2 Timotì 1:13 - Meta’

¹³ Yim ɨŋgam rəsìʼ we nɨ mə̀ gha ɨ ne ɨghabɨ ənweenɨ nɨ à bɨrɨ beenɨ əbɔʼ. Yim ɨbenɨ we nɨ à berɨ bə̀ ghaʼ bə̂d. Ghɨ əne ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

Ikan feg

¹³ Àghò nyimi inug mbe ne àghò zùghi inum icheg aməgrì ni ya chwìte inug chɔm abə bəd. Àghò chwiti inug mbo̰ abə bəd bə̀ bèrì ibḛfiŋ igun Ŋwiye bə̀ ya kɔ̀ŋɔ̀ bəd icheg tì yaʼi ane ifɔti tì Yeso Kristo.

2 Timotì 1:13 Marejeleo ya Msalaba

Rm 2:20

À wɨə ghàə̀ ni tə wɨə kəərɨ ɨneŋ. À wɨə bə̀ ghàə̀ ni tə wɨə chwi ɨnû əmbɨ ə bɔn kwa. À wɨə ghà əne ɨmbə̀ʼ ɨchî nɨ à kyerɨ ni ɨwe jìm mbɨ rəsìʼ jìm wɨ ɨŋga rɨkə.

Rm 6:17

Àyɨə mə wɨə nàʼə̀ məben-əwe əmbɨ ə Ŋwiə̀ ni mbə̀n mbe nɨ nyaʼa kweʼ ben ɨ̀bòʼò əmbɨ ɨnû rɨbɔ̀ŋ, fə bèŋ tə fîŋ rɨjìm sɨə zuunɨ ɨnû mbe nɨ Ŋwìə̀ ə chwi ɨ nən.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Fìlipì 4:9

Mbə̀ ghɨ ɨnû mbe nɨ mə̀ nyaʼa chwi ɨ nən mbə benɨ. Mbə̀ ghɨ̀ mbe nɨ mbə nyaʼa zu rɨ num bə̀ zə ənɨ mɨə ghɨ̀ə̀. Əne Ŋwìə̀ nɨə nàʼ əbɔrəbɔd bɨrɨ chubɨ mbɨ nən.

Kòlosè 1:4

Tɨ̀ wɨə nàʼ ɨmbə̀ʼ ɨghəm nɨ tɨ̀ fə zu ɨchî nɨ mbə̀ nuŋ fîŋ ɨgun ə Kristo Yeso bə̀ zu ɨchî nɨ mbə̀ə ghaʼə bə̂d Ŋwiə̀ mɨ̀jìm.

1 Tèsàlonikà 5:21

àyɨə mbə̀ zweʼrɨ mɨkə̂n mbe jìm, yim mbe nɨ bɔŋɨ,

1 Timotì 1:10

ɨmbə̀ʼ mbe nɨə ghɨ̀ ɨfabrɨ-ɨnû, ɨmbə̀ʼ mbaŋə̀ te nɨə niə mbaŋə̀ rɨ cherə, ɨmbə̀ʼ mbe nɨə gywɨ̀ə̀ bə̂d wo fèndɨ̀ə̀, ɨmbə̀ʼ mbe nɨə ghà mɨghab, ɨmbə̀ʼ mbe nɨə nɔ gû àyɨə ɨ mbɨə kɨrɨ ghà mɨghab. Wɨ̀ nyaʼa bə̀ nàʼ ɨmbə̀ʼ mbe nɨə ghɨ̀ ɨnû cherə mbe nɨ chəi mbɨ kuʼnɨ mbɨ mbe nɨ bə̂d Ŋwiə̀ ə chwiə.

1 Timotì 1:14

À Ə̀nùŋɨ̀sɨg nyaʼa ghɨ̀ ɨ̀chɔ̀m ənɨ ə num wɨ swi sɨə gwèə̀. Wɨ̀ nyaʼa bə̀ nàʼ ɨbenɨ ɨ num bə̀ ghɨ̀ ni ɨghaʼi swi ɨŋga mɨ fîŋ ɨchî nɨ mə̀ yeʼ ənɨ ɨfɔtɨ mbɨ Kristo Yeso.

1 Timotì 6:3

Wə̀d mɔʼɔ mɨ yeʼə chwi ɨnû nɨ kwepɨ rɨ ənɨ mbɔ̂, nɨ chəi wɨ̀ ben ɨŋgam rəsìʼ we nɨ a Ə̀nùŋɨ̀sɨg Yeso Kristo ghǎ, nɨ chəi wɨ̀ bə̀ ben ɨnû mbe nɨ tɨə chwi ɨmbə̀ʼ ɨchî nɨ tɨ̀ bə̂d Kristo chubɨ,

2 Timotì 1:1

À yɨə mɔ̌ Pɔ̂l, nɨ mə yeʼ wə̀d tom Kristo Yeso ɨchî nɨ Ŋwìə̀ nyaʼa kəbɨ, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tom əmɨ ni mə̀ gha ɨmbə̀ʼ ɨ̀tènɨ̀ we nɨ wɨ̀ nyaʼa kaʼi ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

2 Timotì 1:14

Nəŋgɨ rəsìʼ we nɨ Əzwî ə Zeŋɨ ze nɨ yeʼ ɨŋga na ə zɨ ɨŋga te rɨkyerɨ-ɨbɔ.

2 Timotì 2:2

Nɨŋ ɨnû mbe nɨ à nyaʼa zu ənɨ mə̀ nyaʼə gha ɨfě mɨ̀zərɨmbin nɔnɔʼ, əne zɨ̀ ɨŋga rɨkyerɨ-ɨbɔ bə̂d mbe nɨ tɨ̀ wə̀d zɨ fîŋ ɨgwɨ mɨ̀mə̌d, ɨmbə̀ʼ mbɨ bə̀ chwi əmbɨ ə bə̂d cherə.

2 Timotì 3:14

Àyɨə à yeʼ ɨmbə̀ʼ əwe, àwɔ̀ Timotì, chè ɨmbì ghɨ̀ ɨnû mbe nɨ à nyaʼa fə kwembɨ bə̀ ben ənɨ e fîŋ jìm, ɨmbə̀ʼ ɨghəm nɨ à kyerɨ bə̂d mbe nɨ à kwembɨ ɨnû mbe rɨ əmbɨ mɨ̀mə̌d.

2 Timotì 4:3

Nyùmə̀ wɨə yeʼe nɨ chəi bə̂d bɨrɨ ghaʼ nɨ zu ɨŋgam rəsìʼ. Mbɨ bɨrɨ fetɨ məchwiə̀-ɨnû ɨban mɨ̀mə̌d nɨ bɨrɨ gha ɨnû mbe nɨ ɨ̀tǒŋ mɨ̀mə̌d ə zòə̀ nɨ zu.

Tayitùs 1:9

Wɨ̀ berɨ yim ɨŋgam Ŋwiə̀ we nɨ mbɨ chwi ɨ bɔ, ɨmbə̀ʼ məd ziə we tɨ̀ wɨ̀ chwi rəsìʼ ɨmbə̀ʼ ənû ə Ŋwiə̀ ɨchî nɨ kuʼnɨ, fɔrɨ ni məd we tɨ̀ wɨ̀ bə̀ chwi əmbɨ ə bə̂d mbe nɨə taŋ ɨnû ə Ŋwiə̀ ni ɨnû mbe nɨ mbɨə tàŋə̀ yɨ ɨnû rəsìʼ.

Tayitùs 2:1

À yeʼ ɨmbə̀ʼ əwe, àwɔ̀ Taitùs, chwi àmei ɨnû mbe nɨ yeʼ mbɨ rəsìʼ bə̀ yeʼ mbe nɨ kuʼnɨ.

Tayitùs 2:8

Gha àmei ɨŋgam nɨ kuʼnɨ nɨ chəi ənɨ tɨ̀ wə̀d zə ənû rɨbɔ̀ŋ ɨŋga. À mɨ ghɨ̀ əne, tɨ̀nìd ətu bɨrɨ yim mbe bə̂d pə̀n, ɨmbə̀ʼ ɨghəm nɨ chəi mbɨ zə ənû rɨbɔ̀ŋ nɨ tɨ̀ mbɨ gha ɨmbə̀ʼ əwa.

Mə̀Hibrù 10:23

Tɨ̀ jeŋgɨ yim ɨnû mbe nɨ tɨ̀ benɨ bə̀ nùŋ ɨkɔndɨ wòm, ɨmbə̀ʼ ɨghəm nɨ Ŋwìə̀ bɨrɨ ghɨ ɨnû mbe nɨ wɨ̀ kaʼi.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Mə̀Hibrù 4:14

Tɨ̀ berɨ ətu ɨgwɨ ə bə̂d mbàn Ŋwìə̀ nɨ dabə. Məd yɨə Yeso Wan Ŋwìə̀ we nɨ nyaʼa wò ɨkaŋ. Əne tɨ̀ yim ənû ze nɨ tɨ̀ benɨ zɨə kaanə.

Jûd 1:3

Mbɨ bɔŋgɔb nɨ mə̀ ghaʼi kwàʼ rɨŋgəʼ, mə wɨə nyaʼə kàŋə̀ kə̀b nɨ ŋwaʼnɨ ɨ nən ɨmbə̀ʼ ɨchî nɨ mba mɨjìm fɔtɨ jwɨ̀ rəŋgəʼ, àyɨə mə nyaʼa zə ni zɨə bɔ̀ŋ ni mə̀ ŋwaʼnɨ tìmbɨ̀ əwən ni mbə̀ zɔŋə wò ɨmbì ɨmbə̀ʼ ɨbenɨ we nɨ Ŋwìə̀ nyaʼa fə zɨ ɨŋga rɨkyerɨ-ɨbɔ mbi bə̂d fən ɨghəm mɔʼ.

Ɨnû 2:25

Ɨkom we nɨ mə̀ bɨrɨ zɨ ɨgwɨ nən mei ni mbə̀ nuŋ fîŋ ɨgwɨ num pè ənɨ mə̀ bɨrɨ wɨrɨ yeʼe.

Ɨnû 3:11

Mə bɨrɨ zambɨ yeʼe. Àwɔ̀ nuŋ fîŋ ɨgwɨ num, ɨmbə̀ʼ tɨ wə̀d mɔʼɔ fe i ɨneʼe we nɨ à berɨ.

Ɨnû 3:3

Əne kɔndɨ ɨnû mbe nɨ mbɨ nyaʼa chwiə ɨ ne à zu. Beŋ e fîŋ, nùŋ ɨnû mbe. À mɨ ton nɔʼ e rɨ əŋgwenɨ, mə bɨrɨ yeʼe ɨghabɨ ɨjɨ. Chəi à bɨrɨ kyerɨ ə nyùmə̀ we nɨ mə̀ bɨrɨ yeʼe.