2 Tès 3:4 - Meta’

⁴ Ə̀nùŋɨ̀sɨg ə fə ghɨ̀ ni tɨ̀ nuŋ ta fîŋ ɨgwɨ nən ɨchî nɨ mbə̀ə ghɨ̀ə̀ bə̀ kɨrɨ wò ɨmbì ghɨ̀ ɨnû mbe nɨ tɨ̀ gha ɨ nən.

Ikan feg

⁴ Anɔŋisəg fə ghì tì kyèri kwàʼ tesiʼ gha, mbə̰ mbe ghìyə̀ inug ne tì ya kə awən. Tè bə̀ kyèri kwàʼ tesiʼ gha mbə̰ biri chè imbìghè ni taŋ ghì inug mbe.

2 Tès 3:4 Marejeleo ya Msalaba

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Rm 15:14

Mbɨ bɔŋgɔb, mə kàŋ kyerɨ ɨmbə̀ʼ əwən ni ɨ̀chɔ̀m ə swi ɨŋga tə fîŋ, ni mbə kyerɨ ɨnû jìm mbɨ ni mbə mbe tɨ̀ mbə kəərɨ mbə bɔŋgɔb.

Rm 15:18

Chəi mə̀ bɨrɨ tɔ gha ənû ə mɔʼɔ, kɨrɨ ənɨ mə̀ gha àmei əze nɨ Kristo che ənjìm num bɔŋ ghɨ̀. Wɨ̀ nyaʼa ghɨ̀ ni bə̂d mbe nɨ kaʼi mɨ̀Jû zuunɨ ə Ŋwiə̀ ənjìm ɨnû mbe nɨ mɨə ghàə̀, ənjìm ɨnû mbe nɨ mɨə ghɨ̀ə̀,

Rm 2:7

Wɨ̀ bɨrɨ naʼ ɨ̀tènɨ̀ rɨ mì əmbɨ ə bə̂d mbe nɨə yimə fîŋ ghɨ̀ ɨ̀chɔ̀m, nɨə kə̀b ɨzeŋɨ zeŋɨ mbɨ ɨwumnɨ fɔrɨ ənû nɨ chəi bə̂d bɨrɨ nɔ kwɨ.

1 Kɔrèn 14:37

Wə̀d mɔʼɔ mɨ kɔndɨ ni tə yɨə wə̀d ɨ̀kə̀n, kɨ̀ ni mɨneʼe mbe nɨ Əzwî ə Zeŋɨ ə nàʼ ɨ mbɨ ɨŋga məd, wɨ̀ kyerɨ ni ənû zɔ̂ nɨ mɨə ŋwàʼnɨ̀ ɨ nən yɨ ɨkə Ə̀nùŋɨ̀sɨg.

1 Kɔrèn 7:19

Mbɨ mɨ fə nè wə̀d kɨ̀ chəi mbɨ kɨrɨ ne əməd, ka əze yɨ i ənû ə mɔʼɔ. Ənû nɨ kuʼnɨ yɨ ni mbɨ nuŋ tɨkə rɨ Ŋwiə̀.

2 Kɔrèn 2:3

Mə nyaʼa ŋwaʼnɨ ə̀ŋwàʼnɨ̀ ze ɨchî nɨ mə̀ nyaʼa ŋwaʼnɨ, ɨmbə̀ʼ mə mɨ yeʼe, tɨ bə̂d mbe nɨ kəʼ berɨ ghɨ ni ɨghaʼi swi ɨŋga mɨ fîŋ wɨrɨ bèŋ ə tɔɔnɨ mɨ fîŋ. Mə kyerɨ rəsìʼ ɨmbə̀ʼ mbə̀n mɨjìm ni ɨghaʼi mɨ swi ɨŋga mɨ fîŋ, wɨ bɨrɨ bɨ swi ɨŋga tən.

2 Kɔrèn 2:9

Mə nyaʼa ŋwaʼnɨ ə̀ŋwàʼnɨ̀ ze ɨmbə̀ʼ zweʼrɨ əwən ɨ zə ni mbə mbɨə zuunɨ əmɨ ənɨ ɨnû jìm ə.

2 Kɔrèn 8:22

Əne tɨ̀ wɨə bə̀ chà wa aŋgɔb mbɨ mɨ̀mə̌d. Aŋgɔb wɔ̂ yɨ we nɨ tɨ̀ fə zweʼrɨ əməd ɨghəm nɔnɔʼ zə ni wɨə kaŋ ghaʼ ənû nɨ weerɨ ənɨ ɨnû nɔnɔʼ. Wɨ̀ ghaʼ ənû nɨ wèèrɨ̀ tɨ̀nîn chè ɨchî nɨ wɨ̀ nyaʼə bèə̀ ghɨ̀ə̀. Ɨ wɨə ghɨ̀ əne ɨmbə̀ʼ ɨghəm nɨ wɨ̀ fə nuŋ i fîŋ ɨgwɨ nən.

Gàlesìyà 5:10

Mə wɨə nùŋ mɨ fîŋ ɨgwɨ nən ɨchî nɨ tɨ̀ yeʼ ənɨ ɨfɔtɨ mbɨ Ə̀nùŋɨ̀sɨg ni chəi mbə̀ bɨrɨ nɨŋ ɨkɔndɨ cherə chè rɨ ənɨ we nɨ mə̀ naʼ ɨ nən. Ŋwìə̀ bɨrɨ saʼ wə̀d we nɨə chə əwən, kɨ̀ à kɨə we njiʼ.

Fìlipì 1:6

Mə kàŋ kyerɨ ni Ŋwìə̀ we nɨ nyaʼa kɔ ə̀fàʼì ə chɔ̀m zɔ̂ ɨŋga nən bɨrɨ chè ɨmbì mbɨ əzɨ əwən pè əni ze nɨ Kristo Yeso bɨrɨ wɨrɨ yeʼe.

Fìlipì 2:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.

1 Tèsàlonikà 4:10

À yɨ rəsìʼ ni mbə kàŋ ghaʼ mbə bɔŋgɔb mɨ̀jìm mbe nɨ yeʼ ɨŋga ɨsɨ jìm mbe rɨ ə Màsèdonià. Àyɨə tɨ̀ wɨə buʼ ɨbɔ ɨ nən, kyɨə bɔŋgɔb, ni mbə̀ wo ɨmbì ghɨ əne tɨ̀nîn chè ɨchî nɨ mbə̀ nyaʼə bèə̀ ghɨ̀ə̀.

2 Tès 3:12

Tɨ̀ wɨə ghà əmbɨ tɨkwɨrɨ bə̂d tɔ̂ bə̀ kəərɨə mɨ̀mə̌d ənɨ ɨkum Ə̀nùŋɨ̀sɨg Yeso Kristo ni mbɨ nyeʼ chubɨ fàʼ mbə ɨ̀fàʼì bə̀ berɨ əghɨ nɨ ni ə ɨnyod əŋgu.

2 Tès 3:6

Mba bɔŋgɔb, tɨ̀ wɨə ghà ɨ nən ənɨ ɨkum Ə̀nùŋɨ̀sɨg Yeso Kristo ni tɨ mbə̀ jɨgnɨ ə mbɨ ə bə̂d Kristo mbe nɨə ghɨ̀ ɨgwed, nɨ chəi mbɨə beenɨ əbɔʼ rɨkə te nɨ tɨ̀ nyaʼa naʼ ɨ nən.

Filemɔ̀n 1:21

Mə kàŋ kyerɨ ənɨ rəsìʼ ni à bɨrɨ ghɨ ɨnû mbe nɨ mə gha ɨ ne. Mə wɨə ŋwaʼnɨ ɨ ne ni à kyerɨ ni à bɨrɨ ghɨ ɨnû mbe chè ɨchî nɨ mə̀ nyaʼa ghɨ ɨ ne.