Ɨ̀fàʼì 23:1 - Meta’

¹ Pɔ̂l nyaʼa toŋ əghə ɨgwɨ mə̀saʼ əbeŋ mbe ghà ni, “Mbɨ bɔŋgɔb, ɨ pe rəchɔ̀ŋ, mə fə chub ɨfě Ŋwiə̀ mbɨ ə fîŋ nɨ zeŋɨ kwàʼ ɨchî chɔ̀m.”

Ikan feg

¹ Anyumə̀ ne Pɔl təmi imbìghè abə itog bəd mbe ne yaya sàʼa aben, wì ya nèn awɔb kwàʼ igun ìfe, ghà inɔb gha, “Məmbon, mə yaya fàʼà àmə àfàʼì abə Ŋwiye kwàʼ ane fìŋ zḛ zḛ kə̀ bèyi amad anìŋ.”

Ɨ̀fàʼì 23:1 Marejeleo ya Msalaba

Matìyò 5:22

Àyɨə mə wɨə ghà ɨ nən ni: Wə̀d mɔʼɔ mɨ sə ɨtəm əbɔʼ wi aŋgɔb, mbɨ bɨrɨ saʼ əməd. Wə̀d mɔʼɔ mɨ zɔ̀m wi aŋgɔb, mbɨ bɨrɨ nɨŋ əməd wò ni mə̀saʼ əbeŋ saʼ əməd. Wə̀d mɨ ghà əmbɨ wi aŋgɔb ni, 'Àwɔ̀ yɨ əneŋ!' mbɨ bɨrɨ maʼ əməd ɨŋga əsɨ ɨchə nɨ chəi ɨwid ə nɔ nìmə.

Ɨ̀fàʼì 22:1

“Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ ənû ze nɨ mə̀ bɨrɨ gha ɨfě nən ɨmbə̀ʼ chɨ ɨnû rɨ ɨgwɨ num.”

Ɨ̀fàʼì 22:30

Ətu ə kyeŋ ɨgwɨ mɨ̀sɔgyɨ̀ nyaʼə kə̀b kyerɨ əton nɨ mɨ̀Jû mbe nyaʼa zɨ ɨsaʼi ɨgwɨ ə Pɔ̂l. Əne à nyaʼa əni ze nɨ beenɨ, wɨ̀ nyaʼa ghà mbɨ zà ə Pɔ̂l, ghà əmbɨ ə bə̂d kyeŋ mbe rɨ ə mbàn Ŋwìə̀ bə̀ ghà əmbɨ mə̀saʼ əbeŋ mɨjìm ni mbɨ yeʼe bòmnɨ̀. Əne wɨ̀ nyaʼa nɨŋ ə Pɔ̂l nùŋ ɨfě mɨ̀mə̌d.

Ɨ̀fàʼì 22:5

Ətu ɨgwɨ ə bə̂d mbàn Ŋwìə̀ mbɨ mə̀saʼ əbeŋ mɨjìm mbe tɨ mbɨ ben ni ənû zɔ̂ nɨ mɨə ghà ɨ nən yɨ ənû rəsìʼ. Mə nyaʼa nɨŋ ɨ̀ŋwàʼnɨ̀ rɨ əmbɨ mɨ̀mə̌d ɨ wò nàʼ əmbɨ mɨ̀Jû mbe nɨ nyaʼa ə Dàmaskɔ̀s. Əne mə nyaʼa wò əŋgu ɨmbə̀ʼ gywɨ bə̂d Kristo, kod nɨŋ yeʼe ə Jèrusalèm ɨmbə̀ʼ mbɨ chə mɨ̀mə̌d.

Ɨ̀fàʼì 23:15

Əne mbə̀nə mbɨ mə̀saʼ əbeŋ tom ɨkə̂n tɨ̀nîn əmbɨ ətu ɨgwɨ mɨ̀sɔgyɨ̀ ni wɨ̀ cha ə Pɔ̂l ɨ nən. Mbə̀ ghɨ ɨghabɨ ni mbə mbɨə kəb jeŋgɨ nwendɨ ɨsaʼi məd kwàʼ ɨchî chɔ̀m. Tɨ̀ fə tekɨ ɨnyod nɨ zwiirɨ əməd bɔŋ wɨ̀ sɨə pe əgha.”

Ɨ̀fàʼì 23:20

Əjɔŋ ze ə nyaʼa wììrɨ̀ ni, “Mɨ̀Jû mɔʼɔ fə ben ni mbɨ bɨrɨ gha ɨ ne ni à nɨŋ ə Pɔ̂l swiʼi wò mbɨ məd ɨŋga ɨ̀chàm mɨ̀mə̌d ɨsɔ. Ɨ mbɨə ghɨ̀ ɨghabɨ ni mbɨ kəb jeŋgɨ nwendɨ ənû ɨmbə̀ʼ əməd kwàʼ ɨchî chɔ̀m.

Ɨ̀fàʼì 23:28

Mə nyaʼa kəb kyerɨ ɨsaʼi we nɨ mbɨ zɨ ɨgwɨ məd, əne mə nyaʼa nɨŋ əməd wò ɨŋga ɨ̀chàm mɨ̀mə̌d.

Ɨ̀fàʼì 23:6

Ənɨ Pɔ̂l nyaʼa zə ni əbà ə fibɨ̀ tɨ ənɨ mbaŋə̀ te yɨə nyaʼə mɨ̀Sadusiî bə̀ zə ni əbà ə cherə yɨ nyaʼə mɨ̀Farisiî, wɨ̀ nyaʼa kyeŋ rɨkǎ əkaʼ mə̀saʼ əbeŋ mbe ghà ni, “Mbɨ bɔŋgɔb, mɔ̌ yɨə Farisiî, bə̀ yeʼ wan Farisiî. Mbə mbɨə saʼ əmɨ əgha ɨmbə̀ʼ ɨghəm nɨ mə wɨə nuŋ ɨkɔndɨ wòmə̀ ni bə̂d bɨrɨ zwemə.”

Ɨ̀fàʼì 24:16

Əne mə wɨə kywɨ ənywɨ ɨ zə ni mɨ fîŋ zeŋ ɨfě Ŋwiə̀ bə̀ zeŋ ɨfě bə̂d.

Ɨ̀fàʼì 6:15

Bə̂d mɨ̀jìm mbe nɨ nyaʼa chub ɨŋga ɨ̀chàm we nyaʼa toŋ əghə ɨgwɨ məd zə ni ɨfě məd wɨə nyaʼa ɨghabɨ wɨ aŋgɨrə̀.

1 Kɔrèn 4:4

Chəi mə̀ kyerɨ ənû rɨbɔ̀ŋ ə mɔʼɔ ze nɨ mə ghɨ, àyɨə zɨ rɨka chwi i ni chə mə̀ kweʼ ghɨ̀ ənû rɨbɔ̀ŋ. Àmei Ə̀nùŋɨ̀sɨg we nɨ tɨ̀ wɨ̀ saʼ əmɨ.

2 Kɔrèn 1:12

Tɨ̀nîn, ənû ze nɨ tɨə goŋ ɨgɔ̂ ɨgun yɨ ni, ta fîŋ ə zeŋ ni tɨ̀ wɨə ghɨ̀ ɨnû nɨ zeŋɨ mbɨ ni tɨ̀ wɨə bə̀ ghɨ̀ ɨnû mbe nɨ yeʼ mbɨ rəsìʼ ɨchî nɨ tɨ̀ yeʼ ɨŋga ɨsɨg, màànɨ̀ ɨchî nɨ tɨ̀ yeʼ əkaʼ nən. À yɨ ɨ̀chɔ̀m we nɨ Ŋwìə̀ nyaʼa ghɨ ənɨ ə num nyaʼa ghɨ ni mə̀ ghɨ əne, kaʼi ɨwe bə̂d mɨ̀sɔŋɨchù.

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

2 Timotì 1:3

Mə wɨə nàʼə̀ məben-əwe əmbɨ ə Ŋwìə̀ we nɨ mɨə fàʼ ɨ bɔ mbɨ mɨ fîŋ nɨ zeŋɨ. Mə wɨə ghɨ̀ əne ɨchî nɨ mbɨ mɨ̀mbǎʼ rəŋwe nyaʼə bə̀ ghɨ̀ə̀. Mə wɨə kɔndɨ əwe ənɨ mɨ̀nyùmə̀ jìm mbe nɨ mɨə kɔ̀ŋgɨ̀ ə Ŋwiə̀ ɨzimɨ mbɨ əziə.

Mə̀Hibrù 13:18

Mbə̀ kɔŋgɨ ə Ŋwìə̀ ɨgwɨ na. Tɨ kàŋ kyerɨ ni ta fîŋ ə zeŋ. Tɨ wɨə bə̀ kəb ghɨ̀ ɨnû jìm ɨchî nɨ kuʼnɨ.

1 Pità 3:16

Mbə̀ berɨ fîŋ nɨ zeŋɨ, ɨmbə̀ʼ ɨtu nid bə̂d mbe nɨə ghà ɨnû rɨbɔ̀ŋ ɨmbə̀ʼ mɨchî chɔ̀m mbe nɨ mbə̀ berɨ ɨchî nɨ mbə̀ yeʼ bə̂d Kristo,