Fìlipì 4:11 - Meta’

¹¹ Chəi mə̀ gha əne ɨmbə̀ʼ ɨghəm nɨ mə̀ nyaʼa kwaŋ əghɨ ə mɔʼɔ. Mə wɨə ghà yeʼ ɨmbə̀ʼ ɨghəm nɨ mə fə kwembɨ ni kɨ̀ à kɨ ənû ə ye ə, ɨghɨ mbe nɨ mə berɨ mbɨ kùʼ.

Ikan feg

¹¹ Kayi mə ghàmà anìŋ imbə̀ʼ icheg ne mə cheʼi aghi mɔ̀ʼɔ. Tesiʼ ya gha, mə fə nani icheg ni chughi amə, kə̀ mə bèrì ighi kə̀ chəyi!

Fìlipì 4:11 Marejeleo ya Msalaba

Lk 3:14

Mɨ̀sɔgyɨ̀ mɔʼɔ nyaʼa bə̀ biirɨ ɨ bɔ ni, “À yeʼ mbǎ, tɨ̀ kɨ wò ghɨ ye ə?” Wɨ̀ nyaʼa ghà əmbɨ mɨ̀mə̌d ni, “Tɨ mbə fè ə ɨkab rɨ əmbɨ wə̀d mɔʼɔ ənɨ ɨkǎ, kɨ ənɨ mɨghab. Mbə ghaʼ ɨnun ɨkab we nɨ mbɨə chwɨ əwən əŋgu.”

2 Kɔrèn 11:27

Mə wɨə nyaʼə fàʼ rɨ̀kǎ bə̀ nwìʼ ɨnyod. Chəi mə nyaʼa gwenɨ ɨzimɨ nɔnɔʼ. Mə wɨə nyaʼa chub ə njì, ədɔʼ ə bə̀ ne əmɨ. Mə wɨə nyaʼə chub ɨghəm nɔnɔʼ nɨ chəi əghɨjɨg. Mə wɨə nyaʼə kwaŋ ngywɨ̌ əne ɨfə wɨə nyaʼə kɔ əmɨ.

2 Kɔrèn 6:10

Bə̂d mɔʼɔ mbɨə ghɨ̀ mbɨ na ɨghabɨ ni tɨ̀ yɨə bə̂d nɨə kə̀nə̀, àyɨə tɨ̀ wɨə ghaʼrɨ əwa ɨghəm jìm. Bə̂d mɔʼɔ mbɨə ghɨ̀ mbɨ na ɨghabɨ ni tɨ yɨə bə̂d ɨkwaŋ, àyɨə tɨ wɨə ghɨ̀ ni bə̂d mɨ̀nɔnɔʼ fuʼ əwən. Bə̂d mɔʼɔ mbɨə neŋ əwa ni tɨ̀ yɨə bə̂d nɨ chəi əghɨ, àyɨə tɨ̀ berɨ ɨghɨjìm.

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

2 Kɔrèn 9:8

Ŋwiə̀ we tɨ̀ wɨ̀ nàʼ ɨghɨjìm ɨ nən chè mbe nɨ mbə̀ kəbɨ, ɨmbə̀ʼ mbə̀ berɨ ɨghɨjìm ənɨ mɨ̀nyùmə̀ jìm ɨmbə̀ʼ mbə̀ bɨ nàʼ ni mbɨ ghɨ̀ ɨnû chɔ̀m əŋgu.

Fìlipì 3:8

Təsìʼ nɨ yeʼ əŋgu yɨ ni ɨnû jìm yɨ ɨnimɨ ənɨ mə mɨg mbɨ ənû ə kyeŋ ze nɨ bɔŋɨ chè. Ənû ə kyeŋ ze yɨ nɨ kyerɨ ə Kristo Yeso wum Ə̀nùŋɨ̀sɨg. Mə fə nim ɨnû mbe jìm ɨmbə̀ʼ ə Kristo Yeso. Mə fə zə ni ɨnû mbe jìm yɨ ɨnyɔrɨ, ɨmbə̀ʼ mə chubɨ mbɨ Kristo

Mə̀Hibrù 10:34

Mbə mbɨə nyaʼə dììrɨ̀ə̀ bə̂d mbe nɨ nyaʼa ə nəb ndəŋ. Ənɨ mbɨ nyaʼa fe mbə ɨghɨ, mbə̀ nyaʼa ben ənɨ ɨghaʼi. Mbə mbɨə nyaʼa ghɨ̀ əne ɨmbə̀ʼ ɨghəm nɨ mbə̀ nyaʼa kyerɨ ni mbə berɨ ɨghɨ nɨ bɔŋ chè mbe, nɨ yeʼ ɨghɨ nɨ bɨrɨ ten i koŋ.