Ɨ̀fàʼì 21:3 - Meta’

³ Ənɨ tɨ̀ nyaʼa zə ə Saiprùs, tɨ̀ nyaʼa chè əton əton baanɨ wò ə Sirià, pè təm ə Taì. Mbɨ nyaʼa berɨ chɨ ɨghɨ mbe nɨ əbaŋ ze ə nyaʼa beʼe nùŋ əŋgu.

Ikan feg

³ Anyumə̀ ne tì ya təmi bàd Sayiprùs, tì si chè aton aton bàni ghò a Sirìyà pè təm a Tayì. Tayì ya asiŋi ne mbi ya beri ni chì ighi mbe ne abaŋ igyi ya bèʼi nɔ̀ŋì angu.

Ɨ̀fàʼì 21:3 Marejeleo ya Msalaba

Matìyò 11:21

Wɨ̀ nyaʼa ghà əmbɨ mɨ̀mə̌d ni, “Ŋgəʼ kyeŋ bɨrɨ nyɨ ɨgwɨ ne, àwɔ̀ Kòrazìn! Ŋgəʼ kyeŋ bə̀ nyɨ ɨgwɨ ne, àwɔ̀ Bètsaidà! À kɨ nɨ ɨnû yiirɨ mbe nɨ mbɨ nyaʼa ghɨ ɨŋga nən, yɨ mbɨ nyaʼa ghɨ ə Taì fɔrɨ ə Sidòn, njɨ bə̂d mbe rəŋgu nyaʼa fə bèŋ tə fîŋ rəŋwe, zɨ̀ tɨkurɨ ɨdì, bə̀ fùʼ əburɨ.

Matìyò 4:24

Ɨchî nɨ wɨ̀ nyaʼə ghɨ̀ əne, mɨkâ məd nyaʼa jàŋ ɨŋga Sirià jìm. Əze ə nyaʼa ghɨ̀ ni bə̂d mbe rəŋgu nɨŋ bə̂d mbe nɨ nyaʼə wɔ̀nə̀ tɨkwɨrɨ əwɔn jìm wò əsɨ məd. Wɨ̀ nyaʼa vɨ̀ bə̂d əwɔn mbe mɨjìm. Bə̂d əwɔn mbɔ̂ yɨ mbe nɨ ɨsɨ ɨnyod nyaʼə seə, mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, mbe nɨ ə̀fìrɨ̀ ə nyaʼə gywɨ̀ə̀ fɔrɨ mbe nɨ nyaʼa buʼrə.

Lk 10:13

“Ŋgəʼ kyeŋ bɨrɨ nyɨ ɨgwɨ ne, àwɔ̀ Kòrazìn! Ŋgəʼ kyeŋ bɨrɨ nyɨ ɨgwɨ ne, àwɔ̀ Bètsaidà. Ɨmbə̀ʼ ɨghəm nɨ à kɨ̀ nɨ ɨnû yiirɨ mbe nɨ mbɨ nyaʼa ghɨ ɨŋga nən, yɨ mbɨ nyaʼa ghɨ ə Taì fɔrɨ ə Sidòn, njɨ bə̂d mbe rəŋgu nyaʼa fə bèŋ tə fîŋ rəŋwe, zɨ̀ tɨkurɨ ɨdì, bə̀ fùʼ əburɨ.

Lk 2:2

Wɔ̂ yɨ ɨghəm rɨtu nɨ mbɨ nyaʼa taŋ bə̂d. À yɨə Kwìriniùs nyaʼə gɔmnà we nɨ nyaʼə tùmbɨ̀ ə Sirià ənɨ ə nyùmə̀ we.

Ɨ̀fàʼì 11:19

Mə̀saʼ əbeŋ nyaʼa zwiirɨ ə Stɨfɨ̀n, əne kɔ nwendɨ tɨkyerɨ-ɨwu bə̂d mbe nɨ nyaʼa ben ə Kristo. Bə̂d mbe nɨ nyaʼa ben ə Kristo nyaʼa jàŋ wò ə Fonesià, wò ə Saiprùs bə̀ wò ə Antiɔ̀k. Ənɨ mbɨ nyaʼə wòə̀, ɨ mbɨə nyaʼə yènə̀ ghà ɨŋgam Ŋwiə̀ àmei əmbɨ mɨ̀Jû.

Ɨ̀fàʼì 12:20

Herɔ̀d nyaʼa sə ɨtəm əbɔʼ bə̂d mbe rɨ ə Taì fɔrɨ ə Sidòn. Əne mbɨ nyaʼa fɔtɨ wò əsɨ məd ənɨ ɨnɔ̀n. Mbɨ nyaʼa pè zə ə Blasiùs nɨ nyaʼə nəŋgɨə tɔʼ Herɔ̀d, əne mbɨ nyaʼa fi ətu əməd ni wɨ̀ weerɨ əwən. Mbɨ nyaʼa ghɨ̀ əne, wò əsɨ Herɔ̀d pè ghà ɨ bɔ ni wɨ̀ ghɨ mbə̀ chub ənɨ əbɔrəbɔd, ɨmbə̀ʼ ɨghəm nɨ tɨjɨg tɨ mɨ̀mə̌d tɨə nyaʼə nɔ̀ʼ rɨŋga əbeŋ ə Herɔ̀d.

Ɨ̀fàʼì 13:4

Əzwî ə Zeŋɨ ə nyaʼa tom ə Banabàs mbɨ Sɔ̂l, əne mbɨ nyaʼa swiʼi wò ə Selusià. Mbɨ nyaʼa nɔ̀ʼ rəŋgu nyɨ əbaŋ ɨgyɨ̀ baanɨ wò əkəm əsɨ ze rɨŋga ɨgyɨ̀ nɨ mbɨ nyaʼə tɔŋ ənɨ Saiprùs.

Ɨ̀fàʼì 15:23

Mbɨ nyaʼa tom mɨ̀mə̌d mbɨ ə̀ŋwàʼnɨ̀ nɨ nyaʼa gha ni: “À yɨə mbà mbə bɔŋgɔb bə̂d tom Kristo mbɨ ə bə̂d mbe nɨə chà ɨfetɨ we rɨ ə Jèrusalèm ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən, mbə̀n mba bɔŋgɔb mbe nɨ kaʼi mɨ̀Jû nɨ yeʼ ə Antiɔ̀k, ə Sirià bə̀ fɔrɨ ə Selisià. Tɨ̀ wɨə chàʼrɨ̀ əwən.

Ɨ̀fàʼì 15:39

Ənû ze ə nyaʼa ghɨ̀ mbɨ tàŋ kwàʼ rɨŋgəʼ. Əze ə nyaʼa ghɨ̀ mbɨ ghàbrə̀. Banabàs nyaʼa nɨŋ ə Mak mbɨ ni mbɨ nyɨ əbaŋ ɨgyɨ̀ wò ə Saiprùs.

Ɨ̀fàʼì 15:41

Pɔ̂l nyaʼa wò chè ə Sirià fɔrɨ Selisià, yènə̀ tìmbɨ̀ ə bə̂d Kristo rɨŋga tɨfetɨ te nɨ nyaʼa ɨsɨ mbe.

Ɨ̀fàʼì 18:18

Pɔ̂l nyaʼa wɨrɨ chub ə Kɔrèn ɨni nɔnɔʼ. Ənɨ wɨ̀ nyaʼa maanɨ rəŋgu, wɨ̀ nyaʼa sàŋ bɔŋgɔb mbe, nɨŋ ə Prìsilà mbɨ Àkwilà mbɨ nyɨ əbaŋ ɨgyɨ̀ baanɨ wò ə Sirià. Bɔŋ mbɨ nyaʼa sɨə nɔʼ rɨə Senkrià, wɨ̀ nyaʼa serɨ e ətu ɨchî nɨ wɨ̀ nyaʼa fə kaʼ əmbɨ ə Ŋwiə̀.

Ɨ̀fàʼì 21:16

Bə̂d mɔʼɔ rəbɔʼ mbe nɨ nyaʼa ben ə Kristo nɨ nyaʼa rɨ ə Kàisàriyà nyaʼa wò mbɨ na. Mbɨ nyaʼa nɨŋ əwa tɨ wò chub əkwɨ Mnasɨ̀n. Mnasɨ̀n yɨə nyaʼə rɨ ə Saiprùs. Məd yɨə nyaʼə wɨ mɔʼɔ rəbɔʼ bə̂d rɨtu mbe nɨ nyaʼa ben ə Kristo.

Ɨ̀fàʼì 21:2

Tɨ̀ nyaʼa pè zə əbaŋ ɨgyɨ̀ nɨ nyaʼə baanɨə wò ə Fonesià, əne tɨ̀ nyaʼa nyɨ əbaŋ ɨgyɨ̀ ze kɔ wǒ.

Ɨ̀fàʼì 21:7

Tɨ̀ nyaʼa wò ɨmbì mbɨ ɨghanɨ we kɔ rɨ ə Taì wò pè ə Tolemaìs. Tɨ̀ nyaʼa pè chàʼrɨ̀ bɔŋgɔb mbe nɨ nyaʼa əŋgu, àyɨə tɨ̀ nyaʼa chubɨ mbɨ mɨ̀mə̌d àmei əni ə fibɨ̀.

Ɨ̀fàʼì 27:4

Tɨ̀ nyaʼa nɔ̀ʼ rɨ əwɔ kɔ wo, àyɨə ɨchî nɨ ɨfə nyaʼə tin əwa rɨ əbà rɨ ɨfě, tɨ̀ nyaʼa bèŋ wò chè əbà ə Saiprùs ze nɨ si nyaʼa kən ni tɨ əfim che i əŋgu.

Ɨ̀fàʼì 4:36

Zɨə nyaʼa chè ni Jòsêf, nɨ bə̂d tom nyaʼa chu əməd ənɨ ə Banabàs (əton ənɨ ɨkum we yɨ ni, Wan mbaŋə̀ nɨə tìmbɨ̀ ə bə̂d), nɨ nyaʼa rɨŋga ɨnəbɨ Levì, mbɨ gywɨ əməd ə Saiprùs,