Ɨ̀fàʼì 22:16 - Meta’

¹⁶ Əne tɨ̀nîn à kɨə wòm ə ye ə? Nɔʼ rətiə, nɨŋ mɨnib, kɔ̀ŋgɨ̀ Ə̀nùŋɨ̀sɨg ɨmbə̀ʼ wɨ̀ so mbe ɨnû rɨbɔ̀ŋ.'

Ikan feg

¹⁶ Ane, àghò kə amad anìŋ ghɔ̀mɔ̀ aghə? Nɔ̀ʼɔ titighe, niŋ mənib, dèg abə Anɔŋisəg wì so ìmbe inug tibɔ̀ŋ.›

Ɨ̀fàʼì 22:16 Marejeleo ya Msalaba

Jn 13:8

Pità nyaʼa ghà ɨ bɔ ni, “Chəi à bɨrɨ nɔ so mbɨ ɨwu!” Yeso nyaʼa wììrɨ̀ ɨ bɔ ni, “À mɨ yeʼ nɨ chəi mə̀ so mbe ɨwu, njɨ kyerɨ ni chəi à berɨ ənû ə mɔʼɔ nɨ ghɨ mbɨ num.”

Ɨ̀fàʼì 2:21

Ɨgwɨ əni ze, wə̀d mɔʼɔ we nɨ tɔŋ ɨkum Ə̀nùŋɨ̀sɨg bɨrɨ jwɨ̀ rəŋgəʼ.

Ɨ̀fàʼì 2:38

Pità nyaʼa wììrɨ̀ əmbɨ mɨ̀mə̌d ni, “Wə̀d mɔʼ mɔʼ rəbɔʼ nən beŋ i fîŋ, nɨŋ mɨnib ənɨ ɨkum Yeso Kristo, ɨmbə̀ʼ Ŋwìə̀ waʼ mbə ɨnû rɨbɔ̀ŋ. Mbə mɨ ghɨ̀ əne, mbə bɨrɨ berɨ ɨneʼe nɨ yeʼ Əzwî ə Zeŋɨ.

Ɨ̀fàʼì 7:59

Ənɨ mbɨ nyaʼə tumbɨ ə Stɨfɨ̀n əne, wɨ̀ nyaʼa kɔ̀ŋgɨ̀ ə Ŋwiə̀ ghà ni, “Ə̀nùŋɨ̀sɨg Yeso, nɨŋ mɨ əzwî!”

Ɨ̀fàʼì 9:14

Wɨ̀ fə nɨŋ ɨka rɨ əmbɨ ə bə̂d kyeŋ mbe rɨ ə mbàn Ŋwìə̀, əne wɨ̀ fə yeʼe əgha ɨmbə̀ʼ gywɨ̀ bə̂d mɨjìm mbe nɨə wumnɨ əwe.”

Ɨ̀fàʼì 9:18

Àmei əwu əwən, əghɨ ə mɔʼɔ ɨghabɨ əkəb əgwi nyaʼa feŋ tɨ ənɨ əghə əməd, əne wɨ̀ nyaʼa wɨrɨ kɔ zə ɨsɨ. Wɨ̀ nyaʼa nɔ̀ʼ nɨŋ mɨnib.

1 Kɔrèn 1:2

Tɨ̀ wɨə ŋwaʼnɨ əmbɨ ɨfetɨ bə̂d Ŋwiə̀ we rɨ ə Kɔrèn, əmbɨ ə bə̂d mbe nɨ Ŋwìə̀ ghɨ̌ mbɨ zeŋ ɨchî nɨ mbɨ yeʼ ənɨ ɨfɔtɨ mbɨ Kristo, nɨ Ŋwìə̀ nyaʼa bə̀ tɔŋə ni mbɨ yeʼ mbi bə̂d. Tɨ̀ wɨə bə̀ ŋwaʼnɨ əmbɨ ə bə̂d mɨ̀jìm mbe nɨə wumnɨ a Ə̀nùŋɨ̀sɨg Yeso Kristo ɨsɨ jìm. Məd yɨ Ə̀nùŋɨ̀sɨg mɨ̀mə̌d bə̀ fɔrɨ wa.

1 Kɔrèn 12:13

Tɨ̀ nyaʼa nɨŋ mɨnib ənjìm Əzwî ze ə mɔʼ. Əne tɨ̀ fə fɔtɨ sɨə nyamnyod mɔʼ. Ŋwìə̀ nyaʼa zɨ̀ Əzwî ze ə mɔʼ ɨŋga ta fîŋ, kɨ̀ tɨ̀ yɨ mɨ̀Jû kɨ̀ bə̂d nɨ kaʼi mɨ̀Jû, kɨ̀ tɨ̀ yɨ ɨ̀bòʼò kɨ̀ bə̂d nɨ yeʼ ənɨ ə ɨghəm.

1 Kɔrèn 6:11

Bə̂d mɔʼɔ rəbɔʼ nən mbɨə nyaʼə ghɨ̀ ɨnû mbɔ̂. Àyɨə Ə̀nùŋɨ̀sɨg Yeso Kristo mbɨ Əzwî à Ŋwiə̀ fə sò əwən bə̀ zeŋnɨ əwən, ghɨ̀ mbə təm kùʼnɨ̀.

Gàlesìyà 3:27

Mbə̀n mɨjìm mbe nɨ nyaʼa fɔtɨ mbɨ Kristo ənɨ mbə̀ nyaʼa nɨŋ mɨnib, fə sɨ ɨghabɨ ə Kristo.

Efesùs 5:26

ɨmbə̀ʼ ɨfetɨ we chub ɨzeŋɨ zeŋɨ ɨchî nɨ wɨ̀ nyaʼa so ənɨ mɨnib bə̀ sò ənɨ ɨŋgam Ŋwiə̀.

Tayitùs 3:5

wɨ̀ nyaʼa chɨ̀ əwa rəŋgəʼ. Chəi wɨ̀ nyaʼa ghɨ əne ɨmbə̀ʼ ɨnû chɔ̀m mɔʼɔ mbe nɨ tɨ̀ nyaʼa ghɨ̌. Wɨ̀ nyaʼa chɨ̀ əwa yeʼ ɨmbə̀ʼ ɨghəm nɨ wɨ̀ diirɨ əwa əne che ənjìm Əzwî ə Zeŋɨ sò əwa tɨ̀ zeŋ, bèŋ əwa tɨ̀ sɨ ɨghabɨ ə bɔn bɔd bə̀ nàʼ ɨ̀tènɨ̀ fi ɨ na.

Mə̀Hibrù 10:22

Əne tɨ̀ tindɨ ɨban ə Ŋwiə̀ mbɨ ə fîŋ jìm bə̀ nùŋ ta rɨkɔndɨ jìm àmei ɨgwɨ məd. Tɨ̀ ghɨ̀ əne mbɨ ə fîŋ nɨ mbɨ fə zeŋnɨ tɨ ənɨ tɨkɔndɨ rɨbɔ̀ŋ. Tɨ̀ bə̀ ghɨ̀ əne ənɨ ə nyamnyod nɨ mbɨ so ənɨ mɨnib nɨ zeŋɨ.

1 Pità 3:21

Mɨnib mbɔ̂ nɨ mbɨ nyaʼə nəŋ ɨgun nyaʼa təm ənɨ ənû nɨ bə̂d ə nɨŋə mɨnib. À yɨ mɨnib mbe ə chɨ̀ əwən rəŋgəʼ tɨ̀nîn. Kaʼ ənû nɨ nɨŋ mɨnib yɨ i ənû nɨ chɨ rɨfiŋ tɨ ənɨ ɨnyod. À yɨ ənû nɨ mbə̀ kaʼ əmbɨ ə Ŋwiə̀ mbɨ ə fîŋ nɨ zeŋɨ. Ənû nɨ nɨŋ mɨnib ə zɨə chɨ̀ əwən rəŋgəʼ ənjìm ɨchî nɨ Yeso Kristo nyaʼa zwemə.