Ɨ̀fàʼì 18:12 - Meta’

¹² Ənɨ Galiò nyaʼə gɔmnà əbà əbeŋ ze rɨ ə Àkàiyà, mɨ̀Jû mɔʼɔ rɨ əsɨ ze nyaʼa fɔtɨ wò gywɨ̀ ə Pɔ̂l nɨŋ wò ə nəb ɨsaʼi.

Ikan feg

¹² Anyumə̀ ne Gàliyò ya yaʼi gɔbnà inga aba aben ze à Akìyà, mə̀Ju mɔ̀ʼɔ angu ya fɔtɔ ghò gwì Pɔl niŋ ghò a nəb isaʼi.

Ɨ̀fàʼì 18:12 Marejeleo ya Msalaba

Matìyò 27:19

Ənɨ wɨ̀ nyaʼa chub ɨgun ətən ze nɨ wɨ̀ nyaʼə chub ɨgun sobə mɨsaʼi, ɨwi məd nyaʼa chà ɨkə̂n ɨ bɔ ni: “Tɨrə̀ berɨ e ənû ə mɔʼɔ nɨ ghɨ̀ mbɨ mbaŋə̀ zɔ̂, ɨmbə̀ʼ ɨghəm nɨ chəi wɨ̀ gu ənû ə mɔʼɔ. Mə wɨə ghà əne ɨmbə̀ʼ ɨghəm nɨ mə kàŋ zə ŋgəʼ əku ə njə̀m ɨzimɨ wɔ̂ ɨmbə̀ʼ əməd.”

Jn 19:13

Ənɨ Pailèt nyaʼa zu ɨŋgam we, wɨ̀ nyaʼa nɨŋ ə Yeso jwɨ̀ ɨsɨg pè chub ɨgun ətən ze nɨ wɨə chubə saʼə mɨsaʼi. Ətən ze nyaʼa əsɨ ze nɨ mbɨ nyaʼə tɔŋ ənɨ Ɨkye ɨkam əti. Mbɨ nyaʼə tɔŋ əsɨ ze ənɨ ɨŋgam Hibrù ni Gàbatà.

Ɨ̀fàʼì 13:12

Ənɨ gɔmnà we nyaʼa zə ənû ze nɨ nyaʼa ghɨ̌, wɨ̀ nyaʼa ben ɨŋgam Ŋwiə̀, ɨmbə̀ʼ ɨghəm nɨ ɨnû mbe nɨ mbɨ nyaʼə chwi ɨmbə̀ʼ Ə̀nùŋɨ̀sɨg nyaʼa chè əməd.

Ɨ̀fàʼì 13:50

Àyɨə mɨ̀Jû mbe nyaʼa no məyi kyeŋ kyeŋ mbe nɨ nyaʼa nuŋ fîŋ ɨgun ə Ŋwiə̀ bə̀ no bə̂d kyeŋ mbe rɨŋga əsɨ ze. Əne mbɨ nyaʼa kɔ nwendɨ tɨkyerɨ-ɨwu Pɔ̂l mbɨ Banabàs, əne fid mɨ̀mə̌d rɨŋga əbà əbeŋ ze.

Ɨ̀fàʼì 13:7

Ba-Yeso we yɨə nyaʼə sə̀ʼ gɔmnà we nɨ mbɨ nyaʼə tɔŋ ənɨ Sejiùs Paulùs. Gɔmnà we yɨə nɨ nyaʼə wə̀d ɨwe. Wɨ̀ nyaʼa tɔŋ ə Banabàs mbɨ Sɔ̂l ni mbɨ yeʼe əsɨ ni ɨmbə̀ʼ ɨghəm nɨ ɨ wɨ̀ nyaʼə kə̀bə̀ ni mbɨ gha ɨŋgam Ŋwiə̀ ɨ ni.

Ɨ̀fàʼì 13:8

Àyɨə wə̀d mɨ̀sà we, nɨ ɨkum məd nyaʼə Elimàs, (à yɨ ɨkum məd we ənɨ ɨŋgam Gris), nyaʼa ton i. Ɨ wɨə nyaʼə kə̀bə̀ ni tɨ gɔmnà we ben i ɨŋgam Ŋwiə̀.

Ɨ̀fàʼì 14:19

Mɨ̀Jû mɔʼɔ nyaʼa nɔ̀ʼ rɨ ə Antiɔ̀k bə̀ nɔ̀ʼ rɨ ə Ikoniùm wò ə Listrà. Mbɨ nyaʼa pè fi ɨtu mɨnɔ̂n bə̂d mbe ni mbɨ beenɨ əbɔʼ nən. Əne mbɨ nyaʼa tumbɨ ə Pɔ̂l ənɨ əti. Mbɨ nyaʼa kɔndɨ ni wɨ̀ fə kwɨ, əne mbɨ nyaʼa sùŋ əməd rɨŋga Listrà chà ɨsɨg.

Ɨ̀fàʼì 14:2

Àyɨə mɨ̀Jû mbe nɨ chəi mbɨ nyaʼa ben Kristo nyaʼa no bə̂d mbe nɨ kaʼi mɨ̀Jû, chə̀kɨ̀ fîŋ tɨ mɨ̀mə̌d ni mbɨ kɔ ban bə̂d mbe nɨ nyaʼa ben ə Kristo.

Ɨ̀fàʼì 17:13

Àyɨə ənɨ mɨ̀Jû mbe rɨ ə Tèsàlonikà nyaʼa zu ni Pɔ̂l wɨə ghà ɨŋgam Ŋwiə̀ ə Berià, mbɨ nyaʼa bə̀ wò əŋgu pè kɔ no bə̂d bə̀ tɔbə fîŋ tɨ mɨ̀mə̌d.

Ɨ̀fàʼì 17:5

Àyɨə ənɨ mɨ̀Jû mɔʼɔ nyaʼa zə əne, mbɨ nyaʼa kɔ ghɨ̀ ə̀dìì. Mbɨ nyaʼa wò fetɨ mbɨ̀rɨtan rɨ ɨtu ɨzib ənɨ ɨnɔ̂n. Mbɨ̀ritan mbe nyaʼa wò bù əchɔb ɨŋga əsɨ ze, nòrə̀ wò əkwɨ Jasɨ̀n, nɨ nyaʼa əsɨ ze nɨ Pɔ̂l mbɨ Sailàs nyaʼə chub əŋgu. Ɨ mbɨə nyaʼə kə̀b ə Pɔ̂l mbɨ Sailàs ɨmbə̀ʼ mbə mɨ zə mɨ̀mə̌d, mbə chɨ chà ɨsɨg əmbɨ ə bə̂d.

Ɨ̀fàʼì 18:11

Pɔ̂l nyaʼa zu əne, chub əŋgu əghəm əwu ə fibɨ̀ mbɨ əmɨg rɨ̀fuə. Wɨ̀ nyaʼa chub əne bə̀ sɨə ghà ɨŋgam Ŋwiə̀ əmbɨ ə bə̂d mbe rəŋgu.

Ɨ̀fàʼì 18:27

Ənɨ wɨ̀ nyaʼə kə̀b baanɨ wo ə Àkàiyà, bə̂d Kristo mbe rɨ ə Efesùs nyaʼa tìmbɨ̀ əməd, əne ŋwàʼnɨ̀ əmbɨ bə̂d Kristo mbe rɨ ə Àkàiyà ni mbɨ nɨŋ əməd. Ənɨ wɨ̀ nyaʼa pe əŋgu, wɨ̀ nyaʼa nàʼ ə̀wèèrɨ̀ ə kyeŋ əmbɨ ə bə̂d mbe nɨ Ŋwìə̀ nyaʼa ghɨ ɨ̀chɔ̀m ənɨ mɨ̀mə̌d mbɨ ben ə Kristo.

Ɨ̀fàʼì 19:21

Ənɨ ɨnû mbɔ̂ nyaʼa fə che i, Əzwî ə Ŋwìə̀ ə nyaʼa ghɨ̀ Pɔ̂l nùŋ ɨŋga i fîŋ ni tə bɨrɨ chè ə Màsèdonià bə̀ chè ə Àkàiyà bɔŋ wò ə Jèrusalèm. Wɨ̀ nyaʼa ghà ni, “Mə mɨ fə wò pè əŋgu, mə berɨ bɨ wo ə Rom.”

Ɨ̀fàʼì 25:10

Pɔ̂l nyaʼa wììrɨ̀ ni, “Mə yɨ əni ɨŋga nəb ɨsaʼi Kaisà, nɨ yeʼ əsɨ nɨ tɨ̀ à saʼ əmɨ əŋgu. Chəi mə̀ gu ənû ə mɔʼɔ əmbɨ mɨ̀Jû ɨchî nɨ à kàŋ kyerɨ.

Rm 15:26

Ɨfetɨ bə̂d Kristo we rɨ ə Màsèdonià mbɨ we rɨ ə Àkàiyà nyaʼa zə ni zɨə bɔ̀ŋ ni mbɨ chob ɨkab ənɨ ə ɨghəm nàʼ əmbɨ ə bə̂d ɨkwaŋ mbe nɨ yeʼ əkaʼ bə̂d Ŋwiə̀ mbe nɨ yeʼ ə Jèrusalèm.

Rm 16:5

Mbə̀ bə̀ chaʼrɨ ɨfetɨ bə̂d Kristo we nɨə bòmnɨ̀ ɨŋga nəb mɨ̀mə̌d. Mbə̀ chaʼrɨ ə Epenetùs. Məd yɨ mɨ sə̀ʼ nɨ mə̀ ghaʼi kwàʼ rɨŋgəʼ. À yɨə məd nyaʼa be ben ə Kristo əbà əbeŋ ze rɨ ə Esià.

1 Kɔrèn 16:15

Mbɨ bɔŋgɔb, mbə̀ nyaʼa fə kyerɨ ə ni ɨnəbɨ Stefanàs yɨə nyaʼə ɨnəbɨ rɨtu nɨ nyaʼa ben ə Kristo ə Àkàiyà. Mɨ̀mə̌d nyaʼa fə sweŋ ə ɨnyod nɨ faʼ əmbɨ ə bə̂d Ŋwiə̀. Əne mə wɨə buʼ ɨ bɔ ɨ nən ni,

2 Kɔrèn 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso ɨchî nɨ Ŋwìə̀ kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ɨfetɨ bə̂d Ŋwiə̀ we nɨ yeʼ ə Kɔrèn. Mə wɨə bə̀ ŋwàʼnɨ̀ əmbɨ ə bə̂d Ŋwiə̀ mɨjìm mbe nɨ yeʼ əbà əbeŋ ze rɨ ə Àkàiyà. Mɔ̌ mbɨ Timotì nɨ yeʼ wa aŋgɔb chàʼrɨ̀ əwən.

2 Kɔrèn 11:10

Mə wɨə ghà rəsìʼ ɨchî nɨ Kristo nyaʼə ghàə̀. Əne chəi wə̀d mɔʼɔ rɨŋga əbà əbeŋ ze rɨ ə Àkàiyà we tɨ̀ wɨ̀ təmnɨ ɨchî nɨ mɨə goŋ ɨgɔ̂.

2 Kɔrèn 11:26

Mə wɨə nyaʼə kɨə yènə̀. Mə nyaʼa nɨrə koŋ ɨŋga ɨgyɨ̀ kyeŋ. Mɨjɨ ka ka nyaʼa nɨrə zwiirɨ əmɨ. Mbɨ bə̂d əbeŋ nyaʼa nɨrə zwiirɨ əmɨ. Bə̂d mbe nɨ kaʼi mɨ̀Jû nyaʼa nɨrə zwiirɨ əmɨ. Mə nyaʼa nɨrə kwɨ ɨŋga ɨsɨ kyeŋ. Mə nyaʼa nɨrə kwɨ ɨŋga ɨbad rɨkwàʼi. Mə nyaʼa nɨrə kwɨ ɨŋga rɨ̀bàà. Bɔŋgɔb mɨghab nyaʼa nɨrə zwiirɨ əmɨ.

2 Kɔrèn 9:2

Mə kyerɨ ni mbə kàŋ ghaʼ nɨ wèèrɨ̀, əne mə wɨə goŋ ɨgɔ̂ ɨmbə̀ʼ əwən əmbɨ ə bə̂d Kristo mbe nɨ yeʼ ə Màsèdonià. Mə wɨə ghà əmbɨ mɨ̀mə̌d ni bə̂d Kristo mbe nɨ yeʼ ə Àkàiyà nyaʼa fə tekɨ ə ɨnyod nɨ naʼ ə̀wèèrɨ̀ ze nɔʼ tɨ rɨ əghəm əwu. Ɨchî nɨ mbə̀ ghaʼ nɨ naʼ ə̀wèèrɨ̀ ze ə fə ŋwè bə̂d mɨ̀nɔnɔʼ əkaʼ mɨ̀mə̌d ni mbɨ bə wèèrɨ̀.

1 Tèsàlonikà 2:14

Mba bɔŋgɔb, mbə mbɨə nyaʼə ghɨ̀ ɨnû mbe nɨ bə̂d mbe nɨ nyaʼa ɨŋga rɨfetɨ bə̂d Ŋwiə̀ te rɨ ə Jùdeyà nɨ yeʼ ənɨ ɨfɔtɨ mbɨ Kristo Yeso nyaʼə ghɨ̀ə̀. Mbə mbɨə nyaʼə zəə ŋgəʼ rɨ əmbɨ mbə bə̂d əbeŋ àmei ɨchî nɨ mbɨ nyaʼə zəə rɨ əmbɨ mɨ̀Jû.

1 Tèsàlonikà 2:16

ɨchî nɨ mbɨ nyaʼə kə̀b kən ni tɨ rɨ gham a əmbɨ ə bə̂d mbe nɨ kaʼi mɨ̀Jû ɨmbə̀ʼ mbɨ jwɨ̀ rəŋgəʼ. Àyɨə tɨ̀ nyaʼa wo ɨmbì rəbə gham a ghamɨ. Ɨchî nɨ mbɨ nyaʼə ghɨ̀ əne ə nyaʼa swe mbə ɨnû rɨbɔ̀ŋ mbɨ swi. Ŋwiə̀ nyaʼa sə ɨtəm əbɔʼ mɨ̀mə̌d ənɨ ɨnwǐ.

Jems 2:6

Àyɨə mbə fə tìbrɨ̀ wə̀d ɨkwaŋ. Kaʼ à wa kɨ i bə̂d mbɔ̂n mbe ə nyèm əwən ə? Kaʼ à wa kɨ i mɨ̀mə̌d ə sùŋ əwən nɨŋə wò ɨŋga nəb ɨsaʼi ə?