2 Jɔn 1:6 - Meta’

⁶ Ɨghaʼi wɔ̂ nɨ mɨə ghà ɨmbə̀ʼ wɨwən yɨ ni tɨ̀ nuŋ tɨkə rɨ Ŋwìə̀. Ɨkə wɔ̂, ɨchî nɨ mbə̀ nyaʼa zu rɨ ənɨ mbə̀ nyaʼa ben ə Kristo yɨ ni mbə̀ ghaʼ mbə bɔŋgɔb.

Ikan feg

⁶ Àkɔ̀ŋì azo̰ ne mə ghà ya gha: tì zugri tikə Ŋwiye. Ikə məd ya ni chughi ane àkɔ̀ŋì icheg ne mbə̀ ya fə zughi kwàʼ anyumə̀ ne mbə̰ ya bḛ Kristo.

2 Jɔn 1:6 Marejeleo ya Msalaba

Jn 14:15

Yeso nyaʼa bə̀ yi ghà əmbɨ mbi mə̀mə̀ə̀nɨ̀-ɨnû ni, “Mbə mɨ ghaʼ əmɨ, mbə bɨrɨ nuŋ tum rɨkə.

Jn 14:21

“Wə̀d we nɨ ghaʼ əmɨ yɨ we nɨə zuə tum rɨkə bə̀ nùŋə̀. Mɨ Mbǎʼ bɨrɨ ghaʼ wə̀d we nɨə ghaʼə əmɨ, mə bɨrɨ bɨ ghaʼ əməd bə̀ chwi mɨ ɨnyod ɨ bɔ.”

Jn 14:23

Yeso nyaʼa wììrɨ̀ ɨ bɔ ni, “Wə̀d mɔʼɔ mɨ ghaʼ əmɨ, wɨ̀ bɨrɨ zu mɨ ɨŋgam bə̀ nùŋ. Mɨ Mbǎʼ bɨrɨ ghaʼ əməd, əne mɔ̌ mbɨ mɨ Mbǎʼ bɨrɨ wo əsɨ məd pè chubɨ mbɨ məd.

Jn 15:10

Mbə mɨ nùŋ tum rɨkə, mə bɨrɨ ghaʼ əwən, ɨchî nɨ mə̀ fə bə nùŋ tɨkə tɨ mɨ Mbǎʼ, əne məd ə bə̀ ghaʼ əmɨ.

Jn 15:14

Mbə yɨ mbɨ mɨ̀sə̀ʼ ənɨ mbə̀ ghɨ ənû ze nɨ mə gha ɨ nən.

1 Jɔn 2:24

Ɨnû mbe nɨ mbə̀ nyaʼa zu tɨ ənɨ mbə̀ nyaʼa ben ə Kristo, mbə̀ nuŋ ɨŋga tə fîŋ. Mbə mɨ nùŋ ɨnû mbe, mbə bɨrɨ yeʼ ənɨ ɨfɔtɨ mbɨ ə Wan fɔrɨ mbɨ ə Mbǎʼ.

1 Jɔn 2:5

Wə̀d mɔʼɔ mɨ yeʼə ghɨ̀ ɨnû mbe nɨ yeʼ ɨŋga ɨŋgam məd, əne yɨ ni ɨghaʼi ɨgwɨ ə Ŋwiə̀ ə kàŋ swi ɨŋga fîŋ məd. Wɔ̂ yɨ ɨnə̂njɨ̀ nɨ kyerɨ ni tɨ̀ wɨ ənɨ ɨfɔtɨ mbɨ məd.

1 Jɔn 2:7

Mbɨ bɔŋgɔb nɨ mə̀ ghaʼi kwàʼ rɨŋgəʼ, ka ɨkə wɔ̂ nɨ mɨə ŋwàʼnɨ̀ ɨ nən yɨ i ɨkə fi. À yɨ ɨkə ənun nɨ mbə nyaʼa kyerɨ tɨ ənɨ mbə̀ nyaʼa ben ə Kristo. Ɨkə ənun we yɨ ɨŋgam we nɨ mbə̀ nyaʼa fə be zu.

1 Jɔn 5:15

Ɨchî nɨ tɨ̀ kyerɨ ni məd wɨə zu əwa ənɨ tɨə biirɨə ɨnû rɨ bɔ, əne tɨ̀ bə̀ kyerɨ ni wɨ̀ bɨrɨ naʼ ɨghɨ mbe nɨ tɨə biirɨə.

1 Jɔn 5:3

Ɨ ghaʼ ə Ŋwìə̀ ə chwiə ni tɨ̀ berɨ nuŋ tɨkə rɨ məd. Chəi tɨkə te jeŋgɨ se ɨ na nɨ nuŋ,

2 Jɔn 1:5

Tɨ̀nîn mə wɨə buʼ ɨbɔ ɨ ne, kyɨ àwɔ̀ Əyi Kyeŋ, ni kaʼ ɨkə wɔ̂ nɨ mɨə ŋwàʼnɨ̀ ɨ ne yɨ i ɨkə fi. À yɨ ɨkə nɨ tɨ̀ nyaʼa fə kyerɨ tɨ ənɨ tɨ̀ nyaʼa ben ə Kristo. Ɨkə rəŋgu yɨ ni tɨ̀ ghaʼ əwa mbǎ mbǎ.