Fìlipì 4:17 - Meta’

¹⁷ Chəi mə̀ gha əne ɨmbə̀ʼ ɨghəm nɨ mə̀ kəb ni mbə naʼ ɨghɨ ɨ num. Mə kə̀b yeʼ ni Ŋwìə̀ chwɨ əwən ɨchî nɨ mbə̀ weerɨ əmɨ.

Ikan feg

¹⁷ Kayi mə kə̀bə̀ gha mbə̀ naʼa ighi inum. Mə kə̀b yaʼ gha Ŋwiye yeti chùd inən anjìm àfàʼì ze ne mbə̰ mbe fàʼà inum.

Fìlipì 4:17 Marejeleo ya Msalaba

Jn 15:16

Kaʼi mbə̀nə nyaʼa chɔʼ əmɨ. À yɨə mɔ̌ nyaʼa chɔʼ əwən tom ni mbə̀ wo kɔ rɨtam, nɨ yeʼ rɨtam te nɨ bɨrɨ ten i koŋ. Mbə mɨ ghɨ̀ əne, Mbǎʼ bɨrɨ naʼ əghɨ ə mɔʼɔ ze nɨ mbə̀ biirɨ ɨ bɔ ənɨ mɨ ɨkum.

Jn 15:8

Ənû ze nɨ bɨrɨ nàʼ ɨwumnɨ əmbɨ mɨ Mbǎʼ yɨ ni mbə̀ kɔ rɨtam nɔnɔʼ. Əze ə bɨrɨ chwi ni mbə̀ yɨ mbɨ mə̀mə̀ə̀nɨ̀-ɨnû.

Rm 15:28

Ənɨ mə fə maanɨ ə̀fàʼì zɔ̂, nàʼ ɨkab we nɨ mə̀ fetɨ əmbɨ mɨ̀mə̌d, mə bɨrɨ che mo əwən bɔŋ sɨə wò ə Speìn.

2 Kɔrèn 11:16

Mə̀ yì ghà ni, tɨ wə̀d mɔʼɔ kɔndɨ i ni mə yɨ əneŋ. Àyɨə mbə mɨ kɔndɨ əne, mbə sɨ nɨŋ ni mə yɨ əneŋ, ɨmbə̀ʼ mə bə goŋ ɨgɔ̂ rɨpiî.

2 Kɔrèn 9:5

Əne mə kàŋ kə̀ʼ kɔndɨ ni zɨə kùʼ ni mə̀ buʼ ɨbɔ əmbɨ ə bɔŋgɔb mbɔ̂ ni mbɨ be yeʼe əsɨ nən ɨmbə̀ʼ mbə̀ tekɨ ɨneʼe kyeŋ we nɨ mbə̀ kəʼ kàʼ. Əze ə bɨrɨ chwi ni mbə nàʼ ɨneʼe we ɨchî nɨ mbə̀ ghaʼ, kaʼi ni à yɨ mbɨ nyeŋ əwən nyeŋɨ.

Fìlipì 1:11

Àmei Yeso Kristo we tɨ wɨ̀ ghɨ̀ ni mbə̀ ghɨ ɨnû ɨchî nɨ kuʼnɨ, ɨmbə̀ʼ bə̂d wumnɨ ə Ŋwiə̀ bə̀ yiirɨ əməd.

Fìlipì 4:11

Chəi mə̀ gha əne ɨmbə̀ʼ ɨghəm nɨ mə̀ nyaʼa kwaŋ əghɨ ə mɔʼɔ. Mə wɨə ghà yeʼ ɨmbə̀ʼ ɨghəm nɨ mə fə kwembɨ ni kɨ̀ à kɨ ənû ə ye ə, ɨghɨ mbe nɨ mə berɨ mbɨ kùʼ.

1 Tèsàlonikà 2:5

Mbə̀ kyerɨ ə ni chəi tɨ̀ nyaʼa gha ɨŋgam nəmɨ nəmɨ ɨ nən ɨmbə̀ʼ tambɨ əwən. Ŋwiə̀ bə̀ kyerɨ ni ka tɨ̀ yɨ a bə̂d əjə, əne chəi tɨ̀ nyaʼa gha ɨnû mbe ɨmbə̀ʼ nəm ni tɨ̀ yɨə bə̂d əjə.

1 Timotì 3:3

Tɨ wɨ̀ yeʼi wə̀d nɨə nɔə mɨnoʼ beə. Tɨ wɨ̀ yeʼi wə̀d nɨ ghaʼ ənû nɨ zɔ̀ŋ. Wɨ̀ berɨ yeʼ wə̀d nɨə bɔtɨə, kaʼi wə̀d nɨə tàŋə̀ mbɨ ə bə̂d. Tɨ wɨ̀ yeʼi wə̀d nɨ ghaʼ ɨkab.

1 Timotì 6:10

ɨmbə̀ʼ ɨghəm nɨ ənû nɨ ghaʼ ɨkab yɨ əsɨ nɨ tɨkwɨ ɨnû rɨbɔ̀ŋ jìm ə jwɨ̀ rəŋgu. À yɨ ənû nɨ beenɨ əbɔʼ ɨkab ze ə ghɨ̀ ni bə̂d mɨ̀nɔnɔʼ waʼ ɨbenɨ, əne ghɨ̀ ə̀kə̀nɨ̀ ə swi ɨŋga fîŋ tɨ mɨ̀mə̌d ɨmbə̀ʼ ɨchî nɨ mbɨə zəə ŋgəʼ.

Tayitùs 1:7

Ətu ɨgwɨ ɨfetɨ bə̂d Kristo yɨə wə̀d nɨə nəŋgɨ ə̀fàʼì ə Ŋwiə̀. Wɨ̀ berɨ yeʼ wə̀d nɨ chəi ɨgu ənû ɨgwɨ məd. Tɨ wɨ̀ yeʼi wə̀d nɨə seenɨə, kɨ̀ wə̀d nɨə kɨə sə ɨtəm, kɨ̀ wə̀d nɨə nɔə beə, kɨ̀ wə̀d nɨə zɔ̀ŋə̀, kɨ̀ wə̀d nɨə ghɨ̀ ədɔʼ ənɨ ɨkab.

Tayitùs 3:14

Bə zə ni mba bə̂d kwembɨ ənû nɨ ghɨ ɨ̀chɔ̀m, ɨmbə̀ʼ mbɨ weerɨ mbe nɨ kwaŋ ɨghɨ. Tɨ mbɨ yeʼ ə bə̂d nɨ chəi mbɨə ghɨ̀ ɨ̀chɔ̀m.

Mə̀Hibrù 6:10

Ŋwìə̀ wɨə ghɨ̀ àmei ɨnû nɨ kuʼnɨ. Kaʼ məd bɨrɨ neb i ɨnû mbe nɨ mbə̀ fə ghɨ. Kaʼ məd bɨrɨ bɨ neb i ɨghaʼi we nɨ mbɨə chwi ɨ bɔ ənɨ mbə̀ nyaʼə weerɨ bə̂d məd bə̀ kɨrɨ wò ɨmbì wèèrɨ̀ə̀.

1 Pità 5:2

mbə nəŋgɨ njɨ̀g rɨ Ŋwiə̀ te nɨ wɨ̀ zɨ ɨŋga tə rɨkyerɨ-ɨbɔ. Tɨ mbə̀ ghɨ̀ ə əne ɨghabɨ ni ɨ mbɨə nyeŋ əwən nyeŋɨ. Mbə̀ ghɨ əne ɨchî nɨ mbə̀ benɨ fɔrɨ ɨchî nɨ Ŋwiə̀ kəbɨ. Tɨ mbə̀ ghɨ̀ ə əne ɨmbə̀ʼ ədɔʼ ɨkab. Mbə̀ ghɨ yeʼ ɨmbə̀ʼ ɨchî nɨ mbə̀ ghaʼ nɨ fàʼ.

2 Pità 2:15

Chəi mbɨə wɨrɨə ghɨ̀ ɨnû nɨ kuʼnɨ. Ɨ mbɨə sɨə ghɨ̀ àmei ɨnû rɨbɔ̀ŋ. Ɨ mbɨə ghɨ̀ yeʼ ɨnû mbe nɨ Balàm nɨ nyaʼə wan Beò nyaʼə ghɨ̀ə̀. Balàm nyaʼa ghaʼ ɨkab we nɨ wɨ̀ nyaʼa wo berɨ tɨ ənɨ ɨnû rɨbɔ̀ŋ mbe nɨ wɨ̀ nyaʼə ghɨ̀ə̀.

2 Pità 2:3

Ɨchî nɨ mbɨ ghaʼ ənû nɨ ghɨ əjə, mbɨ bɨrɨ gha tɨpoʼ əko ɨ nən ɨmbə̀ʼ jɨg əwən. Əgha ə fə kàŋ sà nɨ Ŋwìə̀ nyaʼa fə zɨ ɨsaʼi ɨgwɨ mɨ̀mə̌d. Ŋwìə̀ we nɨ bɨrɨ nimnɨ mɨ̀mə̌d wɨ i ɨkyèʼe.

Jûd 1:11

Ŋgəʼ bɨrɨ nyɨ ɨgwɨ mɨ̀mə̌d! Ɨ mbɨə ghɨ̀ ɨnû mbe nɨ Kaìn nyaʼa ghɨ̌. Ɨ mbɨə ghɨ̀ əfebrɨ-ənû ze nɨ Balàm nyaʼa ghɨ̌ ɨmbə̀ʼ ədɔʼ ɨkab. Ɨ mbɨə ghɨ̀ rɨ̀zuə̀ àmei ɨchî nɨ Korà nyaʼa ghɨ̌. Əne mbɨ bɨrɨ nim ɨghabɨ ə Korà.