Ɨ̀fàʼì 20:25 - Meta’

²⁵ “Əne tɨ̀nîn mə kyerɨ ni chəi wə̀d mɔʼɔ rəkaʼ mbə̀n mbe nɨ nyaʼə yènə̀ ghà ɨŋgam ɨmbə̀ʼ ənû ɨfɔ̀n ə Ŋwiə̀ bɨrɨ wɨrɨ zə əmɨ.

Ikan feg

²⁵ Amad anìŋ, mə kyèri gha chəyi wə̀d mɔ̀ʼɔ abɔ̀ʼ inən biri ywìri bàd amə. Mə ya ghà mbə̰ mbe ne mə̀ yaya yḛ̀ nè ghàmà anug ìfɔ̀n Ŋwiye inən.

Ɨ̀fàʼì 20:25 Marejeleo ya Msalaba

Matìyò 10:7

Ənɨ mbə̀ə wòə̀, mbə yènə̀ ghà ɨŋgam Ŋwiə̀ əmbɨ ə bə̂d ni, 'Ənû ɨfɔ̀n rɨkaŋ ə fə tiinɨ.'

Matìyò 13:19

Bə̂d mbe nɨ zu ɨnû ɨmbə̀ʼ ənû ɨfɔ̀n rɨkaŋ, àyɨə chəi ɨtu mɨ̀mə̌d zeŋɨ yɨ ɨghabɨ ɨghɨ mbe nɨ nyaʼa feŋ ɨgwɨ ɨnə̂njɨ̀. Wə̀d rɨbɔ̀ŋ nyaʼa wò fè ɨnû mbe nɨ mbɨ nyaʼa kon ɨŋga fîŋ tɨ mɨ̀mə̌d.

Matìyò 13:52

Əne wɨ̀ nyaʼa ghà əmbɨ mɨ̀mə̌d ni, “Əne yɨ ni, əchwiə̀ rɨ̀kə̌ jìm we nɨ fə kwembɨ ənû ɨmbə̀ʼ ənû ɨfɔ̀n rɨkaŋ, yɨ ɨghabɨ ə wə̀d nəb we nɨə chɨ̀ ɨghɨ fi bə̀ chɨ̀ mbɨ ənun rɨŋga i ŋgə̌n.”

Matìyò 4:17

Ɨ kɔ rɨ ənɨ ə nyùmə̀ we, Yeso nyaʼa kɔ ghà ɨŋgam Ŋwiə̀ ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Matìyò 4:23

Yeso nyaʼa ghanə yènə̀ ɨŋga Galiliî jìm. Wɨ̀ nyaʼə yènə̀ chwi ɨnû ɨŋga nəb tɨ ə̀kàtɨ̀ te rɨŋga ɨsɨ mbe, bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ. Wɨ̀ nyaʼə bə̀ yènə̀ vɨ̀ə̀ tɨkwɨrɨ əwɔn jìm bə̀ vɨ̀ə̀ tɨkwɨrɨ ɨnɔʼɔ jìm.

Lk 16:16

“Tɨkə rɨ Mose mbɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨə nyaʼə saʼə bə̂d wò pè ənɨ ə nyùmə̀ Jɔ̌n we nɨ nyaʼə nàʼ mɨnib. Ɨ kɔ rɨ ənɨ ə nyùmə̀ we, ɨ mbɨə ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀, əne wə̀d jìm wɨə kəb nyɨ ə ɨŋga ənû ɨfɔ̀n ze ənɨ ɨka.

Lk 9:60

Yeso nyaʼa wììrɨ̀ ɨ bɔ ni, “Saŋ ɨvɨ bə̂d tweŋ mbə ɨvɨ bə̂d. À yeʼ ɨmbə̀ʼ əwe, ndə̀ wo saʼ ni ənû ɨfɔ̀n ə Ŋwiə̀ ə zɨə yeʼe.”

Ɨ̀fàʼì 20:38

Mbɨ nyaʼa kàŋ kə̀n əku ɨmbə̀ʼ ɨŋgam we nɨ wɨ̀ nyaʼa ghà əmbɨ mɨ̀mə̌d ni chəi mbɨ bɨrɨ nɔ wɨrɨ zə əwi. Mbɨ nyaʼa ghɨ əne, nɨŋ əməd wò chà ɨŋga əbaŋ ɨgyɨ̀.

Ɨ̀fàʼì 28:31

Ɨ wɨə nyaʼə ghà ɨmbə̀ʼ ənû ɨfɔ̀n ə Ŋwiə̀, bə̀ chwi ɨnû ɨmbə̀ʼ Ə̀nùŋɨ̀sɨg Yeso Kristo əsaŋ əsaŋ mbɨ ə fîŋ nɨ kǎ. Chəi wə̀d mɔʼɔ nyaʼa kən əməd.

Ɨ̀fàʼì 8:12

Àyɨə ənɨ mbɨ nyaʼa ben ənû ze nɨ Filip nyaʼə ghàə̀, nɨ nyaʼa ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀ bə̀ fɔrɨ ɨmbə̀ʼ ə Yeso Kristo, mbɨ nyaʼa nɨŋ mɨnib, mbaŋə̀ mbɨ məyi.

Rm 15:23

Àyɨə tɨ̀nîn nɨ chəi mə̀ wɨrɨ berɨ ə̀fàʼì ɨŋga ɨba ɨbeŋ mbɔ̂ mbɨ ɨchî nɨ mə nyaʼa kàŋ kə̀b ɨghəm ɨwu nɔnɔʼ nɨ yeʼ əsɨ nən,

Gàlesìyà 1:22

Chəi bə̂d rɨŋga rɨfetɨ bə̂d Kristo te rɨ ə Jùdeyà nyaʼa be kɨrɨ zə əmɨ.

Kòlosè 2:1

Mə wɨə kə̀bə̀ ni mbə̀ kyerɨ ni mə wɨə fàʼ rɨka ɨmbə̀ʼ əwən, ɨmbə̀ʼ bə̂d mbe rɨ ə Laodisià, fɔrɨ ɨmbə̀ʼ bə̂d mɨjìm mbe nɨ chəi mbɨ kyerɨ əmɨ.