Ɨ̀fàʼì 12:17 - Meta’

¹⁷ Pità nyaʼa mə̀ ənɨ e əbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa tòʼrɨ̀ ɨchî nɨ Ə̀nùŋɨ̀sɨg kəʼ chɨ əməd rɨ ə ndəŋ. Wɨ̀ nyaʼa ghɨ̀ əne ghà ni, “Mbə̀ gha ənû zɔ̂ əmbɨ Jems fɔrɨ əmbɨ ə bɔŋgɔb mbə.” Ənɨ wɨ̀ nyaʼa ghà əne, wɨ̀ nyaʼa nɔ̀ʼ wò əsɨ ə cherə.

Ikan feg

¹⁷ Anyumə̀ ne mbi ya bàri aməd ane, Pità məʼ abo inɔb gha mbe chim tizi. Wì ya si mə̀tì icheg ne Anɔŋisəg ya cha angirə̀ wì chi aməd a ndəŋ. Wì ya ghà inɔb gha, “Mbə̀ mətə anug azo̰ abə Jem fɔrɔ abə mbin tì bəd Kristo.” Wì ya ghàm ane, si nɔ̀ʼ ghò yi a asiŋi ndəŋ.

Ɨ̀fàʼì 12:17 Marejeleo ya Msalaba

Matìyò 10:23

Ənɨ mbɨ nwendɨ tə rɨkyerɨ-ɨwu ɨŋga əsɨ ə mɔʼ, mbə̀ norə wò ɨŋga əsɨ ə cherə. Mə ghà rəsìʼ ɨ nən ni, Wan Wə̀d bɨrɨ wɨrɨ yeʼe bɔŋ mbə̀ sɨə kad ɨsɨ jìm ɨŋga Izre.

Mk 6:3

Ɨmbə̀ʼ wɔ̂ yɨə kabɨndà we nɨ yeʼ wan Mèri ə? Ɨmbə̀ʼ bɔŋgɔb məd yɨə Jems mbɨ Josès mbɨ Judàs fɔrɨ ə Saimòn ə? Chə wa i njàbɨ rɨ məd əgha mbɨ na ə?” Mbɨ nyaʼa biirɨ əne ton əməd.

Lk 1:22

Ənɨ wɨ̀ nyaʼa jwɨ ɨsɨg, chəi ənɨ tɨ̀ wɨ̀ nyaʼa ghàm əmbɨ mɨ̀mə̌d. Əne mbɨ nyaʼa kyerɨ ni wɨ̀ fə zə tɨ̀taanɨ njə̀m ɨŋga mbàn Ŋwìə̀. Mbɨ nyaʼa kyerɨ tɨ̀ ənɨ ɨchî nɨ wɨ̀ nyaʼə chwi ɨnweenɨ əmbɨ mɨ̀mə̌d ənɨ mbi ɨbɔ. Ɨ wɨə nyaʼə chwi əne ɨmbə̀ʼ ɨghəm nɨ chəi ənɨ tɨ̀ wɨ̀ nyaʼa ghàm.

Jn 10:40

Yeso nyaʼa ghɨ̀ əne yì baanɨ ɨgyɨ̂ Jodàn ɨghəm cherə wo əsɨ ze nɨ Jɔ̌n nyaʼə bèə̀ nàʼ mɨnib. Wɨ̀ nyaʼa pè chubɨ əŋgu.

Jn 11:54

Əne chəi Yeso nyaʼə wɨrɨə yèn əsaŋ əsaŋ əkaʼ mɨ̀Jû. Wɨ̀ nyaʼa nɔ̀ʼ wo əsɨ ze nɨ mbɨ nyaʼə tɔŋ ənɨ ə Efrèm, nɨ nyaʼa ɨban ɨbad rɨkwàʼi. Wɨ̀ nyaʼa pè chub əŋgu mbɨ mbi mə̀mə̀ə̀nɨ̀-ɨnû.

Jn 13:24

Əne Saimon Pità nyaʼa mə̀ ɨ bɔ ənɨ ɨbɔ ni wɨ̀ biirɨ əmbɨ Yeso ni, “Wə̀d we nɨ àwɔ̀ ə ghà ɨmbə̀ʼ əməd kɨə we ə, gha ɨ na.”

Jn 7:1

Ənɨ ənû ze ə nyaʼa fə che i, Yeso nyaʼa ghanə yèn ɨŋga ɨsɨ mbe rɨ ə Galiliî. Chəi wɨ̀ nyaʼa ghaʼ nɨ yèn ɨŋga ɨsɨ mbe rɨ ə Jùdeyà ɨmbə̀ʼ ɨghəm nɨ bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼə kə̀b zwiirɨ əməd.

Jn 8:59

Ənɨ wɨ̀ nyaʼa gha əne, mbɨ nyaʼa gwe əti ni mbə bɨrɨ tumbɨ əməd əŋgu, àyɨə wɨ̀ nyaʼa nə̀mbɨ̀ i, əne jwɨ̀ i rɨŋga mbàn Ŋwìə̀.

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

Ɨ̀fàʼì 12:16

Àyɨə Pità nyaʼa wò ɨmbì rəbə goŋgɨ i ɨchû ɨkam we goŋgɨ. Ənɨ mbɨ nyaʼa fiʼ ɨkam we, mbɨ nyaʼa zə əməd, yiirɨ.

Ɨ̀fàʼì 12:18

Ənɨ ɨtuʼ nyaʼa chɨgɨ, ə̀bùùrɨ̀ ə kyeŋ ə nyaʼa jwɨ̀ əkaʼ mɨ̀sɔgyɨ̀ mbe. Chəi mbɨ nyaʼa kyerɨ ənû ze nɨ ghɨ ənɨ Pità.

Ɨ̀fàʼì 13:16

Pɔ̂l nyaʼa zu əne nɔ̀ʼ təm, mə̀ ənɨ e əbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa ghà ni: “Mbɨ bɔŋgɔb, mɨ̀Izre fɔrɨ mbə̀n mbe nɨə wumnɨ ə Ŋwiə̀, mbə̀ zu.

Ɨ̀fàʼì 15:13

Ənɨ mbɨ nyaʼa fə ghamɨ màànɨ̀, Jems nyaʼa ghà ni, “Bɔŋgɔb, mbə̀ zwetɨ mə ghamə.

Ɨ̀fàʼì 16:40

Ənɨ Pɔ̂l mbɨ Sailàs nyaʼa jwɨ̀ rɨ ə nəb ndəŋ ze, mbɨ nyaʼa wò əkwɨ Lidià. Ənɨ mbɨ nyaʼa zə mbə bɔŋgɔb, mbɨ nyaʼa tìmbɨ̀ mɨ̀mə̌d, nɔ̀ʼ wò əwən.

Ɨ̀fàʼì 19:33

Mɨ̀Jû nyaʼa tin mbaŋə̀ mɔʼɔ nɨ ɨkum məd nyaʼə Àlèzandà chà ɨfě ni wɨ̀ toʼrɨ əton nɨ bə̂d nyaʼa wo fetɨ. Wɨ̀ nyaʼa ghɨ̀ ənweenɨ ənɨ əbɔ ni mbɨ kəm rəziə tə toʼrɨ ənû ze əmbɨ mɨ̀mə̌d.

Ɨ̀fàʼì 21:18

À nyaʼa əni ze nɨ beenɨ, mbǎ mbɨ Pɔ̂l nyaʼa wò zə ə Jems. Bə̂d mɨjìm mbe nɨ nyaʼə chà ɨfetɨ bə̂d Kristo mbɨə nyaʼə bə̀ əŋgu.

Ɨ̀fàʼì 21:40

Ənɨ ətu ɨgwɨ mɨ̀sɔgyɨ̀ nyaʼa saŋ əməd ni wɨ̀ ghàmə̀, Pɔ̂l nyaʼa təm ɨgun mɨ̀step, ghɨ̀ ənweenɨ ənɨ mbi ɨbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa ghà əmbɨ mɨ̀mə̌d ənɨ ɨŋgam Hibrù ni,

Ɨ̀fàʼì 28:15

Ənɨ bə̂d mbe nɨ nyaʼa ben ə Kristo ə Rom nyaʼa zu ɨmbə̀ʼ əwa, mbɨ nyaʼa nɔ̀ʼ rɨ Ɨbeŋ Ɨwin Apiùs bə̀ nɔ̀ʼ rɨ ə Nəb Ni Rɨtad yeʼe kumnɨ əwa. Ənɨ Pɔ̂l nyaʼa zə mɨ̀mə̌d, wɨ̀ nyaʼa nàʼ məben-əwe əmbɨ ə Ŋwiə̀, əne fîŋ məd nyaʼa wɨrɨ kàànɨ̀.

1 Kɔrèn 15:7

Wɨ̀ nyaʼa bə̀ yì jwɨ ɨfě Jems. Ənɨ əgha ə nyaʼa saarɨ, wɨ̀ nyaʼa bə̀ jwɨ̀ ɨfě bə̂d tom mɨ̀jìm.

Gàlesìyà 1:19

Chəi mə nyaʼa zə wə̀d tom cherə chè rɨ ənɨ ə Jems we nɨ yeʼ aŋgɔb Ə̀nùŋɨ̀sɨg Yeso.

Gàlesìyà 2:12

Mə nyaʼa ghàm əbɔʼ əməd ɨmbə̀ʼ ɨghəm nɨ bɔŋ bə̂d mbe nɨ Jems nyaʼa tomɨ nyaʼa yeʼe, ɨ wɨə nyaʼə jɨgə mbɨ ə bə̂d mbe nɨ kaʼi mɨ̀Jû. Àyɨə ənɨ mbɨ nyaʼa yeʼe, wɨ̀ nyaʼa kɔ sùŋgɨ̀ i rə̀bɔ̀ʼɔ̀ bə̀ kɔ ghàbrɨ̀ i ɨnyod, ɨmbə̀ʼ ɨghəm nɨ wɨ̀ nyaʼə bɔə bə̂d mbe nɨ nyaʼə ghàə̀ ni mbɨ ne bə̂d mɨ̀jìm mbe nɨ ben ə Kristo.

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.