Ɨ̀fàʼì 24:16 - Meta’

¹⁶ Əne mə wɨə kywɨ ənywɨ ɨ zə ni mɨ fîŋ zeŋ ɨfě Ŋwiə̀ bə̀ zeŋ ɨfě bə̂d.

Ikan feg

¹⁶ Mə kirə ika ijìm ni ghì gha ìmə fìŋ zen imbìghè abə Ŋwiye fɔrɔ imbìghè abə bəd.

Ɨ̀fàʼì 24:16 Marejeleo ya Msalaba

Ɨ̀fàʼì 23:1

Pɔ̂l nyaʼa toŋ əghə ɨgwɨ mə̀saʼ əbeŋ mbe ghà ni, “Mbɨ bɔŋgɔb, ɨ pe rəchɔ̀ŋ, mə fə chub ɨfě Ŋwiə̀ mbɨ ə fîŋ nɨ zeŋɨ kwàʼ ɨchî chɔ̀m.”

Rm 2:15

Ɨ mbɨə chwiə ni mbɨ fə ŋwàʼnɨ̀ ɨnû ze nɨ yeʼ ɨŋga rɨ̀kə̌ ɨŋga fîŋ tɨ mɨ̀mə̌d. Fîŋ ze nɨə saʼə mɨ̀mə̌d ə bə̀ chwiə ni à yɨ rəsìʼ. Tɨkɔndɨ tɨ mɨ̀mə̌d bɨrɨ sɨə saʼə mɨ̀mə̌d ɨmbə̀ʼ ɨnû nɨ kuʼnɨ fɔrɨ ɨmbə̀ʼ mbe nɨ chəi mbɨ kuʼnɨ.

Rm 9:1

Mə wɨə ghà rəsìʼ ɨchî nɨ mə yeʼ ənɨ ɨfɔtɨ mbɨ Kristo. Chəi mɨə ghàə̀ mɨghab. Əzwî ə Zeŋɨ ze nɨ yeʼ ɨŋga mɨ fîŋ ə fə ghɨ̀ mə kyerɨ ni chəi mɨə ghàə̀ mɨghab.

1 Kɔrèn 10:32

Mbə̀ we əwən ni tɨ mbə̀ ghɨ ə ənû ə mɔʼɔ ze nɨ bɨrɨ ghɨ ni mɨ̀Jû kɨ̀ bə̂d mbe nɨ kaʼi mɨ̀Jû kɨ̀ bə̂d rɨŋga ɨfetɨ bə̂d Ŋwiə̀ gu ənû.

1 Kɔrèn 4:4

Chəi mə̀ kyerɨ ənû rɨbɔ̀ŋ ə mɔʼɔ ze nɨ mə ghɨ, àyɨə zɨ rɨka chwi i ni chə mə̀ kweʼ ghɨ̀ ənû rɨbɔ̀ŋ. Àmei Ə̀nùŋɨ̀sɨg we nɨ tɨ̀ wɨ̀ saʼ əmɨ.

2 Kɔrèn 1:12

Tɨ̀nîn, ənû ze nɨ tɨə goŋ ɨgɔ̂ ɨgun yɨ ni, ta fîŋ ə zeŋ ni tɨ̀ wɨə ghɨ̀ ɨnû nɨ zeŋɨ mbɨ ni tɨ̀ wɨə bə̀ ghɨ̀ ɨnû mbe nɨ yeʼ mbɨ rəsìʼ ɨchî nɨ tɨ̀ yeʼ ɨŋga ɨsɨg, màànɨ̀ ɨchî nɨ tɨ̀ yeʼ əkaʼ nən. À yɨ ɨ̀chɔ̀m we nɨ Ŋwìə̀ nyaʼa ghɨ ənɨ ə num nyaʼa ghɨ ni mə̀ ghɨ əne, kaʼi ɨwe bə̂d mɨ̀sɔŋɨchù.

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

1 Tèsàlonikà 2:10

Mbənə mbɨ ə Ŋwiə̀ yɨ mɨ̀zərɨmbin ni tɨ̀ wɨə nyaʼə chub ɨzeŋɨ zeŋɨ, ghɨ̀ə̀ ɨnû nɨ kùʼnɨ̀ bə̀ ghɨ̀ə̀ ɨnû nɨ chəi ənɨ tɨ̀ wə̀d mɔʼɔ ghà ɨnû rɨbɔ̀ŋ ɨmbə̀ʼ əwa əmbɨ mbə̀n mbe nɨ ben ə Kristo.

1 Timotì 1:19

Ənɨ àwɔ̀ ə ghɨ̀ə̀ əne, à berɨ yim e ɨbenɨ wɨ kaanə bə̀ berɨ fîŋ nɨ zeŋɨ. Ɨchî nɨ chəi bə̂d mɔʼɔ ə zwetɨ ɨnû mbe nɨ fîŋ tɨ mɨ̀mə̌d ə ghàə̀, mbɨ fə nimnɨ ɨbenɨ we nɨ mbɨ nyaʼa berɨ.

1 Timotì 1:5

Əton nɨ mə gha ənû zɔ̂ ɨ ne yɨ ni bə̂d Kristo berɨ ghaʼ əwən mbənə mbənə. Ɨghaʼi we berɨ jwɨ rɨŋga fîŋ nɨ zeŋɨ, rɨŋga fîŋ nɨ chəi ɨnû rɨbɔ̀ŋ ɨŋga bə̀ fɔrɨ rɨŋga ɨbenɨ we nɨ yeʼ wɨ rəsìʼ.

1 Timotì 3:9

Mbɨ berɨ yim rəsìʼ we nɨ Ŋwìə̀ ghɨ ni bə̂d kyerɨ. Mbɨ berɨ ghɨ əne mbɨ ə fîŋ nɨ zeŋɨ.

2 Timotì 1:3

Mə wɨə nàʼə̀ məben-əwe əmbɨ ə Ŋwìə̀ we nɨ mɨə fàʼ ɨ bɔ mbɨ mɨ fîŋ nɨ zeŋɨ. Mə wɨə ghɨ̀ əne ɨchî nɨ mbɨ mɨ̀mbǎʼ rəŋwe nyaʼə bə̀ ghɨ̀ə̀. Mə wɨə kɔndɨ əwe ənɨ mɨ̀nyùmə̀ jìm mbe nɨ mɨə kɔ̀ŋgɨ̀ ə Ŋwiə̀ ɨzimɨ mbɨ əziə.

Tayitùs 1:15

Ɨnû jìm ə zeŋ əmbɨ ə bə̂d mbe nɨ fîŋ tɨ mɨ̀mə̌d zeŋɨ, àyɨə chəi mbɨ zeŋɨ əmbɨ ə bə̂d mbe nɨ chəi fîŋ tɨ mɨ̀mə̌d bə zeŋ. Chəi mbɨ bə zeŋ əmbɨ mbe nɨ chəi mbɨ nuŋ fîŋ ɨgun ə Kristo, ɨmbə̀ʼ ɨghəm nɨ ɨbə fə nyɨ ɨŋga tɨkɔndɨ tɨ mɨ̀mə̌d bə̀ nyɨ ɨŋga fîŋ tɨ mɨ̀mə̌d.

Mə̀Hibrù 10:22

Əne tɨ̀ tindɨ ɨban ə Ŋwiə̀ mbɨ ə fîŋ jìm bə̀ nùŋ ta rɨkɔndɨ jìm àmei ɨgwɨ məd. Tɨ̀ ghɨ̀ əne mbɨ ə fîŋ nɨ mbɨ fə zeŋnɨ tɨ ənɨ tɨkɔndɨ rɨbɔ̀ŋ. Tɨ̀ bə̀ ghɨ̀ əne ənɨ ə nyamnyod nɨ mbɨ so ənɨ mɨnib nɨ zeŋɨ.

Mə̀Hibrù 13:18

Mbə̀ kɔŋgɨ ə Ŋwìə̀ ɨgwɨ na. Tɨ kàŋ kyerɨ ni ta fîŋ ə zeŋ. Tɨ wɨə bə̀ kəb ghɨ̀ ɨnû jìm ɨchî nɨ kuʼnɨ.

Mə̀Hibrù 9:14

njɨ ənəm ə Kristo ə bɨrɨ zeŋnɨ əwa chè. Əzwî ze nɨ ten i koŋ ə nyaʼa ghɨ̀ ni Kristo naʼ i ɨnyod əmbɨ ə Ŋwiə̀ ənɨ əghɨ ə̀fà nɨ chəi ənɔʼɔ ɨmbə̀ʼ zeŋnɨ ta fîŋ tɨ ənɨ ɨnû rɨbɔ̀ŋ mbe nɨə ghɨ̀ ni bə̂d kwɨ. Əne yɨ ɨmbə̀ʼ tɨ̀ faʼ əmbɨ ə Ŋwìə̀ we nɨ yeʼ ɨkǎ.

1 Pità 2:19

Ŋwiə̀ bɨrɨ zɨ əbɔrəbɔd ɨgun ə wə̀d we nɨə nyìʼə̀ fîŋ zuə rɨbuʼ bə̀ zəə ŋgəʼ ətu əko, ɨmbə̀ʼ ɨghəm nɨ wɨ̀ kyerɨ ni məd wɨ əŋgu.

1 Pità 3:16

Mbə̀ berɨ fîŋ nɨ zeŋɨ, ɨmbə̀ʼ ɨtu nid bə̂d mbe nɨə ghà ɨnû rɨbɔ̀ŋ ɨmbə̀ʼ mɨchî chɔ̀m mbe nɨ mbə̀ berɨ ɨchî nɨ mbə̀ yeʼ bə̂d Kristo,

1 Pità 3:21

Mɨnib mbɔ̂ nɨ mbɨ nyaʼə nəŋ ɨgun nyaʼa təm ənɨ ənû nɨ bə̂d ə nɨŋə mɨnib. À yɨ mɨnib mbe ə chɨ̀ əwən rəŋgəʼ tɨ̀nîn. Kaʼ ənû nɨ nɨŋ mɨnib yɨ i ənû nɨ chɨ rɨfiŋ tɨ ənɨ ɨnyod. À yɨ ənû nɨ mbə̀ kaʼ əmbɨ ə Ŋwiə̀ mbɨ ə fîŋ nɨ zeŋɨ. Ənû nɨ nɨŋ mɨnib ə zɨə chɨ̀ əwən rəŋgəʼ ənjìm ɨchî nɨ Yeso Kristo nyaʼa zwemə.