Ɨ̀fàʼì 15:1 - Meta’

¹ Bə̂d mɔʼɔ nyaʼa swiʼi rɨ ə Jùdeyà wò ə Antiɔ̀k. Mbɨ nyaʼa pè kɔ chwi ɨnû əmbɨ ə bə̂d Kristo mbe rəŋgu ghàə̀ ni, “Chəi mbə̀ bɨrɨ jwɨ rəŋgəʼ əwù ze nɨ chəi mbɨ ne əwən ɨchî nɨ zɨə yeʼ ɨŋga tɨkə rɨ Mose.”

Ikan feg

¹ Bəd mɔ̀ʼɔ ya nɔ̀ʼ a Jùdeyà swìʼi ghò a Antìyɔ̀g. Mbi ya pè se chwìte inug abə bəd Kristo gha, “Àmə chəyi mbi ŋwed awən icheg ne mə̀nɔ̀ʼɔ̀ Muse gha, chəyi mbə̀ biri pum.”

Ɨ̀fàʼì 15:1 Marejeleo ya Msalaba

Jn 7:22

Mose nyaʼa ghà ni mbə̀ ne mbə bɔn mbaŋə̀. (Kaʼi Mose nyaʼa gha ənû zɔ̂. À yɨ mbə mɨ̀mbǎʼ ɨnəbɨ nyaʼa gha ni mbə̀ ghɨ əne.) Əne mbə mbɨə nèə̀ bɔn mbaŋə̀ əni əkwɨ, nɨ kaʼi əni nɨ bə̂d berɨ nɨ fàʼ.

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

Ɨ̀fàʼì 15:22

Bə̂d tom Kristo mbɨ ə bə̂d mbe nɨ nyaʼə chà ɨfetɨ we rɨ ə Jèrusalèm mbɨ ə bə̂d Kristo mɨjìm nyaʼa chɔʼɔ mbaŋə̀ rɨ̀be rəkaʼ mɨ̀mə̌d, əne tom ni mbɨ wo ə Antiɔ̀k mbɨ Pɔ̂l fɔrɨ ə Banabàs. Mbɨ nyaʼa tom ə Judàs we nɨ mbɨ nyaʼə bə̀ tɔŋ ənɨ Bàsabàs mbɨ Sailàs. Mbɨ yɨə nyaʼə bə̂d kyeŋ əkaʼ bə̂d Kristo mbe ə Jèrusalèm.

Ɨ̀fàʼì 15:23

Mbɨ nyaʼa tom mɨ̀mə̌d mbɨ ə̀ŋwàʼnɨ̀ nɨ nyaʼa gha ni: “À yɨə mbà mbə bɔŋgɔb bə̂d tom Kristo mbɨ ə bə̂d mbe nɨə chà ɨfetɨ we rɨ ə Jèrusalèm ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən, mbə̀n mba bɔŋgɔb mbe nɨ kaʼi mɨ̀Jû nɨ yeʼ ə Antiɔ̀k, ə Sirià bə̀ fɔrɨ ə Selisià. Tɨ̀ wɨə chàʼrɨ̀ əwən.

Ɨ̀fàʼì 15:24

Tɨ̀ fə zu ni bə̂d mɔʼɔ fə nɔ̀ʼ rəkaʼ na yeʼe əwɔ ghanə chə əwən mbɨ mɨŋgam bə̀ tɔbə tə fîŋ, nɨ chəi tɨ̀ nyaʼa gha ni mbɨ ghɨ əne.

Ɨ̀fàʼì 15:3

Ənɨ ɨfetɨ bə̂d Kristo nyaʼa tom mɨ̀mə̌d əne, mbɨ nyaʼa wò chè ə Fonesià fɔrɨ ə Sàmàriyà yènə̀ ghà ɨnû ɨmbə̀ʼ ɨchî nɨ bə̂d mbe nɨ kaʼi mɨ̀Jû fə ben ə Kristo. Əze ə nyaʼa ghɨ̀ ni ɨghaʼi swi ɨŋga fîŋ bə̂d Kristo mɨjìm.

Ɨ̀fàʼì 15:32

Əne Judàs mbɨ Sailàs nɨ nyaʼə bə̂d ɨ̀kə̀n Ŋwiə̀ mbənə mbənə nyaʼa ghà ɨnû nɔnɔʼ tìmbɨ̀ bɔŋgɔb mbe bə̀ ghɨ̀ ni ɨbenɨ mɨ̀mə̌d kaanə.

Ɨ̀fàʼì 15:5

Àyɨə bə̂d mɔʼɔ mbe nɨ nyaʼa ben ə Kristo, nɨ nyaʼa rɨŋga ɨfɔtɨ mɨ̀Farisiî, nyaʼa təm rətiə ghà ni, “Zɨə kùʼ ni mbɨ ne bə̂d mbe nɨ kaʼi mɨ̀Jû bə̀ ghà əmbɨ mɨ̀mə̌d ni mbɨ nuŋ tɨkə rɨ Mose.”

Ɨ̀fàʼì 21:20

Ənɨ mbɨ nyaʼa zu ənû zɔ̂, mbɨ nyaʼa yiirɨ ə Ŋwiə̀, ghà əmbɨ Pɔ̂l ni, “Aŋgɔb, zə ɨchî nɨ mɨ̀Jû, chuʼ mbɨ ə chuʼ fə ben ə Kristo. Mɨ̀mə̌d mɨjìm fə zɨ̀ ətu nɨ nuŋ tɨkə rɨ Mose.

Ɨ̀fàʼì 6:14

Tɨ̀ nyaʼa zu ənɨ wɨ̀ nyaʼa gha ni Yeso we rɨ ə Nazàret bɨrɨ saʼ mbàn Ŋwìə̀, bə̀ kwepɨ mɨchî əbeŋ mbe nɨ Mose nyaʼa naʼ ɨ na.”

Gàlesìyà 2:1

Ənɨ ɨghəm ɨwu nyaʼa che wum chɔ̀b rɨ̀kwè, mə nyaʼa bə̀ yì kɔʼ wò ə Jèrusalèm mbɨ Banabàs. Mə nyaʼa bə̀ nɨŋ ə Taitùs tɨ̀ wò ɨnɔ̂n.

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Gàlesìyà 6:12

Bə̂d mbe nɨə kə̀b nyeŋ ni mbɨ ne əwən mbɨə kə̀b chwi əsaŋ əsaŋ ni mbə bɔ̀ŋ. Ɨ mbɨə ghɨ̀ əne ɨmbə̀ʼ tɨ bə̂d nwendɨ ə tɨkyerɨ-ɨwu mɨ̀mə̌d ɨchî nɨ mbɨə ghàə̀ ni àmei ənjìm ɨchî nɨ Kristo nyaʼa kwɨ əzed ə baʼnɨ nɨ tɨ̀ bə̂d jwɨ̀ rəŋgəʼ.

Kòlosè 2:16

Əne tɨ wə̀d mɔʼɔ zɨ i ɨsaʼi ɨgwɨ nən ɨmbə̀ʼ rɨjɨg, kɨ̀ ɨmbə̀ʼ əghɨ nɨ nɔ, kɨ̀ ɨmbə̀ʼ ənû nɨ jɨg əchwɨ̂, kɨ̀ ɨmbə̀ʼ əchwɨ̂ ɨmɨg fi, kɨ̀ ɨmbə̀ʼ əni əkwɨ.

Kòlosè 2:8

Tɨ mbə̀ ben ə ni wə̀d mɔʼɔ nɨŋ ɨwe əko bə̂d mɨ̀sɔŋɨchù tambɨ əwən əŋgu əne ghɨ̀ mbə̀ ben ɨ̀bòʼò ɨ bɔ. Ɨwe əko we yɨ rɨ ənɨ mɨchî mɨ̀mbǎʼ mbɨ rəŋwe bə̀ fɔrɨ rɨ əmbɨ ɨzwî mbe nɨə tùmbɨ̀ ɨsɨg. Ka ɨwe əko wɔ̂ yɨ i rɨ əmbɨ Kristo.