Ɨ̀fàʼì 1:14 - Meta’

¹⁴ Mɨ̀mə̌d mbɔ̂ mɨ̀jìm mbɨə nyaʼə bòmnɨ̀ə̀ kɔ̀ŋgɨ̀ ə Ŋwiə̀ ənɨ ə fîŋ mɔʼ. Ɨ mbɨə nyaʼə bòmnɨ̀ə̀ mbɨ məyi, mbɨ Mèri ɨŋgɔb Yeso fɔrɨ mbɨ ə bɔŋgɔb məd.

Ikan feg

¹⁴ Mbɔb məjìm yaya kə fète asiŋi afibì chàʼrà Ŋwiye ane fìŋ ifibì. Məfi ìmbi Yeso tì Mèri we ne yaʼi ngɔb məd fɔrɔ mə̀yi ndəŋ yaya bə̀ chàʼrà Ŋwiye abɔ̀ʼ inɔb.

Ɨ̀fàʼì 1:14 Marejeleo ya Msalaba

Matìyò 12:46

Ənɨ Yeso nyaʼə kɨrɨ ghàm əmbɨ mɨnɔ̂n bə̂d mbe, ɨŋgɔb məd mbɨ ə bɔŋgɔb məd nyaʼa wò pè təm ɨsɨg. Mbɨ nyaʼa kə̀b ghàmbɨ̀ mbɨ məd.

Matìyò 21:22

Mbə mɨ berɨ ɨbenɨ, njɨ Ŋwìə̀ bɨrɨ naʼ ɨghɨjìm mbe nɨ mbə̀ kɔŋgɨ əməd nɔn ɨ bɔ.”

Matìyò 27:55

Məyi mɨ̀nɔnɔʼ nyaʼa əŋgu. Mbɨ nyaʼa təm rɨ əsà əgha ɨ nèŋ. Mbɨ nyaʼə beenɨ əbɔʼ ə Yeso nɔ̀ʼ tɨ rɨ ə Galiliî yènə̀ wèèrɨ̀ əməd.

Mk 15:40

Məyi mɔʼɔ nyaʼa bə̀ əŋgu nɨ nyaʼə nèŋə̀ rɨ əsa əgha. Mbɨ mɔʼɔ rəbɔʼ mɨ̀mə̌d yɨə nyaʼə Mèri Màgdàlen, Mèri ɨŋgɔb Jems bɔd mbɨ Josès fɔrɨ ə Sàlomè.

Mk 16:1

Ənɨ əni əkwɨ ə mɨ̀Jû ə nyaʼa fə che i, Mèri Màgdàlen mbɨ Mèri ɨŋgɔb Jems fɔrɨ ə Sàlomè nyaʼa zon tɨtiirɨ, ɨmbə̀ʼ ɨ wo zɔʼ əvɨ ə Yeso əŋgu.

Lk 11:13

Əne mbə̀n mbe nɨə ghɨ̀ ɨnû rɨbɔ̀ŋ mɨ kyerɨ ɨchî nɨ naʼ ɨghɨ chɔ̀m əmbɨ mbə bɔn, njɨ ə Mbǎʼ nɨ yeʼ ɨkaŋ bɨrɨ kaŋ naʼ Əzwî ə Zeŋɨ əmbɨ ə bə̂d mbe nɨ nɔn ɨ bɔ!”

Lk 18:1

Yeso nyaʼa ghà ənû ə mɨgɨ əmbɨ mbi mə̀mə̀ə̀nɨ̀-ɨnû ɨ chwi ni mbɨ berɨ kɨə kɔ̀ŋgɨ̀ ə Ŋwiə̀ zɨ rɨ bɔd.

Lk 23:49

Bə̂d mɨjìm mbe nɨ nyaʼa kyerɨ Yeso mbɨ məyi mbe nɨ nyaʼə beenɨ əbɔʼ məd nɔ̀ʼ tɨ rɨ ə Galiliî nyaʼa təm əsa əgha ɨ neŋ ɨnû mbe.

Lk 23:55

Məyi mbe nɨ nyaʼa yeʼe mbɨ məd tɨ ə Galiliî, nyaʼa beenɨ əbɔʼ məd. Mbɨ nyaʼa pè zə ɨsi we bə̀ zə ɨchî nɨ mbɨ nyaʼa boŋ əvɨ əməd.

Lk 24:10

Məyi mbe nɨ nyaʼa gha ənû ze əmbɨ ə bə̂d tom Kristo mbe yɨə nyaʼə Mèri Màgdàlen, Jòanà, Mèri ɨŋgɔb Jems mbɨ məyi cherə mbe nɨ nyaʼa mbɨ mɨ̀mə̌d.

Lk 24:33

Mbɨ nyaʼa nɔ̀ʼ àmei əwu əwən bə̀ndɨ̀ wò ə Jèrusalèm. Mbɨ nyaʼa pè zə mə̀mə̀ə̀nɨ̀-ɨnû mbe wum chɔ̀b mɔʼ nɨ nyaʼa fɔtɨ əsɨ ə mɔʼ mbɨ ə bə̂d mbe nɨ nyaʼa mbɨ mɨ̀mə̌d.

Lk 24:53

Ɨ mbɨə nyaʼə wò yiirɨ ə Ŋwiə̀ ɨni jìm ɨŋga mbàn Ŋwìə̀.

Lk 8:20

Wə̀d mɔʼɔ nyaʼa ghà ɨ bɔ ni, “E nɨŋ mbɨ mbe bɔŋgɔb mbe təmbɨ ɨsɨg. Ɨ mbɨə kə̀b zə əwe.”

Ɨ̀fàʼì 2:1

Ənɨ əni ə Pentekɔ̀s ə nyaʼa yeʼe kùʼ, bə̂d mɨjìm mbe nɨ nyaʼa ben ə Kristo nyaʼa fetɨ əsɨ ə mɔʼ.

Ɨ̀fàʼì 2:42

Mbɨ nyaʼa zɨ ətu ənɨ ɨnû mbe nɨ bə̂d tom Kristo nyaʼə chwiə. Ɨ mbɨə nyaʼa ənɨ ɨfɔtɨ, əne ɨ mbɨə nyaʼə bəʼrɨə ŋgə̀ŋ jɨg ɨnɔ̂n bə̀ kɔŋgɨ ə Ŋwiə̀ ɨnɔ̂n.

Ɨ̀fàʼì 2:46

Ɨ mbɨə nyaʼə fɔtɨə wò ə mbàn Ŋwìə̀ ɨni jìm ɨnɔ̂n. Ɨ mbɨə nyaʼə bəʼrɨə ŋgə̀ŋ ɨŋga mbə ɨkwɨ bə̀ fɔtɨə jɨgə mbɨ ɨghaʼi fɔrɨ mbɨ ə fîŋ chɔ̀m.

Ɨ̀fàʼì 6:4

Əne mbǎ ənɨ wa rɨghəm, tɨ̀ bɨrɨ ten nɨ kɔŋgɨ ə Ŋwiə̀ bə̀ ten nɨ ghà ɨŋgam Ŋwiə̀.”

Rm 12:12

Mbə̀ ghaʼrɨ əwən ɨmbə̀ʼ ɨghɨ mbe nɨ mbə̀ nuŋ rɨkɔndɨ ɨ wòm, yim fîŋ ənɨ mɨ̀nyùmə̀ jìm mbe nɨ mbə̀ə zəə ŋgəʼ bə̀ kɔŋgɨ ə Ŋwiə̀ ənɨ mɨ̀nyùmə̀ jìm.

1 Kɔrèn 14:13

Əne, wə̀d we nɨə ghàm ɨŋgam rɨsɔ̀ʼɔ̀ berɨ kɔŋgɨ ə Ŋwìə̀ ni wɨ̀ naʼ ɨka ɨ bɔ ni wɨ̀ toʼrɨ ɨnû mbe nɨ wɨə ghàə̀,

Efesùs 6:18

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm bə̀ fɔrɨ ənɨ mbə̀ə ghɨ̀ ɨnû jìm. Mbə̀ ghɨ əne ɨchî nɨ Əzwî ə naʼ ɨka ɨ nən. Əne mbə̀ chub ɨkyèʼe. Tɨ mbə̀ bɔd ə nɨ kɔŋgɨ ə Ŋwiə̀ ɨgwɨ ə bə̂d məd mɨjìm.

Kòlosè 4:2

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm. Mbə mɨ yeʼə kɔ̀ŋgɨ̀ə̀, mbə̀ chub ɨkyèʼe bə̀ nàʼə̀ məben-əwe ɨ bɔ.