Ɨ̀fàʼì 12:10 - Meta’

¹⁰ Ənɨ mbɨ nyaʼa fə che ɨwaŋ mɨ̀sɔgyɨ̀ rɨtu bə̀ chè we nɨ pe be, mbɨ nyaʼa pè ɨchû ɨkam ətənɨ we nɨə neŋ ɨŋga əbeŋ ze. Ɨchû ɨkam we nyaʼa fiʼ əmbɨ mɨ̀mə̌d tə̀zìʼ wi. Mbɨ nyaʼa jwɨ̀ wò ɨsɨg. Ənɨ mbɨ nyaʼa chè ɨnə̂njɨ̀ kyeŋ mɔʼ, aŋgɨrə̀ we nyaʼa sàʼ sàŋ əməd.

Ikan feg

¹⁰ Anyumə̀ ne mbi ya fə che iwaŋ mə̀sogyì mbègtog bə̀ chè iwaŋ we abɔ̀ʼ, mbi ya pè ane inuʼ ikam atə̰ we ne nyḭ̀yḛ inga ikye aben. Inuʼ ikam we ya fìʼè inɔb kwàʼ zìye zìye, mbi chè awɔb. Anyumə̀ ne mbi ya fə gho anene chè inɔnjì ifibì, Pità ŋa zə̰, angirə̀ we sàŋì aməd nim yi.

Ɨ̀fàʼì 12:10 Marejeleo ya Msalaba

Jn 20:19

À nyaʼa ɨkwirɨ kwirɨ əni ə Sɔndè ze, mə̀mə̀ə̀nɨ̀-ɨnû mbe nyaʼa fetɨ ɨŋga nəb mɔʼɔ. Mbɨ nyaʼa fə fə̀n mɨchû nəb ɨmbə̀ʼ ɨghəm nɨ ɨ mbɨə nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû. Mbɨ nɨ zə, Yeso sàʼ jwɨ̀ təm əkaʼ mɨ̀mə̌d ghà əmbɨ mɨ̀mə̌d ni, “Mbə̀ chub ənɨ əbɔrəbɔd.”

Jn 20:26

Kàb nyaʼa chè ɨfibɨ̀. Mə̀mə̀ə̀nɨ̀-ɨnû Yeso nyaʼa yì wò fetɨ ɨŋga nəb. Tomas wɨə nyaʼa əbɔʼ mɨ̀mə̌d. Mbɨ nyaʼa fə̀n mɨchû nəb, àyɨə Yeso nyaʼa jwɨ̀ təm ɨfě mɨ̀mə̌d ghà ni, “Mbə̀ chub ənɨ əbɔrəbɔd.”

Ɨ̀fàʼì 12:4

Ənɨ Herɔ̀d nyaʼa fə gywɨ ə Pità, wɨ̀ nyaʼa zɨ̀ əməd ə ndəŋ, əne nàʼ əməd əmbɨ ɨwaŋ mɨ̀sɔgyɨ̀ kwè, mbɨ mɨ̀sɔgyɨ̀ mɨ̀kwè ɨŋga ɨwaŋ fibɨ̀, ni mbɨ nəŋgɨ əməd. Herɔ̀d nyaʼa nùŋ əməd sɨə kɔndɨə ni mbɨ mɨ jɨg Əchwɨ̂ ə Che-ɨgun màànɨ̀, tə bɨrɨ nɨŋ əməd wò ni mbɨ saʼ əməd əsaŋ əsaŋ.

Ɨ̀fàʼì 16:26

Mbɨ nɨ zə, si nyaʼa saʼ wùd, əne chìʼ əchɨ ə nəb ndəŋ ze. Àmei əwu əwən, mɨchû nəb mɨjìm nyaʼa fiʼ ə. Mɨ̀kàrə̀ mbe nɨ mbɨ nyaʼa kod mɨ̀mə̌d əŋgu bə̀ zà.

Ɨ̀fàʼì 5:19

À nyaʼa ɨzimɨ we, aŋgɨrə̀ Ə̀nùŋɨ̀sɨg nyaʼa wò fìʼ mɨchû nəb ndəŋ ze, chɨ̀ mɨ̀mə̌d chà əsaŋ, ghà əmbɨ mɨ̀mə̌d ni,

Ɨnû 3:7

Ə̀nùŋɨ̀sɨg nyaʼa bə̀ gha ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Fìlàdelfià ni, 'Ɨŋgam wɔ̂ yɨ rɨ əmbɨ wə̀d we nɨ zeŋɨ, nɨə bə̀ ghà rəsìʼ. Məd ə berɨ əfiʼ ze nɨ yeʼ əzɨ ɨfɔ̀n Dèvîd. Wɨ̀ mɨ fiʼ nəb, chəi wə̀d nɨ tɨ̀ wɨ̀ wùb. Wɨ̀ mɨ wùb nəb, chəi wə̀d nɨ tɨ̀ wɨ̀ fìʼ.