2 Timotì 3:2 - Meta’

² Bə̂d bɨrɨ sɨə ghaʼ àmei ə ɨnyod, sɨə ghaʼ àmei ɨkab, sɨə nɔ ɨnyod, sɨə seenɨə, sɨə zɔ̀m ə bə̂d bə̀ sɨə ghɨ̀ rɨ̀zuə̀ əmbɨ mbə mɨ̀mbǎʼ fɔrɨ əmbɨ mbə mɨ̀nɨ̌ŋ. Chəi mbɨ bɨrɨ naʼ məben-əwe ɨmbə̀ʼ ɨnû mbe nɨ mbɨ ghɨ ənɨ mɨ̀mə̌d. Chəi mbɨ bɨrɨ ben ənû ə Ŋwiə̀.

Ikan feg

² Bəd biri se kɔ̀ŋɔ̀ məyi ìtɔb nyàmnyɔd bə̀ kɔ̀ŋɔ̀ ikab. Bəd biri se kɔ̀mɔ̀ igo, nɔ̀ nyɔd bə̀ zɔ̀mbɔ̀ bəd. Bɔn biri se ghìyə̀ tìzughə̀ abə ìmbɔb mə̀mbaʼ. Chəyi bəd biri ya bḛ inug chɔm ne bəd mbe fàʼà inɔb. Chəyi bəd biri ya bə̀ ghìyə̀ inug ne zḛ imbìghè abə Ŋwiye.

2 Timotì 3:2 Marejeleo ya Msalaba

Matìyò 15:6

əne chəi əton ənɨ tɨ wɨ̀ wɨrɨ 'wumnɨ i mbǎʼ.' Əzɔ̂ ə zɨə chwi ɨchî nɨ mbən ə tə̀ə̀nɨ̀ ɨŋgam Ŋwiə̀ ɨmbə̀ʼ beenɨ əbɔʼ mbə mɨchî əbeŋ.

Lk 12:15

Ənɨ wɨ̀ nyaʼa ghà əne, wɨ̀ nyaʼa ghà əmbɨ ə bə̂d mbe ni, “Mbə̀ chub ɨkyèʼe, we əwən ɨmbə̀ʼ ənû nɨ feenɨ ɨghɨ, ɨmbə̀ʼ ɨghəm nɨ ka ɨ̀tènɨ̀ wə̀d yɨ i ɨmbə̀ʼ ɨchî nɨ wɨ̀ berɨ ɨghɨ nɔnɔʼ.”

Lk 16:14

Ənɨ mɨ̀Farisiî nyaʼa zu ɨnû mbɔ̂ jìm, mbɨ nyaʼa chəʼ əməd ɨmbə̀ʼ ɨghəm nɨ mbɨ nyaʼa ghaʼ ɨkab əku.

Lk 6:35

Àyɨə mbə ghaʼ mbə bə̂d pə̀n bə̀ ghɨ̀ ɨ̀chɔ̀m ənɨ mɨ̀mə̌d. Mbə̀ bə chɔʼ ɨkab nàʼ əmbɨ bə̂d mbe nɨ chəi mbɨə wòmə̀ ni mbɨ bɨrɨ wi ɨ nən. Mbə mɨ ghɨ̀ əne, mbə bɨrɨ berɨ ɨchɔʼ ə̀fàʼì kyeŋ bə̀ yeʼ bɔn Ə̀chè-ɨsɨg, ɨmbə̀ʼ ɨghəm nɨ məd wɨə ghɨ̀ ɨ̀chɔ̀m ənɨ ə bə̂d mbe nɨ chəi mbɨə nàʼ məben-əwe ɨ bɔ. Ɨ wɨə bə̀ ghɨ̀ ɨ̀chɔ̀m ənɨ mbe nɨə ghɨ̀ ɨzɨg.

Ɨ̀fàʼì 5:36

À nyaʼa ənɨ ə nyùmə̀ mɔʼɔ, mbaŋə̀ mɔʼɔ ze nɨ mbɨ nyaʼə tɔŋ ənɨ ə Tìodàs nyaʼa nɔ̀ʼ ghà ni tə yɨ ədabɨ ə wə̀d. Bə̂d ɨghabɨ əkɨ əkwè nyaʼa fɔtɨ əbɔʼ məd. Àyɨə mbɨ nyaʼa zwiirɨ əməd, əne bə̂d mbe nɨ nyaʼə beenɨ əbɔʼ məd nyaʼa jàŋə̀. Ənû əməd ze ə nyaʼa nim.

Rm 11:18

Əne tɨ mbə̀ goŋ ə ɨgɔ̂ ɨmbə̀ʼ ɨghəm nɨ mbə̀ fə nɨŋ rɨmbin rɨtəb te nɨ mbɨ sopɨ. Mbə mɨ yeʼə goŋ ɨgɔ̂, njɨ mbə̀ kyerɨ ni kaʼi mbə̀n ə jə əghaŋ ze, à yɨ əghaŋ ze ə jə əwən.

2 Kɔrèn 5:15

Wɨ̀ nyaʼa kwɨ ɨgwɨ ətu ə bə̂d mɨ̀jìm. Wɨ̀ nyaʼa kwɨ ɨmbə̀ʼ tɨ bə̂d mbe nɨ yeʼ ɨkǎ wɨrɨ chub ənɨ ə ɨghəm, àyɨə ni mbɨ chub yeʼ ɨmbə̀ʼ məd we nɨ nyaʼa kwɨ Ŋwìə̀ zwemnɨ əməd.

Fìlipì 2:21

Bə̂d mɨ̀jìm mbə mbɨə zɨ̀ ɨtu àmei ənɨ ɨnû mbe nɨ mbɨ kəbɨ, kaʼi mbe nɨ Yeso Kristo kə̀bɨ.

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

2 Tès 2:4

Wɨ̀ bɨrɨ ton ɨghɨjìm mbe nɨ bə̂d ə tɔŋ ni ŋwìə̀, kɨ̀ mbe nɨ bə̂d ə wumnɨə, əne ghà nɨ tə chè ɨghɨ mbe jìm. Wɨ̀ bɨrɨ wo chub ɨŋga mbàn Ŋwìə̀ ghà ni tə yɨə Ŋwiə̀.

1 Timotì 1:20

Mbɨ mɔʼɔ rəbɔʼ mɨ̀mə̌d yɨə Haimenaùs mbɨ Àlèzandà. Mə fə sàŋ mɨ̀mə̌d ɨŋga tɨkyerɨ-ɨbɔ Satàn ɨmbə̀ʼ mbɨ kwembɨ ni zɨ rɨka bɔŋ i nɨ gha ɨŋgam rɨbɔ̀ŋ ɨmbə̀ʼ ə Ŋwiə̀.

1 Timotì 1:9

Tɨ̀ bə̀ kyerɨ ni chəi Ŋwiə̀ nyaʼa naʼ rɨkə ɨmbə̀ʼ bə̂d mbe nɨə ghɨ̀ ɨnû nɨ kuʼnɨ. Wɨ̀ nyaʼa nàʼ yeʼ ɨmbə̀ʼ mbe nɨə gù rɨkə fɔrɨ əmbɨ mbe nɨ chəi mbɨə zuunɨ əməd. Wɨ̀ nyaʼa nàʼ ɨmbə̀ʼ mbe nɨ chəi mbɨə wumnɨ əməd bə̀ nàʼ ɨmbə̀ʼ mbe nɨə ghɨ̀ ɨnû rɨbɔ̀ŋ. Wɨ̀ nyaʼa nàʼ ɨmbə̀ʼ mbe nɨ chəi mbɨ zeŋ ɨfě məd bə̀ nàʼ ɨmbə̀ʼ mbe nɨə tə̀ə̀nɨ̀ ənû ə Ŋwiə̀. Wɨ̀ nyaʼa nàʼ ɨmbə̀ʼ mbe nɨə zwiirɨə mbə mɨ̀mbǎʼ mbɨ mbə mɨ̀nɨ̌ŋ, ɨmbə̀ʼ mbe nɨə zwiirɨə mbɨ cherə,

1 Timotì 3:3

Tɨ wɨ̀ yeʼi wə̀d nɨə nɔə mɨnoʼ beə. Tɨ wɨ̀ yeʼi wə̀d nɨ ghaʼ ənû nɨ zɔ̀ŋ. Wɨ̀ berɨ yeʼ wə̀d nɨə bɔtɨə, kaʼi wə̀d nɨə tàŋə̀ mbɨ ə bə̂d. Tɨ wɨ̀ yeʼi wə̀d nɨ ghaʼ ɨkab.

1 Timotì 6:10

ɨmbə̀ʼ ɨghəm nɨ ənû nɨ ghaʼ ɨkab yɨ əsɨ nɨ tɨkwɨ ɨnû rɨbɔ̀ŋ jìm ə jwɨ̀ rəŋgu. À yɨ ənû nɨ beenɨ əbɔʼ ɨkab ze ə ghɨ̀ ni bə̂d mɨ̀nɔnɔʼ waʼ ɨbenɨ, əne ghɨ̀ ə̀kə̀nɨ̀ ə swi ɨŋga fîŋ tɨ mɨ̀mə̌d ɨmbə̀ʼ ɨchî nɨ mbɨə zəə ŋgəʼ.

1 Timotì 6:4

wɨə nɔ̀ ɨnyod. Chəi wɨ̀ kyerɨ ənû ə mɔʼɔ. Wɨ̀ berɨ fîŋ rɨbɔ̀ŋ. Fîŋ ze zɨə ghɨ̀ ni wɨ̀ ghanə chɔbə bə̀ tàŋ ɨmbə̀ʼ əton ənɨ mɨŋgam əko mɔʼɔ. Əchɔb mbɨ ə tàŋ mbɨə yeʼe mbɨ ə̀dìì, mbɨə yeʼe mbɨ ɨnû nɨ ghabrɨ bə̂d, mbɨə yeʼe mbɨ ənû nɨ gham ɨnû rɨbɔ̀ŋ ɨmbə̀ʼ bə̂d cherə, mbɨə yeʼe mbɨ ɨnû nɨ kɔndɨ ɨnû rɨbɔ̀ŋ ɨmbə̀ʼ bə̂d cherə,

2 Timotì 3:4

Mbɨ bɨrɨ sɨə fènə̀ bə̂d, sɨə ghɨ̀ ɨnû zɨ rɨ kɔndɨ, bə̀ sɨə nɔ ɨnyod. Mbɨ bɨrɨ sɨə ghaʼ ɨnû mbe nɨ nyamnyod tɨ mɨ̀mə̌d ə feenɨə chè ɨchî nɨ mbɨ ghaʼ ə Ŋwiə̀.

Jems 2:8

Mbə mɨ kàŋ nuŋ ɨkə we nɨ ɨfɔ̀n we nɨə nùŋ ɨsɨg nyaʼa gha mbɨ ŋwaʼnɨ ɨŋga Ə̀ŋwàʼnɨ̀ ə Ŋwiə̀ ni, “À berɨ ghaʼ wə̀d nɨ tindɨ ɨban ne ɨchî nɨ à ghaʼ e nyamnyod,” əne mbə̀ fə ghɨ̀ ənû nɨ kuʼnɨ.

Jems 4:16

Tɨ̀nîn, mbə mbɨə nɔ̀ ɨnyod bə̀ goŋ ɨgɔ̂. Ənû nɨ goŋ ɨgɔ̂ yɨ ənû rɨbɔ̀ŋ.

Jems 4:6

À yɨə Ŋwìə̀ ə ghɨ̀ ɨ̀chɔ̀m ənɨ ə na ɨmbə̀ʼ tɨ berɨ ɨka nɨ baŋ ɨnû rɨbɔ̀ŋ. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ŋwìə̀ wɨə tonə bə̂d mbe nɨə nɔ̀ ɨnyod, àyɨə ɨ wɨə ghɨ̀ ɨ̀chɔ̀m ənɨ mbe nɨə swi ɨnyod.”

1 Pità 5:5

Ŋgwàʼ bə̂d, mbə̀ zuunɨ bə̂d mbe nɨ fə kaanɨ chè əwən. Mbə̀n mɨjìm swi ə ɨnyod fàʼ əmbɨ mbə bɔŋgɔb ɨmbə̀ʼ ɨghəm nɨ, “Ŋwìə̀ wɨə bànə̀ bə̂d mbe nɨə nɔ ɨnyod, àyɨə ɨ wɨə ghɨ̀ ɨ̀chɔ̀m ənɨ mbe nɨə swi ɨnyod.”

2 Pità 2:10

màànɨ̀ mbe nɨə beenɨ əbɔʼ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨ mbɨə bə̀ tonə ni chəi Ŋwìə̀ berɨ ɨka nɨ tumbɨ əwən. Məchwiə̀-ɨnû mɨghab mbɔ̂ mbɨə seenɨə bə̀ berɨ ɨka fîŋ. Chəi mbɨə bɔə nɨ zɔm ɨghɨ mbe nɨ mbɨə wumnɨ ɨkaŋ.

2 Pità 2:12

Bə̂d mbɔ̂ mbɨə ghɨ̀ yeʼ ɨnû mbe nɨə kɔʼ ɨŋga fîŋ tɨ mɨ̀mə̌d. Chəi mbɨə kɔndɨ ɨnû bɔŋ ghɨ̀. Mbɨ yɨ ɨghabɨ ə nyam rɨ tɔtɔ nɨ mbɨ nyaʼa gywɨ mɨ̀mə̌d ni bə̂d gywɨ ə zwiirɨ. Ɨ mbɨə chəkɨ ɨnû mbe nɨ chəi mbɨ kyerɨ, əne mbɨ bɨrɨ bɨ zwiirɨ mɨ̀mə̌d ɨchî nɨ mbɨə zwiirɨə nyam rɨ tɔtɔ.

2 Pità 2:18

Ɨ mbɨə ghàm mɨŋgam əneŋ goŋ ɨgɔ̂. Ɨ mbɨə nɨŋə ɨnyamnɨ-ɨnû mbe nɨ nyamnyod ə feenɨə tambɨə bə̂d mbe nɨ fə cherə jwɨ̀ rəbɔʼ mbe nɨə chub ɨŋga ɨfebrɨ-ɨnû.

2 Pità 2:3

Ɨchî nɨ mbɨ ghaʼ ənû nɨ ghɨ əjə, mbɨ bɨrɨ gha tɨpoʼ əko ɨ nən ɨmbə̀ʼ jɨg əwən. Əgha ə fə kàŋ sà nɨ Ŋwìə̀ nyaʼa fə zɨ ɨsaʼi ɨgwɨ mɨ̀mə̌d. Ŋwìə̀ we nɨ bɨrɨ nimnɨ mɨ̀mə̌d wɨ i ɨkyèʼe.

Jûd 1:16

Bə̂d mbɔ̂ mbɨə ghàmbɨ̀ə̀. Chəi ənû ə mɔʼɔ ə bɔŋ əmbɨ mɨ̀mə̌d. Ɨ mbɨə beenɨ əbɔʼ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨ mbɨə nɨŋə mbə mɨchû goŋ ɨgɔ̂ ɨmbə̀ʼ tə nyamnyod. Ɨ mbɨə bə̀ ghàm mɨŋgam nəmɨ nəmɨ ɨmbə̀ʼ berɨ ɨghɨ mbe nɨ mbɨ kəbɨ.

Ɨnû 13:1

Mə nyaʼa zə nyam kyeŋ nɨ zɨ̀ nyaʼə jwɨ̀ rɨŋga rɨ̀bàà. Zɨ̀ nyaʼa berɨ ndɔŋ wum bə̀ berɨ ɨtu sambe. Ndɔŋ te ɨ mɔʼ mɔʼ nyaʼa berɨ rɨdəm mɨfɔ̀n kwa kwa ɨgun. Ɨtu mbe ɨ mɔʼ mɔʼ nyaʼa berɨ tɨkum nɨ zɔm ə Ŋwiə̀ ɨgun.

Ɨnû 16:11

Əne mbɨ nyaʼa zɔ̀m ə Ŋwiə̀ we nɨ yeʼ ɨkaŋ ɨmbə̀ʼ ɨchî nɨ mbɨ nyaʼə zəə ŋgəʼ bə̀ fɔrɨ ɨmbə̀ʼ mɨchɔʼɔ mbe nɨ nyaʼa ɨgun mɨ̀mə̌d. Àyɨə chəi mbɨ nyaʼa beŋ tə fîŋ tɨ ənɨ ɨnû rɨbɔ̀ŋ mbe nɨ mbɨ nyaʼə ghɨ̀ə̀.

Ɨnû 16:21

Əwəŋ ə kyeŋ nɨ wɨ mɔʼ rəbɔʼ nyaʼə nìrə̀ ɨghabɨ mɨkirə̀ ɨwum tân nyaʼa nɔ̀ʼ rɨkaŋ feŋgɨ ɨgun ə bə̂d. Ənɨ əwəŋ ze ə nyaʼa feŋgɨ əne, mbɨ nyaʼa zɔ̀m ə Ŋwiə̀ ɨmbə̀ʼ ŋgəʼ ze nɨ əwəŋ ze ə nyaʼa zɨ ɨgun ə bə̂d, ɨmbə̀ʼ ɨghəm nɨ ŋgəʼ ze nyaʼa chè əbɔ.

Ɨnû 16:9

Əzuʼ ə ka ka ze ə nyaʼa tɔ̀n bə̂d mbe, əne mbɨ nyaʼa zɔ̀m ɨkum Ŋwìə̀ we nɨ berɨ ɨka ɨgwɨ ə ŋgəʼ rɨ kǎ kǎ te, àyɨə chəi mbɨ nyaʼa beŋ tə fîŋ wumnɨ əməd.