Ɨ̀fàʼì 21:18 - Meta’

¹⁸ À nyaʼa əni ze nɨ beenɨ, mbǎ mbɨ Pɔ̂l nyaʼa wò zə ə Jems. Bə̂d mɨjìm mbe nɨ nyaʼə chà ɨfetɨ bə̂d Kristo mbɨə nyaʼə bə̀ əŋgu.

Ikan feg

¹⁸ Àsi aneg abɔ̀ʼ, mba məjìm tì Pɔl ya ghò ni zən Jem. Tì ya pè zən Jem tì itog bəd inga ifeti bəd Kristo ne ya yaʼi angu.

Ɨ̀fàʼì 21:18 Marejeleo ya Msalaba

Matìyò 10:2

Tɔ̂ yɨ rɨkum bə̂d tom mbe wum chɔ̀b rɨ̀be: Wɨ rɨtu yɨə Saimòn nɨ mbɨ nyaʼə bə̀ tɔŋ ənɨ Pità mbɨ Andrù nɨ nyaʼə aŋgɔb məd; Jems wan Zebèdiî mbɨ Jɔ̌n nɨ nyaʼə aŋgɔb məd;

Ɨ̀fàʼì 11:30

Mbɨ nyaʼa ghɨ̀ ənû ze, əne tom ə Banabàs mbɨ Sɔ̂l mbɨ ɨkab we nɨ mbɨ nyaʼa fetɨ ni mbɨ wo nàʼ əmbɨ ə bə̂d mbe nɨ nyaʼə chà ɨfetɨ bə̂d Kristo we rɨ ə Jèrusalèm.

Ɨ̀fàʼì 12:17

Pità nyaʼa mə̀ ənɨ e əbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa tòʼrɨ̀ ɨchî nɨ Ə̀nùŋɨ̀sɨg kəʼ chɨ əməd rɨ ə ndəŋ. Wɨ̀ nyaʼa ghɨ̀ əne ghà ni, “Mbə̀ gha ənû zɔ̂ əmbɨ Jems fɔrɨ əmbɨ ə bɔŋgɔb mbə.” Ənɨ wɨ̀ nyaʼa ghà əne, wɨ̀ nyaʼa nɔ̀ʼ wò əsɨ ə cherə.

Ɨ̀fàʼì 15:13

Ənɨ mbɨ nyaʼa fə ghamɨ màànɨ̀, Jems nyaʼa ghà ni, “Bɔŋgɔb, mbə̀ zwetɨ mə ghamə.

Ɨ̀fàʼì 15:2

Pɔ̂l mbɨ Banabàs nyaʼa berɨ tàŋ kǎ kǎ mbɨ ə bə̂d mbe ɨmbə̀ʼ ənû ze. Əne mbɨ nyaʼa chɔʼ ə Pɔ̂l mbɨ Banabàs mbɨ ə bə̂d Kristo cherə, tom mɨ̀mə̌d ni mbɨ kɔʼ wò ə Jèrusalèm wò nweenɨ ənû ze mbɨ ə bə̂d tom fɔrɨ mbɨ ə bə̂d mbe nɨ nyaʼə chà ɨfetɨ bə̂d Kristo.

Ɨ̀fàʼì 15:23

Mbɨ nyaʼa tom mɨ̀mə̌d mbɨ ə̀ŋwàʼnɨ̀ nɨ nyaʼa gha ni: “À yɨə mbà mbə bɔŋgɔb bə̂d tom Kristo mbɨ ə bə̂d mbe nɨə chà ɨfetɨ we rɨ ə Jèrusalèm ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən, mbə̀n mba bɔŋgɔb mbe nɨ kaʼi mɨ̀Jû nɨ yeʼ ə Antiɔ̀k, ə Sirià bə̀ fɔrɨ ə Selisià. Tɨ̀ wɨə chàʼrɨ̀ əwən.

Ɨ̀fàʼì 15:6

Bə̂d tom Kristo mbe mbɨ ə bə̂d mbe nɨ nyaʼə chà ɨfetɨ nyaʼa bòmnɨ̀ ɨmbə̀ʼ nweenɨ ənû zɔ̂.

Ɨ̀fàʼì 20:17

Pɔ̂l nyaʼa pè ə Miletùs chà mbɨ tɔŋ bə̂d mbe nɨ nyaʼə chà ɨfetɨ bə̂d Kristo we rɨ ə Efesùs ni mbɨ yeʼe kumnɨ əwi.

Ɨ̀fàʼì 24:11

Nwendɨ ɨchî chɔ̀m, à bɨrɨ zə ni chəi ɨni kɨrɨ chè wum chɔ̀b rɨ̀be nɨ mə nyaʼa kɔʼɔ wò ə Jèrusalèm ɨmbə̀ʼ wumnɨ ə Ŋwiə̀.

Gàlesìyà 1:19

Chəi mə nyaʼa zə wə̀d tom cherə chè rɨ ənɨ ə Jems we nɨ yeʼ aŋgɔb Ə̀nùŋɨ̀sɨg Yeso.

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.