2 Timotì 4:1 - Meta’

¹ Mə wɨə ghà ɨ ne ɨfě Ŋwiə̀ bə̀ fɔrɨ ɨfě Kristo Yeso we nɨ bɨrɨ saʼ bə̂d mbe nɨ yeʼ ɨka mbɨ mbe nɨ fə kwɨ, bə̀ gha ɨmbə̀ʼ ɨchî nɨ wɨ̀ bɨrɨ wɨrɨ yeʼe ɨ tumbɨ ɨsɨg ni:

Ikan feg

¹ Timotì, mə̀ ya anìŋ ghàmà ine imbìghè abə Ŋwiye fɔrɔ imbìghè abə Yeso Kristo ne biri ghum saʼ bəd mbe ne yaʼi izɔm fɔrɔ bəd mbe ne fə ku. Icheg ne wì biri yeʼe ni tùmbì isəg mə ya anìŋ ghà ine gha:

2 Timotì 4:1 Marejeleo ya Msalaba

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Lk 19:12

Wɨ̀ nyaʼa ghà ni, “Kǔm kyeŋ mɔʼɔ nyaʼa wò ɨŋga əbeŋ ə mɔʼɔ əsa əgha ni mbɨ zɔʼ əməd ənɨ ɨfɔ̀n bɔŋ wɨ̀ wɨrɨ bə̀ndɨ̀.

Lk 19:15

“Ənɨ mbɨ nyaʼa fə zɔʼ əməd ənɨ ɨfɔ̀n, wɨ̀ nyaʼa bə̀ndɨ̀ wò pè ghà ni mbɨ tɔŋ bə̂d ə̀fàʼì mbe nɨ wɨ̀ nyaʼa nàʼ ɨkab we əmbɨ mɨ̀mə̌d. Wɨ̀ nyaʼa tɔŋ əne ɨmbə̀ʼ kyerɨ njìm ze nɨ mbɨ ghɨ ɨwin berɨ.

Lk 23:42

Wɨ̀ nyaʼa ghɨ̀ əne ghà ni, “Yeso kɔndɨ əmɨ ənɨ à wɨrɨ yeʼe ɨghabɨ ɨfɔ̀n.”

Ɨ̀fàʼì 10:42

Wɨ̀ nyaʼa gha ɨ na ni tɨ̀ gha ɨŋgam Ŋwiə̀ əmbɨ ə bə̂d. Wɨ̀ nyaʼa bə̀ ghɨ̀ ni bə̂d kyerɨ ni məd yɨə wə̀d we nɨ Ŋwìə̀ chɔʼɔ nùŋ ni wɨ̀ saʼ bə̂d mbe nɨ yeʼ ɨkǎ mbɨ mbe nɨ fə kwɨ.

Ɨ̀fàʼì 17:31

Wɨ̀ nyaʼa fə nùŋ əni nɨ wɨ̀ bɨrɨ chè ənjìm ə Wə̀d we nɨ wɨ̀ nyaʼa chɔʼɔ, saʼ wə̀d jìm ɨŋga ɨsɨg wɔ̂ ɨchî nɨ kuʼnɨ. Wɨ̀ fə chwi ənweenɨ əmbɨ ə bə̂d mɨ̀jìm ni ənû zɔ̂ yɨ ənû rəsìʼ. Wɨ̀ nyaʼa ghɨ̀ əne ɨchî nɨ wɨ̀ nyaʼa zwemnɨ wə̀d we.”

Rm 2:16

Ɨkə̂n chɔ̀m we nɨ mɨə ghàə̀ ə chwi ni əni ze nɨ Ŋwìə̀ bɨrɨ saʼ ɨsɨg ənjìm ə Yeso Kristo, wɨ̀ bɨrɨ bɨ saʼ tɨkɔndɨ te nɨ yeʼ ənə̀mə.

Kòlosè 3:4

Ənɨ Kristo nɨ yeʼ a ɨ̀tènɨ̀ wɨrɨ jwɨ̀, mbə̀ bɨrɨ bɨ jwɨ mbɨ məd ɨŋga ɨwumnɨ məd.

2 Tès 2:8

À yɨ ənɨ ə nyùmə̀ we nɨ wə̀d we nɨə ton ə Ŋwiə̀ bə̀ tonə tɨkə rɨ məd bɨrɨ jwɨ̀ mbɨ zə. Ə̀nùŋɨ̀sɨg Yeso bɨrɨ zwiirɨ əməd ənɨ ɨfə we nɨə jwɨ̀ rɨŋga ɨchû məd, əne nimnɨ əməd ənɨ ɨzeŋɨ zeŋɨ we nɨ bɨrɨ te ənɨ ə nyùmə̀ we nɨ wɨ̀ wɨrɨ yeʼe.

1 Timotì 5:21

Mə wɨə ghà ɨ ne ɨfě Ŋwiə̀, ɨfě Kristo Yeso bə̀ fɔrɨ ɨfě mbɨ̀aŋgɨrə̀ mbe nɨ Ŋwìə̀ chɔʼɔ ni à nuŋ tɨkə tɔ̂ nɨ mə naʼ ɨ ne zɨ rɨ ghɨ ɨghə, kɨ̀ nɨ chwiə ni à ghaʼ wə̀d mɔʼɔ.

2 Timotì 1:10

Àyɨə rɨ̀nîn, ɨnû mbɔ̂ jìm fə jwɨ̀ zeŋ ɨ na ənjìm ɨchî nɨ Kristo Yeso we nɨə chɨ̀ əwa rəŋgəʼ nyaʼa yeʼe. Wɨ̀ fə nimnɨ ɨka we nɨ ɨvɨ berɨ ɨgwɨ na, əne chè ənjìm ɨkə̂n chɔ̀m chwi ɨchî nɨ bə̂d bɨrɨ chub ɨkǎ bə̀ chwi ɨchî nɨ chəi bə̂d bɨrɨ nɔ kwɨ.

2 Timotì 2:14

Kɨə nɔ̀ɔ̀rɨ̀ ɨtu bə̂d Kristo ɨmbə̀ʼ ɨnû mbɔ̂. Patɨ mɨ̀mə̌d ɨfě Ŋwiə̀ ni tɨ mbɨ taŋ ə ɨmbə̀ʼ əton ənɨ mɨŋgam əko mɔʼɔ, ɨmbə̀ʼ ɨghəm nɨ chəi taŋ ə weerɨə wə̀d. Ɨ zɨə chə̀kɨ̀ə̀ fîŋ rɨ bə̂d mbe nɨə zwetɨə.

2 Timotì 4:18

Ə̀nùŋɨ̀sɨg bɨrɨ chɨ̀ əmɨ rɨŋga tɨkwɨrɨ ŋgəʼ jìm, əne nɨŋ əmɨ kwàʼ ənɨ əbɔrəbɔd wò zɨ̀ ɨŋga ənû ɨfɔ̀n əməd ze nɨ yeʼ ɨkaŋ. Ɨwumnɨ yeʼ wɨ məd koŋ koŋ. À yɨ əne.

2 Timotì 4:8

Əne Ə̀nùŋɨ̀sɨg we nɨə saʼə bə̂d ɨchî nɨ kuʼnɨ bɨrɨ naʼ əjwɨ-əgu ɨ num əni ze nɨ wɨ̀ bɨrɨ yeʼe ɨ saʼ ɨsɨg. Wɨ̀ bɨrɨ naʼ ɨmbə̀ʼ ɨghəm nɨ mə wɨə ghɨ̀ ɨnû nɨ kuʼnɨ. Chəi wɨ̀ bɨrɨ naʼ àmei ɨ num. Wɨ̀ bɨrɨ bɨ naʼ əmbɨ ə bə̂d mbe nɨə wòmə̀ ni wɨ̀ wɨrɨ yeʼe.

Tayitùs 2:13

Tɨ̀ wɨə nùŋə̀ rɨkɔndɨ wòm əbɔrəbɔd ze nɨ Ŋwiə̀ kaʼ ɨ na. Əbɔrəbɔd ze ə bɨrɨ yeʼe ənɨ ə nyùmə̀ we nɨ a Ŋwìə̀ kyeŋ Ə̀nùŋɨ̀sɨg Yeso Kristo wɨrɨ yeʼe mbɨ ɨwumnɨ.

1 Pità 1:7

Ɨnû mbɔ̂ yɨ nɨ zweʼrɨ əwən ɨ zə ni ə ɨbenɨ ə bə̀ kàŋ kàànɨ̀ ə. Ka àbei ə gôl nɨ tɨ mbɨ chə̀kɨ̀, ɨ mbɨə zweʼrɨ ənɨ mbɨ tɔn ɨŋga ɨsweŋ ɨwid ənam. Əne mbɨ berɨ bɨ zweʼrɨ ə ɨbenɨ we nɨ yeʼ əghɨ əka ɨnun chè ə gôl. Ɨbenɨ we mɨ kàànɨ̀, Ŋwìə̀ ziə bɨrɨ yiirɨ əwən, mbə bə̀ berɨ ɨzeŋɨ zeŋɨ mbɨ ɨwumnɨ ənɨ ə nyùmə̀ we nɨ Yeso Kristo bɨrɨ wɨrɨ yeʼe.

1 Pità 4:5

Mbɨ bɨrɨ gha ɨnû mbe nɨ mbɨ fə ghɨ əmbɨ ə məd we nɨ fə tekɨ ɨnyod nɨ saʼ bə̂d mbe nɨ yeʼ ɨka mbɨ mbe nɨ fə kwɨ.

1 Pità 5:4

Ənɨ Ənə̂ŋgɨ̀-njɨ̀g kyeŋ yeʼe, mbə bɨrɨ nɨŋ əchwɨ̂ əgu ə zeŋɨ ze nɨ chəi zɨə bɨrɨ nɔ chɔʼrɨ.

2 Pità 1:11

Əne Ŋwìə̀ bɨrɨ naʼ ɨka jìm ɨ nən nɨ nyɨ ɨŋga ənû ɨfɔ̀n rɨ mì a Ə̀nùŋɨ̀sɨg Yeso Kristo we nɨə chɨ̀ əwa rəŋgəʼ.

2 Pità 1:17

Ŋwìə̀ Mbǎʼ nyaʼa nàʼ ɨwumnɨ bə̀ nàʼ ɨzeŋɨ zeŋɨ ɨ bɔ ənɨ ə nyùmə̀ we nɨ gɨ̂ Ŋwìə̀ we nɨ mbɨə nàʼ ɨwumnɨ kyeŋ ɨ bɔ nyaʼa gham ɨ bɔ ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd!”

1 Jɔn 2:28

Əne tɨ̀nîn, kyɨə bɔn nɨ mə̀ ghaʼi kwàʼ rɨŋgəʼ, mbə̀ chubɨ ənɨ ɨfɔtɨ mbɨ məd, ɨmbə̀ʼ ənɨ wɨ̀ wɨrɨ yeʼe, chəi tɨ̀ bɨrɨ bɔ. Chəi tɨ̀nìd ətu bɨrɨ ghɨ ni tɨ̀ nəmbɨ rɨ bɔ.

Ɨnû 1:7

Mbə̀ zə, ɨ wɨə yeʼe ɨŋga pàʼ. Bə̂d mɨjìm bɨrɨ zə əməd, ka àbei mbe nɨ nyaʼa zum əməd. Mɨnəbɨ jìm rɨ ɨgwɨ ə si bɨrɨ di ɨmbə̀ʼ əməd. À yɨ ɨchî nɨ zɨə bɨrɨ yeʼ we! À yɨ əne.