Ɨ̀fàʼì 16:13 - Meta’

¹³ À nyaʼa əni əkwɨ mɨ̀Jû, tɨ̀ nyaʼa jwɨ̀ rɨŋga ɨkam wò ɨban ɨgyɨ̀, nɨ nyaʼa əsɨ ze nɨ tɨ̀ nyaʼa kɔndɨ ni mɨ̀Jû mbɨə nyaʼə wò fetɨ əŋgu ɨ kɔ̀ŋgɨ̀ ə Ŋwiə̀. Tɨ̀ nyaʼa pè chub ə si kɔ ghambɨ mbɨ məyi mbe nɨ nyaʼa yeʼe fetɨ.

Ikan feg

¹³ Igun aneg àzwètì mə̀Ju, tì ya dù inga ikye aben ghò iban igyi kyen imbə̀ʼ icheg ne tì ya kɔndi gha à ya asiŋi ne mə̀Ju mbe angu yaya ghò fète ni chàʼra Ŋwiye. Tì ya pè chùghi, si ko se mùghə̀ tì mə̀yi mbe ne ya fete angu.

Ɨ̀fàʼì 16:13 Marejeleo ya Msalaba

Matìyò 13:2

Mɨnɔ̂n bə̂d nyaʼa wò fetɨ kad əməd. Əze ə nyaʼa ghɨ ni wɨ̀ wo nyɨ chub ɨŋga əbaŋ ɨgyɨ̀. Mɨnɔ̂n bə̂d mbe nyaʼa sɨ təmbɨ əŋgo ə sà ze.

Mk 16:15

Wɨ̀ nyaʼa ghà əmbɨ mɨ̀mə̌d ni, “Mbə̀ wo ɨŋga ɨsɨg jìm, wò ghà ɨkə̂n chɔ̀m əmbɨ ə bə̂d mɨ̀jìm.

Lk 13:10

Yeso wɨə nyaʼə chwi ɨnû ɨŋga nəb ə̀kàtɨ̀ mɔʼɔ əni əkwɨ.

Jn 8:2

À nyaʼa ɨsɔsɔ əni ze nɨ beenɨ, wɨ̀ nyaʼa wɨrɨ bə̀ndɨ̀ wò ɨŋga mbàn Ŋwìə̀. Bə̂d mɨjìm nyaʼa wò əsɨ məd, əne wɨ̀ nyaʼa chub ə si kɔ chwi ɨnû əmbɨ mɨ̀mə̌d.

Ɨ̀fàʼì 13:14

Mbɨ nyaʼa nɔ̀ʼ rɨ ə Pegà wò ə Antiɔ̀k we nɨ nyaʼa ɨŋga əbà əbeŋ ze rɨ ə Pisidià. À nyaʼa sɨ əni əkwɨ mɨ̀Jû, mbɨ nyaʼa wò nyɨ ɨŋga nəb ə̀kàtɨ̀ mɨ̀Jû pè chub ə si.

Ɨ̀fàʼì 13:42

Ənɨ Pɔ̂l mbɨ Banabàs nyaʼə jwɨ̀ rɨŋga nəb ə̀kàtɨ̀ ze, bə̂d mbe nyaʼa buʼ ɨbɔ əmbɨ mɨ̀mə̌d ni mbɨ wɨrɨ bə̀ndɨ̀ yeʼe əni əkwɨ ze nɨ beenɨ, ɨmbə̀ʼ ghà ɨnû cherə ɨghabɨ mbɔ̂ əmbɨ mɨ̀mə̌d.

Ɨ̀fàʼì 16:16

À nyaʼa əni ə mɔʼɔ nɨ tɨ̀ nyaʼə wò əsɨ ze nɨ mbɨ nyaʼə kɔŋgɨ ə Ŋwiə̀, wan əyi mɔʼɔ nɨ nyaʼa ə̀bòʼò nyaʼa yeʼe kumnɨ əwa. Əzwî rɨbɔ̀ŋ ə zɨə nyaʼa ɨŋga məd. Əzwî ze zɨə nyaʼə ghɨ̀ə̀ ni wɨ̀ gha ɨkwab. Əze ə nyaʼa ghɨ̀ ni bə̂d mbe nɨ berɨ ə̀bòʼò ze berɨ ɨkab.

Ɨ̀fàʼì 16:6

Pɔ̂l mbɨ Sailàs fɔrɨ ə Timotì nyaʼa wò chè ə Frigìà nɨ nyaʼa ɨŋga əbà əbeŋ ze rɨ ə Gàlesià. Chəi Əzwî ə Zeŋɨ ə nyaʼa ben ni mbɨ ghà ɨŋgam Ŋwiə̀ ə Esià.

Ɨ̀fàʼì 17:2

Pɔ̂l nyaʼa wò nyɨ ɨŋga nəb ə̀kàtɨ̀ ze, ɨchî nɨ wɨ̀ nyaʼə mɨ̀ə̀ ghɨ̀ə̀. Ɨ wɨə nyaʼə tàŋ ɨŋgam Ŋwiə̀ ɨni ɨkwɨ tad mbɨ mɨ̀Jû mbe nɨ nyaʼa əŋgu.

Ɨ̀fàʼì 18:4

Ɨ wɨə nyaʼə tàŋə̀ mbɨ mɨ̀Jû ɨŋga nəb ə̀kàtɨ̀ ɨni ɨkwɨ jìm. Əne wɨ̀ nyaʼa fi ɨtu mɨ̀Jû bə̀ fi ɨtu bə̂d mbe nɨ kaʼi mɨ̀Jû ɨmbə̀ʼ mbɨ ben ə Kristo.

Ɨ̀fàʼì 20:7

À nyaʼa ɨgwɨ əni rɨtu ɨŋga kàb, tɨ̀ nyaʼa wò fetɨ ɨ jɨg Ɨtarɨ Ə̀nùŋɨ̀sɨg. Ɨchî nɨ Pɔ̂l nyaʼa kəbɨ ni tə bɨrɨ nɔʼ əni ze nɨ beenɨ, ɨ wɨə nyaʼə ghàmbɨ̀ə̀ mbɨ ə bə̂d mbe wò pè ɨzimɨ ka.

Ɨ̀fàʼì 21:5

Ənɨ ɨni mbe nɨ tɨ̀ nyaʼa berɨ chub əŋgu nyaʼa fə mì i, tɨ̀ nyaʼa sàŋ mɨ̀mə̌d, nɔ̀ʼ wò əwa. Bə̂d mɨjìm mbe nɨ nyaʼa ben ə Kristo mbɨ məyi mɨ̀mə̌d fɔrɨ bɔn nyaʼa nɨŋ əwa wò chà. Mbɨ nyaʼa chubɨ mbɨ na pè ənɨ tɨ̀ nyaʼa jwɨ rɨŋga əsɨ ze. Tɨ̀ nyaʼa pè əŋgo rɨ̀bàà, chìndɨ̀ ɨtu ɨnywɨ ə si kɔ̀ŋgɨ̀ ə Ŋwiə̀.

Ɨ̀fàʼì 9:20

Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

Gàlesìyà 3:28

Əne chə wɨrɨ i Jû kɨ̀ wə̀d nɨ kaʼi Jû, chə wɨrɨ i ə̀bòʼò kɨ̀ wə̀d nɨ yeʼ ənɨ i ɨghəm, chə wɨrɨ i mbaŋə̀ kɨ əyi, ɨmbə̀ʼ ɨghəm nɨ mbə̀n mɨ̀jìm fə sɨə wə̀d mɔʼ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.