2 Timotì 1:5 - Meta’

⁵ Mə fə bə̀ wɨrɨ kɔndɨ ɨbenɨ rəsìʼ we nɨ à berɨ, nɨ yeʼ ɨkwɨ ɨbenɨ we nɨ Lɔis avɨ we kyeŋ mbɨ Yunis avɨ we nyaʼa berɨ. À berɨ ɨbenɨ rɨ̀nîn ɨchî nɨ mə̀ kyerɨ.

Ikan feg

⁵ Mə wèndi icheg ne ìwe ibḛfiŋ yaʼi kwàʼ ìwi tesiʼ. À ya iku ibḛfiŋ ne ìwe ngɔb kyen Loyìs fɔrɔ ìwe ngɔb Unìs ya bèri. Mə kyèri kwàʼ tesiʼ gha à ya bə̀ kwàʼ iku ibḛfiŋ we ne àghò bèri.

2 Timotì 1:5 Marejeleo ya Msalaba

Jn 1:47

Yeso nyaʼa zə ə Natanaèl nɨ nyaʼə yeʼe əsɨ məd, əne wɨ̀ nyaʼa ghà ɨmbə̀ʼ əməd ni, “Mbə̀ zə wɔ̂ yɨ wə̀d Izre rəsìʼ. Chəi əbegrɨ-ənû ɨŋga məd!”

Ɨ̀fàʼì 16:1

Pɔ̂l mbɨ Sailàs nyaʼa wò pè ə Də̂be fɔrɨ ə Listrà. Mbaŋə̀ mɔʼɔ nɨ nyaʼa ben ə Kristo wɨə nyaʼa əŋgu nɨ ɨkum məd nyaʼə Timotì. Ɨŋgɔb məd yɨə nyaʼə əyi Jû nɨ nyaʼa ben ə Kristo, àyɨə mbǎʼ məd yɨə nyaʼə wə̀d rɨ ə Gris.

Ɨ̀fàʼì 26:26

Əton nɨ mɨə ghà ɨnû mbɔ̂ ɨ ne nɨ chəi mɨə bɔə, kyɨ ɨfɔ̂n, yɨ ni à fə kyerɨ e ɨnû mbɔ̂ jìm, ɨmbə̀ʼ ɨghəm nɨ chəi mbɨ nyaʼa ghɨ ɨnû rəŋgu ɨbu əsɨ ə mɔʼɔ.

Rm 14:14

Ɨchî nɨ mə̀ yeʼ ənɨ ɨfɔtɨ mbɨ Ə̀nùŋɨ̀sɨg Yeso, mə kyerɨ ni chəi əghɨjɨg ə mɔʼɔ nɨ zɨ̀ rɨka zeŋ i ɨfě Ŋwiə̀. Əghɨjɨg ə mɔʼɔ ze tɨ̀ zɨə chubɨ zɨ rɨ zeŋ əmbɨ wə̀d we nɨ kɔndɨ ni zɨ rɨka zeŋ i.

Rm 14:5

“Wə̀d mɔʼɔ wɨə kɔndɨə ni ɨni mɔʼɔ ə bɔ̀ŋ chè ɨni cherə. Wɨ cherə wɨə kɔndɨə ni ɨni jìm yɨ əndəŋ əndəŋ. Wə̀d mɔʼ mɔʼ ben ni ənû ze nɨ wɨə kɔndɨə yɨ əze nɨ kuʼnɨ.

Rm 15:14

Mbɨ bɔŋgɔb, mə kàŋ kyerɨ ɨmbə̀ʼ əwən ni ɨ̀chɔ̀m ə swi ɨŋga tə fîŋ, ni mbə kyerɨ ɨnû jìm mbɨ ni mbə mbe tɨ̀ mbə kəərɨ mbə bɔŋgɔb.

Rm 4:21

Wɨ̀ nyaʼa kàŋ ben ɨŋga i fîŋ ni Ŋwiə̀ we tɨ̀ wɨ̀ ghɨ̀ ənû ze nɨ wɨ̀ nyaʼa kaʼi.

Rm 8:38

Mə kàŋ kyerɨ ni ka àbei ɨvɨ, kɨ̀ ɨ̀tènɨ̀, kɨ̀ mbɨ̀aŋgɨrə̀, kɨ̀ ɨzwî mbe nɨ yeʼ əton ɨkaŋ, kɨ̀ ɨghɨ mbe nɨ yeʼ rɨ̀nîn, kɨ̀ mbe nɨ bɨrɨ yeʼe,

2 Kɔrèn 6:6

Tɨ̀ wɨə chwiə ni tɨ yɨə bə̂d nɨ zeŋɨ. Tɨ̀ wɨə chwiə ni tɨə kyerɨ ənû. Tɨ̀ wɨə yimə fîŋ. Tɨ̀ wɨə ghɨ̀ ɨ̀chɔ̀m. Əzwî ə Zeŋɨ ə zɨ ɨŋga na. Tɨ̀ wɨə ghaʼə bə̂d ənɨ ta fîŋ rɨ̀jìm.

1 Timotì 1:5

Əton nɨ mə gha ənû zɔ̂ ɨ ne yɨ ni bə̂d Kristo berɨ ghaʼ əwən mbənə mbənə. Ɨghaʼi we berɨ jwɨ rɨŋga fîŋ nɨ zeŋɨ, rɨŋga fîŋ nɨ chəi ɨnû rɨbɔ̀ŋ ɨŋga bə̀ fɔrɨ rɨŋga ɨbenɨ we nɨ yeʼ wɨ rəsìʼ.

1 Timotì 4:6

À mɨ ghà ɨnû mbɔ̂ nɨ mə gha ɨ ne əmbɨ ə bə̂d Kristo bə̀ beenɨ əbɔʼ mɨŋgam mbe nɨə ghɨ̀ ni ɨbenɨ kaanə bə̀ beenɨ əbɔʼ rəsìʼ we nɨ à nyaʼa fə zu, njɨ à bɨrɨ kaŋ yeʼ wə̀d ə̀fàʼì Kristo Yeso chɔ̀m.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

2 Timotì 3:15

À nyaʼa fə kyerɨ ɨŋgam Ŋwiə̀ tɨ ənɨ à nyaʼə wan kwa. Ɨŋgam we fə kəərɨ əwe ɨmbə̀ʼ à berɨ ɨwe jwɨ rəŋgəʼ ɨchî nɨ à nuŋ fîŋ ɨgun ə Kristo Yeso.

Mə̀Hibrù 11:13

Mɨ̀mə̌d mbɔ̂ mɨjìm nyaʼa nùŋ ɨbenɨ ɨgun ə Ŋwiə̀ pè ənɨ mbɨ nyaʼa kwɨ. Mbɨ nyaʼa kwɨ nɨ chəi mbɨ nyaʼa kɨrɨ berɨ ɨghɨ mbe nɨ Ŋwìə̀ nyaʼa kaʼ əmbɨ mɨ̀mə̌d. Mbɨ nyaʼa zə ɨghɨ mbe nɨ Ŋwìə̀ nyaʼa kaʼi rɨ əsa əgha, əne mbɨ nyaʼa ghaʼ kwàʼ rɨŋgəʼ. Mbɨ nyaʼa zə əne, kyerɨ ni mbə yɨə bə̂d rɨ̀sɔ̀ʼɔ̀ nɨə che ə che ɨŋga ɨsɨg wɔ̂.

Mə̀Hibrù 6:9

Bɔŋgɔb nɨ tɨ̀ ghaʼi kwàʼ rɨŋgəʼ, ka tɨ̀ yeʼə ghà a əne, tɨ̀ kàŋ kyerɨ ənɨ rəsìʼ ɨmbə̀ʼ əwən ni mbə berɨ ɨghɨ nɨ bɔŋɨ chè, nɨ yeʼ ɨghɨ mbe nɨ bɨrɨ ghɨ mbə̀ jwɨ rəŋgəʼ.

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.