Ɨ̀fàʼì 24:22 - Meta’

²² Felìz nɨ nyaʼa jeŋgɨ kyerɨ Ɨnə̂njɨ̀ we nɨ Yeso nyaʼa chwiə, nyaʼa chà ɨsaʼi we ɨmbì, ghàə̀ ni, “Ənɨ Lisiàs nɨ yeʼ ətu ə kyeŋ ɨgwɨ mɨ̀sɔgyɨ̀ swiʼi yeʼe, mə bɨrɨ sob ɨsaʼi wɔ̂.”

Ikan feg

²² Gɔbnà Feligs ne ya taŋ kyèri Inɔnjì we ne Yeso yaya chwìte, ya chà isaʼi we imbìghè, si gha, “Anyumə̀ ne Lisìyàs ne yaʼi atog wə̀d kyen igun mə̀sogyì biri yeʼe, mə biri sɔb isaʼi gho̰.”

Ɨ̀fàʼì 24:22 Marejeleo ya Msalaba

Matìyò 2:7

Ənɨ Herɔ̀d nyaʼa zu əne, wɨ̀ nyaʼa tɔŋ bə̂d mbe nɨ nyaʼa kyerɨ ənû ɨmbə̀ʼ rɨtəmɨ ənjìm ənjìm, nwèndɨ̀ nyùmə̀ we nɨ fɨtəmɨ fe kəʼ jwɨ̀.

Ɨ̀fàʼì 18:20

Ənɨ mbɨ nyaʼa gha ɨ bɔ ni wɨ̀ chub ənɨ əgha nɨ tɔ yi sààrɨ̀, wɨ̀ nyaʼa ton i.

Ɨ̀fàʼì 19:40

Ənû nɨ tɨ̀ berɨ nɨ bɔ yɨ ni mbɨ bɨrɨ zɨ ɨsaʼi ɨgwɨ na ni tɨ̀ fə bu əchɔb rə̀chɔ̀ŋ. Chəi ənɨ tɨ rɨ̀ tòʼrɨ̀ əton nɨ tɨə jùʼə̀.”

Ɨ̀fàʼì 24:10

Ənɨ gɔmnà we nyaʼa ghɨ ənweenɨ ənɨ mbi ɨbɔ ni Pɔ̂l ghàmə̀, wɨ̀ nyaʼa ghà ni: “Mə kyerɨ ni à fə saʼ əbeŋ zɔ̂ ɨghəm ɨwu nɔnɔʼ, əne mə kàŋ ghaʼ nɨ təm ənɨ e ɨfě ɨmbə̀ʼ chɨ̀ ɨnû mbe nɨ mbaŋə̀ tɔ̂ zɨ ɨgwɨ num.

Ɨ̀fàʼì 24:14

Àyɨə mə ben ɨ ne ni mə wɨə wumnɨ ə Ŋwìə̀ mba mɨ̀mbǎʼ rəŋwe ɨchî nɨ mɨə beenɨ əbɔʼ Ɨnə̂njɨ̀ we nɨ Kristo nyaʼa chwiə, nɨ mɨ̀mə̌d ə tɔŋə ni à yɨ ɨfɔtɨ mɨghab. Mə bə̀ ben ɨnû jìm mbe nɨ Mose nyaʼa ŋwàʼnɨ̀ ɨŋga ə̀ŋwàʼnɨ̀ ə rɨkə bə̀ ben mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀.

Ɨ̀fàʼì 24:24

Ənɨ ɨni mɔʼɔ nyaʼa chě, Felìz nyaʼa yeʼe mbɨ i ɨwi nɨ ɨkum məd nyaʼə Drùsilà. Ɨwi məd yɨə nyaʼə Jû. Wɨ̀ nyaʼa yeʼe əne, chà mbɨ tɔŋ ə Pɔ̂l, əne zu ɨnû mbe nɨ wɨ̀ nyaʼə ghà ɨmbə̀ʼ ɨchî nɨ tɨ̀ wə̀d nùŋ fîŋ ɨgun ə Kristo Yeso.

Ɨ̀fàʼì 24:6

Wɨ̀ nyaʼa kə̀b ni njɨ tə tìbrɨ̀ mbàn Ŋwìə̀, àyɨə tɨ̀ nyaʼa gywɨ̀ əməd. [Tɨ̀ nyaʼa kə̀b saʼ əməd ɨchî nɨ ta rɨkə chwiə.

Ɨ̀fàʼì 25:26

Chəi mə̀ kaŋ berɨ ənû ə mɔʼɔ nɨ tɨ̀ mə ŋwàʼnɨ̀ əmbɨ ɨfɔ̂n kyeŋ ɨmbə̀ʼ əməd. Əne mə fə nɨŋ əməd yeʼe ɨfě nən, màànɨ̀ ɨfě ne àwɔ̀ ɨfɔ̂n Agripà, ɨmbə̀ʼ tɨ̀ mɨ fə nwèndɨ̀ ɨsaʼi məd, mə we tɨ̀ mə berɨ ənû nɨ ŋwàʼnɨ̀.

Ɨ̀fàʼì 26:3

ɨmbə̀ʼ ɨghəm nɨ mə̀ kyerɨ ni à kàŋ jeŋgɨ kyerɨ mɨchî mɨ̀Jû mɨ̀jìm bə̀ kyerɨ ɨnû mbe nɨ mbɨə tàŋ rɨ ɨgun. Əne mə wɨə buʼ ɨbɔ ɨ ne ni à yim fîŋ zwetɨ ənû ze nɨ mə bɨrɨ ghà.

Ɨ̀fàʼì 9:2

pè ghà ɨ bɔ ni wɨ̀ ŋwaʼnɨ ɨ̀ŋwàʼnɨ̀ nɨ toʼrɨ əwi əmbɨ ə bə̂d mbe rɨŋga nəb tɨ ə̀kàtɨ̀ te rɨ ə Dàmaskɔ̀s, ɨmbə̀ʼ tə mɨ zə bə̂d mɔʼɔ əŋgu nɨə beenɨ əbɔʼ Ɨnə̂njɨ̀ we nɨ Yeso nyaʼə chwiə, kɨ̀ à kɨ ə mbaŋə̀ kɨ̀ à kɨ məyi, tə we tɨ̀ rə gywɨ̀ mɨ̀mə̌d kod nɨŋ yeʼe ə Jèrusalèm.