Ɨ̀fàʼì 12:15 - Meta’

¹⁵ Mbɨ nyaʼa ghà ɨ bɔ ni, “À wɨə beə!” Àyɨə wɨ̀ nyaʼa nyèŋ ni à yɨ rəsìʼ. Əne mbɨ nyaʼa ghà ni, “À yɨ aŋgɨrə̀ məd!”

Ikan feg

¹⁵ Mbi ya ywìtì ibo gha, “Chəyi àze atog koʼi inga.” Anyumə̀ ne wì ya ywirì ghà kɔ̀mbì gha à ya Pità, mbi ya si ghà ibo gha, “À biri yaʼ angirə̀ məd, kayi məd.”

Ɨ̀fàʼì 12:15 Marejeleo ya Msalaba

Matìyò 18:10

“Mbə̀ zə ni tɨ mbə̀ təənɨ ə wan kwa mɔʼɔ rəbɔʼ mbɔ̂ nɨ ben əmɨ. Mə ghà ɨ nən ni, ɨkaŋ, mbɨ̀aŋgɨrə̀ mɨ̀mə̌d mbɨə zə ɨfě mɨ Mbǎʼ we nɨ yeʼ ɨkaŋ ənɨ mɨ̀nyùmə̀ jìm.

Mk 16:11

Àyɨə ənɨ mbɨ nyaʼa zu ni Yeso wɨ ɨka, bə̀ zu ni Mèri fə zə əməd, chəi mbɨ nyaʼa benɨ.

Mk 16:14

Yeso nyaʼa nwìə̀ chwi i ɨnyod əmbɨ mə̀mə̀ə̀nɨ̀-ɨnû mbe wum chɔ̀b mɔʼ ənɨ mbɨ nyaʼə jɨgə. Wɨ̀ nyaʼa ghàm əbɔʼ mɨ̀mə̌d ɨmbə̀ʼ ɨchî nɨ chəi mbɨ nyaʼa berɨ ɨbenɨ bə̀ fɔrɨ ɨmbə̀ʼ ɨchî nɨ fîŋ tɨ mɨ̀mə̌d nyaʼa tu. Wɨ̀ nyaʼa ghɨ̀ əne ɨmbə̀ʼ ɨghəm nɨ chəi mbɨ nyaʼa ben ɨnû mbe nɨ bə̂d mbe nɨ nyaʼa zə əməd ənɨ wɨ̀ nyaʼa fə zwemə, nyaʼə ghàə̀.

Lk 22:59

Ənɨ əkɔb ə nyùmə̀ ə nyaʼa chè ɨghabɨ ə awà fìbɨ̀, mbaŋə̀ cherə nyaʼa rəbə nyeŋ i nyeŋɨ ghà rɨ̀kǎ ni, “À yɨ rəsìʼ ni mbaŋə̀ zɔ̂ zɨə bə̀ kəʼ mbɨ Yeso, ɨmbə̀ʼ ɨghəm nɨ məd yɨ rɨ ə Galiliî.”

Lk 24:11

Bə̂d tom mbe nyaʼa zu ɨnû mbe nɨ məyi mbe nyaʼa ghǎ, àyɨə zɨə nyaʼa chub əmbɨ mɨ̀mə̌d ɨghabɨ ni à yɨ ənû əko. Əne chəi mbɨ nyaʼa benɨ. [

Ɨ̀fàʼì 12:16

Àyɨə Pità nyaʼa wò ɨmbì rəbə goŋgɨ i ɨchû ɨkam we goŋgɨ. Ənɨ mbɨ nyaʼa fiʼ ɨkam we, mbɨ nyaʼa zə əməd, yiirɨ.

Ɨ̀fàʼì 26:24

Ɨchî nɨ Pɔ̂l nyaʼə ghàmə̀ ɨmbə̀ʼ chɨ ɨnû rɨ ɨgwɨ ni, Festùs nyaʼa ghà ənɨ ə gɨ̂ nɨ kǎ ni, “Pɔ̂l, à wɨə beə! Ə̀ŋwàʼnɨ̀ ze nɨ à kwembɨ əku fə ghɨ̀ à sɨə beə!”