Ɨ̀fàʼì 23:6 - Meta’

⁶ Ənɨ Pɔ̂l nyaʼa zə ni əbà ə fibɨ̀ tɨ ənɨ mbaŋə̀ te yɨə nyaʼə mɨ̀Sadusiî bə̀ zə ni əbà ə cherə yɨ nyaʼə mɨ̀Farisiî, wɨ̀ nyaʼa kyeŋ rɨkǎ əkaʼ mə̀saʼ əbeŋ mbe ghà ni, “Mbɨ bɔŋgɔb, mɔ̌ yɨə Farisiî, bə̀ yeʼ wan Farisiî. Mbə mbɨə saʼ əmɨ əgha ɨmbə̀ʼ ɨghəm nɨ mə wɨə nuŋ ɨkɔndɨ wòmə̀ ni bə̂d bɨrɨ zwemə.”

Ikan feg

⁶ Anyumə̀ ne Pɔl ya bàri gha, inga ifeti itog bəd ne yaya sàʼa aben, bəd mɔ̀ʼɔ ya mə̀Sadùsi, mə̀mbin ya mə̀Farìsi, wì ya gha, “Ìmbum məfi, mo ya Farìsi. Ìmə mbaʼ ya Farìsi. Mə ya itəmi adiŋi isaʼi aŋa anìŋ mbi saʼà mə imbə̀ʼ icheg ne mə bḛ gha, iwu bəd biri ghum zweme ane iwu.”

Ɨ̀fàʼì 23:6 Marejeleo ya Msalaba

Matìyò 10:16

“Mbə̀ zə, mə wɨə chà əwən ɨsɨg ɨghabɨ ə njɨ̀g əkaʼ ɨfɔ̂n. Mbə̀ we ɨghabɨ jɔ, bə̀ bɔtɨ ɨghabɨ mbɨ̀rə̀bəŋə.

Matìyò 22:23

Àmei əni ze, mɨ̀Sadusiî, nɨ nyaʼə ghàə̀ ni chəi bə̂d bɨrɨ zwemə, nyaʼa wò əsɨ Yeso pè biirɨ ɨ bɔ ni,

Matìyò 3:7

Àyɨə ənɨ wɨ̀ nyaʼa zə mɨ̀Farisiî nɔnɔʼ mbɨ mɨ̀Sadusiî nɔnɔʼ nɨ nyaʼə yeʼe ni wɨ̀ naʼ mɨnib əmbɨ mɨ̀mə̌d, wɨ̀ nyaʼa ghà əmbɨ mɨ̀mə̌d ni, “Mbə yɨə jɔ tɨ rɨbɔ̀ŋ! À kɨə we patɨ əwən ni mbə̀ norə tɨ ənɨ ə ŋgəʼ ze nɨə yeʼe ə?

Ɨ̀fàʼì 22:3

“Mɔ̌ yɨə Jû. Mbɨ nyaʼa gywɨ əmɨ ə Tasùs ə Selisià. Mə nyaʼa kwi əgha ə Jèrusalèm bə̀ kwembɨ ə̀ŋwàʼnɨ̀ əton ə Gàmalièl. Mə nyaʼa kwembɨ rɨkə te nɨ mbɨ nyaʼa naʼ əmbɨ mba mɨ̀mbǎʼ rəŋwe. Mə wɨə nyaʼə bə̀ zɨ̀ ətu ənɨ ə̀fàʼì ə Ŋwiə̀ ɨchî nɨ mbə̀n mɨjìm ə zɨ̀ rə̀chɔ̀ŋ.

Ɨ̀fàʼì 22:30

Ətu ə kyeŋ ɨgwɨ mɨ̀sɔgyɨ̀ nyaʼə kə̀b kyerɨ əton nɨ mɨ̀Jû mbe nyaʼa zɨ ɨsaʼi ɨgwɨ ə Pɔ̂l. Əne à nyaʼa əni ze nɨ beenɨ, wɨ̀ nyaʼa ghà mbɨ zà ə Pɔ̂l, ghà əmbɨ ə bə̂d kyeŋ mbe rɨ ə mbàn Ŋwìə̀ bə̀ ghà əmbɨ mə̀saʼ əbeŋ mɨjìm ni mbɨ yeʼe bòmnɨ̀. Əne wɨ̀ nyaʼa nɨŋ ə Pɔ̂l nùŋ ɨfě mɨ̀mə̌d.

Ɨ̀fàʼì 22:5

Ətu ɨgwɨ ə bə̂d mbàn Ŋwìə̀ mbɨ mə̀saʼ əbeŋ mɨjìm mbe tɨ mbɨ ben ni ənû zɔ̂ nɨ mɨə ghà ɨ nən yɨ ənû rəsìʼ. Mə nyaʼa nɨŋ ɨ̀ŋwàʼnɨ̀ rɨ əmbɨ mɨ̀mə̌d ɨ wò nàʼ əmbɨ mɨ̀Jû mbe nɨ nyaʼa ə Dàmaskɔ̀s. Əne mə nyaʼa wò əŋgu ɨmbə̀ʼ gywɨ bə̂d Kristo, kod nɨŋ yeʼe ə Jèrusalèm ɨmbə̀ʼ mbɨ chə mɨ̀mə̌d.

Ɨ̀fàʼì 23:1

Pɔ̂l nyaʼa toŋ əghə ɨgwɨ mə̀saʼ əbeŋ mbe ghà ni, “Mbɨ bɔŋgɔb, ɨ pe rəchɔ̀ŋ, mə fə chub ɨfě Ŋwiə̀ mbɨ ə fîŋ nɨ zeŋɨ kwàʼ ɨchî chɔ̀m.”

Ɨ̀fàʼì 23:15

Əne mbə̀nə mbɨ mə̀saʼ əbeŋ tom ɨkə̂n tɨ̀nîn əmbɨ ətu ɨgwɨ mɨ̀sɔgyɨ̀ ni wɨ̀ cha ə Pɔ̂l ɨ nən. Mbə̀ ghɨ ɨghabɨ ni mbə mbɨə kəb jeŋgɨ nwendɨ ɨsaʼi məd kwàʼ ɨchî chɔ̀m. Tɨ̀ fə tekɨ ɨnyod nɨ zwiirɨ əməd bɔŋ wɨ̀ sɨə pe əgha.”

Ɨ̀fàʼì 23:20

Əjɔŋ ze ə nyaʼa wììrɨ̀ ni, “Mɨ̀Jû mɔʼɔ fə ben ni mbɨ bɨrɨ gha ɨ ne ni à nɨŋ ə Pɔ̂l swiʼi wò mbɨ məd ɨŋga ɨ̀chàm mɨ̀mə̌d ɨsɔ. Ɨ mbɨə ghɨ̀ ɨghabɨ ni mbɨ kəb jeŋgɨ nwendɨ ənû ɨmbə̀ʼ əməd kwàʼ ɨchî chɔ̀m.

Ɨ̀fàʼì 23:7

Ənɨ wɨ̀ nyaʼa ghà əne, mɨ̀Farisiî mbɨ mɨ̀Sadusiî nyaʼa kɔ tàŋɨ, əne ɨfetɨ we nyaʼa ghàbrə̀.

Ɨ̀fàʼì 24:15

Mə wɨə nùŋ ɨkɔndɨ wòmə̀ wə̀d we nɨ Ŋwiə̀ nyaʼa kaʼi, ɨchî nɨ mɨ̀mə̌d ə bə̀ wòmə̀. Ɨkɔndɨ we yɨ ni bə̂d mbe nɨ ɨnû mɨ̀mə̌d kuʼnɨ mbɨ mbe nɨ chəi ɨnû mɨ̀mə̌d kùʼnɨ̀ bɨrɨ zwemə.

Ɨ̀fàʼì 24:21

kɨrɨ ənɨ à yɨ ənû zɔ̂ ə mɔʼ nɨ mə nyaʼa təm əkaʼ mɨ̀mə̌d kyeŋ rɨkǎ ghà ni, 'Mbə̀ mbɨə saʼ əmɨ rə̀chɔ̀ŋ ɨmbə̀ʼ ɨghəm nɨ mə̀ ben ni bə̂d bɨrɨ zwemə.'”

Ɨ̀fàʼì 28:20

À yɨ əton nɨ mə ghà ni mbə̀ yeʼe mə̀ zə əwən, bə̀ ghàmbɨ̀ mbɨ nən, ɨmbə̀ʼ ɨghəm nɨ à yɨ ɨmbə̀ʼ Wə̀d we nɨ mɨ̀Izre nuŋ tɨkɔndɨ wòm, nɨ ghɨ ni mbɨ kod əmɨ ənɨ mɨ̀kàrə̀ mbɔ̂.”

Fìlipì 3:5

Mbɨ nyaʼa nè əmɨ ənɨ mə̀ nyaʼa ɨni famɨ. Mɨ mbǎʼ mbɨ mɨ nɨŋ yɨə nyaʼə mɨ̀Izre rɨŋga ɨnəbɨ Benjamìn, əne mɔ̌ yɨə kàŋə̀ wə̀d Hibrù rəsìʼ. Ɨ beenɨ əbɔʼ rɨkə, mə yɨ rɨŋga ɨfɔtɨ mɨ̀Farisiî.

Kòlosè 1:5

Tɨ̀ wɨə bə̀ nàʼ ɨmbə̀ʼ ɨnû mbe nɨ mbə nuŋ rɨkɔndɨ wòm nɨ Ŋwìə̀ nuŋ ɨ nən ɨkaŋ. Mbə nyaʼa fə be zu ənû zɔ̂ ɨŋga ɨŋgam rəsìʼ we nɨ yeʼ ɨkə̂n chɔ̀m we

Mə̀Hibrù 6:19

Ənû zɔ̂ nɨ tɨə wòmə̀ yɨ əghɨ ze nɨ a ɨ̀tènɨ̀ təm ɨgun kàànɨ̀ nɨ chəi ənɨ tɨ əghɨ ə mɔʼɔ chìʼ. Zɨə bɨrɨ ghɨ̀ ni tɨ̀ wo əsɨ ɨwumnɨ ze nɨ yeʼ ənjìm ngywɨ̌ ze nɨ mbɨ tam ɨŋga mbàn Ŋwìə̀,