Fìlipì 3:15 - Meta’

¹⁵ Mba mɨjìm mbe nɨ yeʼ bə̂d Kristo nɨ fə kaanɨ berɨ nuŋ ta rɨkɔndɨ ənɨ wɨ mɔʼ ɨmbə̀ʼ ɨnû mbɔ̂. Àyɨə mbə mɨ berɨ tɨkɔndɨ cherə, Ŋwìə̀ bɨrɨ ghɨ ni zɨə zeŋ ɨ nən.

Ikan feg

¹⁵ Mba bəd Kristo məjìm mbe ne fə təmi kà, tì beri ikɔndi imɔʼ imbə̀ʼ inug mbo̰. Wə̀d mɔ̀ʼɔ mə̀ bèrì yaʼ ikɔndi ndəŋ, Ŋwiye biri ghì atog məd zen.

Fìlipì 3:15 Marejeleo ya Msalaba

Matìyò 5:48

Əne mbə berɨ bɔŋ màànɨ̀ ɨchî nɨ ə Mbǎʼ rɨkaŋ bə̀ bɔ̀ŋ màànɨ̀.

Lk 11:13

Əne mbə̀n mbe nɨə ghɨ̀ ɨnû rɨbɔ̀ŋ mɨ kyerɨ ɨchî nɨ naʼ ɨghɨ chɔ̀m əmbɨ mbə bɔn, njɨ ə Mbǎʼ nɨ yeʼ ɨkaŋ bɨrɨ kaŋ naʼ Əzwî ə Zeŋɨ əmbɨ ə bə̂d mbe nɨ nɔn ɨ bɔ!”

Jn 6:45

Bə̂d ɨ̀kə̀n Ŋwìə̀ nyaʼa ŋwàʼnɨ̀ ni, 'Ŋwìə̀ bɨrɨ chwi ɨnû əmbɨ mɨ̀mə̌d mɨjìm.' Wə̀d jìm we nɨ zu ənû ze nɨ Ŋwìə̀ ghǎ bə̀ kwembɨ ənû rɨ bɔ bɨrɨ yeʼe əsɨ num.

Jn 7:17

Wə̀d mɔʼɔ mɨ kə̀b ghɨ ɨnû mbe nɨ Ŋwìə̀ kəbɨ, wɨ̀ bɨrɨ kyerɨ ni ɨnû mbe nɨ mɨə chwiə yɨ rɨ əmbɨ ə Ŋwiə̀, kɨ̀ ni mə wɨə ghàə̀ yeʼ ənɨ mɨ ɨka.

Rm 15:1

Mba mbe nɨ a ɨbenɨ kaanɨ berɨ yim fîŋ mbɨ mbe nɨ ɨbenɨ mɨ̀mə̌d kɨrɨ bɔd. Tɨ rɨ̀ ghɨ a àmei ɨnû mbe nɨ bɨrɨ ghɨ ni ta fîŋ bɔŋ ə.

1 Kɔrèn 14:20

Mbɨ bɔŋgɔb, tɨ tə rɨkɔndɨ yeʼi ɨghabɨ tɨ bɔn kwa. Mbə̀ yeʼ ɨghabɨ ə bɔn bɔd ənɨ zɨə de ɨnû rɨbɔ̀ŋ, àyɨə mbə̀ berɨ tɨkɔndɨ bə̂d kyeŋ.

1 Kɔrèn 2:6

Ənɨ tɨ̀ yeʼ əkaʼ bə̂d Kristo mbe nɨ fə kaanɨ, tɨ̀ wɨə ghàm ɨŋgam ɨwe. Ka ɨwe we yɨ i rɨ əmbɨ ə bə̂d mbe rɨŋga ɨsɨg wɔ̂, kɨ̀ rɨ əmbɨ ɨzwî mbe nɨə tùmbɨ̀ ɨsɨg wɔ̂, nɨ ɨka mɨ̀mə̌d bɨrɨ mì.

Gàlesìyà 5:10

Mə wɨə nùŋ mɨ fîŋ ɨgwɨ nən ɨchî nɨ tɨ̀ yeʼ ənɨ ɨfɔtɨ mbɨ Ə̀nùŋɨ̀sɨg ni chəi mbə̀ bɨrɨ nɨŋ ɨkɔndɨ cherə chè rɨ ənɨ we nɨ mə̀ naʼ ɨ nən. Ŋwìə̀ bɨrɨ saʼ wə̀d we nɨə chə əwən, kɨ̀ à kɨə we njiʼ.

Efesùs 1:17

Mə wɨə kɔ̀ŋgɨ̀ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo, nɨ yeʼ Mbǎʼ nɨ ɨwumnɨ jìm yeʼ wɨ məd, ni wɨ̀ naʼ e Əzwî ɨ nən ɨmbə̀ʼ mbə̀ berɨ ɨwe. Mə wɨə bə̀ kɔ̀ŋgɨ̀ə̀ ni wɨ̀ chwi wi rəsìʼ ɨ nən ɨmbə̀ʼ mbə̀ jeŋgɨ kyerɨ əməd.

Kòlosè 1:28

Tɨ̀ wɨə ghà ənû ɨmbə̀ʼ ə Kristo əmbɨ ə wə̀d jìm. Tɨ̀ wɨə nɨŋ ɨwe we nɨ Ŋwìə̀ naʼ ɨ na patɨə mɨ̀mə̌d bə̀ chwi ɨnû əmbɨ wə̀d jìm, ɨmbə̀ʼ tɨ nɨŋ wə̀d jìm we nɨ fə kwi kàànɨ ɨchî nɨ wɨ̀ yeʼ ənɨ ɨfɔtɨ mbɨ Kristo wò ɨfě Ŋwiə̀.

Kòlosè 4:12

Epafràs, nɨ yeʼ wə̀d ə̀fàʼì Kristo, nɨ bə̀ yeʼ wə̀d rəbɔʼ nən wɨə chàʼrɨ̀ əwən. Ɨ wɨə kɔ̀ŋgɨ̀ ə Ŋwiə̀ kwàʼ rɨka ɨghəm jìm kɔndɨ əwən ni mbə̀ təm kàànɨ̀ bə̀ jeŋgɨ kyerɨ ɨnû jìm mbe nɨ Ŋwìə̀ kə̀bɨ.

1 Tèsàlonikà 4:9

Tɨ̀nîn chəi tɨ̀ berɨ əton nɨ wɨrɨ ŋwaʼnɨ ɨ nən ɨmbə̀ʼ ɨchî nɨ mbə̀ berɨ ghaʼ mbə bɔŋgɔb. Ŋwìə̀ ziə fə chwi ɨ nən ni mbə̀ ghaʼ bɔŋgɔb.

2 Timotì 3:17

ɨmbə̀ʼ wə̀d we nɨə fàʼ əmbɨ ə Ŋwìə̀ kyerɨ ɨnû jìm bə̀ kyerɨ ɨchî nɨ ghɨ ɨnû chɔ̀m jìm.

Mə̀Hibrù 5:14

Ɨghɨjɨg nɨ kaanɨ yɨ əmbɨ ə bə̂d kyeŋ mbe nɨ fə kwembɨ ɨnû mə̀d əne kyerɨ ɨkwepɨ rəbɔʼ ɨnû chɔ̀m mbɨ ɨnû rɨbɔ̀ŋ.

1 Jɔn 2:5

Wə̀d mɔʼɔ mɨ yeʼə ghɨ̀ ɨnû mbe nɨ yeʼ ɨŋga ɨŋgam məd, əne yɨ ni ɨghaʼi ɨgwɨ ə Ŋwiə̀ ə kàŋ swi ɨŋga fîŋ məd. Wɔ̂ yɨ ɨnə̂njɨ̀ nɨ kyerɨ ni tɨ̀ wɨ ənɨ ɨfɔtɨ mbɨ məd.