Ɨ̀fàʼì 1:13 - Meta’

¹³ Ənɨ mbɨ nyaʼa nyɨ ə Jèrusalèm, mbɨ nyaʼa kɔʼ wò nyɨ ɨŋga ətu ə nəb ze rɨkaŋ, nɨ yeʼ əsɨ ze nɨ mbɨ nyaʼə chub əŋgu. Mbɨ yɨə nyaʼə: Pità, Jɔ̌n, Jems, Andrù, Filip, Tomas, Bàtòlòmiù, Matiù, Jems nɨ nyaʼə wan Alfaùs, Saimòn nɨ nyaʼə mɨ̀taku mbɨ Judàs nɨ nyaʼə wan Jems.

Ikan feg

¹³ Anyumə̀ ne mbɔb ya pe a Jèrusalèm, mbi ya kɔʼ ghò inga atog nəb ze igun. À ya asiŋi ne mbɔb yaya chùghə angu ane nyumə̀ we. Mbɔb yaya: Pità tì Jɔn tì Jem fɔrɔ Andrò tì Filib fɔrɔ Tòmas tì Bàtòlomìyò fɔrɔ Matìyò tì Jem we ne ya ŋwan ìwi Afòs fɔrɔ Sayimùn we ne mbi yaya kàrà ane Zilɔ̀d fɔrɔ Judàs, ŋwan Jem.

Ɨ̀fàʼì 1:13 Marejeleo ya Msalaba

Matìyò 9:9

Yeso nyaʼa nɔ̀ʼ rɨ əsɨ ze. Ənɨ wɨ̀ nyaʼə yènə̀ wòə̀, wɨ̀ nyaʼa zə mbaŋə̀ mɔʼɔ nɨ mbɨ nyaʼə tɔŋ ənɨ Matiù. Wɨ̀ nyaʼa i ɨŋga nəb nɨ mbɨə fetɨ mɨ̀tagsɨ̀. Yeso nyaʼa ghà ɨ bɔ ni, “Beenɨ əbɔʼ num.” Matiù nyaʼa nɔ̀ʼ beenɨ əbɔʼ məd.

Mk 14:15

Wɨ̀ bɨrɨ chwi ətu ə nəb ə kyeŋ ə mɔʼɔ ɨ nən ɨkaŋ nɨ mbɨ fə zɨ ɨghɨ rɨ ə nəb ɨŋga bə̀ tekɨ. Mbə tekɨ ɨghɨjìm ɨ na əŋgu.”

Mk 14:33

Wɨ̀ nyaʼa ghà əne, nɨŋ ə Pità mbɨ Jems fɔrɨ ə Jɔ̌n mbɨ wò ɨnɔ̂n. Ɨnyod məd nyaʼa kɔ bə, fîŋ bə̀ kɔ tɔb əməd.

Mk 2:14

Ənɨ wɨ̀ nyaʼə chèə̀, wɨ̀ nyaʼa zə ə Levì, nɨ nyaʼə wan Alfaùs. Wɨ̀ nyaʼa chub ɨŋga nəb ze nɨ wɨ̀ nyaʼə fetɨ mɨ̀tagsɨ̀. Ənɨ Yeso nyaʼa zə əməd əne, wɨ̀ nyaʼa ghà ɨ bɔ ni, “Beenɨ əbɔʼ num.” Levì nyaʼa nɔ̀ʼ beenɨ əbɔʼ məd.

Mk 5:37

Chəi Yeso nyaʼa ben ni wə̀d cherə beenɨ əbɔʼ ni chè rɨ ənɨ Pità mbɨ Jems fɔrɨ ə Jɔ̌n nɨ nyaʼə aŋgɔb Jems.

Mk 9:2

Ənɨ ɨni nyaʼa chè rɨ̀fuə, Yeso nyaʼa nɨŋ ə Pità mbɨ Jems fɔrɨ ə Jɔ̌n mbɨ kɔʼ wò ɨkaŋ ɨwum se mɔʼɔ, əsɨ nɨ àmei mɨ̀mə̌d nyaʼa əŋgu. Ənɨ mbɨ nyaʼa pè əŋgu, ɨnyod məd nyaʼa kwepə ɨfě mɨ̀mə̌d.

Lk 22:12

Wɨ̀ bɨrɨ chwi ətu ə nəb ə kyeŋ ə mɔʼɔ ɨ nən ɨkaŋ, nɨ mbɨ fə zɨ ɨghɨ rɨŋga nəb jìm. Mbə̀ tekɨ ɨghɨjìm ɨ na əŋgu.”

Jn 11:16

Tomas, nɨ mbɨ nyaʼə bə̀ tɔŋ ənɨ ə Didimùs, əne yɨ ni, wan ŋwìə̀, nyaʼa ghà əmbɨ mə̀mə̀ə̀nɨ̀-ɨnû mbə ni, “Tɨ̀ bə wò mbɨ Ə̀nùŋɨ̀sɨg, ɨmbə̀ʼ à mɨ yeʼ ənû nɨ wɨ̀ bɨrɨ kwɨ, tɨ̀ bə̀ kwɨ mbɨ məd!”

Jn 14:22

Judàs mɔʼɔ we nɨ kaʼi Judàs Iskàriɔ̀t, nyaʼa ghà ɨ bɔ ni, “Ə̀nùŋɨ̀sɨg, à kɨə wo chwi e ɨnyod ɨ na nɨ chəi à chwi əmbɨ ɨsɨg rɨ ye?”

Jn 18:17

Wan əyi ə̀fàʼì we nɨ nyaʼə nəŋgɨ ɨchû ɨkam we nyaʼa biirɨ əmbɨ Pità ni, “Ɨmbə̀ʼ àwɔ̀ yɨə bə̀ wɨ mɔʼɔ rəbɔʼ mə̀mə̀ə̀nɨ̀-ɨnû mbaŋə̀ zɔ̂ ə?” Pità nyaʼa wììrɨ̀ ni, “Chə̂, ka mə yɨ əmɨ wɨ mɔʼɔ rəbɔʼ mɨ̀mə̌d.”

Jn 21:2

Saimon Pità mbɨ Tomas, nɨ mbɨ nyaʼə bə̀ tɔŋ ənɨ ə Didimùs, əne yɨ ni wan ŋwìə̀, mbɨ Natanaèl, nɨ nyaʼa rɨ ə Kanà ə Galiliî, mbɨ ə bɔn Zebèdiî mbɨ mə̀mə̀ə̀nɨ̀-ɨnû Yeso cherə be nyaʼa əsɨ ə mɔʼ.

Ɨ̀fàʼì 12:17

Pità nyaʼa mə̀ ənɨ e əbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa tòʼrɨ̀ ɨchî nɨ Ə̀nùŋɨ̀sɨg kəʼ chɨ əməd rɨ ə ndəŋ. Wɨ̀ nyaʼa ghɨ̀ əne ghà ni, “Mbə̀ gha ənû zɔ̂ əmbɨ Jems fɔrɨ əmbɨ ə bɔŋgɔb mbə.” Ənɨ wɨ̀ nyaʼa ghà əne, wɨ̀ nyaʼa nɔ̀ʼ wò əsɨ ə cherə.

Ɨ̀fàʼì 15:13

Ənɨ mbɨ nyaʼa fə ghamɨ màànɨ̀, Jems nyaʼa ghà ni, “Bɔŋgɔb, mbə̀ zwetɨ mə ghamə.

Ɨ̀fàʼì 2:14

Pità nyaʼa nɔ̀ʼ təm rətiə mbɨ ə bə̂d tom mbe wum chɔ̀b mɔʼ, əne ghà əmbɨ ə bə̂d mbe ənɨ ə gɨ̂ kǎ kǎ ni, “Bə̂d rɨ ə Jùdeyà mbɨ ə bə̂d mɨ̀jìm mbe nɨə chub ə Jèrusalèm, mbə̀ zu mə̀ toʼrɨ əton ənɨ ənû zɔ̂ ɨ nən.

Ɨ̀fàʼì 2:38

Pità nyaʼa wììrɨ̀ əmbɨ mɨ̀mə̌d ni, “Wə̀d mɔʼ mɔʼ rəbɔʼ nən beŋ i fîŋ, nɨŋ mɨnib ənɨ ɨkum Yeso Kristo, ɨmbə̀ʼ Ŋwìə̀ waʼ mbə ɨnû rɨbɔ̀ŋ. Mbə mɨ ghɨ̀ əne, mbə bɨrɨ berɨ ɨneʼe nɨ yeʼ Əzwî ə Zeŋɨ.

Ɨ̀fàʼì 20:8

Ɨnam nɔnɔʼ mbɨə nyaʼə berə ɨŋga ətu ə nəb ze rɨkaŋ nɨ tɨ̀ nyaʼa fetɨ əŋgu.

Ɨ̀fàʼì 4:13

Ənɨ bə̂d mbe nɨə tekɨ ɨnû mbɨ ə bə̂d kyeŋ mbe rɨŋga əbeŋ nyaʼa zə ɨchî nɨ Pità mbɨ Jɔ̌n nyaʼə ghàmə̀ mbɨ ə fîŋ nɨ kǎ, bə̀ kyerɨ ni chəi mbɨ nyaʼa kyerɨ ə̀ŋwàʼnɨ̀ mbɨ ni mbɨ yɨ ɨnatɨ bə̂d, mbɨ nyaʼa yiirɨ. Mbɨ nyaʼa bə̀ kyerɨ ni ɨ mbɨə nyaʼə yènə̀ mbɨ Yeso.

Ɨ̀fàʼì 4:19

Àyɨə Pità mbɨ Jɔ̌n nyaʼa wììrɨ̀ əmbɨ mɨ̀mə̌d ni, “Mbə̀ sob mbənə mbənə ni zɨə wa kùʼ ɨfě Ŋwiə̀ ɨ zuunɨ əwən kɨ̀ ɨ zuunɨ ə Ŋwiə̀ ə?

1 Kɔrèn 15:7

Wɨ̀ nyaʼa bə̀ yì jwɨ ɨfě Jems. Ənɨ əgha ə nyaʼa saarɨ, wɨ̀ nyaʼa bə̀ jwɨ̀ ɨfě bə̂d tom mɨ̀jìm.

Gàlesìyà 1:19

Chəi mə nyaʼa zə wə̀d tom cherə chè rɨ ənɨ ə Jems we nɨ yeʼ aŋgɔb Ə̀nùŋɨ̀sɨg Yeso.

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

2 Jɔn 1:1

À yɨə mɔ̌, nɨ mə̀ yeʼ wə̀d we nɨə chà ɨfetɨ bə̂d Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ ɨ ne, àwɔ̀ Əyi kyeŋ we nɨ Ŋwìə̀ nyaʼa chɔʼɔ fɔrɨ əmbɨ mbe bɔn. Mə kàŋ ghaʼ əwən ənɨ rəsìʼ. Kaʼ àmei mɔ̌ ghaʼ əwən, bə̂d mɨjìm mbe nɨ kyerɨ rəsìʼ we nɨ tɨə ghàə̀ bə̀ ghaʼ əwən.

Jûd 1:1

À yɨə mɔ̌ Jûd, nɨ mə̀ yeʼ wə̀d ə̀fàʼì Yeso Kristo bə̀ yeʼ aŋgɔb Jems, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwìə̀ Mbǎʼ nyaʼa ghaʼi kwàʼ rɨŋgəʼ, əne tɔŋ mɨ̀mə̌d ni mbɨ yeʼ mbi bə̂d, bə̀ nùŋ mɨ̀mə̌d wòm nyùmə̀ we nɨ Yeso Kristo bɨrɨ wɨrɨ yeʼe.