kristo. Əne wɨ̀ nyaʼa kɔ ghanə nyɨrə nəb, yènə̀ sùŋə̀ bə̂d mbe nɨ nyaʼa ben ə Kristo, mbaŋə̀ mbɨ məyi, wò zɨ ə ndəŋ.

Ɨ̀fàʼì 9:21

Bə̂d mɨjìm mbe nɨ nyaʼa zu ɨnû mbe nɨ wɨ̀ nyaʼə ghàə̀, nyaʼa yiirɨ əne biirɨ ni, “Ka wɔ̂ wa kɨ i mbaŋə̀ ze nɨə kə̀ʼə̀ nàʼə̀ ŋgəʼ əmbɨ ə bə̂d mbe nɨə tɔŋ ɨkum wɔ̂ ə? Wɨ̀ rɨ wa yeʼe i əgha ɨmbə̀ʼ gywɨ bə̂d mbe nɨə wumnɨə mbaŋə̀ ze nɨ mbɨə tɔŋ ənɨ Yeso, kod mɨ̀mə̌d nɨŋ wò əsɨ bə̂d kyeŋ mbe rɨ ə mbàn Ŋwìə̀ ə?”

Ɨ̀fàʼì 9:26

Ənɨ Sɔ̂l nyaʼa wo ə Jèrusalèm, wɨ̀ nyaʼa kə̀b nɨ fɔtɨ əbɔʼ bə̂d mbe nɨ nyaʼa ben ə Kristo, àyɨə mɨ̀mə̌d mɨjìm mbɨə nyaʼə bɔ əməd ɨmbə̀ʼ ɨghəm nɨ chəi mbɨ nyaʼa ben ni məd yɨ wɨ mɔʼɔ rəbɔʼ bə̂d mbe nɨ ben ə Kristo.

Ɨ̀fàʼì 9:32

Ɨchî nɨ Pità nyaʼə yèn ɨŋga ɨsɨ mbe jìm, wɨ̀ nyaʼa bə̀ swiʼi wò ghandɨ bə̂d Ŋwiə̀ mbe nɨ nyaʼə chub ə Lidà.

Ɨ̀fàʼì 9:41

Pità nyaʼa yim əbɔ əməd, wèèrɨ̀ əməd ni wɨ̀ təm rətiə. Ənɨ wɨ̀ nyaʼa ghɨ əne, wɨ̀ nyaʼa tɔŋ bə̂d mbe nɨ nyaʼa ben ə Kristo mbɨ mɨku əyi mbe, chwiə Tabità nɨ yeʼ ɨkǎ əmbɨ mɨ̀mə̌d.

1 Kɔrèn 15:9

À yɨ əne ɨmbə̀ʼ ɨghəm nɨ rəbɔʼ bə̂d tom Kristo mɨ̀jìm, mɔ̌ yɨə we nɨ kə chè. Chəi mə̀ kuʼ nɨ tɨ̀ mbɨ tɔŋ əmɨ ənɨ ə wə̀d tom, ɨmbə̀ʼ ɨghəm nɨ mə wɨə nyaʼə nwèndɨ̀ rɨkyerɨ-ɨwu bə̂d mbe nɨ nyaʼa ɨŋga ɨfetɨ bə̂d Ŋwiə̀.

Gàlesìyà 1:13

Mbə nyaʼa fə zu ɨchî nɨ mə nyaʼə ghɨ̀ ɨnû ənɨ mə nyaʼa kɨrɨ ɨŋga ənû ə Ŋwiə̀ mɨ̀Jû. Mbə nyaʼa zu ɨchî nɨ mə̀ nyaʼə nwèndɨ̀ rɨkyerɨ-ɨwu bə̂d mbe nɨ nyaʼa ɨŋga ɨfetɨ bə̂d Ŋwiə̀ kwàʼ ənɨ ɨkǎ. Mbə nyaʼa bə̀ zu ɨchî nɨ mə̀ nyaʼə bə̀ kə̀b nimnɨ ɨfetɨ we.

Efesùs 1:1

À yɨə mɔ̌ Pɔ̂l, nɨ mə yeʼ wə̀d tom Kristo Yeso ənjìm ɨchî nɨ Ŋwiə̀ nyaʼa kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n bə̂d Ŋwiə̀ mbe nɨ yeʼ ə Efesùs nɨ berɨ ɨbenɨ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Ɨnû 17:6

Mə nyaʼa zə ni əyi we nyaʼa fə nɔ ənəm ə bə̂d Ŋwiə̀ bə̀ nɔ ənəm ə bə̂d mbe nɨ nyaʼa ghà ɨnû ɨmbə̀ʼ ə Yeso. Wɨ̀ nyaʼa nɔ əne be. Ənɨ mə̀ nyaʼa zə əməd, mə nyaʼa yiirɨ kwàʼ rɨŋgəʼ.