Fìlipì 3:12 - Meta’

¹² Chəi mə̀ gha ni mə fə berɨ ɨnû mbɔ̂ jìm, kɨ̀ ni mə fə bɔ̀ŋ màànɨ̀, àyɨə mə wɨə kywɨ ənywɨ ɨmbə̀ʼ berɨ mbɨwən. Kristo Yeso nyaʼa ghɨ ni mə̀ yeʼ wə̀d məd ɨmbə̀ʼ berɨ ɨnû mbɔ̂ jìm.

Ikan feg

¹² Kayi mə gha, mə fə bèrì ighi mbo̰ ijìm, kə̀ gha mə fə bɔ̀ŋ mànì. Tesiʼ ya gha, mə we kìrə ika ni chè imbìghè imbə̀ʼ bèrì ighi ijìm mbe ne Yeso Kristo ya ghi gha mə yaʼ wə̀d məd imbə̀ʼ bèrì.

Fìlipì 3:12 Marejeleo ya Msalaba

Matìyò 5:48

Əne mbə berɨ bɔŋ màànɨ̀ ɨchî nɨ ə Mbǎʼ rɨkaŋ bə̀ bɔ̀ŋ màànɨ̀.

Ɨ̀fàʼì 9:15

Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

Rm 8:39

kɨ̀ ɨghɨ mbe nɨ yeʼ ɨkaŋ, kɨ̀ mbe nɨ yeʼ ɨŋga si, kɨ̀ əghɨ ə mɔʼɔ ə cherə rəbɔʼ ɨghɨ mbe nɨ Ŋwiə̀ tekɨ, mbe tɨ̀ mbɨ ghabrɨ əwa tɨ ənɨ ɨchî nɨ Ŋwìə̀ ghaʼ əwa ɨchî nɨ tɨ̀ yeʼ ənɨ ɨfɔtɨ mbɨ Kristo Yeso, a Ə̀nùŋɨ̀sɨg.

1 Kɔrèn 13:10

Ənɨ əghɨ ze nɨ bɔŋ màànɨ̀ ə yeʼe, əze nɨ yeʼ àmei əkwirɨ əkwirɨ ə bɨrɨ nim.

1 Kɔrèn 13:12

Tɨ̀nîn, əghɨ ze nɨ tɨə zə ɨghabɨ ni à yɨ ɨŋga əneŋ-ɨfě yɨ əziŋ nɨ yeʼ əfubrɨ əfubrɨ̀, àyɨə ənɨ ə nyùmə̀ we nɨ Kristo bɨrɨ wɨrɨ yeʼe, tɨ̀ bɨrɨ zə əməd tɨfě rɨfě. Tɨ̀nîn, mə kyerɨ ə Ŋwiə̀ əkwirɨ əkwirɨ, àyɨə ənɨ ə nyùmə̀ we nɨ Kristo bɨrɨ wɨrɨ yeʼe, mə bɨrɨ kyerɨ əməd màànɨ̀, àmei ɨchî nɨ məd bə̀ kyerɨ əmɨ màànɨ̀.

1 Kɔrèn 9:24

Chəi mbə̀ kyerɨ ni ənɨ ə̀nòtɨ̀, bə̂d mɨ̀jìm mbɨə nòrə̀, àyɨə àmei wə̀d mɔʼ we ə nɨŋ ɨchwɨ ə? Əne mbə̀ notə ənɨ ɨkwɨ ɨnə̂njɨ̀ nɨ tɨ̀ mbə̀ nɨŋ ɨchwɨ we.

2 Kɔrèn 13:9

Tɨ̀ wɨə ghaʼə ni ənɨ tɨ̀ bɔd, mbə̀ mbɨə kàə̀. Tɨ̀ wɨə kɔ̀ŋgɨ̀ ə Ŋwiə̀ ni mbə̀ bɔŋə màànɨ̀.

2 Kɔrèn 7:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ Ŋwìə̀ kaʼ ɨnû mbɔ̂ ɨ na, əne tɨ̀ ton ɨnû rɨbɔ̀ŋ mbe nɨə ghɨ̀ ni nyamnyod mbɨ əzwî chubɨ rɨ zeŋ. Tɨ̀ kywɨ ənywɨ zə ni tɨ̀ zeŋ màànɨ̀ ɨchî nɨ tɨə wumnɨ ə Ŋwiə̀.

Gàlesìyà 5:17

ɨmbə̀ʼ ɨghəm nɨ ɨnû mbe nɨ nyamnyod ə feenɨə yɨ mbe nɨ chəi Əzwî ə kəbɨ, mbe nɨ Əzwî ə kəbɨ yɨ mbe nɨ chəi nyamnyod kə̀bɨ. Mɨ̀mə̌d mbɔ̂ mɨ̀be mbɨə zɔ̀ŋə̀ ɨmbə̀ʼ tɨ mbə̀ ghɨ ə ɨnû mbe nɨ mbə̀ kəbɨ.

Efesùs 1:4

Bɔŋ Ŋwìə̀ nyaʼə sɨə tekɨ ɨsɨg, wɨ̀ nyaʼa fə chɔʼ əwa ɨchî nɨ tɨ̀ yeʼ ənɨ ɨfɔtɨ mbɨ Kristo ni tɨ̀ yeʼ bə̂d zeŋɨ ɨfě məd, bə̀ yeʼ bə̂d nɨ chəi ənû rɨbɔ̀ŋ ɨgwɨ na. Wɨ̀ nyaʼa chɔʼ əne ɨchî nɨ wɨ̀ ghaʼ əwa.

Efesùs 4:12

Wɨ̀ nyaʼa ghɨ əne, ɨ tekɨ bə̂d Ŋwiə̀ ni mbɨ faʼ ɨ bɔ, ɨmbə̀ʼ nyamnyod Kristo kwi

Fìlipì 1:1

À yɨə mɔ̌ Pɔ̂l mbɨ Timotì, nɨ tɨ̀ yeʼ bə̂d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ əmbɨ mbə̀n bə̂d Ŋwiə̀ mɨ̀jìm mbe nɨ yeʼ ə Filipì, nɨ yeʼ ənɨ ɨfɔtɨ mbɨ Kristo. Tɨ̀ wɨə ŋwàʼnɨ̀ əmbɨ mbə̀n mbe nɨ yeʼ ɨtu nɨə chà ɨfetɨ bə̂d Kristo. Tɨ̀ wɨə bə̀ ŋwàʼnɨ̀ əmbɨ mbə̀n mbe nɨə wèèrɨ̀ mɨ̀mə̌d.

Fìlipì 3:16

Àmei ni tɨ̀ yim ɨnû mbe nɨ tɨ̀ nyaʼa fə be kyerɨ.

Fìlipì 3:3

À yɨə mbǎ nɨ mbɨ ne ɨchî rəsìʼ. Əzwî ə zɨə wèèrɨ̀ əwa ni tɨ wumnɨ ə Ŋwiə̀. Tɨ̀ wɨə ghaʼ ɨchî nɨ tɨ̀ yeʼ ənɨ ɨfɔtɨ mbɨ Kristo Yeso əne chəi tɨə zɨ̀ ta fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀,

Fìlipì 3:8

Təsìʼ nɨ yeʼ əŋgu yɨ ni ɨnû jìm yɨ ɨnimɨ ənɨ mə mɨg mbɨ ənû ə kyeŋ ze nɨ bɔŋɨ chè. Ənû ə kyeŋ ze yɨ nɨ kyerɨ ə Kristo Yeso wum Ə̀nùŋɨ̀sɨg. Mə fə nim ɨnû mbe jìm ɨmbə̀ʼ ə Kristo Yeso. Mə fə zə ni ɨnû mbe jìm yɨ ɨnyɔrɨ, ɨmbə̀ʼ mə chubɨ mbɨ Kristo

1 Tèsàlonikà 5:15

Mbə̀ zə ni tɨ wə̀d mɔʼɔ rəbɔʼ nən wi i ɨbə ɨgwɨ ɨbə, àyɨə mbə kywɨ ənywɨ ghɨ̀ ɨ̀chɔ̀m ənɨ wə̀d mɔʼ mɔʼ bə̀ ghɨ̀ ənɨ ə wə̀d jìm.

2 Tès 2:13

Mba bɔŋgɔb nɨ Ə̀nùŋɨ̀sɨg ghaʼi kwàʼ rɨŋgəʼ, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən, ɨmbə̀ʼ ɨghəm nɨ Ŋwiə̀ nyaʼa chɔʼ əwən ɨmbə̀ʼ chɨ rəŋgəʼ ənjìm ɨchî nɨ Əzwî ə Ŋwìə̀ ə ghɨ mbə zeŋ bə̀ fɔrɨ ənjìm ɨchî nɨ mbə̀ ben rəsìʼ.

1 Timotì 5:10

Bə̂d berɨ kyerɨ əməd ɨmbə̀ʼ ɨnû chɔ̀m mbe nɨ wɨə ghɨ̀ə̀, ɨghabɨ ɨchî nɨ wɨə nìə̀ bɔn ɨchî chɔ̀m, ɨchî nɨ wɨə nɨŋə bə̂d əkwɨ ni, ɨchî nɨ wɨə sò ɨwu bə̂d Ŋwiə̀ ɨchî nɨ wɨə weerɨ bə̂d mbe nɨ yeʼ ə ŋgəʼ mbɨ ɨchî nɨ wɨə nàʼ i ɨnyod nɨ ghɨ ɨnû chɔ̀m ənɨ tɨkwɨrɨ ɨnə̂njɨ̀ jìm.

1 Timotì 6:19

Mbɨ mɨ yeʼə ghɨ̀ ɨnû mbɔ̂, njɨ mbɨ fə zì əchɨ nɨ kaanɨ ɨmbə̀ʼ ɨghɨ mbe nɨ mbɨ bɨrɨ berɨ əwu rənjìm. Mbɨ bɨrɨ bɨ jɨg ɨ̀tènɨ̀ we nɨ yeʼ wɨ rəsìʼ.

Mə̀Hibrù 12:14

Mbə̀ kywɨ ənywɨ zə ni mbə̀ chub ənɨ əbɔrəbɔd mbɨ ə bə̂d mɨ̀jìm, bə̀ kywɨ ənywɨ zə ni mbə̀ chub ɨzeŋɨ zeŋɨ, ɨmbə̀ʼ ɨghəm nɨ chəi wə̀d we nɨ rɨka zeŋ i bɨrɨ nɔ zə Ə̀nùŋɨ̀sɨg.

Mə̀Hibrù 12:23

Mbə fə yeʼe əsɨ ɨfetɨ bɔn fə̀d Ŋwiə̀ mbe nɨ mbɨ fə ŋwaʼnɨ tɨkum tɨ mɨ̀mə̌d ɨkaŋ. Mbə fə yeʼe əsɨ Ŋwìə̀ we nɨə saʼə bə̂d mɨ̀jìm. Mbə fə yeʼe əsɨ ɨzwî bə̂d mbe nɨə ghɨ̀ ɨnû nɨ kuʼnɨ, nɨ Ŋwìə̀ fə ghɨ̌ mbɨ bɔ̀ŋ màànɨ̀.

Mə̀Hibrù 13:21

naʼ ɨghɨ chɔ̀m jìm ɨ nən ɨmbə̀ʼ mbə ghɨ ɨnû mbe nɨ wɨ̀ kəbɨ. Wɨ̀ che ənjìm ə Yeso Kristo ghɨ̀ ɨnû mbe nɨ bɔŋ ɨ bɔ ɨŋga na. Tɨ̀ wumnɨ ə Yeso Kristo koŋ koŋ. À yɨ əne.

Jems 3:2

Mba mɨjìm mbɨə fàn ɨnû ənɨ mɨnə̂njɨ̀ nɔnɔʼ. Wə̀d mɔʼɔ mɨ yeʼ əŋgu nɨ chəi wɨə fàn ənɨ ɨnû mbe nɨ wɨə ghàə̀, njɨ məd ə bɔŋ màànɨ̀, bə̀ kyerɨ ɨchî nɨ yimbɨ i ɨnyod jìm.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

2 Pità 3:18

Àyɨə mbə wo ɨmbì kwi ɨŋga ɨ̀chɔ̀m fɔrɨ ɨŋga ənû nɨ kyerɨ a Ə̀nùŋɨ̀sɨg Yeso Kristo nɨə chɨ̀ əwa rəŋgəʼ. Bə̂d mɨ̀jìm wumnɨ məd kɔ rɨ̀nîn wò nwì koŋ! À yɨ əne.