Ɨ̀fàʼì 15:13 - Meta’

¹³ Ənɨ mbɨ nyaʼa fə ghamɨ màànɨ̀, Jems nyaʼa ghà ni, “Bɔŋgɔb, mbə̀ zwetɨ mə ghamə.

Ikan feg

¹³ Anyumə̀ ne mbi ya ghàmi mànì, Jem ya gha, “Ìmbum məfi, mbə̀ təm mə̀ ghama.

Ɨ̀fàʼì 15:13 Marejeleo ya Msalaba

Mk 15:40

Məyi mɔʼɔ nyaʼa bə̀ əŋgu nɨ nyaʼə nèŋə̀ rɨ əsa əgha. Mbɨ mɔʼɔ rəbɔʼ mɨ̀mə̌d yɨə nyaʼə Mèri Màgdàlen, Mèri ɨŋgɔb Jems bɔd mbɨ Josès fɔrɨ ə Sàlomè.

Ɨ̀fàʼì 12:17

Pità nyaʼa mə̀ ənɨ e əbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa tòʼrɨ̀ ɨchî nɨ Ə̀nùŋɨ̀sɨg kəʼ chɨ əməd rɨ ə ndəŋ. Wɨ̀ nyaʼa ghɨ̀ əne ghà ni, “Mbə̀ gha ənû zɔ̂ əmbɨ Jems fɔrɨ əmbɨ ə bɔŋgɔb mbə.” Ənɨ wɨ̀ nyaʼa ghà əne, wɨ̀ nyaʼa nɔ̀ʼ wò əsɨ ə cherə.

Ɨ̀fàʼì 15:14

Saimòn fə tòʼrɨ̀ ɨchî nɨ Ŋwìə̀ nyaʼa be chwi ni tə wɨə nəŋgɨə bə̂d mbe nɨ kaʼi mɨ̀Jû. Wɨ̀ nyaʼa ghɨ̀ əne ɨchî nɨ wɨ̀ nyaʼa chɔʼ bə̂d mɔʼɔ rəkaʼ mɨ̀mə̌d ənɨ mbi.

Ɨ̀fàʼì 2:14

Pità nyaʼa nɔ̀ʼ təm rətiə mbɨ ə bə̂d tom mbe wum chɔ̀b mɔʼ, əne ghà əmbɨ ə bə̂d mbe ənɨ ə gɨ̂ kǎ kǎ ni, “Bə̂d rɨ ə Jùdeyà mbɨ ə bə̂d mɨ̀jìm mbe nɨə chub ə Jèrusalèm, mbə̀ zu mə̀ toʼrɨ əton ənɨ ənû zɔ̂ ɨ nən.

Ɨ̀fàʼì 2:22

“Mɨ̀Izre, mbə̀ zu ɨŋgam wɔ̂: Yeso we rɨ ə Nazàret yɨə wə̀d we nɨ Ŋwìə̀ nyaʼa chɔʼɔ. Ŋwìə̀ nyaʼa chè ənjìm məd ghɨ̀ ɨnû kyeŋ kyeŋ, ghɨ̀ ɨnû yiirɨ bə̀ ghɨ̀ ɨnweenɨ-ɨnû əkaʼ nən, ɨchî nɨ mbə̀ kaŋ kyerɨ.

Ɨ̀fàʼì 2:29

“Mbɨ bɔŋgɔb, mə we tɨ̀ mə ghà ɨ nən ni mə kyerɨ ni à yɨ rəsìʼ ni à mbǎʼ ɨnəbɨ, Dèvîd, nyaʼa kwɨ mbɨ tweŋ əməd. Ətu ɨsì əməd ə zɨ mbɨ na yeʼe pè rə̀chɔ̀ŋ.

Ɨ̀fàʼì 21:18

À nyaʼa əni ze nɨ beenɨ, mbǎ mbɨ Pɔ̂l nyaʼa wò zə ə Jems. Bə̂d mɨjìm mbe nɨ nyaʼə chà ɨfetɨ bə̂d Kristo mbɨə nyaʼə bə̀ əŋgu.

Ɨ̀fàʼì 22:1

“Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ ənû ze nɨ mə̀ bɨrɨ gha ɨfě nən ɨmbə̀ʼ chɨ ɨnû rɨ ɨgwɨ num.”

Ɨ̀fàʼì 7:2

Stɨfɨ̀n nyaʼa wììrɨ̀ ni, “Mbɨ bɔŋgɔb mbɨ mbɨ mɨ̀mbǎʼ, mbə̀ zwetɨ! Ŋwìə̀ we nɨ tɨə wumnɨə nyaʼa jwɨ̀ ɨfě a mbǎʼ Abràham ənɨ wɨ̀ nyaʼa kɨrɨ ə Mèsòpòtemìà, əne yɨə bɔŋ wɨ̀ nyaʼa sɨə wò chub ə Haràn.

Gàlesìyà 1:19

Chəi mə nyaʼa zə wə̀d tom cherə chè rɨ ənɨ ə Jems we nɨ yeʼ aŋgɔb Ə̀nùŋɨ̀sɨg Yeso.

Gàlesìyà 2:12

Mə nyaʼa ghàm əbɔʼ əməd ɨmbə̀ʼ ɨghəm nɨ bɔŋ bə̂d mbe nɨ Jems nyaʼa tomɨ nyaʼa yeʼe, ɨ wɨə nyaʼə jɨgə mbɨ ə bə̂d mbe nɨ kaʼi mɨ̀Jû. Àyɨə ənɨ mbɨ nyaʼa yeʼe, wɨ̀ nyaʼa kɔ sùŋgɨ̀ i rə̀bɔ̀ʼɔ̀ bə̀ kɔ ghàbrɨ̀ i ɨnyod, ɨmbə̀ʼ ɨghəm nɨ wɨ̀ nyaʼə bɔə bə̂d mbe nɨ nyaʼə ghàə̀ ni mbɨ ne bə̂d mɨ̀jìm mbe nɨ ben ə Kristo.

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

Jems 1:19

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kyerɨ ənû zɔ̂. Wə̀d jìm tɔ ɨ̀tǒŋ zu ənû. Tɨ wɨ̀ kɨə ghàm i. Tɨ wɨ̀ kɨə sə i ɨtəm,