2 Timotì 4:5 - Meta’

⁵ À yeʼ ɨmbə̀ʼ əwe, àwɔ̀ Timotì, yimbɨ e ɨnyod ənɨ ənû jìm. Nyiʼ fîŋ ənɨ à zəə ŋgəʼ. À berɨ fàʼ ɨmbə̀ʼ zə ni bə̂d yeʼe əsɨ Kristo. Ghɨ ɨnû jìm mbe nɨ Ŋwìə̀ zɨ ɨŋga te rɨkyerɨ-ɨbɔ.

Ikan feg

⁵ Àsi awe, àghò Timotì, niŋ nyumə̀ inga inug ijìm. Nyimbi fìŋ anyumə̀ ne àghò we chè inga ngəʼ. Faʼa ni chètì ikən chɔm imbə̀ʼ ghì gha bəd yeʼe abə Kristo. Faʼa ìfàʼì ijìm mbe ne Ŋwiye zi ine ikye ibo.

2 Timotì 4:5 Marejeleo ya Msalaba

Matìyò 25:16

Wə̀d ə̀fàʼì we nɨ nyaʼa nɨŋ ɨ̀bàm ɨkab gôl tân nyaʼa wò ghɨ̀ ɨwin, jɨg njìm ɨ̀bàm cherə tân.

Mk 13:34

Ə zɨ ɨghabɨ ɨchî nɨ wə̀d ə wò ɨghanɨ. Bɔŋ wɨ̀ sɨə jwɨ̀ rɨ ə nəb, wɨ̀ bɨrɨ fə nàʼ ə̀fàʼì əmbɨ mbi bə̂d ə̀fàʼì, wə̀d mɔʼ mbɨ e ə̀fàʼì, wɨ cherə mbɨ əzi. Wɨ̀ bɨrɨ bɨ ghà əmbɨ wə̀d we nɨə nəŋgɨ ɨchû nəb ni wɨ̀ chub ɨkyèʼe.

Mk 13:37

Əne ənû ze nɨ mə ghà ɨ nən, yɨ mə fə bə̀ ghà əmbɨ ə bə̂d mɨ̀jìm. Ənû ze yɨ ni mbə̀ chub ɨkyèʼe!”

Lk 12:37

Ŋwìə̀ zɨ əbɔrəbɔd ɨgun ə bə̂d ə̀fàʼì mbe nɨ ənɨ mbǎʼ ə̀fàʼì mɨ̀mə̌d yeʼe, wɨ̀ pè zə mɨ̀mə̌d ɨkyèʼe. Mə ghà rəsìʼ ɨ nən ni wɨ̀ bɨrɨ zɨ i ngywɨ̌ ə̀fàʼì, ghà ni mbɨ chub ə si, əne nàʼ ɨghɨjɨg əmbɨ mɨ̀mə̌d.

Ɨ̀fàʼì 21:8

À nyaʼa əni ze nɨ beenɨ, tɨ̀ nyaʼa nɔ̀ʼ rəŋgu wò ə Kàisàriyà. Tɨ̀ nyaʼa pè chubɨ mbɨ Filip we nɨ nyaʼə ghà Ɨkə̂n chɔ̀m. Məd yɨə nyaʼə rəbɔʼ mbaŋə̀ te sambe nɨ Əzwî ə Zeŋɨ ə nyaʼa chɔʼ ni mbɨ ghapɨ ɨghɨjɨg.

Rm 15:19

ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.

Efesùs 4:11

À yɨə məd nyaʼa naʼ mɨneʼe əmbɨ ə bə̂d; wɨ̀ nyaʼa ghɨ̀ mbɨ mɔʼɔ ənɨ ə bə̂d tom, ghɨ̀ mbɨ mɔʼɔ ənɨ ə bə̂d ɨ̀kə̀n, ghɨ̀ mbɨ mɔʼɔ ənɨ ə bə̂d mbe nɨə jàŋ ɨkə̂n chɔ̀m, ghɨ̀ mbɨ mɔʼɔ ənɨ ə bə̂d nɨə nəŋgɨə bə̀ chwi ɨnû əmbɨ ə bə̂d Ŋwiə̀.

Efesùs 4:12

Wɨ̀ nyaʼa ghɨ əne, ɨ tekɨ bə̂d Ŋwiə̀ ni mbɨ faʼ ɨ bɔ, ɨmbə̀ʼ nyamnyod Kristo kwi

Kòlosè 1:25

Ŋwìə̀ nyaʼa fə nàʼ ɨka ɨ num ni mə̀ faʼ əmbɨ ɨfetɨ we, ɨmbə̀ʼ mə̀ ghɨ ni mbə̀ jeŋgɨ kyerɨ ɨŋgam məd.

Kòlosè 4:17

Mbə̀ gha əmbɨ Akipùs ni wɨ̀ maanɨ ə̀fàʼì ze nɨ Ə̀nùŋɨ̀sɨg zɨ ɨŋga tɨkyerɨ-ɨbɔ məd.

1 Tèsàlonikà 5:6

Əne tɨ rɨ̀ gwenɨ a ɨchî nɨ bə̂d cherə ə gwenə nɨ chəi mbɨ kyerɨ ɨnû nɨə chèə̀, àyɨə tɨ chub ɨkyèʼe kyerɨ ɨnû nɨə cheə bə̀ yimbɨ a ɨnyod.

1 Timotì 4:12

Tɨrə̀ ben e ni wə̀d mɔʼɔ təənɨ əwe ɨmbə̀ʼ ɨghəm nɨ àwɔ̀ yeʼ wan kwa. À berɨ yeʼ əmɨg əmbɨ ə bə̂d mbe nɨ ben ə Kristo ɨchî nɨ àwɔ̀ ə ghàmə̀, ɨchî nɨ àwɔ̀ ə ghɨ̀ ɨnû, ɨchî nɨ àwɔ̀ ə ghaʼə bə̂d bə̀ fɔrɨ ɨchî nɨ àwɔ̀ chub ə zeŋɨ zeŋɨ.

1 Timotì 4:15

Ghɨ ɨnû mbɔ̂ nɨ mə̀ gha ɨ ne, bə̀ jeŋgɨ zɨ̀ e fîŋ ɨgun, ɨmbə̀ʼ bə̂d mɨ̀jìm zə ɨchî nɨ e ə̀fàʼì ə wò ɨmbì.

2 Timotì 1:8

Əne tɨ e ətu ə nid i nɨ gha ɨmbə̀ʼ a Ə̀nùŋɨ̀sɨg, kɨ̀ nɨ gha ɨmbə̀ʼ ɨchî nɨ mə̀ yeʼ wə̀d ndəŋ ɨmbə̀ʼ əməd. Àyɨə tekɨ ɨnyod nɨ zə ɨkwɨ ŋgəʼ we nɨ mɨə zə ɨmbə̀ʼ ɨkə̂n chɔ̀m. À bɨrɨ ghɨ əne ənjìm ɨka we nɨ Ŋwìə̀ naʼ ɨ ne.

2 Timotì 2:10

Əne mə wɨə nyìʼ əton ɨnû jìm ɨmbə̀ʼ bə̂d mbe nɨ Ŋwiə̀ chɔʼɔ jwɨ rəŋgəʼ bə̀ berɨ ɨwumnɨ we nɨ ten i koŋ ɨchî nɨ mbɨ yeʼ ənɨ ɨfɔtɨ mbɨ Kristo Yeso.

2 Timotì 2:3

À berɨ zə ŋgəʼ mbɨ na ɨghabɨ ə sɔgyɨ̀ chɔ̀m nɨə fàʼ əmbɨ Kristo Yeso.

2 Timotì 4:17

Mbɨ nyaʼa ghɨ̀ əne, àyɨə Ə̀nùŋɨ̀sɨg nyaʼa təm ɨban num, naʼ ɨka ɨ num ni mə gha ɨŋgam Ŋwiə̀ jìm, ɨmbə̀ʼ ə bə̂d mɨ̀jìm mbe nɨ kaʼi mɨ̀Jû zu. Ənɨ mə̀ nyaʼa gha əne, Ə̀nùŋɨ̀sɨg nyaʼa chɨ̀ əmɨ rɨ ɨchû ɨvɨ, ɨchî nɨ mbɨ nyaʼa nɨrə sobə ni mbɨ zwiirɨ əmɨ.

Mə̀Hibrù 13:17

Mbə̀ zuunɨ bə̂d mbe nɨə chà əwən, bə̀ ghɨ̀ ɨnû mbe nɨ mbɨ gha ɨ nən. Ɨ mbɨə nəŋgɨ əwən nɨ chəi mbɨ ə zwììrɨ̀ə̀. Mbɨ berɨ gha ɨnû mbe nɨ mbɨ fə ghɨ əmbɨ ə Ŋwiə̀. Mbə mɨ zuunɨ mɨ̀mə̌d, mbɨ bɨrɨ fàʼ mbɨ ɨghaʼi kaʼi mbɨ ə̀kə̀nɨ̀, ɨmbə̀ʼ ɨghəm nɨ chəi ə̀kə̀nɨ̀ ə bɨrɨ weerɨ əwən.

1 Pità 1:13

Mbə̀ tekɨ tə fîŋ ɨmbə̀ʼ ghɨ ɨnû mbe nɨ Ŋwiə̀ kəbɨ. Mbə̀ yimbɨ ə ɨnyod kwàʼ ɨchî chɔ̀m. Mbə̀ jeŋgɨ nuŋ tə rɨkɔndɨ àmei ɨgun ɨ̀chɔ̀m we nɨ Ŋwìə̀ bɨrɨ ghɨ ənɨ ə nən ənɨ Yeso Kristo wɨrɨ yeʼe.

Ɨnû 3:2

Nɔʼ rɨ əŋgwenɨ, ghɨ̀ ni tɨ əghɨ ze nɨ buʼ ɨŋga ne ə kwɨ i, ɨmbə̀ʼ ɨghəm nɨ mə̀ fə zə ni chəi ɨnû mbe nɨ àwɔ̀ ə ghɨ̀ə̀ kɨrɨ bɔŋ màànɨ̀ ɨfě mɨ Ŋwiə̀.