Ɨ̀fàʼì 24:5 - Meta’

⁵ Tɨ̀ fə zə ni mbaŋə̀ zɔ̂ yɨə wə̀d nɨə kə̀b ɨsaʼi. Ɨ wɨə bə̀ bù əchɔb əkaʼ mɨ̀Jû mɨ̀jìm ɨŋga ɨsɨg. Məd yɨ ətu ɨgwɨ ɨfɔtɨ we nɨ mbɨə tɔŋ ənɨ ɨfɔtɨ Nazarîn.

Ikan feg

⁵ Tè fə bàd gha mbaŋà ìzo̰ ya wə̀d ne kə̀bə̀ isaʼi. Məd we ghìyə̀ gha mə̀Ju inga isiŋi ijìm se gwìye achɔb tàra aben. Mbaŋà ìzo̰ ya atog wə̀d igun ifeti məNazàren.

Ɨ̀fàʼì 24:5 Marejeleo ya Msalaba

Matìyò 10:25

Zɨə kùʼ əmbɨ ə̀mə̀ə̀nɨ̀-ɨnû ni wɨ̀ yeʼ ɨghabɨ wə̀d we nɨə chwi ɨnû ɨ bɔ, bə̀ kùʼ ni wan ə̀fàʼì bə yeʼ ɨghabɨ i mbǎʼ ə̀fàʼì. Mbɨ mɨ fə tɔŋ mbǎʼ əkwɨ ənɨ ə Belzebùl, njɨ mbɨ bɨrɨ tɔŋ bə̂d rɨŋga nəb məd ənɨ rɨkum nɨ bə̌ chè.

Matìyò 2:23

Wɨ̀ nyaʼa pè chub əsɨ ze nɨ mbɨ nyaʼə tɔŋ ənɨ ə Nazàret, ɨmbə̀ʼ ənû ze nɨ bə̂d ɨ̀kə̀n Ŋwiə̀ nyaʼa gha, ə jwɨ ənɨ rəsìʼ ni, “Mbɨ bɨrɨ sɨə tɔŋ əməd ənɨ wə̀d rɨ ə Nazàret.”

Mk 1:24

Wɨ̀ nyaʼa kɔ kyeŋ rɨ̀kǎ ghàə̀ ni, “Yeso rɨ ə Nazàret! À berɨ ənû ə ye nɨ ghɨ̀ mbɨ nà ə? À wa yeʼe ɨmbə̀ʼ nimnɨ əwa ə? Mə kyerɨ wə̀d we nɨ à yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Lk 23:19

(Mbɨ nyaʼa zɨ ə Barabas ə ndəŋ ɨmbə̀ʼ ɨghəm nɨ wɨ̀ nyaʼa bu əchɔb, wə̀d kwɨ.)

Lk 23:2

Mbɨ nyaʼa pè əŋgu kɔ zɨ ɨsaʼi ɨgwɨ məd ghàə̀ ni, “Tɨ̀ kəʼ zə mbaŋə̀ zɔ̂ ənɨ wɨə bùùrɨ̀ a əbeŋ ghàə̀ ni tɨ bə̂d maʼ ə mɨ̀tagsɨ̀ əmbɨ Kaisà. Ɨ wɨə nyaʼə bə̀ ghàə̀ ni tə yɨə Wə̀d we nɨ Ŋwiə̀ zɔʼɔ, nɨ yeʼ ɨfɔ̂n.”

Lk 23:25

Wɨ̀ nyaʼa chɨ̀ mbaŋə̀ ze nɨ mbɨ nyaʼa kəbɨ sàŋɨ̀, nɨ yeʼ we nɨ nyaʼa bu əchɔb, wə̀d kwɨ. Wɨ̀ nyaʼa sɨ nàʼ ə Yeso əmbɨ mɨ̀mə̌d ni mbɨ ghɨ mbɨ məd ɨchî nɨ mbɨ kəbɨ.

Lk 23:5

Àyɨə mbɨ nyaʼa rəbə nyèŋ ə nyeŋɨ ghà rɨ̀kǎ ni, “Məd wɨə noə bə̂d ɨŋga Jùdeyà jìm mbɨ ɨnû mbe nɨ wɨə chwiə. Wɨ̀ nyaʼa kɔ ə Galiliî. Tɨ̀nîn wɨ̀ fə yeʼe pè əgha.”

Ɨ̀fàʼì 15:5

Àyɨə bə̂d mɔʼɔ mbe nɨ nyaʼa ben ə Kristo, nɨ nyaʼa rɨŋga ɨfɔtɨ mɨ̀Farisiî, nyaʼa təm rətiə ghà ni, “Zɨə kùʼ ni mbɨ ne bə̂d mbe nɨ kaʼi mɨ̀Jû bə̀ ghà əmbɨ mɨ̀mə̌d ni mbɨ nuŋ tɨkə rɨ Mose.”

Ɨ̀fàʼì 21:28

kyeŋ rɨkǎ ghà ni, “Mɨ̀Izre, mbə̀ weerɨ əwa! Mbaŋə̀ zɔ̂ zɨə chwiə ɨŋga ɨsɨ jìm ni bə̂d ban mɨ̀Izre, ban tɨkə rɨ Mose bə̀ ban əsɨ zɔ̂. Tɨ̀nîn wɨ̀ fə nɨŋ mbaŋə̀ nɨ kaʼi mɨ̀Jû yeʼe mbɨ rɨwən ɨŋga mbàn Ŋwìə̀. Əne mbɨ fə tìbrɨ̀ əsɨ ə zeŋɨ zɔ̂.”

Ɨ̀fàʼì 22:22

Bə̂d mbe mbɨə nyaʼə zwetɨ ɨŋgam Pɔ̂l yeʼe pè ənɨ wɨ̀ nyaʼa gha ɨŋgam wɔ̂. Əne mbɨ nyaʼa kɔ kyeŋ rɨ̀kǎ ghà ni, “Mbə̀ nimnɨ mbaŋə̀ zɔ̂ rɨŋga ɨsɨg! Wɨ̀ rɨka kuʼi nɨ wɨrɨ chub ɨkǎ!”

Ɨ̀fàʼì 24:14

Àyɨə mə ben ɨ ne ni mə wɨə wumnɨ ə Ŋwìə̀ mba mɨ̀mbǎʼ rəŋwe ɨchî nɨ mɨə beenɨ əbɔʼ Ɨnə̂njɨ̀ we nɨ Kristo nyaʼa chwiə, nɨ mɨ̀mə̌d ə tɔŋə ni à yɨ ɨfɔtɨ mɨghab. Mə bə̀ ben ɨnû jìm mbe nɨ Mose nyaʼa ŋwàʼnɨ̀ ɨŋga ə̀ŋwàʼnɨ̀ ə rɨkə bə̀ ben mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀.

Ɨ̀fàʼì 24:4

Chəi mə̀ kə̀b nɨ chəkɨ e nyùmə̀, àyɨə mə wɨə buʼ ɨbɔ ɨ ne ni à nɨŋ fîŋ chɔ̀m zwetɨ ənû ze nɨ tɨ̀ berɨ nɨ gha ɨ ne ənɨ əkwirɨ ɨŋgam.

Ɨ̀fàʼì 25:7

Ənɨ Pɔ̂l nyaʼa yeʼe, mɨ̀Jû mbe nɨ nyaʼa swiʼi rɨ ə Jèrusalèm nyaʼa təm kad əməd kɔ zɨ ɨnû ka ka nɔnɔʼ ɨgwɨ məd nɨ chəi ənɨ tɨ̀ mbɨ chwi ni ɨnû mbe yɨ ɨnû rəsìʼ.

Ɨ̀fàʼì 26:5

À mɨ yeʼ nɨ mbɨ ghaʼ nɨ gha rəsìʼ, njɨ mbɨ fə kyerɨ ə nɔ̀ʼ tɨ rəŋwe ni mə yɨə Farisiî. Mɨ̀Farisiî yɨ ɨfɔtɨ we nɨ jeŋgɨ kàànɨ̀ ɨŋga a ənû ə ŋwiə̀.

Ɨ̀fàʼì 28:22

Àyɨə tɨ̀ bɨrɨ ghaʼ nɨ zu te rɨkɔndɨ, ɨmbə̀ʼ ɨghəm nɨ tɨ̀ ə kyerɨ ni bə̂d mbɨə ton ɨfɔtɨ fi wɔ̂ ɨsɨ jìm.”

Ɨ̀fàʼì 5:17

Ə̀dìì ə nyaʼa swi ɨŋga fîŋ ətu ɨgwɨ ə bə̂d mbàn Ŋwìə̀ bə̀ swi ɨŋga fîŋ bə̂d mɨjìm mbe nɨ nyaʼa mbɨ məd, əne yɨə bə̂d rɨŋga ɨfɔtɨ mɨ̀Sadusiî.

Ɨ̀fàʼì 6:13

Ənɨ mbɨ nyaʼa pè əŋgu, mbɨ nyaʼa zɨ̀ mɨ̀zərɨmbin mɨghab nɨ nyaʼa gha ni, “Mbaŋə̀ zɔ̂ zɨə ghà mɨŋgam rɨbɔ̀ŋ ɨmbə̀ʼ mbàn Ŋwìə̀ bə̀ fɔrɨ ɨmbə̀ʼ tɨkə rɨ Mose.

1 Kɔrèn 11:19

Mə kyerɨ ni ə̀ghàbrɨ̀ ə berɨ jwɨ̀ əkaʼ nən ɨmbə̀ʼ mbɨ kyerɨ bə̂d Kristo rəsìʼ.

1 Kɔrèn 4:13

Ənɨ mbɨ chəkɨ ta rɨkum, tɨ wɨə wììrɨ̀ ənɨ ɨŋgam chɔ̀m. Ɨ pe rɨ̀nîn bə̂d fə nɨŋ əwa ɨghabɨ ni tɨ̀ yɨ ɨghɨ rɨbɔ̀ŋ fɔrɨ ɨghabɨ ni tɨ̀ yɨ rɨfiŋɨ.

1 Pità 2:19

Ŋwiə̀ bɨrɨ zɨ əbɔrəbɔd ɨgun ə wə̀d we nɨə nyìʼə̀ fîŋ zuə rɨbuʼ bə̀ zəə ŋgəʼ ətu əko, ɨmbə̀ʼ ɨghəm nɨ wɨ̀ kyerɨ ni məd wɨ əŋgu.