Fìlipì 3:1 - Meta’

¹ Mbɨ bɔŋgɔb, bɔŋ mə sɨə màànɨ̀ə̀, mə wɨə ghà ɨ nən ni mbə̀ ghaʼ ɨchî nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg. Kaʼi ŋgəʼ mɔʼɔ ɨ num nɨ wɨrɨ ŋwaʼnɨ ɨnû mbe nɨ mə̀ nyaʼa be ŋwàʼnɨ̀ ɨ nən. Mə wɨə ghɨ̀ əne ɨmbə̀ʼ tɨ ŋgəʼ nyɨ i ɨgwɨ nən.

Ikan feg

¹ Ìmbum məfi fɔrɔ ìtum njàbi, bɔŋ mə̀ se nwḭ̀yḛ̀, mə biri ghà inən gha, mbə̀ ya gyènde icheg ne mbə̀ yaʼi ane ifɔti tì Anɔŋisəg. Chəyi ze yaʼi anug mɔ̀ʼɔ inum ni ywìrì ŋwàʼrì inug mbe ne mə̀ ya bi ŋwàʼrì inən. Mə ya ghìyə̀ anìŋ ni ghì gha imbə̀ʼ mbə̰ nɔ̀ʼ nyi inga ngəʼ.

Fìlipì 3:1 Marejeleo ya Msalaba

Matìyò 5:12

Mbə̀ ghaʼrɨ bə̀ gyendɨ əwən, ɨmbə̀ʼ ɨghəm nɨ Ŋwìə̀ bɨrɨ naʼ ɨneʼe kyeŋ ɨ nən ɨkaŋ. À yɨə bə̀ ɨchî nɨ bə̂d nyaʼə nwèndɨ̀ rɨkyerɨ-ɨwu bə̂d ɨ̀kə̀n Ŋwiə̀ mbe nɨ nyaʼa ɨmbì ɨ nən.

Lk 1:47

mɨ fîŋ zɨə ghaʼə ɨmbə̀ʼ ɨchî nɨ Ŋwìə̀ chɨ əmɨ rəŋgəʼ,

Rm 5:11

Kaʼi əjìm əze, tɨ̀ wɨə bə̀ goŋ ɨgɔ̂ ɨmbə̀ʼ ə Ŋwiə̀ ənjìm a Ə̀nùŋɨ̀sɨg Yeso Kristo. Məd fə màànɨ̀ a taŋ mbɨ ə Ŋwiə̀.

2 Kɔrèn 13:11

Mbɨ bɔŋgɔb, ɨ màànɨ̀, tɨ̀ bɨrɨ wɨrɨ zəənɨ. Mbə̀ kywɨ ənywɨ zə ni mbə̀ ghɨ mbə mɨchî bɔŋ ə. Mbə̀ zu ɨnû mbe nɨ mə buʼ ɨbɔ gha ɨ nən. Mbə̀ fɔtɨ mbə mɨchû ənɨ wɨ mɔʼ bə̀ chub ənɨ əbɔrəbɔd. Mbə mɨ ghɨ̀ əne Ŋwìə̀ we nɨ ɨghaʼi mbɨ əbɔrəbɔd yeʼ rɨ bɔ bɨrɨ yeʼ mbɨ nən.

Efesùs 6:10

Ənû ze nɨ mə bɨrɨ sɨ nwìə̀ gha ɨ nən yɨ ni: Mbə̀ chub ənɨ ɨfɔtɨ mbɨ Ə̀nùŋɨ̀sɨg ɨmbə̀ʼ ɨkǎ məd we nɨ che ɨka jìm we tɨ̀ wɨ ghɨ̀ tə fîŋ kàànɨ̀.

Fìlipì 3:3

À yɨə mbǎ nɨ mbɨ ne ɨchî rəsìʼ. Əzwî ə zɨə wèèrɨ̀ əwa ni tɨ wumnɨ ə Ŋwiə̀. Tɨ̀ wɨə ghaʼ ɨchî nɨ tɨ̀ yeʼ ənɨ ɨfɔtɨ mbɨ Kristo Yeso əne chəi tɨə zɨ̀ ta fîŋ ənɨ ɨnû mbe nɨ bə̂d mɨ̀sɔŋɨchù ə ghɨ̀ə̀,

Fìlipì 4:4

Mbə̀ ghaʼrɨ ɨghəm jìm ɨchî nɨ mbə̀ yeʼ ənɨ ɨfɔtɨ mbɨ Kristo. Mə yì ghà ɨ nən ni: Mbə ghaʼrɨ!

Fìlipì 4:8

Mbɨ bɔŋgɔb, ənû nɨ sɨ nwìə̀ yɨ ni, ənû ə mɔʼɔ mɨ bɔ̀ŋ, ənû ə mɔʼɔ mɨ yeʼ əŋgu nɨ bə̂d ə yiirɨə, mbə nuŋ tə rɨkɔndɨ ɨgun ɨnû mbe. Ənû nɨ yeʼ əzɨ rəsìʼ, ənû nɨ tɨ bə̂d wumnɨ, ənû nɨ kuʼnɨ, ənû nɨ zeŋɨ, ənû nɨ bə̂d ə ghaʼə mbɨ ənû nɨ tɨ bə̂d feenɨ, yɨ mbe nɨ tɨ̀ mbə nùŋ tə rɨkɔndɨ ɨgun.

1 Tèsàlonikà 4:1

Mba bɔŋgɔb, ɨ wo ɨmbì, tɨ̀ nyaʼa fə chwi ɨchî nɨ tɨ̀ mbə̀ chubɨ ɨmbə̀ʼ ghɨ ni fîŋ Ŋwìə̀ bɔŋ ə. À yɨ rəsìʼ ni mbə mbɨə chub əne. Tɨ̀nîn tɨ̀ wɨə buʼ ɨbɔ bə̀ ghà ɨ nən ənɨ ɨkum Ə̀nùŋɨ̀sɨg Yeso ni mbə̀ wo ɨmbì ghɨ əne chè ɨchî nɨ mbə̀ nyaʼə bèə̀ ghɨ̀ə̀.

1 Tèsàlonikà 5:16

Mbə̀ chub ənɨ ɨghaʼi ənɨ mɨ̀nyùmə̀ jìm,

Jems 1:2

Mbɨ bɔŋgɔb, mbə̀ ghaʼrɨ əwən ənɨ mɨ̀nyùmə̀ jìm mbe nɨ tɨkwɨrɨ ɨ̀kwàʼnɨ̀ nɔnɔʼ nyɨ ɨgwɨ nən.

1 Pità 3:8

Ɨ nwìə̀, mbə̀n mɨjìm berɨ chub ənɨ ənû ə mɔʼ. Mbə̀ kən ənɨ mbə bɔŋgɔb, ghaʼ mbə bɔŋgɔb, ghɨ̀ ɨ̀chɔ̀m ənɨ bɔŋgɔb bə̀ swi ə ɨnyod ənɨ mbə̀ yeʼ əkaʼ bɔŋgɔb.

1 Pità 4:13

Àyɨə mbə̀ ghaʼ ɨchî nɨ mbə̀ə zəə ŋgəʼ ɨchî nɨ Kristo nyaʼa bə zə. Ɨghaʼi bɨrɨ swi ɨŋga tə fîŋ ənɨ wɨ̀ wɨrɨ yeʼe ɨŋga ɨzeŋɨ zeŋɨ məd.

2 Pità 3:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ə̀ŋwàʼnɨ̀ zɔ̂ nɨ mə ŋwaʼnɨ ɨ nən tɨ̀nîn yɨ ə̀ŋwàʼnɨ̀ ze nɨ pe ənɨ mbɨ be. Ɨŋga ɨ̀ŋwàʼnɨ̀ mbɔ̂ be, mə fə kywɨ ənywɨ nɨ nɔ̀ɔ̀rɨ̀ mbə ɨtu ɨmbə̀ʼ ɨnû mbe nɨ mbə̀ nyaʼa fə be kyerɨ, ɨmbə̀ʼ mbə̀ wɨrɨ kɔndɨ ɨnû rəŋgu mbɨ ə fîŋ nɨ zeŋɨ.