2 Timotì 1:4 - Meta’

⁴ Mə wɨə kɔndɨ mɨsɨ mbe nɨ à nyaʼa chweŋɨ, əne mə wɨə kàŋə̀ kəb ni njɨ mə wɨrɨ zə əwe, ɨmbə̀ʼ ɨghaʼi swi ɨŋga mɨ fîŋ.

Ikan feg

⁴ Mə ya mə̀ kɔ̀ndi icheg ne àghò we dèghè, mə̀ ya se kə̀bə̀ ni ywìri bàd awe ni ghì gha mə̀ ywiri taŋ gyèndi.

2 Timotì 1:4 Marejeleo ya Msalaba

Jn 16:22

Mbə mbɨə kə̀nə̀ tɨ̀nîn, àyɨə mə bɨrɨ wɨrɨ zə əwən. Ənɨ mə̀ wɨrɨ zə əwən, ɨghaʼi bɨrɨ swi ɨŋga tə fîŋ. Chəi wə̀d mɔʼɔ əŋgu nɨ bɨrɨ nɔ̀ chɨ̀ ɨghaʼi we rɨŋga tə fîŋ.

Jn 16:24

Ɨ pè rɨ̀nîn, chəi mbə̀ kɨrɨ biirɨ ənû ə mɔʼɔ tɨ əmbɨ mɨ Mbǎʼ ənɨ mɨ ɨkum. Mbə̀ biirɨ, wɨ̀ bɨrɨ naʼ ɨ nən, ɨmbə̀ʼ ɨghaʼi swi ɨŋga tə fîŋ.”

Ɨ̀fàʼì 20:19

Mə nyaʼa kàŋ swi ɨnyod, fàʼ əmbɨ Ə̀nùŋɨ̀sɨg mbɨ mɨsɨ əghə, ka à bè yeʼi ni mə wɨə nyaʼə zə ŋgəʼ ɨchî nɨ mɨ̀Jû mɔʼɔ nyaʼa taŋ mɨnaŋ ɨmbə̀ʼ zwiirɨ əmɨ.

Ɨ̀fàʼì 20:31

Əne mbə̀ we əwən kɔndɨə ni ənɨ ɨghəm ɨwu ɨtad, chəi mə nyaʼa waʼ nɨ patɨ wə̀d mɔʼ mɔʼ rəbɔʼ nən ɨzimɨ mbɨ əziə mbɨ mɨsɨ əghə.

Rm 1:11

Mə wɨə kàŋə̀ kə̀b zə əwən, ɨmbə̀ʼ mə ghɨ̀ Əzwî ə naʼ ɨneʼe ɨ nən. Ɨneʼe we bɨrɨ ghɨ ni mbə̀ kaanə.

Fìlipì 1:8

Ŋwìə̀ ə kyerɨ ni mə ghaʼ əwən fɔrɨ ni mə wɨə bə̀ kàŋ kəb zə mbə̀n mɨjìm. Mə wɨə ghɨ əne àmei ɨchî nɨ Kristo Yeso ziə ghaʼ əwən.

Fìlipì 2:26

Ɨ wɨə kə̀bə̀ ni njɨ tə zə əwən mbə̀n mɨjìm. Fîŋ zɨə tɔb əməd ɨmbə̀ʼ ɨchî nɨ mbə̀ nyaʼa zu ni wɨ̀ nyaʼa wɔ̀n.

1 Tèsàlonikà 2:17

Mba bɔŋgɔb, ənɨ tɨ̀ nyaʼa berɨ saŋ əwən ənɨ ɨkə nyùmə̀, tɨ̀ nyaʼa kywɨ ənywɨ kàŋ kə̀b kwàʼ rɨka nɨ yeʼe əsɨ nən ɨmbə̀ʼ wɨrɨ zə əwən. Chə nyaʼa i əwa mbɨ nən, àyɨə tɨ̀ wɨə nyaʼə kɔndɨ əwən ɨghəm jìm.

2 Timotì 4:21

Kywɨ ənywɨ yeʼe bɔŋ ə nyùmə̀ we nɨ ɨfə ə kɔ əku sɨə kùʼə̀. Eubulùs bə̀ chàʼrɨ̀ əwe. Pudèns mbɨ Lainùs mbɨ Klaudià mbɨ ə bə̂d Kristo mɨ̀jìm chàʼrɨ̀ əwe.

2 Timotì 4:9

Kywɨ ənywɨ zambɨ yeʼe əsɨ num,

1 Jɔn 1:4

Tɨ̀ wɨə ŋwàʼnɨ̀ ɨnû mbɔ̂ ɨ nən ɨmbə̀ʼ ɨghaʼi swi ɨŋga ta fîŋ.

Ɨnû 21:4

Wɨ̀ bɨrɨ fu mɨsɨ jìm tɨ ənɨ əghə mɨ̀mə̌d. Chəi bə̂d bɨrɨ wɨrɨ kwɨ. Chəi bə̂d bɨrɨ wɨrɨ dì kɨ̀ chweŋ mɨsɨ kɨ̀ zu bè rɨbuʼ, ɨmbə̀ʼ ɨghəm nɨ ɨnû mbe nɨ nyaʼa bè əŋgu fə chè i.”

Ɨnû 7:17

ɨmbə̀ʼ ɨghəm nɨ Wan njɨ̀g we nɨ təm ɨŋga mɨgharə̀ ətən ɨfɔ̀n ze bɨrɨ nəŋgɨ mɨ̀mə̌d ɨghabɨ ənə̂ŋgɨ̀-njɨ̀g; wɨ̀ bɨrɨ kə̀ŋ mɨ̀mə̌d wò ənɨ mɨ̀jwɨ̀-əmboŋ mɨnib nɨə nàʼ ɨ̀tènɨ̀. Ŋwìə̀ bɨrɨ fu mɨsɨ jìm tɨ ənɨ əghə mɨ̀mə̌d.”