Ɨ̀fàʼì 20:2 - Meta’

² Ənɨ wɨ̀ nyaʼə chè ɨŋga ɨba ɨbeŋ mbe, wɨ̀ nyaʼə yènə̀ tìmbɨ̀ ə bə̂d rɨŋga ɨsɨ mbe ənɨ mɨŋgam nɔnɔʼ. Ɨ wɨə nyaʼə ghɨ̀ əne wò pè ə Gris.

Ikan feg

² Anyumə̀ ne Pɔl ya yaʼi a Màsèdonìyà, wì yaya yḛ̀ iben iben nè nə̀rə fìŋ abə bəd mbe ne ya nɔŋi ìwɔb ibḛfiŋ igun Yeso Kristo. Wì ya si ghò pè a Gris.

Ɨ̀fàʼì 20:2 Marejeleo ya Msalaba

Lk 3:18

Jɔ̌n wɨə nyaʼə chwi ɨnû əmbɨ ə bə̂d ənɨ tɨkwɨrɨ ɨnə̂njɨ̀ nɔnɔʼ. Ɨ wɨə nyaʼə bə̀ gha ɨkə̂n chɔ̀m əmbɨ mɨ̀mə̌d.

Ɨ̀fàʼì 14:22

Ɨ mbɨə nyaʼə yènə̀ tìmbɨ̀ ə bə̂d mbe nɨ nyaʼa ben ə Kristo, bə̀ yènə̀ ghàə̀ ni mbɨ yim ɨbenɨ wɨ kaanə wo ɨmbì. Mbɨ nyaʼa bə̀ ghà əmbɨ mɨ̀mə̌d ni, “Tɨ̀ berɨ zə ŋgəʼ nɔnɔʼ bɔŋ nyɨ ɨŋga ənû ɨfɔ̀n ə Ŋwiə̀.”

Ɨ̀fàʼì 15:41

Pɔ̂l nyaʼa wò chè ə Sirià fɔrɨ Selisià, yènə̀ tìmbɨ̀ ə bə̂d Kristo rɨŋga tɨfetɨ te nɨ nyaʼa ɨsɨ mbe.

Ɨ̀fàʼì 16:12

Tɨ̀ nyaʼa nɔ̀ʼ rəŋgu wò ə Filipì, nɨ nyaʼa əsɨ ə kyeŋ əbà əbeŋ ze rɨ ə Màsèdonià. À yɨ məRom nyaʼə tùmbɨ̀ əsɨ ze. Tɨ̀ nyaʼa chub ɨni mɔʼɔ ɨŋga əsɨ ze.

Ɨ̀fàʼì 17:1

Pɔ̂l mbɨ Sailàs nyaʼa chè ə Amfipolìs fɔrɨ ə Àpolonià wò pè ə Tèsàlonikà, nɨ yeʼ əsɨ nɨ nəb ə̀kàtɨ̀ mɨ̀Jû nyaʼa əŋgu.

Ɨ̀fàʼì 17:10

À nyaʼa sɨ ɨzimɨ, bə̂d mbe rɨ ə Tèsàlonikà nɨ nyaʼa ben ə Kristo nyaʼa chà ə Pɔ̂l mbɨ Sailàs ə Berià. Ənɨ mbɨ nyaʼa pè əŋgu, mbɨ nyaʼa wò nyɨ ɨŋga nəb ə̀kàtɨ̀ mɨ̀Jû.

Ɨ̀fàʼì 2:40

Pità nyaʼa ghà mɨŋgam cherə nɔnɔʼ əmbɨ mɨ̀mə̌d, kəərɨ mɨ̀mə̌d ghà ni, “Mbə̀ jwɨ rɨ ɨŋga ŋgəʼ ze nɨ bɨrɨ nyɨ ɨgwɨ ɨghəm bə̂d wɔ̂ nɨə ghɨ̀ ɨnû rɨbɔ̀ŋ.”

Ɨ̀fàʼì 20:1

Ənɨ əchɔb ze ə nyaʼa fə mì i, Pɔ̂l nyaʼa chà bə̂d ni mbɨ tɔŋ bə̂d mbe nɨ nyaʼa ben ə Kristo. Ənɨ wɨ̀ nyaʼa fə timbɨ mɨ̀mə̌d bə̀ ndàʼnɨ̀ mbɨ mɨ̀mə̌d, wɨ̀ nyaʼa nɔ̀ʼ wò ə Màsèdonià.

Ɨ̀fàʼì 20:11

Ənɨ Pɔ̂l nyaʼa bə̀ndɨ̀ wò ɨŋga ətu ə nəb ze rɨkaŋ, wɨ̀ nyaʼa jɨg Ɨtarɨ Ə̀nùŋɨ̀sɨg bə̀ jɨg əghɨjɨg mbɨ ə bə̂d mbe. Wɨ̀ nyaʼa ghàmbɨ̀ mbɨ mɨ̀mə̌d wò pè ənɨ ɨtuʼ nyaʼa chɨgɨ. Ənɨ ɨtuʼ nyaʼa chɨgɨ, wɨ̀ nyaʼa nɔ̀ʼ wo i.

Ɨ̀fàʼì 20:3

Wɨ̀ nyaʼa chub əŋgu əmɨg ətad. Ənɨ wɨ̀ nyaʼə tekɨ ɨnyod nɨ baanɨ wo ə Sirià, wɨ̀ nyaʼa zu ni mɨ̀Jû mɔʼɔ mbɨə nyaʼə taŋ mɨnaŋ ɨmbə̀ʼ zwiirɨ əwi, əne wɨ̀ nyaʼa nuŋ ɨŋga i fîŋ ni tə bɨrɨ bəndɨ wo che ə Màsèdonià bɔŋ sɨə wò ə Sirià.

1 Kɔrèn 4:19

Àyɨə Ŋwìə̀ mɨ benɨ, mə bɨrɨ zambɨ yeʼe əsɨ nən. Mə mɨ yeʼe, mə bɨrɨ pe nwèndɨ̀ ɨnû mbe nɨ bə̂d mbe nɨə seenɨ ə ghàə̀, bə̀ nwèndɨ̀ ɨka we nɨ mbɨ berɨ.

Kòlosè 1:28

Tɨ̀ wɨə ghà ənû ɨmbə̀ʼ ə Kristo əmbɨ ə wə̀d jìm. Tɨ̀ wɨə nɨŋ ɨwe we nɨ Ŋwìə̀ naʼ ɨ na patɨə mɨ̀mə̌d bə̀ chwi ɨnû əmbɨ wə̀d jìm, ɨmbə̀ʼ tɨ nɨŋ wə̀d jìm we nɨ fə kwi kàànɨ ɨchî nɨ wɨ̀ yeʼ ənɨ ɨfɔtɨ mbɨ Kristo wò ɨfě Ŋwiə̀.

1 Tèsàlonikà 2:11

Mbə kyerɨ ə ni tɨ̀ wɨə fàʼə̀ mbɨ nən ɨchî nɨ mbǎʼ ə fàʼə̀ mbɨ mbi bɔn.

1 Tèsàlonikà 2:3

Ka ɨchî nɨ tɨ̀ nyaʼə ghà ɨŋgam Ŋwiə̀ yɨ i rɨ ənɨ ɨchî nɨ tɨ̀ feb ənû, kɨ̀ rɨ ənɨ tɨkɔndɨ rɨbɔ̀ŋ, kɨ̀ ɨmbə̀ʼ tambɨ əwən.

1 Tèsàlonikà 4:1

Mba bɔŋgɔb, ɨ wo ɨmbì, tɨ̀ nyaʼa fə chwi ɨchî nɨ tɨ̀ mbə̀ chubɨ ɨmbə̀ʼ ghɨ ni fîŋ Ŋwìə̀ bɔŋ ə. À yɨ rəsìʼ ni mbə mbɨə chub əne. Tɨ̀nîn tɨ̀ wɨə buʼ ɨbɔ bə̀ ghà ɨ nən ənɨ ɨkum Ə̀nùŋɨ̀sɨg Yeso ni mbə̀ wo ɨmbì ghɨ əne chè ɨchî nɨ mbə̀ nyaʼə bèə̀ ghɨ̀ə̀.