Ɨ̀fàʼì 19:9 - Meta’

⁹ Àyɨə mbɨ mɔʼɔ nyaʼa koorɨ mbə ɨ̀tǒŋ. Chəi mbɨ nyaʼa ben ənû ze nɨ Pɔ̂l nyaʼə ghàə̀. Mbɨ nyaʼa kɔ ghà ɨnû rɨbɔ̀ŋ ɨmbə̀ʼ Ɨnə̂njɨ̀ we nɨ Ə̀nùŋɨ̀sɨg nyaʼa chwiə. Əne Pɔ̂l nyaʼa jwɨ̀ i rəkaʼ mɨ̀mə̌d. Wɨ̀ nyaʼa nɨŋ bə̂d mbe nɨ nyaʼa ben ə Kristo mbɨ ni, mbɨ kɔ taŋ ɨni jìm ɨŋga ɨ̀chàm we nɨ Tìranùs nyaʼə chwi ɨnû ɨŋga.

Ikan feg

⁹ Si ya gha, bəd mɔ̀ʼɔ abɔ̀ʼ inɔb ya ghùbì ìtɔb fìŋ. Chəyi mbi ya bḛ anug ne Pɔl yaya ghà. Bəd ya ko se ghàmà inug tibɔ̀ŋ imbə̀ʼ Ikuchèg we ne Anɔŋisəg Yeso yaya chwìte. Ane, Pɔl ya sàŋì awɔb, nɔ̀ʼ yi. Wì ya niŋ mə̀mə̀nənùg Yeso se mùghə̀ tì inɔb tòʼrò inug inɔb ineg ijìm inga ichamì we abə Tayiranùs.

Ɨ̀fàʼì 19:9 Marejeleo ya Msalaba

Matìyò 15:14

Mbə̀ saŋ mɨ̀mə̌d! Mbɨ yɨ mɨfɨgɨ̀ nɨə chàə̀ mbɨ cherə. Ɨfɨgɨ mɨ yim mbàŋ əmbɨ wɨ cherə, mɨ̀mə̌d mbe mɨ̀be bɨrɨ feŋ ɨŋga ɨbɨgɨ.”

Matìyò 16:4

Ɨghəm bə̂d wɔ̂ rɨ̀nîn nɨə ghɨ̀ ɨnû rɨbɔ̀ŋ, nɨ chəi mbɨə nùŋə̀ tə fîŋ ɨgun ə Ŋwiə̀. Ɨ mbɨə kə̀bə̀ ni mə̀ ghɨ ənû ə yiirɨ, àyɨə chəi ənû ə yiirɨ ə mɔʼɔ nɨ mə̀ bɨrɨ ghɨ̀ chè rɨ ənɨ ənû ə yiirɨ ze nɨ nyaʼa ghɨ̌ ənɨ Jonà.” Wɨ̀ nyaʼa ghà əne, nɔ̀ʼ sàŋ mɨ̀mə̌d wo i.

Matìyò 26:55

Yeso nyaʼa ghà əmbɨ mɨnɔ̂n bə̂d mbe ni, “Mbə sɨ yeʼe ɨ gywɨ əmɨ mbɨ mɨbi fɔrɨ mbɨ ɨtum mbàŋ ɨghabɨ ni mə̀ yɨ ɨjɨ ə? Mə wɨə nyaʼə chub ɨŋga mbàn Ŋwìə̀ ɨni jìm chwiə ɨnû, àyɨə chəi mbə̀ nyaʼa gywɨ əmɨ.

Jn 12:40

“Ŋwìə̀ fə ghɨ əghə mɨ̀mə̌d ə fɨ̀gə̀, bə̀ ghɨ̀ fîŋ tɨ mɨ̀mə̌d tu, ɨmbə̀ʼ tɨ əghə mɨ̀mə̌d zə i ɨsɨ, tɨ fîŋ tɨ mɨ̀mə̌d bɨ kyerɨ i ɨnû, njɨ mbɨ bɨrɨ beŋ yeʼe əsɨ num ɨmbə̀ʼ mə vɨ mɨ̀mə̌d.”

Ɨ̀fàʼì 11:26

Ənɨ wɨ̀ nyaʼa zə əməd, wɨ̀ nyaʼa nɨŋ əməd mbɨ wò ə Antiɔ̀k. Ɨ mbɨə nyaʼə bòmnɨ̀ə̀ mbɨ ə bə̂d mbe nɨ nyaʼa ben ə Kristo. Ɨ mbɨə nyaʼə bòmnɨ̀ əne ənɨ əghəm əwu ə fibɨ̀. Mbɨ nyaʼə bòmnɨ̀ə̀ chwi ɨnû ɨmbə̀ʼ ə Yeso əmbɨ ə bə̂d mɨ̀nɔnɔʼ. À yɨ ə Antiɔ̀k nɨ mbɨ nyaʼa be kɔ tɔŋ bə̂d mbe nɨ nyaʼa ben ə Kristo ənɨ ə Bə̂d Kristo.

Ɨ̀fàʼì 14:4

Bə̂d mbe rɨŋga əsɨ ze nyaʼa ghàbrə̀. Mbɨ mɔʼɔ nyaʼa ben ɨnû mbe nɨ mɨ̀Jû nyaʼə ghàə̀, mbɨ cherə nyaʼa ben mbe nɨ bə̂d tom mbe nyaʼə ghàə̀.

Ɨ̀fàʼì 17:4

Bə̂d mɔʼɔ rəbɔʼ mɨ̀Jû mbe nɨ nyaʼa zu ɨŋgam we nyaʼa benɨ, əne fɔtɨ əbɔʼ Pɔ̂l mbɨ Sailàs. MəGris mɨ̀nɔnɔʼ nɨ nyaʼə nùŋə̀ fîŋ ɨgun ə Ŋwiə̀ mbɨ məyi kyeŋ kyeŋ nɔnɔʼ nyaʼa bə̀ fɔtɨ əbɔʼ mɨ̀mə̌d.

Ɨ̀fàʼì 19:23

À nyaʼa ənɨ ə nyùmə̀ we, əchɔb ə ka ka ə nyaʼa jwɨ̀ ə Efesùs ɨmbə̀ʼ Ɨnə̂njɨ̀ we nɨ Ə̀nùŋɨ̀sɨg nyaʼa chwiə.

Ɨ̀fàʼì 19:30

Pɔ̂l ziə nyaʼə kə̀b ni njɨ tə wò ɨfě ɨnɔ̂n bə̂d we, àyɨə chəi bə̂d mbe nɨ nyaʼa ben ə Kristo nyaʼa saŋ əməd ni wɨ̀ wo əŋgu.

Ɨ̀fàʼì 20:31

Əne mbə̀ we əwən kɔndɨə ni ənɨ ɨghəm ɨwu ɨtad, chəi mə nyaʼa waʼ nɨ patɨ wə̀d mɔʼ mɔʼ rəbɔʼ nən ɨzimɨ mbɨ əziə mbɨ mɨsɨ əghə.

Ɨ̀fàʼì 22:4

Mə wɨə nyaʼə nwèndɨ̀ rɨkyerɨ-ɨwu bə̂d mbe nɨ nyaʼə beenɨ əbɔʼ Ɨnə̂njɨ̀ wɔ̂ nɨ Kristo nyaʼə chwiə. Mə wɨə nyaʼə zwiirɨə mbɨ mɔʼɔ. Mə wɨə nyaʼə gywɨ̀ə̀ mbaŋə̀ mbɨ məyi korə wò nàʼə̀ ni mbɨ zɨ ə ndəŋ.

Ɨ̀fàʼì 24:21

kɨrɨ ənɨ à yɨ ənû zɔ̂ ə mɔʼ nɨ mə nyaʼa təm əkaʼ mɨ̀mə̌d kyeŋ rɨkǎ ghà ni, 'Mbə̀ mbɨə saʼ əmɨ rə̀chɔ̀ŋ ɨmbə̀ʼ ɨghəm nɨ mə̀ ben ni bə̂d bɨrɨ zwemə.'”

Ɨ̀fàʼì 28:22

Àyɨə tɨ̀ bɨrɨ ghaʼ nɨ zu te rɨkɔndɨ, ɨmbə̀ʼ ɨghəm nɨ tɨ̀ ə kyerɨ ni bə̂d mbɨə ton ɨfɔtɨ fi wɔ̂ ɨsɨ jìm.”

Ɨ̀fàʼì 7:51

“Mbə yɨə mɨ̀-ə̀kà ɨtu! Tə fîŋ mbɨ mbə ɨ̀tǒŋ yɨ ɨghabɨ tɨ bə̂d mbe nɨ kaʼi mɨ̀Jû! Chəi mbə̀ə zuunɨ Əzwî ə Zeŋɨ! Mbə yɨ ɨghabɨ mbə mɨ̀mbǎʼ rəŋwe. Mbə mbɨə ghɨ̀ àmei ɨnû mbe nɨ mɨ̀mə̌d nyaʼə ghɨ̀ə̀.

Ɨ̀fàʼì 9:2

pè ghà ɨ bɔ ni wɨ̀ ŋwaʼnɨ ɨ̀ŋwàʼnɨ̀ nɨ toʼrɨ əwi əmbɨ ə bə̂d mbe rɨŋga nəb tɨ ə̀kàtɨ̀ te rɨ ə Dàmaskɔ̀s, ɨmbə̀ʼ tə mɨ zə bə̂d mɔʼɔ əŋgu nɨə beenɨ əbɔʼ Ɨnə̂njɨ̀ we nɨ Yeso nyaʼə chwiə, kɨ̀ à kɨ ə mbaŋə̀ kɨ̀ à kɨ məyi, tə we tɨ̀ rə gywɨ̀ mɨ̀mə̌d kod nɨŋ yeʼe ə Jèrusalèm.

Rm 11:7

Əne kɨ nɨ yè ə? Chəi mɨ̀Izre nyaʼa berɨ əghɨ ze nɨ mbɨ nyaʼə kə̀bə̀. Bə̂d mbe nɨ Ŋwìə̀ nyaʼa chɔʼɔ nyaʼa berɨ əzɨ əwən, àyɨə ə̀bùʼ ə bə̂d nyaʼa ghɨ̀ tə fîŋ tu.

Rm 9:18

Əne məd wɨə dììrɨ̀ə̀ wə̀d we nɨ wɨ̀ kə̀b nɨ dììrɨ̀. Ɨ wɨə bə̀ tuurɨə fîŋ wə̀d we nɨ wɨ̀ kə̀b nɨ tuurɨ fîŋ məd.

1 Kɔrèn 16:9

ɨmbə̀ʼ ɨghəm nɨ əpan ə chɔ̀m ə fə jwɨ̀ ɨ num ni mə̀ faʼ ə̀fàʼì ə kyeŋ, àyɨə chəi bə̂d mɨ̀nɔnɔʼ kəbɨ ni mə faʼ ə̀fàʼì ze.

1 Timotì 6:5

bə̀ yeʼe mbɨ ənû nɨ ghɨ ni əchɔb ə kɨə gùə̀ əkaʼ bə̂d mbe nɨ chəi ənû ə chɔ̀m ɨŋga fîŋ tɨ mɨ̀mə̌d fɔrɨ əkaʼ mbe nɨ chəi mbɨə ghà rəsìʼ. Ɨ mbɨə kɔndɨə ni ənû ə Ŋwiə̀ yɨ ɨnə̂njɨ̀ nɨ tɨ̀ mbɨ chè berɨ ɨkab.

2 Timotì 1:15

Kyerɨ ni bə̂d Kristo nɔnɔʼ rɨ əbà əbeŋ ze rɨ ə Esià fə fìd njìm ənɨ ə num. Ka àbei Faigelùs mbɨ Hemogenès, mbɨ fə bə̀ fìd njìm ənɨ num.

2 Timotì 3:5

Mbɨ bɨrɨ sɨə ghɨ̀ ɨghabɨ ə bə̂d nɨ kyerɨ ə Ŋwiə̀, àyɨə mbɨ bɨrɨ ton ɨka Ŋwiə̀ we nɨ tɨ̀ wɨ ghɨ ni mbɨ yeʼ bə̂d Ŋwiə̀ rəsìʼ. Tɨrə̀ berɨ e ənû ə mɔʼɔ nɨ ghɨ̀ mbɨ tɨkwɨrɨ bə̂d tɔ̂.

2 Timotì 4:2

gha ɨŋgam Ŋwiə̀. Kɨ̀ bə̂d ghaʼ nɨ zu kɨ̀ chəi mbɨ ghaʼ nɨ zu, gha e gha. Mbɨ mɨ ghɨ ənû rɨbɔ̀ŋ, à gha əmbɨ mɨ̀mə̌d. Gham əbɔʼ mbe nɨə ghɨ̀ ɨnû rɨbɔ̀ŋ. Mbɨ mɨ ghɨ̀ ɨnû nɨ kuʼnɨ, à tìmbɨ̀ mɨ̀mə̌d. À berɨ yim fîŋ ənɨ à ghɨ̀ ɨnû mbɔ̂.

Mə̀Hibrù 3:13

Àyɨə mbə̀ kəərɨ əwən mbənə mbənə ɨni jìm, ɨchî nɨ mbɨə kɨrɨ tɔŋə əni ze ni, “Tə̀chɔ̀ŋ.” Mbə ghɨ əne ɨmbə̀ʼ tɨ ənû rɨbɔ̀ŋ ə mɔʼɔ ə tambɨ i əwən, əne ghɨ̀ tə fîŋ tu.

2 Pità 2:12

Bə̂d mbɔ̂ mbɨə ghɨ̀ yeʼ ɨnû mbe nɨə kɔʼ ɨŋga fîŋ tɨ mɨ̀mə̌d. Chəi mbɨə kɔndɨ ɨnû bɔŋ ghɨ̀. Mbɨ yɨ ɨghabɨ ə nyam rɨ tɔtɔ nɨ mbɨ nyaʼa gywɨ mɨ̀mə̌d ni bə̂d gywɨ ə zwiirɨ. Ɨ mbɨə chəkɨ ɨnû mbe nɨ chəi mbɨ kyerɨ, əne mbɨ bɨrɨ bɨ zwiirɨ mɨ̀mə̌d ɨchî nɨ mbɨə zwiirɨə nyam rɨ tɔtɔ.

2 Pità 2:2

Bə̂d mɨ̀nɔnɔʼ bɨrɨ kɨrɨ beenɨ əbɔʼ ɨnyamnɨ-ɨnû məchwiə̀-ɨnû mɨ̀ghab mbe. À yɨ ɨmbə̀ʼ ɨnû mbe nɨ mbɨə ghɨ̀ə̀ nɨ bə̂d bɨrɨ gha ɨnû rɨbɔ̀ŋ ɨmbə̀ʼ ɨchî rəsìʼ we nɨ bə̂d berɨ chubɨ.

Jûd 1:10

Àyɨə bə̂d mbɔ̂ mbɨə ghàm ɨŋgam rɨbɔ̀ŋ ɨmbə̀ʼ ɨnû mɔʼɔ mbe nɨ chəi ɨtu mɨ̀mə̌d zeŋ ɨmbə̀ʼ mbɨwən. Ɨnû mbe nɨ mbɨ che kyerɨ kyerɨ mbɨə chə̀kɨ̀ mɨ̀mə̌d. Mbɨ yɨ ɨghabɨ ə nyam rɨ tɔtɔ nɨə ghɨ̀ ɨnû əbəŋ əbəŋ.