Ɨ̀fàʼì 2:11 - Meta’

¹¹ Tɨ̀ yɨ mɨ̀Jû mbɨ ə bə̂d mbe nɨ fə beŋ tə fîŋ ben ənû ə Ŋwiə̀ mɨ̀Jû. Tɨ̀ yɨ rɨ ə Kret bə̀ fɔrɨ rɨ ə Àrebìà. Àyɨə mba mɨjìm mbɨə zu ənɨ mbɨə ghà ɨnû kyeŋ mbe nɨ Ŋwìə̀ ghɨ̌. Ɨ mbɨə ghàə̀ yeʼ ənɨ mba mɨŋgam əbeŋ.”

Ikan feg

¹¹ Mba ya mə̀Ju fɔrɔ bəd ne bəŋi ìtɔb fìŋ bḛ anug Ŋwiye mə̀Ju. Mba mɔ̀ʼɔ ya bə̀ məKred tì məÀrabìyà. Mba məjìm mbe zùghə icheg ne bəd Kristo mbo̰ mbe ghàmà inga ìta tìngam aben, mə̀tə̀ iyeti inùg ne Ŋwiye fàʼi!”

Ɨ̀fàʼì 2:11 Marejeleo ya Msalaba

Ɨ̀fàʼì 2:10

tɨ̀ yɨ rɨ ə Frigìà bə̀ fɔrɨ rɨ ə Pamfilià, rɨ ə Ijìpt bə̀ fɔrɨ rɨŋga ɨba ɨbeŋ mbe rɨ ə Libià ɨban ə Sìrin. Mba mɨmɔʼɔ yɨ rɨ ə Rom.

Ɨ̀fàʼì 2:12

Ənû ze ə nyaʼa chè mɨ̀mə̌d mɨjìm, ɨtu mɨ̀mə̌d bə̀ bùùrɨ̀, əne mbɨ nyaʼa kɔ biirɨ mbənə mbənə ni, “Əton ənɨ ənû zɔ̂ kɨ ni yè ə?”

Ɨ̀fàʼì 27:12

Ɨchî nɨ chəi əsɨ ze nɨ mbɨ nyaʼa pè təm nyaʼa kuʼ nɨ tɨ̀ mbɨ chub əŋgu ənɨ ə nyùmə̀ we nɨ ɨfə ə kɔ əku, bə̂d mɨ̀nɔnɔʼ nyaʼa ghà ni mbɨ wo ɨmbì, ɨghə̀m mbə pè ə Fonìz. Fonìz yɨə nyaʼa əsɨ ə kyeŋ ə Kret. Ə zɨə nyaʼə neŋ əbà ze nɨ nyùmə̀ ə jwɨ̀ə̀. Tɨ̀ nyaʼa chub əŋgu pè ənɨ nyùmə̀ ɨfə we nyaʼa chě.

Ɨ̀fàʼì 27:13

Ənɨ əfim ze rɨ əbà rɨ əton ə nyaʼa kɔ chě tɨpiî rɨ̀piî, mbaŋə̀ te nyaʼa kɔndɨ ni tɨ̀ fə berɨ ənû ze nɨ tɨ̀ nyaʼə kə̀bə̀. Əne tɨ nyaʼa sùŋ ətənɨ ze nɨə ghɨ̀ əbaŋ ə təm ɨŋga ɨgyɨ̀, chɨ̀. Tɨ̀ nyaʼa ghɨ əne, kɔ yen ɨban ə Kret, kwàʼ ɨban mboŋ.

Ɨ̀fàʼì 27:7

Tɨ̀ nyaʼa nyeʼə yèn əton ə ŋgəʼ kǎ kǎ ɨni nɔnɔʼ. Tɨ̀ nyaʼa yèn əne wò pè ɨban ə Nidùs. Chəi əfim nyaʼa ben ni tɨ̀ wo ɨmbì. Əne tɨ̀ nyaʼa chè ɨban ə Salmonè nɨ nyaʼa əbà rɨ ə Kret ze nɨ chəi əfim ə nyaʼə che əŋgu.

1 Kɔrèn 12:10

Ŋwìə̀ wɨə nàʼ ɨka əmbɨ wə̀d mɔʼ ni wɨ̀ ghɨ ɨnû yiirɨ. Ɨ wɨə nàʼ ɨneʼe əmbɨ wɨ cherə ni wɨ̀ gha ɨkə̂n Ŋwiə̀. Ɨ wɨə nàʼ ɨneʼe əmbɨ wɨ cherə ni wɨ̀ kyerɨ ɨkwepɨ rəbɔʼ mɨneʼe mbe nɨ Əzwî ə Zeŋɨ ə nàʼ rəbɔʼ mbe nɨ chəi Əzwî ə Zeŋɨ ə nàʼə̀. Ɨ wɨə nàʼ ɨneʼe əmbɨ wɨ cherə ni wɨ̀ gham mɨŋgam tɨkwɨrɨkwɨ. Ɨ wɨə bə̀ nàʼ ɨneʼe əmbɨ wɨ cherə ni wɨ̀ toʼrɨ mɨŋgam mbe.

1 Kɔrèn 12:28

Ŋwìə̀ fə chɔʼ bə̂d ɨŋga ɨfetɨ bə̂d Kristo. Mbɨ rɨtu yɨə bə̂d tom, mbe nɨ pe ənɨ mbɨ be yɨə bə̂d ɨ̀kə̀n, mbe nɨ pè ənɨ mbɨ tad yɨ məchwiə̀-ɨnû, beenɨ mbe nɨə ghɨ̀ ɨnû yiirɨ, beenɨ mbe nɨə vɨ̀ ɨwɔn, beenɨ mbe nɨə wèèrɨ̀ mbɨ cherə, beenɨ mbe nɨə tekɨ ɨchî nɨ ɨnû bɨrɨ yènɨ̀, beenɨ mbe nɨə ghàm mɨŋgam tɨkwɨrɨkwɨ.

Gàlesìyà 1:17

Chəi mə̀ nyaʼa be wò ə Jèrusalèm ɨ zə bə̂d mbe nɨ nyaʼa ə bə̂d tom Kristo ɨmbì num. Mə nyaʼa wò əwu əwən yeʼ ə Àrebìà bɔŋ mə̀ nyaʼa sɨ wɨrɨ bə̀ndɨ̀ wò ə Dàmaskɔ̀s.

Gàlesìyà 4:25

Hagà ə təm ənɨ Ɨwum Sinài ə Àrebìà. Məd yɨ ɨghabɨ ə Jèrusalèm wɔ̂ rə̀chɔ̀ŋ, ɨmbə̀ʼ ɨghəm nɨ məd mbɨ mbi bɔn yɨ ɨ̀bòʼò.

Tayitùs 1:12

Wə̀d mɔʼɔ rəbɔʼ mɨ̀mə̌d nɨ nyaʼə wə̀d-ɨwe nyaʼa ghà ni, “MəKret mbɨə ghà mɨghab ɨghəm jìm. Ɨ mbɨə ghɨ̀ ɨzɨg ɨghabɨ nyam rɨ tɔtɔ. Mbɨ yɨ mɨgwed nɨə jɨg əku.”

Tayitùs 1:5

Əton nɨ mə̀ nyaʼa saŋ əwe ə Kret yɨ ni à tekɨ ɨnû jìm mbe nɨ nyaʼa kɨrɨ buʼ ɨŋga ɨfetɨ bə̂d Kristo we. Mə nyaʼa bə̀ sàŋ əwe əŋgu ni à chɔʼ bə̂d mbe nɨə chà tɨfetɨ bə̂d Kristo ɨŋga ɨsɨ jìm mbe nɨ yeʼ ə Kret àmei ɨchî nɨ mə̀ nyaʼa fə gha ɨ ne.

Mə̀Hibrù 2:4

Ŋwìə̀ nyaʼa bə̀ chwiə ni ɨkə̂n we nɨ mbɨ̀aŋgɨrə̀ nyaʼa gha yɨ wɨ rəsìʼ, ɨchî nɨ wɨ̀ nyaʼa ghɨ̀ ɨnweenɨ-ɨnû, ghɨ̀ ɨnû nɨ chè bə̂d bə̀ ghɨ̀ ɨnû yiirɨ tɨkwɨrɨkwɨ. Wɨ̀ nyaʼa bə̀ ghàpɨ̀ mɨneʼe mbe nɨ Əzwî ə Zeŋɨ ə nàʼə̀. Wɨ̀ nyaʼa ghɨ̀ əne ɨchî nɨ wɨ̀ nyaʼa kəbɨ.