2 Kɔrèn 1:21 - Meta’

²¹ À yɨə Ŋwiə̀ ghɨ ni mbǎ mbɨ nən təm kàànɨ ɨchî nɨ tɨ̀ yeʼ ənɨ ɨfɔtɨ mbɨ Kristo. Wɨ̀ fə chɔʼ əwa ənɨ mbi bə̂d,

Ikan feg

²¹ À ya Ŋwiye ghi gha mba tì inən tè təm kà icheg ne tì yaʼi ane ifɔti tì Kristo. À ya məd zɔ̀ʼi awa,

2 Kɔrèn 1:21 Marejeleo ya Msalaba

Jn 3:34

Ɨŋgam we nɨ wə̀d we nɨ Ŋwìə̀ tom ə ghàə̀ yɨ rɨ əmbɨ ə Ŋwiə̀, ɨmbə̀ʼ ɨghəm nɨ Əzwî ə Ŋwìə̀ ə zɨ ɨgwɨ məd nɨ chəi ənɨ tɨ̀ mbɨ mɨ̀g.

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Rm 16:25

Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.

Rm 8:9

Àyɨə chəi mbə̀n ə ghɨ̀ ɨnû mbe nɨ nyamnyod ə feenɨə. Mbə mbɨə ghɨ̀ yeʼ mbe nɨ Əzwî ə ghà ɨ nən, əne yɨ əwù ze nɨ Əzwî ə Ŋwiə̀ ə kaŋ yeʼ ɨŋga nən. Ka wə̀d we nɨ chəi Əzwî ə Kristo ɨŋga məd yɨ i wə̀d Kristo.

1 Kɔrèn 1:8

Məd bɨrɨ ghɨ ni mbə̀ təm kàànɨ̀ wò pè ənɨ ɨnwǐ, ɨmbə̀ʼ tɨ wɨ̀ zə i ənû rɨbɔ̀ŋ ə mɔʼɔ ɨgwɨ nən əni ze nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe.

2 Kɔrèn 5:5

Ŋwiə̀ nyaʼa fə tekɨ əwa ni tɨ̀ bɨrɨ berɨ nyamnyod fi. Əne wɨ̀ fə nàʼ e Əzwî ɨ na. Əzwî ze yɨ əghɨ rəbɔʼ mbe nɨ wɨ̀ nyaʼa kaʼ ni tə bɨrɨ naʼ ɨ na.

Kòlosè 2:7

Mbə̀ sɔɔrɨ mbə ɨghaŋ mbɨ jeŋgɨ nyɨ ɨŋga məd, nùŋ ə ɨ̀tènɨ̀ àmei ɨgwɨ məd bə̀ ghɨ̀ ni ə ɨbenɨ kaanɨ ɨchî nɨ mbɨ nyaʼa chwi ɨ nən. Mbə̀ naʼ məben-əwe ɨ bɔ ɨghəm jìm ɨmbə̀ʼ ɨnû jìm mbe nɨ wɨə ghɨ̀ ənɨ ə nən.

1 Tèsàlonikà 3:13

Tɨ̀ wɨə kɔ̀ŋgɨ̀ə̀ ni wɨ̀ ghɨ tə fîŋ kaanɨ ɨmbə̀ʼ chəi ənɨ tɨ wə̀d mɔʼɔ zɨ ənû ɨgwɨ nən fɔrɨ ɨmbə̀ʼ mbə̀ chub ɨzeŋɨ zeŋɨ ɨfě Ŋwiə̀ a Mbǎʼ ənɨ a Ə̀nùŋɨ̀sɨg Yeso wɨrɨ yeʼe mbɨ mbi bə̂d.

2 Tès 2:17

Wɨ̀ nəərɨ əwən bə̀ nàʼ ɨka ɨ nən ni mbə̀ ghɨ ənû chɔ̀m jìm bə̀ ghà ɨŋgam chɔ̀m jìm.

2 Tès 2:8

À yɨ ənɨ ə nyùmə̀ we nɨ wə̀d we nɨə ton ə Ŋwiə̀ bə̀ tonə tɨkə rɨ məd bɨrɨ jwɨ̀ mbɨ zə. Ə̀nùŋɨ̀sɨg Yeso bɨrɨ zwiirɨ əməd ənɨ ɨfə we nɨə jwɨ̀ rɨŋga ɨchû məd, əne nimnɨ əməd ənɨ ɨzeŋɨ zeŋɨ we nɨ bɨrɨ te ənɨ ə nyùmə̀ we nɨ wɨ̀ wɨrɨ yeʼe.

2 Tès 3:3

Àyɨə Ə̀nùŋɨ̀sɨg Yeso wɨə ghɨ̀ ɨnû mbe nɨ wɨ̀ kaʼi. Wɨ̀ bɨrɨ ghɨ tə fîŋ kaanə bə̀ kən əwən rɨ əmbɨ Satàn Wə̀d Ɨnû Rɨbɔ̀ŋ.

Mə̀Hibrù 13:9

Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

1 Jɔn 2:20

À yeʼ ɨmbə̀ʼ əwən, Wə̀d Zeŋɨ fə zɔʼ əwən, əne mbə̀n mɨjìm fə kyerɨ rəsìʼ.

1 Jɔn 2:27

À yeʼ ɨmbə̀ʼ əwən, Əzwî ze nɨ Kristo nyaʼa cha ɨ nən ə fə ten i ɨŋga nən, əne chəi ənɨ tɨ̀ wə̀d mɔʼɔ wɨrɨ chwi ənû ɨ nən. Əzwî ə zɨə chwi ɨnû jìm ɨ nən. Ɨnû mbe nɨ zɨə chwiə yɨ ɨnû rəsìʼ, nɨ chəi mɨghab ɨŋga. Mbə̀ ghɨ ɨnû mbe əne chubɨ ənɨ ɨfɔtɨ mbɨ Kristo.

Ɨnû 1:6

Wɨ̀ nyaʼa ghɨ̀ əwa ənɨ mɨfɔ̂n bə̀ fɔrɨ ənɨ ə bə̂d mbàn ɨŋga ənû ɨfɔ̀n ə Ŋwiə̀. Wɨ̀ nyaʼa ghɨ̀ əne ɨmbə̀ʼ tɨ̀ fàʼ əmbɨ Ŋwiə̀ məd, nɨ bə̀ yeʼ Mbǎʼ məd. Tɨ̀ wumnɨ Yeso Kristo nɨ berɨ ɨka nɨ tumbɨ ɨsɨg koŋ koŋ! À yɨ əne.

Ɨnû 3:18

Əne mə wɨə kəərɨ əwe ni à zon ə gôl rɨ num, nɨ yeʼ ə gôl we nɨ mbɨ tɔn ɨŋga ɨwid chiʼ kwàʼ ɨchî chɔ̀m. À mɨ ghɨ̀ əne à bɨrɨ berɨ mbɔ̂n. Bə zon ngywɨ̌ rɨ̀fɨ zɨ̀, ɨmbə̀ʼ chɨ tɨ̀nìd ətu we nɨ bə̂d ə zəə ni à wɨ rɨ̀sɔ̀ʼ ɨkyerɨ. Zon ɨfuʼ əghə zɨ̀ ɨŋga e əghə ɨmbə̀ʼ à wɨrɨ zə ɨsɨ.