Ɨ̀fàʼì 16:6 - Meta’

⁶ Pɔ̂l mbɨ Sailàs fɔrɨ ə Timotì nyaʼa wò chè ə Frigìà nɨ nyaʼa ɨŋga əbà əbeŋ ze rɨ ə Gàlesià. Chəi Əzwî ə Zeŋɨ ə nyaʼa ben ni mbɨ ghà ɨŋgam Ŋwiə̀ ə Esià.

Ikan feg

⁶ Pɔl tì Sayilàs fɔrɔ Timotì ya chè inga Fìrigìyà fɔrɔ inga aba aben ze Gàlesìyà imbə̀ʼ icheg ne chəyi Azwighi Ŋwiye ya bḛ gha mbe ghama Ìngam Ŋwiye inga Esìyà.

Ɨ̀fàʼì 16:6 Marejeleo ya Msalaba

Lk 1:2

Mbɨ nyaʼa ŋwàʼnɨ̀ àmei ɨchî nɨ bə̂d mbe nɨ nyaʼa zə ɨnû mbe tɨ ənɨ mbɨ nyaʼa kɔ nyaʼa gha ɨ na. Bə̂d mbɔ̂ yɨ mbe nɨ nyaʼə ghà ɨkə̂n chɔ̀m.

Ɨ̀fàʼì 10:19

Ənɨ Pità nyaʼə kɨrɨ kɔndɨ e ətu ɨmbə̀ʼ əton ənɨ tɨ̀taanɨ njə̀m ze, Əzwî ə Zeŋɨ ə nyaʼa ghà ɨ bɔ ni, “Zə, bə̂d mɨ̀tad mbɨə kə̀b əwe.

Ɨ̀fàʼì 11:12

Əzwî ə Zeŋɨ ə nyaʼa ghà ɨ num ni mə wo mbɨ mɨ̀mə̌d, zɨ rɨ nyiʼnɨ ɨnyod. Mbɨ bɔŋgɔb mbɔ̂ rɨ̀fuə nyaʼa bə̀ wò mbɨ num, əne tɨ̀ nyaʼa wò nyɨ ɨŋga nəb mbaŋə̀ ze.

Ɨ̀fàʼì 16:7

Ənɨ mbɨ nyaʼə sɨə wò pe ə Misià, mbɨ nyaʼa kəb ni njɨ mbə wo nyɨ ə Bitinià, àyɨə chəi Əzwî ə Yeso ə nyaʼa ben ni mbɨ wo nyɨ ɨŋga əbà əbeŋ ze.

Ɨ̀fàʼì 18:23

Ənɨ wɨ̀ nyaʼa chub əŋgu ənɨ ə nyùmə̀ mɔʼɔ, wɨ̀ nyaʼa nɔ̀ʼ ghanə yèn ɨsɨ ɨsɨ ɨŋga əba əbeŋ ze rɨ ə Gàlesià fɔrɨ ə Frigìà. Wɨ̀ nyaʼə yènə̀ tìmbɨ̀ ə bə̂d mɨjìm mbe nɨ nyaʼa ben ə Kristo.

Ɨ̀fàʼì 19:10

Ɨ wɨə nyaʼə tàŋ mbɨ mɨ̀mə̌d ɨghəm ɨwu be. Əne bə̂d mɨ̀jìm mbe nɨ nyaʼə chub ə Esià, əne yɨ mɨ̀Jû mbɨ mbe nɨ kaʼi mɨ̀Jû, nyaʼa zu ɨŋgam Ə̀nùŋɨ̀sɨg.

Ɨ̀fàʼì 20:16

Ɨ ghɨ ni tɨ wɨ̀ chəkɨ i nyùmə̀ ə Esià, wɨ̀ nyaʼa fə nuŋ ɨŋga i fîŋ ni tə bɨrɨ chè ɨban ə Efesùs. Wɨ̀ nyaʼa kɨə zàmbɨ̀ə̀ wò ɨmbə̀ʼ ɨchî mɨ chwiə, wɨ̀ pè ə Jèrusalèm bɔŋ əni ə Pentekɔ̀s ə sɨə kùʼə̀.

Ɨ̀fàʼì 20:28

Əne mbə̀ nəŋgɨ ə ɨnyod mbənə mbənə, bə̀ nəŋgɨ bə̂d Kristo mɨ̀jìm mbe nɨ Əzwî ə Zeŋɨ ə fə nuŋ əwən ni mbə̀ nəŋgɨ. Mbə̀ nəŋgɨ ɨfetɨ bə̂d Ŋwiə̀ we nɨ wɨ̀ fə ghɨ̌ ənɨ wi ənjìm ənəm ze nɨ Wan məd nyaʼa chəmnɨ.

Ɨ̀fàʼì 20:4

Sopatà nɨ nyaʼə wan Pirùs tɨ ə Berià nyaʼa wò mbɨ məd. Bə̂d mɔʼɔ mbe rɨ ə Tèsàlonikà nɨ nyaʼa wo mbɨ məd yɨə nyaʼə Àristakùs mbɨ Sèkundùs. Gayùs rɨ ə Də̂be nyaʼa bə̀ wò mbɨ məd. Timotì nyaʼa bə̀ wo mbɨ məd fɔrɨ ə Taikikùs mbɨ Trofimùs nɨ nyaʼa rɨ ə Esià.

Ɨ̀fàʼì 21:27

Ənɨ ɨni mbe sambe nyaʼə sɨə wò mì, mɨ̀Jû mɔʼɔ nɨ nyaʼa yeʼe rɨ ə Esià, nyaʼa zə ə Pɔ̂l ɨŋga mbàn Ŋwìə̀, əne mbɨ nyaʼa no ɨnɔ̂n bə̂d we jìm. Mbɨ nyaʼa gywɨ̀ ə Pɔ̂l,

Ɨ̀fàʼì 6:9

Bə̂d mɔʼɔ nɨ nyaʼa rɨŋga nəb ə̀kàtɨ̀ mɨ̀Jû mbe nɨ nyaʼa jwɨ rɨ ənɨ ə̀bòʼò, ɨchî nɨ mbɨ nyaʼə tɔŋə nəb ə̀kàtɨ̀ ze, nyaʼa kɔ tàŋɨ mbɨ Stɨfɨ̀n. Bə̂d mbe yɨə nyaʼə mɨ̀Jû nɨ nyaʼa rɨ ə Sìrin, rɨ ə Àlèzandrià, rɨ ə Selisià bə̀ fɔrɨ rɨ ə Esià.

Ɨ̀fàʼì 8:29

Əzwî ə Zeŋɨ ə nyaʼa ghà əmbɨ Filip ni, “Ndə̀ wo yèn ɨban ɨkarɨ we.”

Rm 16:5

Mbə̀ bə̀ chaʼrɨ ɨfetɨ bə̂d Kristo we nɨə bòmnɨ̀ ɨŋga nəb mɨ̀mə̌d. Mbə̀ chaʼrɨ ə Epenetùs. Məd yɨ mɨ sə̀ʼ nɨ mə̀ ghaʼi kwàʼ rɨŋgəʼ. À yɨə məd nyaʼa be ben ə Kristo əbà əbeŋ ze rɨ ə Esià.

1 Kɔrèn 12:11

Ɨnû mbɔ̂ jìm yɨ rɨ əmbɨ Əzwî ze ə mɔʼ. Əzwî ze ə zɨə nàʼ ɨneʼe əmbɨ wə̀d mɔʼ mɔʼ ɨchî nɨ wɨ̀ kə̀bɨ.

1 Kɔrèn 16:1

Tɨ̀nîn, mə kəb gha ɨmbə̀ʼ ənû nɨ chob ɨkab ɨmbə̀ʼ weerɨ bə̂d Ŋwiə̀. Mbə̀ ghɨ̀ ənû ze nɨ mə̀ nyaʼa ghǎ əmbɨ rɨfetɨ bə̂d Kristo te nɨ yeʼ ə Gàlesià.

1 Kɔrèn 16:19

Tɨfetɨ bə̂d Kristo te rɨ əbà əbeŋ ze rɨ ə Esià chàʼrɨ̀ əwən. Àkwilà mbɨ Priskà mbɨ ɨfetɨ bə̂d Kristo we nɨə nyɨ ɨŋga nəb mɨ̀mə̌d bə̀ chàʼrɨ̀ əwən kwàʼ ɨchî chɔ̀m ənɨ ɨkum Ə̀nùŋɨ̀sɨg.

2 Kɔrèn 1:8

Mba bɔŋgɔb, tɨ̀ kə̀b ni mbə kyerɨ ŋgəʼ ze nɨ tɨ̀ nyaʼə zə ɨŋga əbà əbeŋ ze rɨ ə Esià. Ɨkom we nɨ mbɨ nyaʼa zɨ ɨgwɨ na nyaʼa kaŋ faŋ bə̀ nìd kəb nyem əwa. Wɨ̀ nyaʼa ghɨ̀ tɨ̀ kɔndɨ ni chəi tɨ̀ bɨrɨ wɨrɨ chub ɨkǎ.

Gàlesìyà 1:2

Bə̂d Kristo mɨ̀jìm mbe nɨ yeʼ əgha fə fɔtɨ mbɨ num chà ə̀chàʼrɨ̀ əmbɨ mbə̀n mbe nɨ yeʼ ɨŋga rɨfetɨ bə̂d Kristo te rɨ ə Gàlesià.

Gàlesìyà 3:1

Wəi, mbə̀n məGàlesià yɨ ɨneŋ! À kɨə we nùʼ əwən ə? Ɨmbə̀ʼ mbɨ nyaʼa fə kàŋ chwi ɨ nən zɨə zeŋ ni mbɨ nyaʼa kòmbɨ̀ ə Yeso Kristo əzed ə baʼnɨ ə?

2 Timotì 1:15

Kyerɨ ni bə̂d Kristo nɔnɔʼ rɨ əbà əbeŋ ze rɨ ə Esià fə fìd njìm ənɨ ə num. Ka àbei Faigelùs mbɨ Hemogenès, mbɨ fə bə̀ fìd njìm ənɨ num.

2 Timotì 4:10

ɨmbə̀ʼ ɨghəm nɨ Demàs fə waʼ əmɨ wo əwi ə Tèsàlonikà. Wɨ̀ fə wò əŋgu ɨmbə̀ʼ ɨghəm nɨ wɨ̀ ghaʼ ɨnû rɨŋga ɨsɨg wɔ̂. Kresèn fə wò ə Gàlesià. Taitùs fə bə̀ wò ə Dalmatià.

Mə̀Hibrù 11:8

À yɨ ɨbenɨ nyaʼa ghɨ ni Abràham zuunɨ ə Ŋwiə̀ ənɨ wɨ̀ nyaʼa tɔŋ əməd ni wɨ̀ jwɨ ə wò əsɨ ze nɨ wɨ̀ nyaʼa wo naʼ ɨ bɔ. Wɨ̀ nyaʼa jwɨ̀ wò, ka à bè yeʼi ni chəi wɨ̀ nyaʼa kyerɨ əsɨ ze nɨ wɨ̀ nyaʼə wò əŋgu.

1 Pità 1:1

À yɨə mɔ̌ Pità, nɨ mə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwiə̀ chɔʼɔ, nɨ yeʼ ɨ̀nɔ̀ʼɔ̀ mbe nɨ jaŋ ɨŋga Pontùs, ɨŋga Gàlesià, ɨŋga Kàpàdosià, ɨŋga Esià bə̀ fɔrɨ ɨŋga Betinià.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 1:4

À yɨə mɔ̌ Jɔ̌n ŋwaʼnɨ ə̀ŋwàʼnɨ̀ zɔ̂ əmbɨ rɨfetɨ bə̂d Kristo te sambe nɨ yeʼ əbà əbeŋ ze rɨ ə Esià. Məd we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Ɨzwî mbe sambe nɨ yeʼ ɨfě ətən ɨfɔ̀n əməd bə ghɨ̀ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.