2 Kɔrèn 6:3 - Meta’

³ Chəi tɨə kən ɨnə̂njɨ̀ əmbɨ wə̀d mɔʼɔ, ɨmbə̀ʼ tɨ mbɨ gha ə ənû rɨbɔ̀ŋ ɨmbə̀ʼ ə̀fàʼì ze nɨ tɨə fàʼə̀.

Ikan feg

³ Chəyi te kə̰ inɔnjì abə wə̀d, ni gha imbə̀ʼ wə̀d mɔ̀ʼɔ nɔ̀ʼ ghàm anug tibɔ̀ŋ imbə̀ʼ àfàʼì ze ne te fàʼà.

2 Kɔrèn 6:3 Marejeleo ya Msalaba

Matìyò 17:27

Àyɨə ɨmbə̀ʼ tɨ fîŋ bə̂d mbɔ̂ bə i, ndə̀ wò màʼ saʼ ɨŋga ə sà. Ɨgwi rɨtu we nɨ à gywɨ̌, fiʼ ɨchû ɨməd, à bɨrɨ zə ɨkab ətənɨ ɨŋga. Chɨ ɨkab we wò nàʼ əmbɨ mɨ̀mə̌d ənɨ e ɨghəm bə̀ fɔrɨ ənɨ wum.”

Matìyò 18:6

“Wə̀d mɔʼɔ rəbɔʼ nən mɨ ghɨ̀ ni wan kwa mɔʼɔ rəbɔʼ mbɔ̂ nɨ ben əmɨ ghɨ ənû rɨbɔ̀ŋ, njɨ zɨə bɨrɨ bɔ̀ŋ ni mbɨ tiŋ ɨti ŋgə̀ŋ kyeŋ ədɔʼ ɨ bɔ wò màʼ ɨŋga rɨ̀bàà we nɨ jeŋgɨ sà ɨŋga.

Ɨ̀fàʼì 19:27

Ənû nɨ tɨ̀ berɨ nɨ bɔ yɨ ni ə̀fàʼì zɔ̂ ɨ na ə bɨrɨ berɨ ɨkum rɨbɔ̀ŋ, mbàn ŋwìə̀-əyi Atemìs, wɨ kyeŋ, bə̀ chè ətu ə̀kǒ. Ɨ mbe tɨ mbɨ swi əməd tɨ ənɨ ɨkyěŋ məd. Məd yɨ ŋwìə̀-əyi we nɨ bə̂d mɨ̀jìm mbe rɨ ə Esià mbɨ mbe rɨŋga ɨsɨg jìm ə wumnɨə.”

Rm 14:13

Tɨ tɨrə̀ bə̀ saʼ a mba bɔŋgɔb, àyɨə tɨ̀ nuŋ ɨŋga ta fîŋ ni chəi tɨ̀ bɨrɨ nuŋ əghɨ nɨ tɨ̀ wə̀d tɨgrɨ ɨgun, kɨ̀ əghɨ nɨ tɨ̀ zɨə kən ɨnə̂njɨ̀ əmbɨ wa aŋgɔb.

1 Kɔrèn 9:12

Bə̂d mɔʼɔ mɨ berɨ ɨka nɨ biirɨ ɨghɨ mbɔ̂ rɨ nən, njɨ chəi tɨ̀ berɨ ɨka chè mɨ̀mə̌d ə? Àyɨə chəi tɨ̀ nɨŋ ɨka we. Tɨ̀ fə nyiʼ ɨnû jìm ɨmbə̀ʼ tɨ rɨ̀ kən a ɨkə̂n chɔ̀m we nɨ tɨə ghà ɨmbə̀ʼ ə Kristo.

1 Kɔrèn 9:22

Ənɨ mə̀ yeʼ əkaʼ bə̂d mbe nɨ bɔrɨ, mə bə̀ bɔd, ɨmbə̀ʼ mə̀ ghɨ ni bə̂d mbe nɨ bɔrɨ ben ə Kristo. Mə fə bèŋ ənɨ ɨghɨjìm əmbɨ ə bə̂d mɨ̀jìm, ɨmbə̀ʼ mə̀ che ənɨ tɨkwɨrɨ ɨnə̂njɨ̀ jìm chɨ̀ mbɨ mɔʼɔ rəŋgəʼ.

2 Kɔrèn 1:12

Tɨ̀nîn, ənû ze nɨ tɨə goŋ ɨgɔ̂ ɨgun yɨ ni, ta fîŋ ə zeŋ ni tɨ̀ wɨə ghɨ̀ ɨnû nɨ zeŋɨ mbɨ ni tɨ̀ wɨə bə̀ ghɨ̀ ɨnû mbe nɨ yeʼ mbɨ rəsìʼ ɨchî nɨ tɨ̀ yeʼ ɨŋga ɨsɨg, màànɨ̀ ɨchî nɨ tɨ̀ yeʼ əkaʼ nən. À yɨ ɨ̀chɔ̀m we nɨ Ŋwìə̀ nyaʼa ghɨ ənɨ ə num nyaʼa ghɨ ni mə̀ ghɨ əne, kaʼi ɨwe bə̂d mɨ̀sɔŋɨchù.

2 Kɔrèn 8:20

Tɨ̀ wɨə kə̀bə̀ ni tɨ wə̀d mɔʼɔ gha i ni chəi tɨ̀ jeŋgɨ yim ɨneʼe wɔ̂ nɨ tɨə wo nàʼ,